Aˇ dahˬ 31:43 - Akha

⁴³ Yaˬkoˆ-ahˇ Laˬbaˬ ehˇ nehˬ-eu, “Zaˬ miˬ zaˬ heu deuˬ-aˬ, ngaˬ-euˬ zaˬ miˬ pyeuꞈ-eu ma. Aˬ yawꞈ maꞈ-euˬ zaˬ deuˬ hawˇ-eu, jeˬ zaˬ heu deuˬ dawˬ tawˆ luꞈ kʼawꞈ, ngaˬ-euˬ tehꞈ ma. Aˬ diˇ aˬ maˇ ya ehˇ naˇ, nymˬ-mˇ heu gaˇ nawˇ mawˇ luꞈ-eu myawˬ gahˬ heu deuˬ dawˬ tawˆ luꞈ kʼawꞈ, ngaˬ-euˬ tehꞈ-ehˇ pyeuꞈ-eu ma. Ehˇ kʼawꞈ, ngaˬ buˇ deuˬ hawˇ-eu ngaˬ-euˬ oeˬ paˬ oeˬ ma deuˬ-ahˇ ngaˇ maˬ gʼeu tehˬ nya-aˇ.

Aˇ dahˬ 31:43 Referans Kwoze

Aˇ dahˬ 31:1

“Ngaˬ da-euˬ myawˬ gahˬ dawˬ tawˆ luꞈ, Yaˬkoˆ neh yuˇ geuꞈ jiˇ-euˬ meh. Yaˬkoˆ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ, ngaˬ da-euˬ tehꞈ meh” lehˇ, Laˬbaˬ-euˬ aˬ li deuˬ ehˇ luꞈ-eu Yaˬkoˆ ya gaˬ-euˬ meh.

Aˇ dahˬ 31:55

Laˬbaˬ-aˬ, yawˬ nah yawˬ uˬ shawˬ yaw naꞈ-ehˇ, aˬ yawꞈ-euˬ aˬ buˇ deuˬ hawˇ-eu, aˬ yawꞈ-euˬ oeˬ paˬ oeˬ ma deuˬ-ahˇ mehˬ cuˇ cuˇ yaꞈ-awˇ gʼoꞈ-iˇ-euˬ meh.

Aˇ dahˬ 37:35

Aˬ yawꞈ-euˬ aˬ buˇ aˬ li dawˬ tawˆ luꞈ aˬ yawꞈ jawˇ gaˇ laˇ-awˇ, aˬ yawꞈ nui ma saˇ laˇ ni gʼaˬ biꞈ nehˬ kʼawꞈ, aˬ yawꞈ maˬ naˇ haˬ-ehˇ, “Ngaˬ li jawˇ-eu shiˇ-eu miˇ kʼahˬ-ahˇ maˬ keuˆ kʼoeˇ keuˆ ni, tsawˇ ngoeˇ ngoeˇ ngoeˇ-ehˇ iˇ byoˆ gʼeh-eu ma” lehˇ ehˇ-eu meh. Yaˬkoˆ-aˬ, nah doˆ le ngeh Yoˇsehˆ-ahˇ noeˬ-awˇ, tsawˇ ngoeˇ ngoeˇ ngoeˇ-ehˇ jawˇ-euˬ meh.