Biblia Todo Logo
Bib sou entènèt

- Piblisite -




Aˇ dahˬ 37:35 - Akha

35 Aˬ yawꞈ-euˬ aˬ buˇ aˬ li dawˬ tawˆ luꞈ aˬ yawꞈ jawˇ gaˇ laˇ-awˇ, aˬ yawꞈ nui ma saˇ laˇ ni gʼaˬ biꞈ nehˬ kʼawꞈ, aˬ yawꞈ maˬ naˇ haˬ-ehˇ, “Ngaˬ li jawˇ-eu shiˇ-eu miˇ kʼahˬ-ahˇ maˬ keuˆ kʼoeˇ keuˆ ni, tsawˇ ngoeˇ ngoeˇ ngoeˇ-ehˇ iˇ byoˆ gʼeh-eu ma” lehˇ ehˇ-eu meh. Yaˬkoˆ-aˬ, nah doˆ le ngeh Yoˇsehˆ-ahˇ noeˬ-awˇ, tsawˇ ngoeˇ ngoeˇ ngoeˇ-ehˇ jawˇ-euˬ meh.

Gade chapit la Kopi




Aˇ dahˬ 37:35
18 Referans Kwoze  

Yawˇbaˆ-euˬ cawˬ smˇ gʼaˬ-aˬ, Teˬmaˬ meuˬ-ahˇ jawˇ-euˬ Eˇliˇpaˬ, Shuˇaˬ miˇ kʼahˬ-ahˇ jawˇ-eu Biˇlaˬdaˇ hawˇ-eu Naˬmaˬ miˇ kʼahˬ-ahˇ jawˇ-eu Zoˇpaˬ meh. Yawˇbaˆ shaˬ zahˬ naꞈ dui dui luꞈ-eu gaˇ kawˆ aˬ ha smˇ gʼaˬ ya gaˬ ngeh, iˇ-awˇ gʼaˬ biꞈ-iˇ ma lehˇ aˬ yawꞈ maꞈ noeˬ tsehˆ-euˬ meh.


Aˬ yawꞈ-euˬ saˇ naˇ-ahˇ gaˇ mˇ-eu yaw huiˬ yaw mahˇ deuˬ, aˬ yawꞈ tuˇ laˇ ni leh jeh-euˬ meh. Ehˇ kʼawꞈ, aˬ yawꞈ maˬ tuˇ laˇ ehˇ, tiˬ jeˬ-iˬ maˬ dzaˬ maˬ dawˇ ni tehꞈ-ehˇ jawˇ-euˬ meh.


Ehˇ kʼawꞈ, Yaˬkoˆ ehˇ-eu, “Ngaˬ li-ahˇ nawˬ nehˬ-ehˇ maˬ bi iˇ nya-a. Aˬ yawꞈ-euˬ aˇ doˆ shiˇ-awˇ, aˬ yawꞈ tiˬ gʼaˬ dzeˇ-eu tehꞈ meh. Gaˇ pehˇ iˇ luꞈ ngeh, aˬ yawꞈ-ahˇ tiˬ jeˬ paˬ pyeuꞈ laˇ gaˇ ngaˇ kʼahˬ lahˇ dui dui nya. Ngaˇ mawˬ dui dui laˇ-euˬ gaˇ hawˇ-eu shaˬ zahˬ naꞈ dzehˬ laˇ ni naw maꞈ paˇ mˇ nehˬ laꞈ-eu lehˇ gʼeh-eu jeˬ maˇ-iˬ, ngaˇ bi shiˇ-eu lehˇ naw maꞈ jahˇ gaˇ duˇ-eu ngaˇ.”


Sahˬpaˬ Miˬyehˇ heu loꞈ-ehˇ ehˇ-eu meh. “Laˬmahˇ meuˬ-ahˇ teˇ saˇ gaˬ doˆ laˇ nya. Shaˬ zahˬ naꞈ-awˇ ngoeˇ-eu teˇ saˇ gaˬ doˆ laˇ nya. Laˬkeˬlaˇ ngoeˇ dui dui luꞈ meh. Aˬ li dawˬ tawˆ luꞈ maˬ paˇ ya mawˇ-eu miˇ neh, maˬ muˇ taˬ nya ni ngoeˇ-eu meh.”


Ngaˇ shaˬ zahˬ naꞈ ngeh, Sahˬpaˬ Miˬyehˇ-ahˇ guiˬ lahˬ shaˇ-euˬ ma. Uˬ ciꞈ miˇ lah-ehˇ aˬ laꞈ baꞈ diˇ-awˇ guiˬ lahˬ shaˇ kʼawꞈ, nui ma saˇ laˇ duˬ maˬ jaˆ nya.


Kʼoeˇ ngeh hawˇ-eu, “Ehˬ nga ehˬ. Ngaˬ li Yoˇsehˆ yaw dehꞈ dehꞈ luꞈ law hawˇ ngaˬ siˬ laˬ. Ngaˇ ziˇ maˬ jiˇ mi naˆ-ehˇ aˬ yawꞈ jawˇ gaˇ iˇ-awˇ, aˬ yawꞈ-ahˇ ya haw mawˇ-iˇ law hawˇ ngaˬ siˬ laˬ.”


Ngaˬ ha mehˇ nmˇ kʼawꞈ heu loꞈ-ehˇ ehˇ kʼoꞈ nehˬ-euˬ ma. ‘Nga maꞈ nawˬ-euˬ miˇ kʼahˬ-ahˇ kʼoeˬ sho-eu tsawˇ haˬ maˬ ngeuˇ. Muiˬ-eu jaˬ-eu tsawˇ haˬ ma.


Yaˬkoˆ-ahˇ Laˬbaˬ ehˇ nehˬ-eu, “Zaˬ miˬ zaˬ heu deuˬ-aˬ, ngaˬ-euˬ zaˬ miˬ pyeuꞈ-eu ma. Aˬ yawꞈ maꞈ-euˬ zaˬ deuˬ hawˇ-eu, jeˬ zaˬ heu deuˬ dawˬ tawˆ luꞈ kʼawꞈ, ngaˬ-euˬ tehꞈ ma. Aˬ diˇ aˬ maˇ ya ehˇ naˇ, nymˬ-mˇ heu gaˇ nawˇ mawˇ luꞈ-eu myawˬ gahˬ heu deuˬ dawˬ tawˆ luꞈ kʼawꞈ, ngaˬ-euˬ tehꞈ-ehˇ pyeuꞈ-eu ma. Ehˇ kʼawꞈ, ngaˬ buˇ deuˬ hawˇ-eu ngaˬ-euˬ oeˬ paˬ oeˬ ma deuˬ-ahˇ ngaˇ maˬ gʼeu tehˬ nya-aˇ.


Aˬ yawꞈ mawˬ dui dui laˇ-awˇ, aˇ yamˬ tsaˬ ngeh ziˇ jiˇ-euˬ meh.


Tsawˇ mawˬ mawˬ dui dui laˇ-awˇ neh hawˇ-eu aˬ yawꞈ ziˇ jiˇ-awˇ, aˬ yawꞈ-euˬ aˬ li Iˇsawˇ hawˇ-eu Yaˬkoˆ aˬ nyaꞈ nmˇ neh, aˬ yawꞈ-ahˇ baꞈ pahˬ-euˬ meh.


Ehˇ kʼawꞈ, nymˬ-mˇ aˬ yawꞈ shiˇ dzeuˇ shaw-euˬ-aˬ, aˬ jeˬ miˇ neh ngaˇ maˬ dzaˬ maˬ dawˇ ni paˇ lah-eu. Aˬ li paˇ gʼoꞈ dehꞈ laˇ ni ngaˇ jahˇ nya ta loˇ. Tiˬ nah keuˆ laˇ naˇ, aˬ yawꞈ jawˇ gaˇ ngaˇ ya le meh.”


Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.


“Nawˬ-ahˇ tiˬ jawˇ-iˬ maˬ paˇ ya mawˇ-eu duˇ lehˇ ngaˇ noeˬ jiˇ gʼaˬ-euˬ kʼawꞈ, nawˬ-ahˇ tehꞈ-ehˇ maˬ ngeuˇ-ehˇ, nawˬ-euˬ zaˬ deuˬ-ahˇ kʼawꞈ Miˬyehˇ ngaˬ-ahˇ paˇ bi mawˇ laꞈ-euˬ nga” lehˇ, Yoˇsehˆ-ahˇ Yaˬkoˆ ehˇ nehˬ-euˬ meh.


Sahˬ paˬ Daˬbiˇ Aˬbaˇsaˬloˬ gʼaˇ duˬ tsawˇ ngoeˇ ngoeˇ luꞈ-eu gaˇ kawˆ, Yoˇbaˬ-ahˇ aˬ cawˬ ehˇ nehˬ-euˬ meh.


Aˬ da gʼaˬ pyeuꞈ-eu Eˇpaˬleˬ-aˬ, aˬ nyaꞈ nmˇ gʼaˇ duˬ gʼawˬ mya nah tsawˇ ngoeˇ ngoeˇ-awˇ, aˬ yawꞈ-euˬ mehˇ nmˇ deuˬ aˬ yawꞈ-ahˇ gʼaˬ biꞈ nehˬ laˇ-euˬ meh.


Miˬyehˇ gaˇ kawˆ ngaˇ shaˇ noeˬ ngeh, saꞈ gʼawˇ daˆ laˇ miˇ-a. Ciˬ cuˇ ni jawˇ-awˇ shaˇ noeˬ ngeh, gʼaˬ baˬ dui dui nya.


Swiv nou:

Piblisite


Piblisite