Aˇ dahˬ 41:46 - Akha

⁴⁶ Yoˇsehˆ sahˬ paˬ-euˬ gaˇ mˇ dahˬ beh ngeh, aˇ kʼoꞈ smˬ tseˇ kʼawˆ laˇ-euˬ meh. Sahˬ paˬ-euˬ nymˇ-ahˇ neh aˬ yawꞈ doˆ-iˇ-awˇ, miˇ kʼahˬ doe doe-ehˇ cah haw-iˇ-euˬ meh.

Aˇ dahˬ 41:46 Referans Kwoze

Daˬyeˬlaˇ 1:19

Aˬ yawꞈ maꞈ dawˬ tawˆ luꞈ-ahˇ sahˬ paˬ dawˬ ngehˬ cawˬ haw ngeh, Daˬyeˬlaˇ, Haˬnaˬniˇyaˆ, Miˇsheˬlaˇ, Aˬzaˬliˇ aˬ ha oeˬ gʼaˬ, aˬ cawˬ naˆ maˬ tseˇ nya dzehˬ gaˇ ya mawˇ-euˬ meh. Kʼoeˇ ngeh jawˇ aˬ yawꞈ maꞈ sahˬ paˬ-euˬ hawˇ nymˇ laꞈ kʼoeˇ gaˇ mˇ-eu tsawˇ haˬ pyeuꞈ laˇ-euˬ meh.

1 Sahˬpaˬ 12:6

Sahˬ paˬ Leˬhawˇbamˬ-aˬ, aˬ yawꞈ-euˬ aˬ da Sawˇlaˬmoˬ-ahˇ nui noeˬ nui duˇ biꞈ-euˬ tsawˇ mawˬ tsawˇ kʼaˆ deuˬ nehˬ-ehˇ ja uˇ haw-euˬ meh. “Tsawˇ haˬ kʼoeˇ deuˬ-ahˇ ngaˇ aˬ joˆ-ehˇ ehˇ kʼoꞈ nehˬ paˬ-ehˇ gʼeh-eu nga lehˇ naw maꞈ ehˇ haw sheˇ” lehˇ, tsawˇ mawˬ kʼoeˇ deuˬ-ahˇ aˬ yawꞈ naˇ haˬ-euˬ meh.

2 Saˬmeuˬlaˆ 5:4

Daˬbiˇ sahˬ paˬ pyeuꞈ laˇ ngeh, aˇ kʼoꞈ smˬ tseˇ byah-awˇ, oeˬ tseˇ kʼoꞈ ehˇ gʼaˬ ni sahˬ paˬ geuꞈ-awˇ uˆ lahˇ-euˬ meh.

1 Saˬmeuˬlaˆ 16:21

Sawˇluˆ jawˇ gaˇ Daˬbiˇ laˇ-awˇ, aˬ yawꞈ-euˬ gaˇ mˇ nehˬ-euˬ meh. Daˬbiˇ-ahˇ Sawˇluˆ nui kʼahˇ shiˇ dui dui-awˇ, aˬ yawꞈ-euˬ guiˇ deuˆ-eu keu ka baꞈ-eu gʼaˬ bi geuꞈ-euˬ meh.

Bawˇtsahˬ 4:3

Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ -euˬ tsawˇ myahˇ yuˇ-awˬ.

Aˇ dahˬ 37:2

Yaˬkoˆ-euˬ nymˇ jiˇ gaˇ kawˆ heu loꞈ-ehˇ jaˆ-eu meh. Yoˇsehˆ tseˇ shiꞈ kʼoꞈ kʼawˆ laˇ-awˇ zaˬ guˬ pyeuꞈ laˇ ngeh, aˬ yawꞈ aˬ da-euˬ ma nyiˇ Ziˇlaˬpaˬ hawˇ-eu Biˇlaˬhaˇ-euˬ aˬ li deuˬ nehˬ-ehˇ, ciꞈ myehꞈ hawˇ-eu yawˇ bo bo-ehˇ jawˇ-euˬ meh. Aˬ yawꞈ-euˬ aˇ doˆ deuˬ kʼaˇ mˇ-eu maˬ muiˬ-eu jeˬ dawˬ tawˆ luꞈ, aˬ yawꞈ-euˬ aˬ da-ahˇ aˬ yawꞈ tsaꞈ gaˬ-euˬ meh.

Yuˇdaˆ 1:24

Naw maꞈ-ahˇ maˬ bi coˬ-iˇ ni bo saˆ hehˇ tehˇ nya-awˇ, yaw shehꞈ kʼahˬ sehˇ tiˬ byah ni jaˆ-eu aˬ yawꞈ jawˇ gaˇ naw maꞈ-ahˇ iˬ baˇ taˬ kʼaˇ maˬ za-ehˇ laˬ kʼaˬ tiˬ cehˇ sheuˬ keuˆ nehˬ nya-eu Miˬyehˇ-ahˇ, aˬ dui-euˬ Sahˬpaˬ Yeˬsuˇ Ka li baˬ da neh, yaw shehꞈ kʼahˬ sehˇ maˬ ehˇ, huiˬ-eu mahˇ-eu jeˬ maˬ ehˇ, baoˬ maˬ ehˇ, uˆ lahˇ-eu dzoeˬ dzaˬ maˬ ehˇ, aˇ hu-euˬ ziˇ, heu ziˇ, aˬ kaˇ mˬ maˬ maˬ byaˆ zaˇ ziˇ keuˆ ni jaˆ luꞈ-uˇ. Aˬ miˬ.

Luˇkaꞈ 21:36

Keuˆ le teuˇ le-eu gaˇ kawˆ kʼoeˇ deuˬ dawˬ tawˆ luꞈ-ahˇ, naw maꞈ dehꞈ dzeuˇ jawˇ dzeuˇ nya ni gʼaˬ tiˬ byah ahˇ-awˇ, Tsawˇhaˬ-euˬ Zaˬmaˇ mehˬ shi ya yawꞈ gaˇ dehꞈ keuˆ nya ni, aˬ myah luꞈ yaw beuˇ beuˇ-ehˇ jawˇ-awˇ guiˬ lahˬ shaˇ-awˬ.”

Luˇkaꞈ 3:23

Yeˬsuˇ gaˇ mˇ dahˬ beh ngeh, smˬ tseˇ kʼoꞈ ehˇ gʼaˬ ni byah laˇ-euˬ meh. Aˬ yawꞈ-euˬ aˬ da-aˬ, Iˇliˇ-euˬ aˬ li Yoˇsehˆ meh lehˇ aˬ cawˬ sawˇ taˬ-euˬ meh. Yeˬsuˇ-euˬ tsuiꞈ daˆ gui leꞈ ngeh, heu loꞈ-ehˇ meh. Yeˬsuˇ, Yoˇsehˆ, Iˇliˇ,

Dawqdaq 22:29

Gaˇ yaw muiˬ muiˬ-ehˇ mˇ-eu tsawˇ haˬ tiˬ gʼaˬ poˆ doˆ laꞈ-awˬ. Sahˬ paˬ nehˬ-ehˇ gaˇ ya mˇ taꞈ-eu aˬ cawˬ naˆ maˬ tseˇ muiˬ dzehˬ-eu tsawˇ haˬ aˬ geu gʼaˬ-a lehˇ ngaˇ mehˬ nehˬ nyaˇ.

1 Sahˬpaˬ 12:8

Ehˇ kʼawꞈ, tsawˇ mawˬ tsawˇ kʼaˆ kʼoeˇ deuˬ-euˬ dawˬ-ahˇ aˬ yawˬ maˬ naˇ haˬ ni, aˬ yawꞈ-ahˇ nui noeˬ nui duˇ biꞈ luꞈ-eu deuˬ pyeuꞈ-eu aˬ yawꞈ nehˬ-ehˇ tiˬ kawˆ loꞈ-ehˇ huiˬ laˇ-euˬ zaˬ guˬ deuˬ jawˇ gaˇ aˬ yawꞈ iˇ-euˬ meh.

Aˇ dahˬ 41:47

Baw le za le-eu shiꞈ kʼoꞈ aˇ yamˬ laꞈ kʼoeˇ, dzaˬ la gʼo cehˇ gʼawˬ mya ni mˇ za-euˬ meh.

Aˇ dahˬ 42:8

Aˬ ha mehˇ nmˇ-ahˇ Yoˇsehˆ haw siˬ-euˬ kʼawꞈ, Yoˇsehˆ-ahˇ aˬ ha mehˇ nmˇ maˬ haw siˬ nya-a.

Aˇ dahˬ 45:6

Miˇ kʼahˬ heu kʼahˬ-ahˇ mehꞈ-eu shuꞈ-eu jeˬ keuˆ le-euˬ tsuiꞈ nui kʼoꞈ nyiˬ kʼoꞈ tehꞈ-a siˬ. Heu taꞈ naˇ, deh yaˇ maˬ tsehˬ dzaˬ nya-eu miˇ neh, cehˇ maˬ ya yehˬ dzaˬ-ehˇ ya mehꞈ ya shuꞈ-eu aˇ kʼoꞈ ngaˬ kʼoꞈ jaˆ-a siˬ.

Daˬyeˬlaˇ 1:4

Aˬ yawꞈ maꞈ-aˬ, sahˬ paˬ-euˬ hawˇ nymˇ laꞈ kʼoeˇ gaˇ mˇ nya ni, tsawˇ haˬ aˇ gʼehˇ muiˬ-awˇ, zaˬ siˬ nui gahˇ ahˇ-eu uˬ taꞈ, dzaw bym taˬ-euˬ deuˬ ya bi pyeuꞈ-awˇ, kʼaˇ mehˬ nehˬ-eu jeˬ-ahˇ yaw kawˇ-ehˇ gʼoˆ siˬ gʼoˆ shaw nya-eu tsawˇ haˬ ya bi pyeuꞈ-eu meh. Kʼoeˇ uˬ taꞈ, pyawˬ naˬ mawˇ do ehˇ kʼaˇ maˬ za-eu tsawˇ haˬ ya biˬ pyeuꞈ-eu meh. Aˬ yawꞈ maꞈ Baˬbuˇloˬ dawˬ boꞈ nya gui nya laˇ ni, Aˬshaˇpeˬnaˆ ya mehˬ meh lehˇ ehˇ taˬ-euˬ meh.