Aˇ dahˬ 34:20 - Akha

²⁰ Meuˬ-euˬ lahˇ kʼehˬ dawˬ peh jaˆ-eu bawˬ dzaˬ duˬ-ahˇ, Haˬmawˬ hawˇ-eu Sheˬkmˬ aˬ nyaꞈ da zaˬ iˇ-awˇ, meuˬ laꞈ kʼoeˇ jawˇ-eu tsawˇ haˬ deuˬ-ahˇ, heu loꞈ-ehˇ ehˇ nehˬ-iˇ-euˬ meh.

Aˇ dahˬ 34:20 Referans Kwoze

Luˇta 4:1

Meuˬ lahˇ kʼehˬ dawˬ peh jaˆ-eu, meuˬ-ahˇ jawˇ-eu tsawˇ haˬ deuˬ mehˬ bawˬ bawˬ dzaˬ duˬ-ahˇ Bawˇza le-awˇ, nuiˇ luꞈ-eu meh. Kʼoeˇ ngeh, aˬ yawꞈ neh Luˇta-ahˇ ehˇ nehˬ-euˬ Aˬliˇmaˬlehˇ-ahˇ aˬ yuiꞈ aˬ nyiˇ peh dzehˬ-eu tsawˇ haˬ kʼoeˇ gʼaˬ iˇ tsehˆ gʼeh gaˇ aˬ yawꞈ mawˇ-awˇ, “Mawˬ cawˬ-oˇ, heu gaˇ laˇ-awˇ nuiˇ laˇ-awˬ” lehˇ kuˇ-euˬ meh. Kʼoeˇ ngeh, tsawˇ haˬ kʼoeˇ gʼaˬ kʼoeˇ gaˇ le-awˇ nuiˇ leˇ-euˬ meh.

Zaˬkaˬliˇ 8:16

Naw maꞈ heu loꞈ-ehˇ mˇ-awˬ. Tiˬ gʼaˬ tiˇ gʼaˬ yaw tsaˬ yaw dawˇ jeˬ ngehˬ-awˬ tmˇ-awˬ. Yaˇ kʼaˬ daˇ ngeh, yaw tsaˬ yaw dawˇ dawˇ-ehˇ daˇ nehˬ-awˬ.

Aˬmoˆ 5:15

Yaw haiˬ jeˬ-ahˇ bye-awˇ, yaw muiˬ jeˬ-ahˇ gaˬ-eu laꞈ kʼoeˇ, yaˇ kʼaˬ daˇ-eu saˇ naˇ-ahˇ yaw tsaˬ yaw dawˇ jeˬ bi doˆ laˇ-awˬ. Miˇ kʼahˬ heu kʼahˬ laꞈ kʼoeˇ maˬ shiˇ-ehˇ kʼaˇ dzeˇ yaꞈ-euˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ nehˬ laꞈ-eu duˇ.

Aˬmoˆ 5:12

Naw maꞈ iˬ baˇ aˇ naˆ ni huiˬ-eu ngaˇ siˬ nya-awˇ, naw maꞈ yaw haiˬ jeˬ aˇ myaˆ poˆ mˇ-euˬ ngaˇ siˬ nya ma. Muiˬ-eu jaˬ-eu tsawˇ haˬ deuˬ-ahˇ naw maꞈ kʼehˬ-awˇ, laꞈ nmꞈ nmꞈ-euˬ jeˬ-ahˇ ha geuꞈ-eu uˬ taꞈ, yaw shaˬ zaˬ deuˬ yaw tsaˬ yaw dawˇ dawˇ-ehˇ yaˇ kʼaˬ maˬ ja gʼaˬ nya ni naw maꞈ laˆ tsoeˬ-eu meh.

Aˬmoˆ 5:10

Maˬ tsaˬ maˬ dawˇ-eu jeˬ-ahˇ ceh-awˇ, yaˇ kʼaˬ daˇ-eu saˇ naˇ laꞈ kʼoeˇ yaw tsaˬ yaw dawˇ jeˬ tehꞈ-ehˇ ngehˬ-eu deuˬ-ahˇ naw maꞈ bye-eu meh.

Dawqdaq 31:23

Aˬ yawꞈ-euˬ kʼaˬ dzeˇ zaˬ-aˬ, miˇ kʼahˬ-ahˇ tsawˇ myahˇ doˆ-eu aˬ yuiꞈ aˬ tsu tiˬ gʼaˬ pyeuꞈ-eu meh.

Yawˇbaˆ 29:7

Meuˬ-euˬ aˬ yuiꞈ aˬ tsu deuˬ tahˬ dzoeˇ-awˇ, aˬ yawꞈ maꞈ mehˬ shi ngaˇ kʼaˇ nuiˇ leˇ ngeh,

2 Saˬmeuˬlaˆ 15:2

Aˬ yawꞈ uˬ shawˬ paw yaw naꞈ-ehˇ tuˇ-awˇ, meuˬ-euˬ lahˇ kʼehˬ dawˬ peh jaˆ-eu gaˇ ma-ahˇ yawꞈ-awˇ jawˇ-eu meh. Dawˬ ja laˆ doˆ-awˇ, sahˬ paˬ neh yaˇ kʼaˬ bi daˇ nehˬ-eu lehˇ kʼaˇ laˇ-euˬ tsawˇ haˬ deuˬ-ahˇ Aˬbaˇsaˬloˬ kuˇ naˬ-awˇ, Aˬ geu gaˇ jawˇ te lehˇ naˇ haˬ-euˬ meh. Aˬ geu gaˇ neh laˇ-awˇ aˬ jeˬ tsawˇ jeuˬ pyeuꞈ-eu gaˇ kawˆ, aˬ cawˬ aˬ yawꞈ-ahˇ ehˇ kʼoꞈ nehˬ-euˬ meh.

Dawˬmehˬ 17:5

tsawˇ haˬ kʼoeˇ gʼaˬ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh biˬ sehꞈ-awˬ.

Aˇ dahˬ 23:10

Kʼoeˇ ngeh, Eˇpaˬloˬ gʼaˬ kʼawꞈ, meuˬ lahˇ kʼehˬ dawˬ peh uiˬ laˇ taˬ-euˬ Heˬtaˆ tsawˇ haˬ kʼoeˇ deuˬ laꞈ kʼoeˇ nuiˇ luꞈ-eu meh. Kʼoeˇ gaˇ kʼaˇ uiˬ laˇ taˬ-euˬ tsawˇ haˬ dawˬ tawˆ luꞈ ya gaˬ ni, Aˬbyaˬhaˬ-ahˇ Eˇpaˬloˬ heu loꞈ-ehˇ ehˇ nehˬ-euˬ meh.

Aˇ dahˬ 22:17

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

Aˇ dahˬ 34:19

Yaˬkoˆ-euˬ aˬ buˇ-ahˇ Sheˬkmˬ mawꞈ dui dui leˇ-eu miˇ neh, nyi naˬ nyi naˬ-ehˇ maˬ jawˇ ni, aˬ ha mehˇ nmˇ neh kʼaˇ ehˇ-euˬ loꞈ-ehˇ geuꞈ ma lehˇ, tiˬ poˆ tehꞈ-ehˇ ehˇ tsehˆ-euˬ meh. Sheˬkmˬ-aˬ, Hiˇbiˇ tsawˇ jeuˬ laꞈ kʼoeˇ aˬ cawˬ naˆ maˬ tseˇ myaˆ pyawˬ naˇ mehˇ jaˆ-eu gʼaˬ pyeuꞈ-eu meh.

Aˇ dahˬ 34:21

“Tsawˇ haˬ heu deuˬ-aˬ, myaˆ pyawˬ pyuˇ-awˇ, cawˬ cawˬ muiˬ-eu tsawˇ haˬ deuˬ pyeuꞈ-eu meh. Aˬ yawꞈ maꞈ-ahˇ aˬ dui maꞈ nehˬ-ehˇ bi jawˇ-awˇ, tiˬ jeˬ-iˬ maˬ laˆ tsoeˬ nehˬ ni bi iˇ bi laˇ-awˬ. Aˬ dui-euˬ miˇ kʼahˬ yaw jeˇ miˇ neh, aˬ yawꞈ maꞈ gʼaˇ duˬ kʼawꞈ jawˇ kʼaˇ za gahˬ meh. Aˬ dui maꞈ-euˬ aˬ buˇ aˬ li deuˬ hawˇ-eu, aˬ yawꞈ maꞈ-euˬ aˬ buˇ aˬ li deuˬ sheuˬ dahˬ dzaˬ taꞈ luꞈ-uˇ.

Jaceuq 127:5

Kʼoeˇ loꞈ-ehˇ gʼeh-eu kaˆ myaˬ gʼawˬ mya ni jaˆ-eu tsawˇ haˬ laˬ kʼaˬ ya cehˇ tehꞈ-a. Yaˇ kʼaˬ daˇ duˬ-ahˇ muiˇ-eu deuˬ nehˬ-ehˇ aˬ yawꞈ ya ja dzaˬ ngeh, ya shaꞈ dawˇ gaˇ tiˬ jawˇ-iˬ maˬ keuˆ-a.