Aˇ dahˬ 38:5 - Akha

⁵ Kʼoeˇ naˇ, aˬ li tiˬ li paˇ jawˇ le-awˇ, Sheˬlahˬ lehˇ myahˇ nehˬ-euˬ meh. Aˬ li kʼoeˇ li dehꞈ le ngeh, Aˬkaˬziˇ meuˬ-ahˇ Yuˇdaˆ jawˇ luꞈ-eu meh.

Aˇ dahˬ 38:5 Referans Kwoze

1 Laˬsaˬbaˬ 4:21

Sheˬlahˬ-aˬ, Yuˇdaˆ-euˬ aˬ li pyeuꞈ-eu meh. Sheˬlahˬ-euˬ zaˬ deuˬ uˆ deuˬ-aˬ, Leˇkah meuˬ teˬ-euˬ gʼaˬ pyeuꞈ-eu Iˇlehˆ, Maˬleˇshaˬ meuˬ teˬ-euˬ gʼaˬ pyeuꞈ-eu Lawˬdah, Behˬaˬshaˬ meuˬ-ahˇ jawˇ-eu shawˇ jehˆ ni gʼeh-eu saˬ paˇ zaꞈ-euˬ aˇ jeuˬ,

Aˇ dahˬ 46:12

Yuˇdaˆ hawˇ-eu aˬ yawꞈ-euˬ aˬ li deuˬ pyeuꞈ-eu Sheˬlahˬ, Paˬyehˆ, Zeˬlahˬ. (Yuˇdaˆ-euˬ aˬ li deuˬ pyeuꞈ-eu Iˇlehˆ hawˇ-eu Awˇnaˬ aˬ nyaꞈ nmˇ-aˬ, Kaˬnaˬ miˇ kʼahˬ-ahˇ shiˇ yaꞈ-euˬ meh. Paˬyehˆ-euˬ aˬ li deuˬ pyeuꞈ-eu Heˬzaˬloˬ hawˇ-eu Haˬmuˇlaˬ.

Aˇ dahˬ 38:26

Myawˬ kʼoeˇ deuˬ-ahˇ Yuˇdaˆ ya mawˇ ngeh, aˬ yawꞈ-euˬ myawˬ pyeuꞈ-eu tiˬ poˆ tehꞈ-ehˇ haw siˬ-awˇ, “Zaˬ miˬ zaˬ heu gʼaˬ maˬ lehˬ-a. Ngaˇ aˬ yawꞈ-ahˇ mˇ nehˬ paˬ-ehˇ gʼeh-eu jeˬ maˬ mˇ nehˬ-euˬ miˇ neh, ngaˬ-ahˇ neh ahˇ-eu meh. Ngaˇ aˬ yawꞈ-ahˇ ngaˬ li Sheˬlahˬ nehˬ-ehˇ bi sheuˬ dahˬ dzaˬ paˬ-ehˇ gʼeh-eu meh” lehˇ ehˇ-eu meh. Kʼoeˇ naˇ, zaˬ miˬ zaˬ kʼoeˇ gʼaˬ nehˬ-ehˇ Yuˇdaˆ tiˬ jawˇ-iˬ maˬ paˇ yuꞈ taꞈ ni jawˇ-euˬ meh.

Aˇ dahˬ 38:11

Kʼoeˇ naˇ, “Ngaˬ li Sheˬlahˬ maˬ huiˬ laˇ kʼoeˇ keuˆ ni, nawˬ da-euˬ nymˇ-ahˇ gʼoꞈ-iˇ-awˇ, miˬ coeˬ miˬ ma geuꞈ tawˬ-iˇ-awˬ lehˇ, aˬ yawꞈ-euˬ kuiˬ ma Taˬmaˬ-ahˇ Yuˇdaˆ ehˇ nehˬ-euˬ meh. Aˬ yawꞈ-euˬ aˬ li aˬ yuiꞈ nyiˬ gʼaˬ shiˇ-euˬ loꞈ-ehˇ, Sheˬlahˬ gʼaˬ paˇ shiˇ gaˇ guˆ-eu miˇ neh, Yuˇdaˆ kʼoeˇ loꞈ-ehˇ ehˇ-eu meh. Kʼoeˇ ngeh, Taˬmaˬ gʼaˬ aˬ yawꞈ aˬ da-euˬ nymˇ-ahˇ gʼoꞈ jawˇ-iˇ-euˬ meh.

Aˇ dahˬ 38:6

Yuˇdaˆ-aˬ, aˬ yawꞈ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Iˇlehˆ-ahˇ, Taˬmaˬ lehˇ myahˇ-euˬ zaˬ miˬ aˬ buˇ tiˬ gʼaˬ nehˬ-ehˇ bi sheuˬ dahˬ dzaˬ-euˬ meh.

Bawˇtsahˬ 26:19

Yuˇdaˆ tsawˇ jeuˬ-aˬ, Sheˬlahˬ aˇ jeuˬ, Paˬyehˆ aˇ jeuˬ, Zeˬlahˬ aˇ jeuˬ, Heˬzaˬloˬ aˇ jeuˬ hawˇ-eu Haˬmuˇlaˬ aˇ jeuˬ heu deuˬ meh. (Yuˇdaˆ-euˬ aˬ li Iˇlehˆ hawˇ-eu Awˇnaˬ aˬ nyaꞈ nmˇ Kaˬnaˬ miˇ kʼahˬ-ahˇ shiˇ yaꞈ-euˬ meh.)

1 Laˬsaˬbaˬ 2:3

Yuˇdaˆ-aˬ, aˬ li dawˬ tawˆ luꞈ ngaˬ li jawˇ-eu meh. Kaˬnaˬ tsawˇ jeuˬ zaˬ miˬ zaˬ pyeuꞈ-eu Baˬshawˇ gʼaˬo neh smˬ li jawˇ-eu meh. Kʼoeˇ smˬ li-aˬ, Iˇlehˆ, Awˇnaˬ, Sheˬlahˬ aˬ ha smˬ mehˇ nmˇ meh. Aˬ li aˬ yuiꞈ yuiꞈ saˬ gʼaˬ pyeuꞈ-eu Iˇlehˆ-aˬ, haiˬ dui dui-eu miˇ neh, Sahˬpaˬ Miˬyehˇ neh bi shiˇ-euˬ meh.