Aˇ dahˬ 37:36 - Akha

³⁶ Aˇ yamˬ kʼoeˇ yamˬ laꞈ kʼoeˇ, Iˇjiˇtuˆ miˇ kʼahˬ-ahˇ iˇ keuˆ-euˬ Miˇdiˬyaˬ tsawˇ haˬ baw gaꞈ kʼoeˇ deuˬ, Iˇjiˇtuˆ sahˬ paˬ-euˬ nymˇ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ pyeuꞈ-eu Pawˇtiˇpaˬ-euˬ aˬ laꞈ laꞈ kʼoeˇ, Yoˇsehˆ-ahˇ ahˬ ahˇ nehˬ-euˬ meh.

Aˇ dahˬ 37:36 Referans Kwoze

Aˇ dahˬ 40:4

Aˬ yawꞈ maꞈ paꞈ kuˆ laꞈ kʼoeˇ gʼawˬ myahˇ ni jawˇ-awˇ, yaw huiˬ yaw mahˇ kʼoeˇ gʼaˬ neh, Yoˇsehˆ-ahˇ tsawˇ haˬ kʼoeˇ nyiˬ gʼaˬ-ahˇ bo saˆ-eu zaˬ kʼaˆ bi geuꞈ-euˬ meh.

Aˇ dahˬ 37:28

Kʼoeˇ naˇ, Miˇdiˬyaˬ tsawˇ haˬ baw gaꞈ deuˬ dawˬ peh oe keuˆ ngeh, aˬ ha mehˇ nmˇ Yoˇsehˆ-ahˇ lah duˬ laꞈ kʼoeˇ neh gʼeu doˆ-awˇ, Iˇshaˬmeˬlaˇ baw gaꞈ deuˬ-ahˇ ahˬ nehˬ-euˬ meh. Baw gaꞈ kʼoeˇ deuˬ aˬ yawꞈ maꞈ-ahˇ pyuˇ mehˇ byaˆ nyiˬ tseˇ byaˆ biꞈ-awˇ, Yoˇsehˆ-ahˇ zeuˇ-awˇ, Iˇjiˇtuˆ miˇ kʼahˬ-ahˇ sheuˬ gʼeh-euˬ meh.

Iˇsaˬyaˇ 56:3

Sahˬpaˬ Miˬyehˇ-euˬ tsawˇ haˬ deuˬ jawˇ gaˇ, jawˇ ahˇ laˇ-euˬ boeˇ miˬ siˬ kʼaˬ deuˬ-euˬ kʼaˬ meh, “Sahˬpaˬ Miˬyehˇ-euˬ aˇ maꞈ aˇ muˇ laꞈ kʼoeˇ, ngaˬ-ahˇ aˬ diˇ teh dzeh nehˬ laꞈ tehꞈ-a” lehˇ taˬ bi ehˇ. Aˇ caˆ pyehˆ gʼaˬ-euˬ kʼaˬ dzeˇ zaˬ deuˬ kʼawꞈ, “Zaˬ maˬ jawˇ le nya-eu miˇ neh, aˇ bawˇ baw guˇ-ahˇ duˇ leˇ-awˇ, Sahˬpaˬ Miˬyehˇ-euˬ tsawˇ haˬ deuˬ-ahˇ maˬ taꞈ nya-a” lehˇ taˬ bi ngehˬ.

2 Sahˬpaˬ 25:8

Baˬbuˇloˬ miˇ kʼahˬ-ahˇ Neˬbuˬkaˬneˬzaˬ sahˬ paˬ geuꞈ-awˇ uˆ lahˇ-euˬ tseˇ gʼoeˬ kʼoꞈ tiˬ kʼoꞈ, ba la ngaˬ siˬ tiˬ siˬ shiꞈ nah-ahˇ, sahˬ paˬ-ahˇ nui noeˬ nui duˇ biꞈ-eu gʼaˬ hawˇ-eu sahˬ paˬ-euˬ guiˇ maꞈ-ahˇ uˆ lahˇ-eu gʼaˬ geuꞈ luꞈ-eu Neˬbuˬzaˬlaˬdaˬ gʼaˬ, Yeˬluˇsaˬlehˬ meuˬ-ahˇ uˇ le-euˬ meh.

Iˇsaˬtaˆ 1:10

Dzaˬ byawˇ lawˇ-euˬ shiꞈ nah tiˬ nah keuˆ laˇ-awˇ, sahˬ paˬ aˬ gaꞈ dzaˇ uiˇ dawˇ luꞈ ngeh, aˬ yawꞈ-euˬ nui ma laꞈ kʼoeˇ laˬ kʼaˬ cehˇ laˇ-awˇ, zaˬ miˬ zaˬ deuˬ-ahˇ haw-eu pyaˆ-eu sahˬ paˬ-euˬ zaˬ kʼaˆ pyeuꞈ-eu Meˬhuˇmaˬ, Biˇzaˬdaˬ, Haˬbawˇnaˆ, Biˇgaˬdaˬ, Aˬbaˬgaˬdaˬ, Zehˇdaˬ hawˇ-eu Gaˬkaˆ aˬ ha shiꞈ gʼaˬ-ahˇ aˬ yawꞈ kuˇ-euˬ meh.

Aˇ dahˬ 40:3

Kʼoeˇ miˇ neh, aˬ yawꞈ nyaꞈ-ahˇ kʼawꞈ, sahˬ paˬ-euˬ nymˇ-ahˇ loꞈ-eu guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ-euˬ nymˇ-ahˇ jaˆ-eu, Yoˇsehˆ-ahˇ nyehꞈ uˇ taˬ-euˬ paꞈ kuˆ kʼoeˇ kuˆ -ahˇ dawˆ-euˬ meh.

Aˇ dahˬ 41:12

Yaw huiˬ yaw mahˇ kʼoeˇ gʼaˬ-euˬ zaˬ kʼaˆ pyeuꞈ-eu Heˬbyehˇ tsawˇ jeuˬ zaˬ guˬ tiˬ gʼaˬ kʼawꞈ, nga maꞈ nehˬ-ehˇ tiˬ kawˆ loꞈ-ehˇ paꞈ kuˆ laꞈ kʼoeˇ uˇ-euˬ ma. Nga nyaꞈ neh yuꞈ maˆ maˆ-euˬ gaˇ kawˆ aˬ yawꞈ-ahˇ dzawˇ nehˬ ngeh, aˬ yawꞈ dawˬ tsuiꞈ yuˇ doˆ nehˬ laꞈ-euˬ meh.

Jaceuq 105:17

Ehˇ kʼawꞈ zaˬ kʼaˆ loꞈ-ehˇ bi ahˬ dzaˬ-euˬ Yoˇsehˆ-ahˇ, aˬ yawꞈ maꞈ-euˬ mehˬ hu pyehˬ gʼeh-euˬ meh.

Yeˬlaˬmiˇ 39:9

Aˇ saˬ saˬ laˇ jawˬ-ehˇ, Baˬbuˇloˬ guiˇ maꞈ deuˬ kʼoeˇ taˆ uˆ lahˇ-eu Neˬbuˬzaˬlaˬdaˬ-aˬ, meuˬ laꞈ kʼoeˇ kʼaˇ dzeˇ-eu tsawˇ haˬ deuˬ hawˇ-eu, aˬ yawꞈ jawˇ paw kʼaˇ cehˆ uˇ leˇ-euˬ tsawˇ haˬ deuˬ-ahˇ Baˬbuˇloˬ miˇ kʼahˬ-ahˇ nyehꞈ daˆ leꞈ-euˬ meh.

Daˬyeˬlaˇ 2:14

Kʼoeˇ naˇ, Baˬbuˇloˬ meuˬ-ahˇ jawˇ-eu tsawˇ gahˇ ahˇ-eu tsawˇ haˬ deuˬ-ahˇ sehꞈ-eu gaˇ biꞈ taˬ-euˬ, sahˬ paˬ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Aˬliˇoˆ jawˇ gaˇ Daˬyeˬlaˇ iˇ-awˇ, yaw muiˬ paˬ-ehˇ noeˬ gahˇ-awˇ ngehˬ cawˬ-euˬ meh.