Aˇ dahˬ 34:30 - Akha

³⁰ Suˇmoˬ hawˇ-eu Leˬbiˇ aˬ nyaꞈ nmˇ-ahˇ Yaˬkoˆ ehˇ nehˬ-eu, “Naw nyaꞈ nmˇ ngaˬ-ahˇ laˆ shaˬ nehˬ laꞈ-euˬ nga. Nymˬ-mˇ poˆ jawˇ-aˬ, miˇ kʼahˬ heu kʼahˬ laꞈ kʼoeˇ kʼaˇ jawˇ-eu Kaˬnaˬ tsawˇ jeuˬ maˬ ehˇ, Paˬyehˆ tsawˇ jeuˬ maˬ ehˇ, nui deuˬ tsawˇ jeuˬ dawˬ tawˆ luꞈ maˬ ehˇ, ngaˬ-ahˇ muiˇ-eu nga. Ngaˬ nehˬ-ehˇ tsawˇ haˬ gʼawˬ mya ni jawˇ-eu maˬ ngeuˇ. Aˬ yawꞈ maꞈ dawˬ tawˆ luꞈ ga uiˬ-awˇ ngaˬ-ahˇ guiˇ deuˆ laˇ naˇ, aˬ dui pehˬ pehˬ zaˬ ma zaˬ-ehˇ bi sehꞈ jiˇ gaˇ keuˆ-eu nga.”

Aˇ dahˬ 34:30 Referans Kwoze

Jaceuq 105:12

Miˬyehˇ-euˬ tsawˇ haˬ deuˬ tsawˇ haˬ maˬ myaˬ-ehˇ, Kaˬnaˬ miˇ kʼahˬ laꞈ kʼoeˇ boeˇ miˬ siˬ kʼaˬ pyeuꞈ luꞈ-eu meh.

1 Saˬmeuˬlaˆ 13:4

Piˇliˇtiˆ guiˇ maꞈ kʼoeˇ taˆ uˆ lahˇ-eu yaw huiˬ gʼaˬ-ahˇ Sawˇluˆ neh sehꞈ-euˬ miˇ neh, Piˇliˇtiˆ tsawˇ haˬ deuˬ aˬ yawꞈ maꞈ-ahˇ muiˇ luꞈ-eu gaˇ kawˆ, Iˇsaˬleˬlaˆ tsawˇ haˬ dawˬ tawˆ luꞈ-ahˇ ehˇ gaˬ-euˬ meh. Kʼoeˇ ngeh, Iˇsaˬleˬlaˆ deuˬ, Giˇlaˇgaˬlaˇ meuˬ-ahˇ Sawˇluˆ jawˇ gaˇ uiˬ laˇ-euˬ meh.

Yawˇshuˆ 7:25

Kʼoeˇ naˇ, “Aˬ jeˬ miˇ neh nawˇ nga maꞈ kʼoeˇ taˆ shaˬ-eu zahˬ-eu jeˬ bi keuˆ le teˬ. Nymˬ-mˇ, Sahˬpaˬ Miˬyehˇ nawˬ-euˬ kʼoeˇ taˆ shaˬ-eu zahˬ-eu jeˬ bi keuˆ le tehꞈ-a” lehˇ, Yawˇshuˆ ehˇ-eu meh. Kʼoeˇ ngeh, tsawˇ haˬ dawˬ tawˆ luꞈ Aˬkaˬ-ahˇ kʼaˬ lo neh biˬ sehꞈ-euˬ meh. Aˬ yawꞈ-euˬ miˬ sawˇ zaˬ deuˬ hawˇ-eu aˬ yawꞈ-euˬ myawˬ gahˬ dawˬ tawˆ luꞈ-ahˇ kʼawꞈ, aˬ yawꞈ maꞈ kʼaˬ lo neh biˬ-awˇ, miˬ dzaˬ dzah puiˆ-euˬ meh.

Doˆ-iˇ 5:21

Moˇseˬ hawˇ-eu Aˬloˬ-ahˇ aˬ yawꞈ maꞈ ehˇ nehˬ-eu, “Naw nyaꞈ neh mˇ-euˬ gaˇ-ahˇ, Sahˬpaˬ Miˬyehˇ mawˇ luꞈ meh. Iˇjiˇtuˆ sahˬ paˬ hawˇ-eu, aˬ yawꞈ-euˬ gaˇ mˇ-eu yaw huiˬ yaw mahˇ deuˬ nga maꞈ-ahˇ bye ni naw nyaꞈ jahˇ-euˬ miˇ neh, Sahˬpaˬ Miˬyehˇ naw nyaꞈ-ahˇ kʼehˬ nehˬ tehꞈ-a. Naw nyaꞈ-aˬ, nga maꞈ-ahˇ bi sehꞈ-eu lehˇ, Iˇjiˇtuˆ tsawˇ haˬ-euˬ aˬ laꞈ-ahˇ mi cehˇ nmꞈ ahˇ nehˬ gaˇ duˇ meh.”

1 Laˬsaˬbaˬ 19:6

Sahˬ paˬ Haˬnuˬ hawˇ-eu Aˬmoˬ tsawˇ haˬ deuˬ-aˬ, aˬ yawꞈ maꞈ kʼoeˇ loꞈ-ehˇ mˇ-euˬ miˇ neh, Daˬbiˇ aˬ yawꞈ maꞈ-ahˇ muiˇ tehꞈ-a lehˇ noeˬ siˬ-awˇ, Maˬsoˬpoˬtaˬmiˇ miˇ kʼahˬ laꞈ taˆ dzaˬ hawˇ-eu, Zoˇbaˬ miˇ kʼahˬ, Mawˇkah miˇ kʼahˬ heu deuˬ-euˬ mahˬ laˆ lawˬ deuˬ hawˇ-eu, mahˬ laˆ lawˬ teh-eu yehˇ deuˬ aˬ yawꞈ-ahˇ bi caw ba le-eu gʼaˇ duˬ, pyuˇ nyiˬ muiˇ oeˬ heˇ jawꞈ-i ehˇ gʼaˬ ni biꞈ-euˬ meh.

1 Laˬsaˬbaˬ 16:19

Miˬyehˇ tsawˇ jeuˬ tsawˇ haˬ cuiˆ-awˇ, Kaˬnaˬ miˇ kʼahˬ heu kʼahˬ laꞈ kʼoeˇ, boeˇ miˬ siˬ kʼaˬ pyeuꞈ luꞈ-eu meh.

1 Saˬmeuˬlaˆ 27:12

Aˬkiˇ-euˬ nui ma laꞈ kʼoeˇ, “Daˬbiˇ-euˬ tsawˇ jeuˬ Iˇsaˬleˬlaˆ tsawˇ haˬ deuˬ Daˬbiˇ-ahˇ bye dui dui-eu miˇ neh, maˬ shiˇ tiˬ ziˇ ngaˬ-euˬ zaˬ kʼaˆ aˬ yawꞈ ya geuꞈ-eu ngaˇ” lehˇ noeˬ-awˇ, Daˬbiˇ-ahˇ jah dui dui-euˬ meh.

Aˇ dahˬ 13:7

Kʼoeˇ miˇ neh, Aˬbyaˬ-euˬ jeˬ zaˬ bo-eu tsawˇ haˬ deuˬ hawˇ-eu, Lawˇtaˬ-euˬ jeˬ zaˬ bo-eu tsawˇ haˬ deuˬ yaw kaˬ, tiˬ kʼehˬ maˬ taˬ ni dawˬ ja doˆ-eu meh. Aˇ yamˬ kʼoeˇ yamˬ-ahˇ, Kaˬnaˬ tsawˇ jeuˬ hawˇ-eu Paˬyehˆ tsawˇ jeuˬ kʼawꞈ, miˇ kʼahˬ kʼoeˇ kʼahˬ laꞈ kʼoeˇ jawˇ luꞈ-eu meh.

Dawqdaq 15:27

Myawꞈ dzaˬ shuiˇ dzaˬ-eu deuˬ yaw ha nymˇ jiˇ laˆ shaˬ-awˇ, laꞈ nmˬ maˬ yuˇ-eu deuˬ ziˇ baw-eu meh.

Dawqdaq 11:29

Yawˬ ha-euˬ nymˇ jiˇ-ahˇ laˆ shaˬ-eu tsawˇ haˬ uˆ kʼawꞈ kʼawꞈ-iˇ-awˇ, aˬ dzawˬ aˇ gah deuˬ tsawˇ gahˇ ahˇ-eu deuˬ-euˬ zaˬ kʼaˆ ya geuꞈ tehꞈ-a.

Dawqdaq 11:17

Gʼawˬ shaˬ gaˬ nya-eu tsawˇ haˬ-aˬ, yawˬ ha-ahˇ muiˬ laˇ duˬ jaˆ-awˇ, gʼawˬ shaˬ maˬ gaˬ nya-eu tsawˇ haˬ-aˬ, yawˬ ha-ahˇ coeˬ laˇ duˬ jaˆ-eu meh.

1 Laˬsaˬbaˬ 16:12

Miˬyehˇ-euˬ zaˬ kʼaˆ geuꞈ yaꞈ-euˬ, aˬ da Yaˬkoˆ-euˬ zaˬ deuˬ-oˇ, Miˬyehˇ tseˇ doˆ-euˬ gʼaˬ pyeuꞈ-eu, Iˇsaˬleˬlaˆ-euˬ zaˬ deuˬ-oˇ, Miˬyehˇ mˇ-euˬ kʼaˆ-eu gaˇ deuˬ, Miˬyehˇ yaˇ kʼaˬ daˇ dzeuˇ-euˬ deuˬ, maˬ ngehˇ ni noeˬ taˬ juiˇ taˬ yawˬ.

1 Laˬsaˬbaˬ 2:7

Zeˬlahˬ-euˬ zaˬ deuˬ uˆ deuˬ laꞈ kʼoeˇ, Kaˬmiˬ-euˬ aˬ li Aˬkaˬ-aˬ, Miˬyehˇ-ahˇ damˬ nehˬ gʼaˬ-euˬ mˇ myawˬ yuˇ geuꞈ-eu laꞈ kʼoeˇ, Iˇsaˬleˬlaˆ tsawˇ jeuˬ kʼoeˇ taˆ luˬ-iˇ seˇ-iˇ-eu jeˬ keuˆ le ni mˇ-euˬ meh.

1 Sahˬpaˬ 18:18

Eˇliˇyaˆ ehˇ-eu, “Ngaˇ-aˬ, laˆ suˬ saˬ-eu tsawˇ haˬ maˬ ngeuˇ. Laˆ suˬ saˬ-eu tsawˇ haˬ-aˬ, nawˇ hawˇ-eu nawˬ da-euˬ nymˇ jiˇ meh. Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ naw maꞈ maˬ naˇ haˬ ni, Baˬlaˇ miˬ yehˇ-euˬ tahˬ pahˬ aˬ ma mawˇ kawˇ-ahˇ naw maꞈ uˬ duˬ tahˬ-euˬ meh.

2 Saˬmeuˬlaˆ 10:6

Aˬ yawꞈ maꞈ neh kʼoeˇ loꞈ-ehˇ jahˇ nehˬ-euˬ miˇ neh, Daˬbiˇ aˬ yawꞈ maꞈ-ahˇ muiˇ-eu gaˇ kawˆ Aˬmoˬ tsawˇ haˬ deuˬ noeˬ siˬ ngeh, tsawˇ haˬ pyehˬ gʼeh-awˇ, Behˬleˬhawˇbaˆ meuˬ hawˇ-eu Zoˇbaˬ meuˬ-ahˇ jawˇ-eu Suˇliˆ yehˇ nyiˬ muiˇ gʼaˬ, Tawˇbaˬ meuˬ-ahˇ jawˇ-eu tsawˇ haˬ tiˬ muiˇ nyiˬ heˇ gʼaˬ hawˇ-eu, Mawˇkah sahˬ paˬ hawˇ-eu aˬ yawꞈ-euˬ tsawˇ haˬ tiˬ heˇ gʼaˬ-ahˇ ngaˬ laˬ-iˇ-euˬ meh.

1 Saˬmeuˬlaˆ 27:1

Daˬbiˇ-euˬ nui ma laꞈ kʼoeˇ heu loꞈ-ehˇ shaˇ noeˬ luꞈ-eu meh. “Sawˇluˆ ngaˬ-ahˇ sehꞈ laˇ-eu aˇ nah tiˬ nah jaˆ laˇ-eu nga. Piˇliˇtiˆ miˇ kʼahˬ-ahˇ cehˆ jawˇ-iˇ-eu-aˬ, ngaˬ-euˬ gʼaˇ duˬ zaˬ dzehˬ-eu nga. Kʼoeˇ loꞈ-ehˇ jahˇ naˇ, Iˇsaˬleˬlaˆ miˇ kʼahˬ laꞈ kʼoeˇ Sawˇluˆ ngaˬ-ahˇ maˬ paˇ poˆ nya-eu miˇ neh, ngaˇ ya buˬ-iˇ tehꞈ-a.”

1 Saˬmeuˬlaˆ 16:2

Saˬmeuˬlaˆ ehˇ-eu, “Ngaˇ teu loꞈ-ehˇ aˬ joˆ-ehˇ mˇ nya nmˇ. Gaˇ kawˆ kʼoeˇ Sawˇluˆ ya gaˬ naˇ, ngaˬ-ahˇ sehꞈ laˇ tehꞈ-a.” Sahˬpaˬ Miˬyehˇ ehˇ-eu, “Nawˇ mawˇ neˇ mawˇ kʼaˇ zaˬ tiˬ mawˇ tsahˇ gʼeh-awˇ, Sahˬpaˬ Miˬyehˇ-ahˇ lawˇ nehˬ-eu lehˇ oe-euˬ ma lehˇ ehˇ nehˬ-awˬ.

Dawˬmehˬ 7:7

“Aˬ cawˬ tsawˇ jeuˬ naˆ maˬ tseˇ, naw maꞈ tsawˇ haˬ myaˬ dzehˬ-eu miˇ neh, Sahˬpaˬ Miˬyehˇ naw maꞈ-ahˇ gaˬ-awˇ tseˇ doˆ-euˬ maˬ ngeuˇ-a. Naw maꞈ-aˬ, miˇ tsaˬ kʼoeˇ taˆ aˬ cawˬ naˆ maˬ tseˇ cuiˆ dzehˬ-eu tsawˇ jeuˬ pyeuꞈ-eu meh.

Aˇ dahˬ 46:27

Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu Yaˬkoˆ-euˬ aˬ li Yoˇsehˆ gʼaˬ kʼawꞈ, aˬ li nyiˬ li jawˇ le-euˬ meh. Kʼoeˇ miˇ neh, Iˇjiˇtuˆ miˇ kʼahˬ laꞈ kʼoeˇ jawˇ uˇ-iˇ-euˬ Yaˬkoˆ-euˬ zaˬ deuˬ uˆ deuˬ dawˬ tawˆ luꞈ, shiꞈ tseˇ gʼaˬ byah-eu meh.

Aˇ dahˬ 12:12

Teu miˇ neh, Iˇjiˇtuˆ tsawˇ haˬ deuˬ nawˬ-ahˇ mawˇ ngeh, ngaˇ nawˬ-euˬ kʼaˬ dzeˇ zaˬ nga lehˇ aˬ yawꞈ maꞈ haw siˬ naˇ, ngaˬ-ahˇ sehꞈ-awˇ nawˬ-ahˇ tehꞈ-ehˇ bi jawˇ yaꞈ tehꞈ-a.

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 34:2

Miˇ kʼahˬ kʼoeˇ kʼahˬ-ahˇ uˆ lahˇ luꞈ-eu, Hiˇbiˇ tsawˇ jeuˬ Haˬmawˬ-euˬ aˬ li Sheˬkmˬ lehˇ myahˇ-eu gʼaˬ Diˇnaˆ-ahˇ ya mawˇ ngeh, dawꞈ-awˇ yehˬ bawˬ sehˇ lu-ehˇ jahˇ nehˬ-euˬ meh.

Aˇ dahˬ 34:29

Aˇ poeˬ kʼaˇ baw-eu myawˬ deuˬ hawˇ-eu, nymˇ laꞈ kʼoeˇ kʼaˇ jaˆ-eu mˇ myawˬ dawˬ tawˆ luꞈ, aˬ yawꞈ maꞈ yuˇ geuꞈ jiˇ-awˇ, zaˬ miˬ zaˬ deuˬ hawˇ-eu zaˬ dawˬ tawˆ luꞈ sheuˬ kʼoꞈ gʼeh-euˬ meh.

Aˇ dahˬ 34:31

Aˬ yawꞈ nyaꞈ nmˇ ehˇ-eu, “Aˬ dui pehˬ-euˬ zaˬ miˬ-ahˇ, ciˇ piˇ ciˇ leuˆ loꞈ-ehˇ sawˇ-awˇ, kʼaˇ jahˇ mawꞈ-eu bi jahˇ nya ta loˇ.”

Aˇ dahˬ 46:26

Yaˬkoˆ-euˬ kuiˬ ma deuˬ maˬ ahˇ leˇ-ehˇ, Iˇjiˇtuˆ miˇ kʼahˬ-ahˇ jawˇ-iˇ-euˬ Yaˬkoˆ-euˬ zaˬ deuˬ hawˇ-eu oeˬ paˬ oeˬ ma deuˬ dawˬ tawˆ luꞈ, koꞈ tseˇ koꞈ gʼaˬ byah-eu meh.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

Aˇ dahˬ 12:6

Sheˬkmˬ meuˬ-euˬ muiˬ-eu shawˇ-eu jawˇ duˬ-ahˇ jaˆ-eu muiˬ-eu shawˇ-eu Mawˇleh aˇ bawˇ-ahˇ maˬ iˇ keuˆ kʼoeˇ keuˆ ni, tiˬ gaˇ saˇ-iˬ tiˬ gaˇ iˇ gʼeh-euˬ meh. Aˇ yamˬ kʼoeˇ yamˬ-ahˇ, Kaˬnaˬ miˇ kʼahˬ laꞈ kʼoeˇ Kaˬnaˬ tsawˇ jeuˬ jawˇ luꞈ-eu meh.

2 Saˬmeuˬlaˆ 16:21

Aˬhiˇtawˇpeˬlaˆ ehˇ-eu, “Sahˬ paˬ-euˬ hawˇ nymˇ-ahˇ bi loꞈ piˇ-eu lehˇ nawˬ da neh taˬ yaꞈ-euˬ nawˬ da-euˬ ma nyiˇ kʼoeˇ deuˬ nehˬ-ehˇ yuꞈ leˇ-awˬ. Kʼoeˇ ngeh, nawˬ da-ahˇ nawˬ neh yehˬ bawˬ sehˇ lu-ehˇ gʼeh nehˬ-euˬ gaˇ kawˆ, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ ya siˬ-awˇ, nawˬ-euˬ mehˬ nah caw teh-eu tsawˇ haˬ deuˬ gʼaˬ ahˇ dui dui laˇ tehꞈ-a.”

1 Sahˬpaˬ 11:25

Aˬ yawꞈ-aˬ, Sawˇlaˬmoˬ yaw dehꞈ dehꞈ luꞈ-eu aˇ yamˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ muiˇ-eu tsawˇ haˬ tiˬ gʼaˬ pyeuꞈ-eu meh.