Aˇ dahˬ 35:1 - Akha

¹ Yaˬkoˆ-ahˇ Miˬyehˇ ehˇ nehˬ-eu, “Yaw kawˇ ma-ehˇ iˇ-awˇ Beˬdeˬlaˇ-ahˇ jawˇ-iˇ-awˬ. Nawˇ Iˇsawˇ-ahˇ guˆ-awˇ cehˆ ngeh, nawˬ-euˬ mehˬ shi doˆ le-euˬ Miˬyehˇ-aˬ, ngaˇ ma. Ngaˬ-euˬ gʼaˇ duˬ kʼoeˇ gaˇ lawˇ duˬ tiˬ tsahˇ tsoˆ-awˬ.”

Aˇ dahˬ 35:1 Referans Kwoze

Aˇ dahˬ 31:13

Beˬdeˬlaˇ lehˇ kuˇ-euˬ jawˇ duˬ-ahˇ, kʼaˬ lo tiˬ siˬ kʼoeˇ taˆ nawˇ tsiˇ shehˆ daˆ-awˇ, noeˬ mawˇ-eu gʼaˇ duˬ damˬ nehˬ-eu laꞈ kʼoeˇ, saˇ jaˇ dzaˬ ngeh, nawˬ-euˬ mehˬ shi doˆ le-euˬ Miˬyehˇ-aˬ, ngaˇ ma. Nawˇ dehꞈ le-euˬ miˇ kʼahˬ-ahˇ gʼoꞈ-iˇ-eu gʼaˇ duˬ, nymˬ-mˇ lehˬ hmˬ-awˬ lehˇ ehˇ-eu meh.”

Hawˇseˬ 12:4

Mˬ taˆ gʼaˬ kʼehˇ-ahˇ dawꞈ gʼaˬ-awˇ, ngoeˇ-awˇ guiˬ lahˬ shaˇ geuꞈ-euˬ meh. Beˬdeˬlaˇ lehˇ kuˇ-eu tsahˇ-ahˇ, Miˬyehˇ aˬ yawꞈ jawˇ gaˇ oe-awˇ, aˬ yawꞈ-ahˇ dawˬ ngehˬ cawˬ-euˬ meh.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Dawˬmehˬ 32:36

Yawꞈ-euˬ tsawˇ haˬ gʼaˬ juˬ-iˇ ngeh, Sahˬpaˬ Miˬyehˇ ka kʼoꞈ tehꞈ-a. Yawꞈ-ahˇ saˇ jaˇ ziꞈ luꞈ-eu deuˬ, caw ba nehˬ-eu gʼaˬ maˬ jawˇ ngeh, aˬ yawꞈ gʼawˬ shaˬ gaˬ nehˬ tehꞈ-a.

Aˇ dahˬ 35:7

Kʼoeˇ gaˇ, lawˇ duˬ tiˬ tsahˇ aˬ yawꞈ tsoˆ-awˇ, jawˇ duˬ kʼoeˇ tsahˇ-ahˇ Beˬdeˬlaˇ Miˬyehˇ-euˬ tsawˇ myahˇ myahˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ Iˇsawˇ-ahˇ guˆ-awˇ cehˆ luꞈ ngeh, jawˇ duˬ kʼoeˇ tsahˇ-ahˇ, aˬ yawꞈ-euˬ mehˬ shi Miˬyehˇ doˆ le-euˬ meh.

Aˇ dahˬ 31:3

Kʼoeˇ ngeh, “Nawˬ da jawˇ-eu miˇ kʼahˬ-ahˇ, nawˬ-euˬ aˬ yuiꞈ aˬ nyiˇ deuˬ jawˇ gaˇ gʼoꞈ-iˇ-awˬ. Nawˬ nehˬ-ehˇ ngaˇ jawˇ ma” lehˇ, Yaˬkoˆ-ahˇ Sahˬpaˬ Miˬyehˇ ehˇ nehˬ-euˬ meh.

Jaceuq 47:4

Aˬ yawꞈ gaˬ-eu tsawˇ haˬ deuˬ nui kʼahˇ shiˇ dui dui-eu miˇ kʼahˬ pyeuꞈ-eu, aˬ yawꞈ jawˇ-eu miˇ kʼahˬ kʼoeˇ kʼahˬ-ahˇ, aˬ dui gʼaˇ duˬ aˬ yawꞈ tseˇ doˆ nehˬ laꞈ-euˬ meh.

Doˆ-iˇ 2:15

Gaˇ kawˆ kʼoeˇ sahˬ paˬ ya gaˬ ngeh, Moˇseˬ-ahˇ sehꞈ-eu lehˇ poˆ-euˬ meh. Ehˇ kʼawꞈ, Miˇdiˬyaˬ miˇ kʼahˬ-ahˇ Moˇseˬ cehˆ leˇ-awˇ jawˇ-euˬ meh. Tiˬ nah-aˬ, lah duˬ tiˬ duˬ dawˬ peh Moˇseˬ nuiˇ luꞈ-eu meh.

Aˇ dahˬ 22:14

Jawˇ duˬ kʼoeˇ tsahˇ-ahˇ, “Sahˬpaˬ Miˬyehˇ laˆ saˆ taˬ-euˬ” lehˇ Aˬbyaˬhaˬ myahˇ nehˬ-euˬ meh. “Sahˬpaˬ Miˬyehˇ-euˬ gawˬ jawˬ-ahˇ Sahˬpaˬ Miˬyehˇ laˆ saˆ taˬ-euˬ meh” lehˇ, iˬ nah keuˆ ni aˬ cawˬ dawˬ daˬ daˬ luꞈ-eu meh.

Aˇ dahˬ 16:8

“Saˬlehˇ-euˬ zaˬ kʼaˆ Haˬgaˬlaˇ-oˇ, aˬ geu gaˇ neh oe-awˇ aˬ geu paw iˇ-eu gʼeh te” lehˇ naˇ haˬ ngeh, “Ngaˬ-euˬ nymˇ sahˇ aˬ ma-ahˇ maˬ ya mawˇ gaˇ cehˆ byoˆ-eu lehˇ gʼeh-eu ma” lehˇ, Haˬgaˬlaˇ ehˇ kʼoꞈ nehˬ-euˬ meh.

Aˇ dahˬ 12:8

Kʼoeˇ naˇ, laꞈ oˆ paw jaˆ-eu Beˬdeˬlaˇ meuˬ-euˬ nahˇ ma doˆ kʼehˬ paw, gawˬ jawˬ gawˬ duˇ jaˆ-eu jawˇ duˬ-ahˇ aˬ yawꞈ iˇ-awˇ, nahˇ ma ga kʼehˬ paw jaˆ-eu Beˬdeˬlaˇ meuˬ hawˇ-eu, nahˇ ma doˆ kʼehˬ paw jaˆ-eu Aˬiˇ meuˬ-euˬ yaw kaˬ-ahˇ, sehˬ gʼawˆ gʼawˆ-awˇ jawˇ-euˬ meh. Kʼoeˇ gaˇ kʼawꞈ, lawˇ duˬ tiˬ tsahˇ aˬ yawꞈ tsoˆ-awˇ, Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ-euˬ meh.

Naˬhmˬ 1:15

Gawˬ jawˬ uˬ du oe ka luꞈ-eu, laˬ kʼaˬ cehˇ-eu dawˬ tsaꞈ le-euˬ, dawˬ dzawˇ mˇ-eu gʼaˬ-ahˇ haw yawˬ. Gʼaˬ leˇ-euˬ gaˇ kawˆ dzawˇ-eu lehˇ, aˬ yawꞈ oe ka luꞈ gaˇ haw yawˬ. Yuˇdaˆ miˇ kʼahˬ-oˇ, bawˬ-iˬ gʼeh-awˬ. Naw maꞈ saˇ jaˇ dzaˬ taˬ-euˬ jeˬ, Miˬyehˇ-ahˇ paˇ mˇ kʼoꞈ nehˬ-awˬ. Naw maꞈ-ahˇ muiˇ-eu haiˬ-eu deuˬ, naw maꞈ-ahˇ guiˇ maˬ deuˆ nya ni, laˆ piˬ laˆ byoˆ jiˇ nehˬ-euˬ meh.

Jaceuq 46:1

Miˬyehˇ-aˬ, aˬ dui-euˬ gʼoe duˬ hawˇ-eu aˬ dui-euˬ gʼaˬ pyeuꞈ-awˇ, shaˬ-eu zahˬ-eu aˇ yamˬ laꞈ kʼoeˇ, aˬ dui-ahˇ caw ba nehˬ laꞈ-eu meh.

Aˇ dahˬ 34:31

Aˬ yawꞈ nyaꞈ nmˇ ehˇ-eu, “Aˬ dui pehˬ-euˬ zaˬ miˬ-ahˇ, ciˇ piˇ ciˇ leuˆ loꞈ-ehˇ sawˇ-awˇ, kʼaˇ jahˇ mawꞈ-eu bi jahˇ nya ta loˇ.”

1 Saˬmeuˬlaˆ 10:3

Kʼoeˇ gaˇ neh mehˬ hu paw nawˇ paˇ iˇ gʼeh-awˇ, Taˬbawˬ meuˬ-ahˇ jaˆ-eu muiˬ-eu shawˇ-eu aˇ bawˇ-ahˇ nawˇ iˇ keuˆ ngeh, Beˬdeˬlaˇ meuˬ-ahˇ Miˬyehˇ-ahˇ lawˇ nehˬ leˇ-eu gʼaˇ duˬ laˇ luꞈ-eu tsawˇ haˬ smˇ gʼaˬ-ahˇ nawˇ paˇ ya tahˬ puˬ tehꞈ-a. Tsawˇ haˬ kʼoeˇ smˇ gʼaˬ laꞈ kʼoeˇ, ciꞈ myehꞈ smˬ mawˇ tiˬ gʼaˬ tsahˇ luꞈ-awˇ, kaˬ muˇ smˇ siˬ tiˬ gʼaˬ pi luꞈ-awˇ, aˬ gaꞈ dzaˇ uiˇ tiˬ byah ni dahˬ-eu shaˬ kʼoˆ iˇ puˬ tiˬ gʼaˬ pi luꞈ tehꞈ-a.

Aˇ dahˬ 29:1

Kʼoeˇ naˇ, nahˇ ma doˆ kʼehˬ paw Yaˬkoˆ paˇ iˇ gʼeh-euˬ meh.

Aˇ dahˬ 35:15

Jawˇ duˬ kʼoeˇ tsahˇ-ahˇ Beˬdeˬlaˇ lehˇ aˬ yawꞈ myahˇ nehˬ-euˬ meh.