Biblia Todo Logo
Bib sou entènèt

- Piblisite -




Aˇ dahˬ 37:28 - Akha

28 Kʼoeˇ naˇ, Miˇdiˬyaˬ tsawˇ haˬ baw gaꞈ deuˬ dawˬ peh oe keuˆ ngeh, aˬ ha mehˇ nmˇ Yoˇsehˆ-ahˇ lah duˬ laꞈ kʼoeˇ neh gʼeu doˆ-awˇ, Iˇshaˬmeˬlaˇ baw gaꞈ deuˬ-ahˇ ahˬ nehˬ-euˬ meh. Baw gaꞈ kʼoeˇ deuˬ aˬ yawꞈ maꞈ-ahˇ pyuˇ mehˇ byaˆ nyiˬ tseˇ byaˆ biꞈ-awˇ, Yoˇsehˆ-ahˇ zeuˇ-awˇ, Iˇjiˇtuˆ miˇ kʼahˬ-ahˇ sheuˬ gʼeh-euˬ meh.

Gade chapit la Kopi




Aˇ dahˬ 37:28
25 Referans Kwoze  

“Yaˬkoˆ-euˬ aˬ li deuˬ-aˬ, aˬ yawꞈ ha mehˇ nmˇ-euˬ aˬ nyiˇ Yoˇsehˆ-ahˇ myaˆ naˆ-eu miˇ neh, aˬ cawˬ-ahˇ ahˬ nehˬ-awˇ, aˬ cawˬ neh Iˇjiˇtuˆ miˆ kʼahˬ-ahˇ zaˬ kʼaˆ bi geuꞈ-iˇ-eu gʼaˇ duˬ ahˬ dzaˬ-euˬ meh. Ehˇ kʼawꞈ, Yoˇsehˆ-ahˇ Miˬyehˇ maˬ byehˇ dzeh-ehˇ,


Ehˇ kʼawꞈ zaˬ kʼaˆ loꞈ-ehˇ bi ahˬ dzaˬ-euˬ Yoˇsehˆ-ahˇ, aˬ yawꞈ maꞈ-euˬ mehˬ hu pyehˬ gʼeh-euˬ meh.


Jeˬtuˬlaˇ o neh jawˇ le-euˬ Aˬbyaˬhaˬ-euˬ zaˬ deuˬ-aˬ, Zmˇlaˬ, Yoˇshaˬ, Meˬdaˬ, Miˇdiˬyaˬ, Iˇshaˬbehˇ, Shuˇaˬ, aˬ ha mehˇ nmˇ meh.


“Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ naˇ, naw maꞈ ngaˬ-ahˇ aˬ jeˬ biꞈ te” lehˇ, piˇ ma aˬ yuiꞈ kʼoeˇ deuˬ-ahˇ aˬ yawꞈ naˇ haˬ ngeh, aˬ yawꞈ maꞈ aˬ yawꞈ-ahˇ pyuˇ maˇ byaˆ smˬ tseˇ byaˆ biꞈ nehˬ-euˬ meh.


Aˇ yamˬ kʼoeˇ yamˬ laꞈ kʼoeˇ, Iˇjiˇtuˆ miˇ kʼahˬ-ahˇ iˇ keuˆ-euˬ Miˇdiˬyaˬ tsawˇ haˬ baw gaꞈ kʼoeˇ deuˬ, Iˇjiˇtuˆ sahˬ paˬ-euˬ nymˇ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ pyeuꞈ-eu Pawˇtiˇpaˬ-euˬ aˬ laꞈ laꞈ kʼoeˇ, Yoˇsehˆ-ahˇ ahˬ ahˇ nehˬ-euˬ meh.


Aˬ yawꞈ maꞈ kʼoeˇ loꞈ-ehˇ jahˇ gʼaˬ-awˇ hawˬ dzaˬ luꞈ ngeh, Iˇshaˬmeˬlaˇ tsawˇ haˬ tiˬ muˇ, Giˇlaˆ miˇ kʼahˬ paw neh oe-awˇ, Iˇjiˇtuˆ miˇ kʼahˬ-ahˇ iˇ luꞈ gaˇ aˬ yawꞈ maꞈ ya mawˇ-euˬ meh. Tsawˇ haˬ kʼoeˇ deuˬ-aˬ, tsiˇ yaw saw jeˬ hawˇ-eu aˇ poeˬ kʼaˆ-eu dzaˇ muiˇ dzaˇ sawˇ tawˬ luꞈ-eu law taw deuˬ teh luꞈ-eu meh.


Miˬyehˇ gʼaˇ duˬ ngehˬ dah-eu Yeˬlaˬmiˇ neh ehˇ taˬ-euˬ dawˬ, kʼoeˇ gaˇ byah laˇ-euˬ meh. “Iˇsaˬleˬlaˆ tsawˇ haˬ deuˬ neh aˬ yawꞈ-euˬ aˇ poeˬ daˇ tsehˆ-euˬ loꞈ-ehˇ, aˬ yawꞈ maꞈ pyuˇ mehˇ byaˆ smˬ tseˇ byaˆ yuˇ-euˬ meh.


Miˇdiˬyaˬ miˇ kʼahˬ hawˇ-eu Eˇpaˬ miˇ kʼahˬ-ahˇ neh, myawˬ tawˬ luꞈ-eu law taw baꞈ maꞈ nawˇ jawˇ gaˇ oe tehꞈ-a. Sheˬba miˇ kʼahˬ-ahˇ neh aˬ yawꞈ maꞈ doˆ laˇ-awˇ, shuiˇ hawˇ-eu tsiˇ yaw saw tawˬ laꞈ tehꞈ-a. Sahˬpaˬ Miˬyehˇ-euˬ guiˬ lahˬ-ahˇ, miˇ kʼahˬ zaˬ deuˬ ja byah tehꞈ-a.


Miˇdiˬyaˬ tsawˇ jeuˬ-ahˇ nawˬ neh jahˇ nehˬ-euˬ loꞈ-ehˇ, Siˇseˬlaˇ hawˇ-eu Yaˬbiˬ aˬ nyaꞈ-ahˇ, Giˇshoˬ lawˇ baˬ dawˬ peh jahˇ nehˬ-euˬ loꞈ-ehˇ, aˬ yawꞈ maꞈ-ahˇ nawˇ jahˇ nehˬ-awˬ.


Ehˇ kʼawꞈ, aˬ yawꞈ heu loꞈ-ehˇ paˇ ehˇ-eu meh. “Naw maꞈ-ahˇ ngaˇ heu loꞈ-ehˇ shaˇ-eu ma. Naw maꞈ yawˬ gʼaˬ na luꞈ, yawˬ ha neh yuˇ taˬ-euˬ naˬ bawˇ naˬ yoˆ ngaˬ-ahˇ biꞈ laꞈ-awˬ.” (Miˇdiˬyaˬ tsawˇ haˬ deuˬ kʼawꞈ, nahˇ ma doˆ kʼehˬ paw jawˇ-eu tsawˇ jeuˬ deuˬ loꞈ-ehˇ, shuiˇ naˬ bawˇ naˬ yoˆ geuꞈ-eu meh.)


Kʼoeˇ naˇ, Iˇsaˬleˬlaˆ tsawˇ haˬ deuˬ Giˇdoˬ-ahˇ ehˇ nehˬ-eu, “Nawˇ hawˇ-eu nawˬ-euˬ zaˬ nawˬ-euˬ uˆ deuˬ nga maꞈ kʼoeˇ taˆ uˆ lahˇ-awˬ. Miˇdiˬyaˬ tsawˇ haˬ deuˬ-euˬ aˬ laꞈ laꞈ kʼoeˇ, nga maꞈ-ahˇ nawˇ ka kʼoꞈ-euˬ meh.”


“Miˇdiˬyaˬ tsawˇ jeuˬ-ahˇ guiˇ deuˆ-awˇ laˆ luˬ laˆ seˇ nehˬ-awˬ.


Zaˬ miˬ zaˬ kʼoeˇ gʼaˬ-euˬ tsawˇ myahˇ-aˬ, Kawˇzaˬbiˇ meh. Aˬ yawꞈ-euˬ aˬ da Zuˇlaˆ-aˬ, Miˇdiˬyaˬ tsawˇ jeuˬ laꞈ kʼoeˇ, aˇ jeuˬ aˇ ca tiˬ ca-euˬ aˬ yuiꞈ geuꞈ luꞈ-eu meh.


Kʼoeˇ ngeh, Miˇdiˬyaˬ miˇ kʼahˬ-euˬ piˇ ma pyeuꞈ-eu Yeˬdaˬyoˇ-euˬ aˬ buˇ shiꞈ gʼaˬ, aˬ yawꞈ maꞈ-euˬ aˬ da-euˬ yawˇ hawˇ-eu ciꞈ myehꞈ deuˬ-ahˇ iˇ cuꞈ bi dawˇ-eu gʼaˇ duˬ, jeˬ zaˬ-euˬ iˇ cuꞈ kʼawˇ lawˬ-ahˇ iˇ cuꞈ kʼawꞈ ahˇ-eu lehˇ, lah duˬ-ahˇ oe-euˬ meh.


Iˇshaˬmeˬlaˇ tsawˇ haˬ deuˬ Yoˇsehˆ-ahˇ Iˇjiˇtuˆ miˇ kʼahˬ laꞈ kʼoeˇ sheuˬ gʼeh-awˇ, Iˇjiˇtuˆ sahˬ paˬ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu, sahˬ paˬ-euˬ nymˇ-ahˇ loꞈ-eu guiˇ maꞈ-ahˇ uˆ lahˇ-eu Pawˇtiˇpaˬ-ahˇ ahˬ nehˬ-euˬ meh.


Aˬ yawꞈ ha mehˇ nmˇ-euˬ aˬ da shiˇ dzeuˇ ngeh jawˇ, “Aˬ dui mehˇ nmˇ-ahˇ Yoˇsehˆ iˬ nah keuˆ ni bye-awˇ, aˬ dui maꞈ neh aˬ yawꞈ-ahˇ jahˇ nehˬ-euˬ loꞈ-ehˇ paˇ jahˇ kʼoꞈ nehˬ laꞈ naˇ, aˬ dui mehˇ nmˇ aˬ joˆ-ehˇ jahˇ nmˇ” lehˇ, Yoˇsehˆ-euˬ aˇ doˆ deuˬ bawˬ dzaˬ-euˬ meh.


Dawˇ coe ni ya ehˇ naˇ, Heˬbyehˇ miˇ kʼahˬ-ahˇ neh aˬ cawˬ ngaˬ-ahˇ kʼoeˬ doˆ laꞈ-euˬ meh. Ngaˇ heu gaˇ jawˇ luꞈ ngeh kʼawꞈ, paꞈ kuˆ laꞈ kʼoeˇ ya uˇ paˬ-ehˇ mˇ lehˬ laˆ lehˬ taˬ-euˬ tiˬ jeˬ-iˬ maˬ jaˆ.”


“Ahˬ dzaˬ-eu gʼaˇ duˬ maˬ ehˇ, yawˬ ha-euˬ zaˬ kʼaˆ bi geuꞈ-eu gʼaˇ duˬ maˬ ehˇ, tsawˇ haˬ-ahˇ kʼoeˬ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.


Ngaˬ kʼoꞈ-ahˇ neh nyiˬ tseˇ kʼoꞈ yaw kaˬ-ahˇ jawˇ-eu kʼaˬ dzeˇ zaˬ tiˬ gʼaˬ-euˬ aˇ poeˬ, nyiˬ tseˇ byaˆ meh. Zaˬ miˬ zaˬ ngeuˇ naˇ, tseˇ byaˆ meh.


Kʼoeˇ naˇ, aˬ yawꞈ maꞈ ngaˬ-ahˇ lah duˬ laꞈ kʼoeˇ neh gʼeu doˆ nehˬ laꞈ-euˬ meh. Lah duˬ laꞈ kʼoeˇ neh doˆ laˇ gʼaˬ ngeh jawˇ, sahˬ paˬ-euˬ hawˇ nymˇ lahˇ laꞈ kʼoeˇ ngaˬ-ahˇ ka lahˇ-awˇ bi jawˇ laꞈ-euˬ meh.


Swiv nou:

Piblisite


Piblisite