Aˇ dahˬ 43:29 - Akha

²⁹ Aˬ yawꞈ-euˬ aˬ nyiˇ Beˬyaˬmiˬ-ahˇ Yoˇsehˆ ya mawˇ ngeh, “Naw maꞈ ehˇ-eu aˬ nyiˇ nyiˇ saˬ kʼoeˇ gʼaˬ heu gʼaˬ meh loˇ” lehˇ, aˬ ha mehˇ nmˇ-ahˇ naˇ haˬ-awˇ, “Miˬyehˇ nawˬ-ahˇ guiˬ lahˬ biꞈ luꞈ-uˇ li-oˇ” lehˇ, Beˬyaˬmiˬ-ahˇ aˬ yawꞈ ehˇ nehˬ-euˬ meh.

Aˇ dahˬ 43:29 Referans Kwoze

Bawˇtsahˬ 6:25

Sahˬpaˬ Miˬyehˇ-euˬ myaˆ pyawˬ naw maꞈ kʼoeˇ taˆ yaw shehꞈ bi bya-awˇ, naw maꞈ-ahˇ gʼawˬ shaˬ gaˬ luꞈ-uˇ,

Aˇ dahˬ 42:13

Aˬ ha mehˇ nmˇ ehˇ-eu, “Ngaˬ ha mehˇ nmˇ tseˇ nyiꞈ gʼaˬ jawˇ-awˇ, dawˬ tawˆ luꞈ Kaˬnaˬ miˇ kʼahˬ-ahˇ jawˇ-eu tsawˇ haˬ tiˬ gʼaˬ-euˬ zaˬ tehꞈ ma. Ngaˬ ha mehˇ nmˇ-euˬ aˬ nyiˇ tiˬ gʼaˬ shiˇ dzeuˇ-awˇ, aˬ nyiˇ nyiˇ saˬ gʼaˬ aˬ da nehˬ-ehˇ jawˇ yaꞈ-euˬ meh.”

HeˬByehˇ 13:1

Aˬ yuiꞈ aˬ nyiˇ Ka li zaˬ loꞈ-ehˇ tiˬ gʼaˬ tiˇ gʼaˬ aˬ myah luꞈ gaˬ-awˬ.

1 Tiˆmoˇseˬ 1:2

Jah-eu jeˬ laꞈ kʼoeˇ maˇ maˇ ni ngaˬ li-ahˇ duˇ-eu Tiˆmoˇseˬ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ maˬ ehˇ, gʼawˬ shaˬ gaˬ-eu jeˬ maˬ ehˇ, nui saˇ oꞈ-eu jeˬ maˬ ehˇ, nawˬ-euˬ kʼoeˇ taˆ jaˆ luꞈ-uˇ.

Maˬkuˆ 10:24

Dawˬ kʼoeˇ dawˬ-ahˇ ya gaˬ ngeh, zaˬ lahˇ deuˬ tsoˆ leˇ jiˇ-euˬ meh. Ehˇ kʼawꞈ, Yeˬsuˇ paˇ ehˇ-eu, “Ngaˬ-euˬ zaˬ deuˬ-oˇ, Miˬyehˇ Miˇkʼahˬ-ahˇ uˇ leˇ-eu aˇ naˆ ni shaˬ-eu nga.

Maꞈtehˬ 9:22

Yeˬsuˇ nahˇ gʼoꞈ gʼoꞈ haw ngeh, aˬ yawꞈ-ahˇ mawˇ-awˇ, “Aˬ buˇ-oˇ, tiˬ jeˬ-iˬ taˬ noeˬ shaˬ. Nawˬ-euˬ jah-eu nui ma neh nawˬ-ahˇ bi taˬ leˇ-euˬ meh” lehˇ ehˇ nehˬ-euˬ meh. Kʼoeˇ loꞈ-ehˇ ehˇ gʼaˬ-eu maˬ dah ni, zaˬ miˬ zaˬ kʼoeˇ gʼaˬ-euˬ naˇ gawˇ taˬ tsehˆ leˇ-euˬ meh.

Maꞈtehˬ 9:2

Kʼoeˇ ngeh, maˬ luˆ nya-ehˇ yuꞈ zaˇ kʼoeˇ taˆ bi yuꞈ taˬ-euˬ kuiˇ shiˇ laꞈ shiˇ shiˇ-euˬ tsawˇ haˬ tiˬ gʼaˬ-ahˇ, aˬ yawꞈ jawˇ gaˇ baꞈ ha le-euˬ meh. Baꞈ ha le-euˬ tsawˇ haˬ kʼoeˇ deuˬ-euˬ jah-eu nui ma-ahˇ Yeˬsuˇ ya mawˇ ngeh, kuiˇ shiˇ laꞈ shiˇ shiˇ-euˬ tsawˇ haˬ kʼoeˇ gʼaˬ-ahˇ, “Aˬ li-oˇ, tiˬjeˬ-iˬ taˬ noeˬ shaˬ. Nawˬ-euˬ iˬ baˇ-ahˇ Miˬyehˇ pyehˬ nehˬ gʼaˬ-euˬ meh lehˇ ngaˇ ehˇ-eu ma” lehˇ ehˇ nehˬ-euˬ meh.

Maˬlaˬkiˇ 1:9

Piˇ ma deuˬ-oˇ, nymˬ-mˇ poˆ jawˇ-aˬ, Miˬyehˇ aˬ dui-ahˇ yaw muiˬ jeˬ mˇ nehˬ laꞈ ni shaˇ haw-awˬ. Naw maꞈ-euˬ shaˇ dawˬ-ahˇ aˬ yawꞈ maˬ naˇ haˬ nehˬ laꞈ-aˇ. Kʼoeˇ-aˬ, naw maꞈ-euˬ yaw lehˬ baˬ da neh meh.

Iˇsaˬyaˇ 33:2

Sahˬpaˬ Miˬyehˇ-oˇ, nga maꞈ-ahˇ gʼawˬ shaˬ gaˬ nehˬ laꞈ-awˬ. Nga maꞈ nawˬ-ahˇ noeˬ tmˬ luꞈ-eu ma. Yawˬ nah na luꞈ nga maꞈ-ahˇ haw piˇ-awˇ, guˆ-eu gaˆ-eu jeˬ laꞈ kʼoeˇ ka kʼoꞈ nehˬ laꞈ-awˬ.

Iˇsaˬyaˇ 30:19

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tiˬ jawˇ-iˬ noeˬ shaˬ-awˇ maˬ paˇ ya ngoeˇ meh. Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nehˬ laꞈ lehˇ naw maꞈ aˬ yawꞈ-ahˇ shaˇ ngeh, naw maꞈ-euˬ shaˇ dawˬ-ahˇ naˇ haˬ nehˬ laꞈ tehꞈ-a.

Jaceuq 112:4

Gʼawˬ shaˬ gaˬ nya-awˇ yaw tsaˬ yaw dawˇ jeˬ-ahˇ gaˬ-eu muiˬ-eu jaˬ-eu tsawˇ haˬ deuˬ kʼoeˇ taˆ, yaw zahˇ laꞈ kʼoeˇ yaw shehꞈ bya-eu meh.

Jaceuq 111:4

Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ gaˇ kawˆ, Sahˬpaˬ Miˬyehˇ aˬ dui-ahˇ maˬ bi ngehˇ laꞈ-a. Aˬ yawꞈ-aˬ, gʼawˬ shaˬ gaˬ nya dui dui-eu meh.

Jaceuq 67:1

Miˬyehˇ aˬ dui-ahˇ gʼawˬ shaˬ gaˬ-awˇ, guiˬ lahˬ biꞈ laꞈ luꞈ-uˇ. Aˬ dui kʼoeˇ taˆ myaˆ pyawˬ pyuˇ luꞈ-uˇ.

2 Laˬsaˬbaˬ 29:11

Ngaˬ li deuˬ-oˇ, aˇ yamˬ yawꞈ ngehꞈ-ehˇ taˬ paˇ bi dzeuˇ-iˇ. Yaw saw jeˬ doꞈ damˬ-eu gʼaˇ duˬ maˬ ehˇ, miˇ kʼahˬ zaˬ deuˬ aˬ yawꞈ-ahˇ uˬ duˬ tahˬ gaˇ bi sheuˬ gʼeh-eu gʼaˇ duˬ maˬ ehˇ, naw maꞈ-ahˇ Sahˬpaˬ Miˬyehˇ tseˇ doˆ-euˬ meh.”

Yawˇshuˆ 7:19

Aˬkaˬ-ahˇ Yawˇshuˆ ehˇ nehˬ-eu, “Ngaˬ li-oˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi nawˬ-euˬ iˬ baˇ-ahˇ dawˇ coe ni ehˇ doˆ-awˬ. Nawˇ aˬ joˆ-ehˇ jahˇ-euˬ gaˇ kawˆ nymˬ-mˇ ngaˬ-ahˇ ehˇ nehˬ laꞈ-awˬ. Ngaˬ-euˬ mehˬ shi tiˬ jeˬ-iˬ taˬ zaꞈ taˬ.”

Aˇ dahˬ 45:8

Teu baˬ da neh, ngaˬ-ahˇ heu gaˇ bi oe-euˬ gʼaˬ-aˬ, naw maꞈ maˬ ngeuˇ-a. Miˬyehˇ meh. Sahˬ paˬ-euˬ gaˇ mˇ-eu yaw huiˬ yaw mahˇ deuˬ kʼoeˇ taˆ, Miˬyehˇ neh ngaˬ-ahˇ aˬ cawˬ naˆ maˬ tseˇ huiˬ dzehˬ-eu gʼaˬ bi geuꞈ laꞈ-euˬ meh. Ngaˇ-aˬ, miˇ kʼahˬ heu kʼahˬ kʼahˬ lah ni-ahˇ ya haw ya pyaˆ-awˇ, Iˇjiˇtuˆ miˇ kʼahˬ-ahˇ ya uˆ lahˇ-eu gʼaˬ pyeuꞈ-eu ma.

Aˇ dahˬ 42:11

Nga maꞈ dawˬ tawˆ luꞈ tiˬ mehˇ nmˇ tehꞈ ma. Nga maꞈ kʼoeˬ sho haw le-euˬ tsawˇ haˬ maˬ ngeuˇ. Tsawˇ haˬ yaw muiˬ pyeuꞈ-eu ma.”

Aˇ dahˬ 35:24

Laˬkeˬlaˇ o neh jawˇ le-euˬ aˬ li deuˬ-aˬ, Yoˇsehˆ hawˇ-eu Beˬyaˬmiˬ aˬ nyaꞈ nmˇ meh.

Aˇ dahˬ 44:21

Sahˬ paˬ-oˇ, aˬ li kʼoeˇ li-ahˇ nawˇ ya mawˇ ni, nawˇ jawˇ gaˇ tiˬ poˆ sheuˬ laꞈ-awˬ lehˇ, ngaˬ ha mehˇ nmˇ-ahˇ nawˇ ehˇ-eu meh.