Aˇ dahˬ 45:5 - Akha

⁵ Naw maꞈ ngaˬ-ahˇ ahˬ dzaˬ-euˬ miˇ neh, noeˬ shaˬ-awˇ yawˬ haˇ yawˬ ha iˬ baˇ taˬ-eu maˬ loˬ-aˇ. Aˬ jeˬ miˇ neh ehˇ naˇ, tsawˇ haˬ zaˬ-ahˇ ka kʼoꞈ-eu gʼaˇ duˬ naw maꞈ-euˬ mehˬ hu ngaˬ-ahˇ heu gaˇ bi oe-euˬ gʼaˬ-aˬ, Miˬyehˇ meh.

Aˇ dahˬ 45:5 Referans Kwoze

Aˇ dahˬ 50:20

Naw maꞈ ngaˬ-ahˇ yaw haiˬ jeˬ mˇ nehˬ laꞈ-euˬ kʼawꞈ, Miˬyehˇ neh yaw muiˬ jeˬ paˇ bi pyeuꞈ doˆ laˇ-euˬ meh. Iˬ nah dehꞈ luꞈ jawˇ luꞈ-eu myaˬ dui dui-eu tsawˇ haˬ heu deuˬ maˬ ya shiˇ jiˇ ni, kʼoeˇ loꞈ-ehˇ bi pyeuꞈ laˇ-euˬ meh.

Yawˇbaˆ 1:21

Aˬ yawꞈ ehˇ-eu, “Ngaˇ ngaˬ ma-euˬ uˬ maˆ laꞈ kʼoeˇ dehꞈ doˆ le ngeh tiˬ jeˬ-iˬ maˬ yuˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ paˇ yuˇ gʼeh ma. Sahˬpaˬ Miˬyehˇ-aˬ, biꞈ-eu gʼaˬ pyeuꞈ-eu loꞈ-ehˇ, yuˇ kʼoꞈ-eu gʼaˬ kʼawꞈ pyeuꞈ luꞈ-uˇ. Aˬ yawꞈ-euˬ tsawˇ myahˇ-ahˇ ja ceuˬ-eu jeˬ oꞈ luꞈ-uˇ.”

Luˇkaꞈ 23:34

Yeˬsuˇ ehˇ-eu, “Aˬda-oˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ-ahˇ aˬ yawꞈ maꞈ maˬ siˬ nya-a.” Aˬ yawꞈ maꞈ shehˆ tsaˬ tsaˬ-awˇ, Yeˬsuˇ-euˬ mehˬ tsoeˬ biˇ geuꞈ-euˬ meh.

Aˇ dahˬ 47:25

Kʼoeˇ ngeh, miˇ kʼahˬ zaˬ deuˬ ehˇ-eu, “Nga maꞈ maˬ ya shiˇ jiˇ ni, nawˇ nga maꞈ-ahˇ ka kʼoꞈ nehˬ laꞈ-euˬ meh. Yaw huiˬ yaw mahˇ gʼaˬ-oˇ, nawˇ nga maꞈ-ahˇ gʼawˬ shaˬ gaˬ dui dui-awˇ, nga maꞈ-euˬ gʼaˇ duˬ muiˬ dui dui-eu jeˬ mˇ nehˬ laꞈ-euˬ meh. Nga maꞈ sahˬ paˬ-euˬ zaˬ kʼaˆ geuꞈ ma.”

2 Gawˇliˬtu 2:11

Nehꞈ Saˬdaˬ aˬ dui-ahˇ maˬ bi gʼaˬ laˇ ni ngaˇ kʼoeˇ loꞈ-ehˇ mˇ-eu ma. Aˬ jeˬ miˇ neh ehˇ naˇ, aˬ yawꞈ-euˬ bawˬ toˆ aˬ dui siˬ nya luꞈ ma.

2 Gawˇliˬtu 2:7

Ehˇ kʼawꞈ, aˬ yawꞈ aˇ dzehˬ dzeuˇ ni noeˬ shaˬ-awˇ maˬ ya cawˆ-iˇ ni, nymˬ-mˇ naw maꞈ aˬ yawꞈ-ahˇ iˬ baˇ pyehˬ nehˬ-awˇ gʼaˬ biꞈ nehˬ-eu tsaˬ tehꞈ-a.

2 Saˬmeuˬlaˆ 17:14

Aˬbaˇsaˬloˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Aˬhiˇtawˇpeˬlaˆ-euˬ nui noeˬ naˆ maˬ tseˇ, Huˇshaiˇ-euˬ nui noeˬ muiˬ dzehˬ meh lehˇ ehˇ-eu meh. Aˬhiˇtawˇpeˬlaˆ neh biꞈ-euˬ muiˬ-eu nui noeˬ nui duˇ-ahˇ aˬ yawꞈ maꞈ maˬ caw teh-ehˇ, Aˬbaˇsaˬloˬ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu gʼaˇ duˬ, Sahˬpaˬ Miˬyehˇ neh kʼoeˇ loꞈ-ehˇ jahˇ nehˬ-euˬ meh.

2 Saˬmeuˬlaˆ 12:12

Nawˇ ciˬ cuˇ ni iˬ baˇ mˇ kʼoeˬ-euˬ kʼawꞈ, Iˇsaˬleˬlaˆ tsawˇ haˬ dawˬ tawˆ luꞈ ya mawˇ ni, nah gʼahˇ nah gaˆ-ahˇ ngaˇ kʼoeˇ loꞈ-ehˇ bi pyeuꞈ laˇ ma’ lehˇ ehˇ-eu meh.”

1 Saˬmeuˬlaˆ 1:19

Yawˬ shawˬ yawˬ Eˇlaˬkaˬnaˬ hawˇ-eu aˬ yawꞈ-euˬ miˬ sawˇ zaˬ deuˬ yaw naꞈ-ehˇ tuˇ-awˇ, Sahˬpaˬ Miˬyehˇ-ahˇ uˬ duˬ tahˬ gʼaˬ ngeh, Laˬ mahˇ meuˬ-ahˇ gʼoꞈ-iˇ-euˬ meh. Eˇlaˬkaˬnaˬ hawˇ-eu Haˬnahˬ aˬ nyaꞈ dzeˇ zaˬ jawˇ taꞈ-awˇ, Haˬnahˬ-euˬ guiˬ lahˬ shaˇ dawˬ-ahˇ Miˬyehˇ noeˬ keuˆ nehˬ-euˬ meh.

Piˇleˇmoˬ 1:15

Awˬneˬsiˬmuˇ nawˬ nehˬ-ehˇ tiˬ kʼehˬ tiˬ yamˬ maˬ jawˇ ni cehˆ-euˬ miˇ neh, nawˬ nehˬ-ehˇ aˬ myah luꞈ paˇ bi jawˇ kʼoꞈ mawꞈ-eu maˬ siˬ.

Aˇ dahˬ 37:28

Kʼoeˇ naˇ, Miˇdiˬyaˬ tsawˇ haˬ baw gaꞈ deuˬ dawˬ peh oe keuˆ ngeh, aˬ ha mehˇ nmˇ Yoˇsehˆ-ahˇ lah duˬ laꞈ kʼoeˇ neh gʼeu doˆ-awˇ, Iˇshaˬmeˬlaˇ baw gaꞈ deuˬ-ahˇ ahˬ nehˬ-euˬ meh. Baw gaꞈ kʼoeˇ deuˬ aˬ yawꞈ maꞈ-ahˇ pyuˇ mehˇ byaˆ nyiˬ tseˇ byaˆ biꞈ-awˇ, Yoˇsehˆ-ahˇ zeuˇ-awˇ, Iˇjiˇtuˆ miˇ kʼahˬ-ahˇ sheuˬ gʼeh-euˬ meh.

Aˇ dahˬ 50:19

Ehˇ kʼawꞈ, aˬ yawꞈ maꞈ-ahˇ Yoˇsehˆ heu loꞈ-ehˇ ehˇ kʼoꞈ nehˬ-euˬ meh. “Taˬ guˆ. Miˬyehˇ-euˬ dah zaˇ ngaˇ maˬ mˇ dah nya-a.

Aˇ dahˬ 50:21

Kʼoeˇ miˇ neh, naw maꞈ guˆ-eu maˬ loˬ-a. Naw maꞈ hawˇ-eu naw maꞈ-euˬ zaˬ deuˬ-ahˇ ngaˇ yaw muiˬ paˬ-ehˇ ngehˬ gʼeh nehˬ ma.” Kʼoeˇ loꞈ-ehˇ aˬ yawꞈ-euˬ aˇ doˆ deuˬ-euˬ nui ma-ahˇ zaw leˇ ni, nahˬ yu ni gʼeh-eu dawˬ Yoˇsehˆ ngehˬ-awˇ, aˬ yawꞈ maꞈ-euˬ nui ma-ahˇ laˆ saˆ nehˬ-euˬ meh.

Iˇsaˬtaˆ 4:14

Heu loꞈ-ehˇ keuˆ le teuˇ le-euˬ aˇ yamˬ-ahˇ nawˇ maˬ ngehˬ maˬ tmˇ ni jawˇ te lehˇ ngeuˇ naˇ, Yuˇdaˆ tsawˇ haˬ-ahˇ ngehˬ gʼeh dah teˬ-eu jeˬ mˬ kʼoeˇ taˆ neh oe-awˇ, aˬ yawꞈ maꞈ-ahˇ ka kʼoꞈ tehꞈ-a. Ehˇ kʼawꞈ, nawˇ gʼaˬ-aˬ ya shiˇ-awˇ, nawˬ da-euˬ tsuiꞈ dahˬ-iˇ tehꞈ-a. Ehˇ kʼawꞈ aˬ suˇ gʼaˬ ehˇ nya nmˇ. Heu loꞈ-ehˇ gʼeh-eu aˇ yamˬ aˇ law-ahˇ gaˇ dahˇ bi tsoeˬ-eu gʼaˇ duˬ nawˬ-ahˇ sahˬ paˬ-euˬ miˬ zaˬ bi pyeuꞈ laˇ-euˬ maˬ siˬ tawˇ.”