Aˇ dahˬ 4:4 - Akha

⁴ Aˬbeˬlaˆ gʼaˬ kʼawꞈ, aˬ yawꞈ-euˬ yawˇ tiˬ ma neh gʼaw beh beh-euˬ yawˇ zaˬ tiˬ mawˇ sehꞈ-awˇ, muiˬ dui dui-eu shaˬ jiˇ kaˇ doˆ-awˇ, Sahˬpaˬ Miˬyehˇ-ahˇ lawˇ nehˬ-euˬ meh. Aˬbeˬlaˆ neh lawˇ nehˬ-euˬ jeˬ-ahˇ maˬ ehˇ, Aˬbeˬlaˆ-ahˇ maˬ ehˇ, Sahˬpaˬ Miˬyehˇ nui kʼahˇ shiˇ-euˬ meh.

Aˇ dahˬ 4:4 Referans Kwoze

HeˬByehˇ 11:4

Gaˬiˇnaˆ neh lawˇ-euˬ naˆ maˬ tseˇ muiˬ dzehˬ-eu jeˬ-ahˇ Aˬbeˬlaˆ lawˇ nya-euˬ kʼoeˇ-aˬ, jah-eu jeˬ baˬ da neh meh. Aˬ yawꞈ-euˬ jah-eu jeˬ baˬ da neh Miˬyehˇ aˬ yawꞈ-ahˇ yaw tsaˬ yaw dawˇ tsawˇ haˬ lehˇ sawˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ neh damˬ-euˬ jeˬ-ahˇ Miˬyehˇ nui kʼahˇ shiˇ-eu meh. Aˬbeˬlaˆ shiˇ dzeuˇ-euˬ kʼawꞈ, aˬ yawꞈ-euˬ jah-eu jeˬ baˬ da neh iˬ nah keuˆ ni dawˬ ngehˬ luꞈ-a siˬ.

Dawqdaq 3:9

Nawˬ-euˬ nui ma gʼawˇ mawˇ hawˇ-eu keuˆ beh beh le-euˬ mˇ kaˇ shaˇ kaˇ damˬ nehˬ-eu laꞈ kʼoeˇ, Sahˬpaˬ Miˬyehˇ-ahˇ taˬ huiˬ taˬ mahˇ-awˬ.

Doˆ-iˇ 13:12

dehꞈ beh beh le-euˬ aˬ li aˬ yuiꞈ deuˬ Sahˬpaˬ Miˬyehˇ-ahˇ naw maꞈ ya damˬ nehˬ tehꞈ-a. Jeˬ zaˬ deuˬ laꞈ kʼoeˇ, dehꞈ beh beh le-euˬ aˬ buˬ yawˬ mawˇ na luꞈ kʼawꞈ, Sahˬpaˬ Miˬyehˇ-euˬ pyeuꞈ-eu meh.

Bawˇtsahˬ 18:17

Ehˇ kʼawꞈ, gʼaw beh beh-euˬ mawˇ neˇ mawˇ zaˬ, yawˇ zaˬ hawˇ-eu ciꞈ myehꞈ ciꞈ zaˬ heu deuˬ-ahˇ maˬ ya zeuˇ kʼoꞈ geuꞈ-a. Kʼoeˇ deuˬ-aˬ, maˇ maˇ ni ngaˬ-euˬ pyeuꞈ-awˇ, ngaˬ-ahˇ ya lawˇ meh. Jeˬ zaˬ kʼoeˇ deuˬ-euˬ shiˬ neh lawˇ duˬ-ahˇ byaˆ shehˬ-awˇ, tsiˇ deuˬ yuˇ-awˇ, ngaˇ nui ma tsaˬ-eu yaw saꞈ bi doˆ laˇ-eu dzaˬ dzaˬ dawˇ dawˇ lawˇ-eu jeˬ ya lawˇ meh.

HeˬByehˇ 9:22

Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ-aˬ, yawˬ jeˬ na luꞈ ehˇ gʼaˬ ni-ahˇ shiˬ neh ya shawˇ-awˇ, shiˬ shehˆ-awˇ neh tehꞈ-ehˇ iˬ baˇ pyehˬ nehˬ-eu jeˬ-ahˇ za nya-eu meh.

Jaceuq 20:3

Nawˬneh kʼaˇdamˬnehˬ-euˬjeˬ-ahˇ, aˬyawꞈmaˬngehˇni noeˬkeuˆ-awˇ, nawˬneh kʼaˇlawˇnehˬ-euˬjeˬ-ahˇ, nui kʼahˇshiˇ-awˇha geuꞈluꞈ-uˇ.

2 Laˬsaˬbaˬ 7:1

Sahˬ paˬ Sawˇlaˬmoˬ guiˬ lahˬ shaˇ gʼaˬ ngeh, mˬ kʼoeˇ taˆ neh miˬ dzaˬ oe ka-awˇ, lawˇ taˬ shehˇ taˬ-euˬ jeˬ-ahˇ puiˆ-euˬ meh. Uˬ duˬ tahˬ nymˇ nymˇ ma laꞈ kʼoeˇ kʼawꞈ, Sahˬpaˬ Miˬyehˇ-euˬ yaw shehꞈ kʼahˬ sehˇ bya byah jiˇ-euˬ meh.

1 Laˬsaˬbaˬ 21:26

Kʼoeˇ gaˇ, Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ aˬ yawꞈ gawˬ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ aˬ yawꞈ lawˇ-euˬ meh. Aˬ yawꞈ guiˬ lahˬ shaˇ-awˇ, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-eu laꞈ kʼoeˇ, mˬ kʼoeˇ taˆ neh miˬ dzaˬ pyehˬ gʼeh leꞈ-awˇ, lawˇ duˬ kʼoeˇ taˆ jaˆ-eu lawˇ-eu jeˬ-ahˇ, miˬ dzaˬ bi doꞈ leˇ-euˬ meh.

1 Sahˬpaˬ 18:38

Kʼoeˇ ngeh, Sahˬpaˬ Miˬyehˇ miˬ dzaˬ pyehˬ ka leꞈ-awˇ, lawˇ-euˬ jeˬ-ahˇ maˬ ehˇ, miˬ dzaˬ miˬ kawˬ-ahˇ maˬ ehˇ, kʼaˬ lo-ahˇ maˬ ehˇ, miˇ tsaˬ-ahˇ maˬ ehˇ, doꞈ leˇ-awˇ, kʼawˇ lawˬ duˬ caˬ taˬ-euˬ gaˇ dahˬ-eu iˇ cuꞈ gui-iˇ-euˬ meh.

Uˬ duˬ 9:24

Ja pyuˬ ni, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, miˬ dzaˬ dzah puiˆ-awˇ lawˇ-eu jeˬ-ahˇ maˬ ehˇ, lawˇ duˬ kʼoeˇ taˆ tsiˇ kʼaˇ lehꞈ-eu tsahˇ-ahˇ maˬ ehˇ, miˬ dzaˬ doꞈ leˇ-euˬ meh. Iˇsaˬleˬlaˆ tsawˇ haˬ deuˬ kʼoeˇ gaˇ ya mawˇ ngeh, aˬ yawꞈ maꞈ dawˬ tawˆ luꞈ guˇ-awˇ, baˬ ba miˇ tsaˬ-ahˇ tuˆ ni awˆ byaˆ jiˇ-euˬ meh.

Aˇ dahˬ 15:17

Nahˇ ma ga ahˇ gʼaˬ-awˇ zahˇ le ngeh, uˬ kʼoeˬ doˆ luꞈ-eu miˬ dzaˬ tsawˬ bu tiˬ bu hawˇ-eu miˬ lmˇ doˆ luꞈ-eu miˬ dzaˬ miˬ doꞈ tiˬ hmˬ ja pyuˬ ni doˆ le-awˇ, deuˆ tm taˬ-euˬ jeˬ zaˬ kʼoeˇ deuˬ-euˬ gʼahˇ ceh oe tsehˆ leꞈ-euˬ meh.

Panmaeq 13:8

Bi sehꞈ-euˬ Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ, miˇ tsaˬ tahˬ kʼawˇ maˬ beh mi naˆ-ehˇ tsawˇ myahˇ bi boꞈ ahˇ taˬ-euˬ tsawˇ haˬ deuˬ maˬ ngeuˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ jeˬ zaˬ yaw haiˬ kʼoeˇ mawˇ-ahˇ uˬ duˬ tahˬ tehꞈ-a.

Yaˇ kʼaˬ daˇ 6:21

Kʼoeˇ naˇ, Sahˬpaˬ Miˬyehˇ-euˬ gʼaˬ kʼehˇ kʼoeˇ gʼaˬ aˬ laꞈ cawˬ ja-awˇ, aˬ yawꞈ tuˆ tehˬ luꞈ-eu gawˬ yoeˬ mehˬ dzaˬ neh, shaˬ jiˇ hawˇ-eu kaˬ muˇ-ahˇ toeˬ ciˆ-euˬ meh. Kʼaˬ lo-ahˇ miˬ dzaˬ doꞈ laˇ-awˇ, shaˬ jiˇ hawˇ-eu kaˬ muˇ puiˆ dzaˬ-euˬ meh. Kʼoeˇ naˇ, Sahˬpaˬ Miˬyehˇ-euˬ gʼaˬ kʼehˇ kʼoeˇ gʼaˬ byoˆ-iˇ-euˬ meh.

Bawˇtsahˬ 18:12

“Keuˆ beh beh le-euˬ saˬ loˬ tsiˇ, aˬ gaꞈ dzaˇ uiˇ hawˇ-eu dzaˬ la gʼo cehˇ deuˬ laꞈ kʼoeˇ, aˬ cawˬ naˆ maˬ tseˇ muiˬ dzehˬ-eu deuˬ yuˇ-awˇ, Iˇsaˬleˬlaˆ tsawˇ haˬ deuˬ ngaˬ-ahˇ damˬ laˇ ngeh, kʼoeˇ deuˬ dawˬ tawˆ luꞈ ngaˇ naw maꞈ-ahˇ biꞈ-eu ma.

Bawˇtsahˬ 16:35

Kʼoeˇ naˇ, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, yaw saw jeˬ lawˇ luꞈ-eu tsawˇ haˬ kʼoeˇ nyiˬ yaˇ ngaˬ tseˇ gʼaˬ-ahˇ puiˆ-eu meh.

1 Sahˬpaˬ 18:24

Kʼoeˇ naˇ, Baˬlaˇ miˬ yehˇ gʼaˇ duˬ ngehˬ dah-eu deuˬ, aˬ yawꞈ maꞈ-euˬ miˬ yehˇ-ahˇ guiˬ lahˬ bi shaˇ-awˬ. Ngaˇ-aˬ, Sahˬpaˬ Miˬyehˇ-ahˇ guiˬ lahˬ shaˇ ma. Shaˇ dawˬ-ahˇ naˇ haˬ-awˇ miˬ dzaˬ bi doꞈ laˇ-eu miˬ yehˇ-aˬ, Miˬyehˇ aˬ diˇ aˬ maˇ pyeuꞈ tehꞈ-a.” Kʼoeˇ loꞈ-ehˇ ehˇ ngeh, aˬ yawꞈ neh ehˇ-euˬ tsaˬ meh lehˇ, tsawˇ haˬ dawˬ tawˆ luꞈ guˇ-eu meh.

Aˇ dahˬ 4:3

Aˇ yamˬ ui cuiˆ myahˇ laˇ ngeh jawˇ, Gaˬiˇnaˆ gʼaˬ, aˬ yawꞈ neh mˇ za shaˇ za-euˬ aˇ siˬ aˇ lu deuˬ yuˇ laꞈ-awˇ, Sahˬpaˬ Miˬyehˇ-ahˇ lawˇ nehˬ-euˬ meh.

Bawˇtsahˬ 16:15

Moˇseˬ nui ma pehˇ laˇ-awˇ, Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ heu deuˬ neh yuˇ laꞈ-euˬ lawˇ-eu jeˬ-ahˇ taˬ ha geuꞈ. Aˬ yawꞈ maꞈ kʼoeˇ taˆ yaw lehˬ tiˬ jeˬ-iˬ ngaˇ maˬ mˇ haw-aˬ. Aˬ yawꞈ maꞈ-euˬ mahˬ tahˬ laˆ tiˬ mawˇ tsahˇ geuꞈ taˬ-euˬ kʼawꞈ maˬ jaˆ.”

1 Saˬmeuˬlaˆ 15:22

Saˬmeuˬlaˆ ehˇ-eu, “Sahˬpaˬ Miˬyehˇ aˬ geu jeˬ-ahˇ geuꞈ mawꞈ dzehˬ ta. Aˬ yawꞈ-euˬ ehˇ dawˬ naˇ haˬ geuꞈ-eu jeˬ-ahˇ geuꞈ mawꞈ dzehˬ ta loˇ. Maˬ ngeuˇ naˇ, aˬ yawꞈ-ahˇ damˬ nehˬ-eu jeˬ hawˇ-eu lawˇ nehˬ shehˇ nehˬ-eu jeˬ-ahˇ geuꞈ mawꞈ dzehˬ ta loˇ. Aˬ yawꞈ-euˬ dawˬ-ahˇ naˇ haˬ geuꞈ-eu jeˬ-aˬ, muiˬ dui dui-eu yawˇ lawˇ nehˬ-eu naˆ maˬ tseˇ muiˬ dzehˬ-eu meh.

Dawˬ tsoˆ 4:4

Tsawˇ haˬ zaˬ dehꞈ dzaˬ laˇ ni gaˇ mˇ-eu leh jeh-eu-aˬ, yawˬ ha dawˬ peh dehꞈ-eu deuˬ-ahˇ myaˆ naˆ-eu miˇ neh meh lehˇ ngaˇ haw siˬ-euˬ ma. Ehˇ kʼawꞈ, kʼoeˇ loꞈ-ehˇ mˇ-eu tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.