Aˇ dahˬ 43:32 - Akha

³² Yoˇsehˆ gʼaˇ duˬ hawˬ jeh tiˬ jeh, aˬ ha mehˇ nmˇ gʼaˇ duˬ hawˬ jeh tiˬ jeh, Iˇjiˇtuˆ tsawˇ haˬ deuˬ gʼaˇ duˬ hawˬ jeh tiˬ jeh lehˇ bi shaˇ dahˇ-euˬ meh. Aˬ jeˬ miˇ neh ehˇ naˇ, Heˬbyehˇ tsawˇ haˬ nehˬ-ehˇ dzaˬ taꞈ dawˇ taꞈ naˇ daˬ ga nya lehˇ, Iˇjiˇtuˆ tsawˇ haˬ deuˬ noeˬ-eu meh.

Aˇ dahˬ 43:32 Referans Kwoze

Doˆ-iˇ 8:26

Ehˇ kʼawꞈ, sahˬ paˬ kʼoeˇ gʼaˬ-ahˇ Moˇseˬ ehˇ nehˬ-eu, “Kʼoeˇ loꞈ-ehˇ mˇ-eu maˬ tsaˬ-a. Aˬ jeˬ miˇ neh ehˇ naˇ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ jeˬ zaˬ lawˇ nehˬ-eu jeˬ-aˬ, Iˇjiˇtuˆ tsawˇ haˬ-euˬ mehˬ shi maˬ muiˬ maˬ shawˇ-eu jeˬ mˇ gaˇ duˇ-eu meh. Iˇjiˇtuˆ tsawˇ haˬ deuˬ-euˬ mehˬ shi nga maꞈ jeˬ zaˬ lawˇ naˇ, aˬ yawꞈ maꞈ nga maꞈ-ahˇ kʼaˬ lo neh biˬ sehꞈ tehꞈ-a.

Aˇ dahˬ 46:34

‘Nga maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh mˇ ka leꞈ-euˬ loꞈ-ehˇ, jeˬ zaˬ cu dzaˬ-eu tsawˇ haˬ deuˬ pyeuꞈ-eu ma’ lehˇ maˬ ngehˇ ni ehˇ kʼoꞈ nehˬ-awˬ. Kʼoeˇ loꞈ-ehˇ ehˇ naˇ, naw maꞈ-ahˇ Goˬsheˬ miˇ tsaˬ-ahˇ bi jawˇ laꞈ tehꞈ-a.” Jeˬ zaˬ cu dzaˬ-eu tsawˇ haˬ deuˬ-ahˇ, Iˇjiˇtuˆ tsawˇ haˬ deuˬ tsawˇ haˬ maˬ sawˇ-eu miˇ neh, aˬ yawꞈ maꞈ-ahˇ Yoˇsehˆ kʼoeˇ loꞈ-ehˇ ehˇ nehˬ-euˬ meh.

Aˇ dahˬ 43:16

Aˬ ha mehˇ nmˇ nehˬ-ehˇ Beˬyaˬmiˬ gʼaˬ kʼawꞈ caw teh le-euˬ gaˇ Yoˇsehˆ ya mawˇ ngeh, “Tsawˇ haˬ heu deuˬ-ahˇ ngaˬ-euˬ nymˇ-ahˇ sheuˬ gʼeh-awˬ. Iˬ nah nah gʼahˇ aˬ yawꞈ maꞈ nehˬ-ehˇ ngaˇ dzaˬ taꞈ dawˇ taꞈ-eu gʼaˇ duˬ, jeˬ zaˬ sehꞈ-awˇ dzaˬ byawˇ laˆ dawˆ taˬ-awˬ” lehˇ, aˬ yawꞈ-euˬ nymˇ-ahˇ bi haw bi pyaˆ-euˬ zaˬ kʼaˆ-ahˇ ehˇ nehˬ-euˬ meh.

Aˇ dahˬ 31:54

Aˬ yawꞈ jeˬ zaˬ tiˬ mawˇ sehꞈ-awˇ, gawˬ jawˬ kʼoeˇ taˆ Miˬyehˇ-ahˇ lawˇ nehˬ-euˬ meh. Kʼoeˇ naˇ, aˬ yawꞈ-euˬ tsawˇ haˬ deuˬ-ahˇ kuˇ-awˇ, aˬ yawꞈ maꞈ tiˬ kawˆ loꞈ-ehˇ dzaˬ taꞈ dawˇ taꞈ-euˬ meh. Aˬ yawꞈ maꞈ dzaˬ-awˇ dawˇ-awˇ, uˬ ciꞈ jawˇ bya-euˬ meh.