Aˇ dahˬ 44:17 - Akha

¹⁷ Yoˇsehˆ ehˇ-eu, “Kʼoeˇ naˆ naˆ-ehˇ maˇ diˇ-aˬ maˬ ngeuˇ-aˇ. Ngaˇ naw maꞈ-ahˇ teu naˆ naˆ-ehˇ jahˇ nehˬ-eu lehˇ maˬ ngeuˇ. Ngaˬ-euˬ pyuˇ kʼmˬ maˬ yuˇ-euˬ kʼoeˇ gʼaˬ tehꞈ-ehˇ ngaˬ-euˬ zaˬ kʼaˆ bi geuꞈ yaꞈ-awˇ, nawˬ ha mehˇ nmˇ dawˬ tawˆ luꞈ nawˬ ha mehˇ nmˇ-euˬ aˬ da jawˇ gaˇ yaw muiˬ paˬ-ehˇ gʼoꞈ keuˆ leˇ jiˇ-awˬ.”

Aˇ dahˬ 44:17 Referans Kwoze

Dawqdaq 17:15

Yaw lehˬ deuˬ-ahˇ laˆ law nehˬ-eu jeˬ hawˇ-eu, yaw tsaˬ yaw dawˇ deuˬ-ahˇ yaw lehˬ no-eu jeˬ, nyiˬ jeˬ luꞈ-ahˇ Sahˬpaˬ Miˬyehˇ maˬ haw nahˇ-a.

Jaceuq 75:2

Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ ngaˬ neh toꞈ taˬ-euˬ yamˬ law-ahˇ, dawˇ coe ni ngaˇ yaˇ kʼaˬ daˇ ma.

2 Saˬmeuˬlaˆ 23:3

Iˇsaˬleˬlaˆ tsawˇ jeuˬ gʼaˇ duˬ, lo guˇ pyeuꞈ-eu Miˬyehˇ ehˇ-eu, “Miˬyehˇ-ahˇ guˆ-eu jeˬ ahˇ-awˇ, dawˇ coe ni uˆ lahˇ-eu tsawˇ haˬ,

Aˇ dahˬ 42:18

Smˬ nah byah laˇ ngeh, aˬ ha mehˇ nmˇ-ahˇ Yoˇsehˆ heu loꞈ-ehˇ ehˇ nehˬ-euˬ meh. “Ngaˇ-aˬ, Miˬyehˇ-ahˇ guˆ-eu tsawˇ haˬ ma. Teu miˇ neh, ngaˬ neh kʼaˇ ehˇ-euˬ loꞈ-ehˇ naw maꞈ jahˇ naˇ, shiˇ gaˇ maˬ keuˆ ni bi dzeuˇ-iˇ ma.

Aˇ dahˬ 26:29

Nawˬ-ahˇ coeˬ leˇ ni nga maꞈ neh mˇ taˬ-euˬ tiˬ jeˬ-iˬ maˬ jaˆ-eu loꞈ-ehˇ, nga maꞈ-ahˇ coeˬ laˇ ni nawˇ tiˬ jeˬ-iˬ maˬ mˇ lehˇ bi ehˇ tsehˆ mawꞈ-eu ma. Nga maꞈ nawˬ-ahˇ tiˬ jeˬ-iˬ maˬ laˆ tsoeˬ ni, nui ma saˇ lehˆ ni bi doˆ le-euˬ ma. Nymˬ-mˇ poˆ jawˇ-aˬ, Sahˬpaˬ Miˬyehˇ nawˬ-ahˇ guiˬ lahˬ biꞈ-eu gaˇ kawˆ, nga maꞈ yaw muiˬ paˬ-ehˇ siˬ duˬ-eu ma.”

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

Aˇ dahˬ 44:16

Yuˇdaˆ ehˇ-eu, “Sahˬ paˬ-oˇ, nga maꞈ nawˬ-ahˇ aˬ joˆ-ehˇ dawˬ poˆ poˆ nya nmˇ. Nga maꞈ aˬ joˆ-ehˇ paˇ pyehˇ nmˇ. Nga maꞈ-euˬ iˬ baˇ-ahˇ aˬ joˆ-ehˇ jahˇ-awˇ paˇ dehˬ kaˬ nya nmˇ. Nga maꞈ-euˬ iˬ baˇ-ahˇ Miˬyehˇ neh pah mehˬ nehˬ gʼaˬ-euˬ meh. Nymˬ-mˇ poˆ jawˇ-aˬ, pyuˇ kʼmˬ maˬ yuˇ-euˬ kʼoeˇ gʼaˬ tehꞈ-ehˇ maˬ ngeuˇ ni, ngaˬ ha mehˇ nmˇ dawˬ tawˆ luꞈ nawˬ-euˬ zaˬ kʼaˆ geuꞈ jiˇ ma.”

Aˇ dahˬ 44:18

Yoˇsehˆ-euˬ dawˬ peh Yuˇdaˆ jiˆ peh leˇ-awˇ, heu loꞈ-ehˇ ehˇ nehˬ-euˬ meh. “Sahˬ paˬ-oˇ, ngaˬ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, nawˬ nehˬ-ehˇ bya cehˆ ni dawˬ tiˬ poˆ bi ngehˬ cawˬ nehˬ laꞈ sheˇ. Nawˇ-aˬ, Iˇjiˇtuˆ sahˬpaˬ loꞈ-ehˇ huiˬ-eu tsawˇ haˬ tiˬ gʼaˬ pyeuꞈ-eu meh. Ehˇ kʼawꞈ, ngaˬ-ahˇ nui ma taˬ pehˇ nehˬ laꞈ.

Aˇ dahˬ 44:10

Zaˬ kʼaˆ kʼoeˇ gʼaˬ paˇ ehˇ-eu, “Naw maꞈ neh ehˇ taˬ-euˬ loꞈ-ehˇ bi jaˆ-awˬ. Ehˇ kʼawꞈ kʼmˬ maˬ kʼoeˇ kʼmˬ yuˇ taˬ-euˬ kʼoeˇ gʼaˬ tehꞈ-ehˇ ngaˬ-euˬ zaˬ kʼaˆ geuꞈ yaꞈ-awˇ, naw maꞈ-ahˇ tiˬ jeˬ-iˬ maˬ laˆ tsoeˬ ni bi gʼoꞈ leˇ jiˇ ma” lehˇ ehˇ-eu meh.