Aˇ dahˬ 31:26 - Akha

²⁶ Yaˬkoˆ-ahˇ Laˬbaˬ ehˇ nehˬ-eu, “Aˬ jeˬ miˇ neh nawˇ ngaˬ-ahˇ tsawˇ gahˇ gahˇ-awˇ, ngaˬ buˇ deuˬ-ahˇ guiˇ deuˆ gaˇ nyehꞈ mi-euˬ zaˬ mi zaˬ deuˬ loꞈ-ehˇ, aˬ joˆ-ehˇ toˆ-ehˇ sheuˬ-awˇ cehˆ te.

Aˇ dahˬ 31:26 Referans Kwoze

1 Saˬmeuˬlaˆ 30:2

Tsawˇ haˬ tiˬ gʼaˬ-ahˇ-iˬ aˬ yawꞈ maꞈ maˬ sehꞈ ni, zaˬ miˬ zaˬ dawˬ tawˆ luꞈ hawˇ-eu, zaˬ miˬ zaˬ kʼoeˇ deuˬ nehˬ-ehˇ kʼaˇ bi jawˇ yaꞈ-euˬ tsawˇ haˬ dawˬ tawˆ luꞈ-ahˇ sheuˬ geuꞈ gʼeh-euˬ meh.

1 Saˬmeuˬlaˆ 17:29

Daˬbiˇ ehˇ-eu, “Aˬ jeˬ guˬ nya lehˇ ngaˬ-ahˇ dehˬ te. Dawˬ tiˬ dawˬ-iˬ maˬ naˇ haˬ kʼmˬ ta loˇ.” Kʼoeˇ naˇ, yawˬ gʼaˬ yawˬ jawˇ gaˇ paˇ iˇ-awˇ, dawˬ kʼoeˇ dawˬ paˇ naˇ haˬ poˆ-iˇ-euˬ meh.

1 Saˬmeuˬlaˆ 14:43

“Nawˇ aˬ jeˬ mˇ teˬ” lehˇ Yawˇnaˆshaˬ-ahˇ Sawˇluˆ naˇ haˬ ngeh, “Ngaˇ byaˬ byaˬ uiˇ uiˆ cuiˆ dzaˬ-euˬ ma. Nymˬ-mˇ ngaˇ shiˇ-eu gʼaˇ duˬ noeˬ tsehˆ gʼaˬ taˬ-euˬ ma” lehˇ, Yawˇnaˆshaˬ ehˇ-eu meh.

Yawˇshuˆ 7:19

Aˬkaˬ-ahˇ Yawˇshuˆ ehˇ nehˬ-eu, “Ngaˬ li-oˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi nawˬ-euˬ iˬ baˇ-ahˇ dawˇ coe ni ehˇ doˆ-awˬ. Nawˇ aˬ joˆ-ehˇ jahˇ-euˬ gaˇ kawˆ nymˬ-mˇ ngaˬ-ahˇ ehˇ nehˬ laꞈ-awˬ. Ngaˬ-euˬ mehˬ shi tiˬ jeˬ-iˬ taˬ zaꞈ taˬ.”

Aˇ dahˬ 34:29

Aˇ poeˬ kʼaˇ baw-eu myawˬ deuˬ hawˇ-eu, nymˇ laꞈ kʼoeˇ kʼaˇ jaˆ-eu mˇ myawˬ dawˬ tawˆ luꞈ, aˬ yawꞈ maꞈ yuˇ geuꞈ jiˇ-awˇ, zaˬ miˬ zaˬ deuˬ hawˇ-eu zaˬ dawˬ tawˆ luꞈ sheuˬ kʼoꞈ gʼeh-euˬ meh.

Aˇ dahˬ 31:36

Kʼoeˇ ngeh jawˇ, Yaˬkoˆ nui ma pehˇ dui dui laˇ-awˇ ehˇ-eu, “Ngaˇ aˬ jeˬ laˆ ca taˬ-eu jaˆ ta. Ngaˬ-euˬ mehˬ nah nawˇ caw teh laˇ paˬ-ehˇ, ngaˬ neh mˇ bahˬ taˬ-euˬ aˬ jeˬ jaˆ ta.

Aˇ dahˬ 31:16

Nga nyaꞈ nmˇ-euˬ aˬ da-euˬ laꞈ-ahˇ neh, Miˬyehˇ neh yuˇ kʼoꞈ-euˬ pyuˇ shuiˇ myawˬ gahˬ heu deuˬ dawˬ tawˆ luꞈ, aˬ dui maꞈ hawˇ-eu aˬ dui maꞈ-euˬ zaˬ deuˬ-ahˇ oꞈ-eu pyuˇ shuiˇ myawˬ gahˬ deuˬ meh. Miˬyehˇ nawˬ-ahˇ kʼaˇ ehˇ nehˬ laꞈ-euˬ loꞈ-ehˇ mˇ-awˬ.”

Aˇ dahˬ 26:10

“Aˬ jeˬ miˇ neh nga maꞈ-ahˇ nawˇ teu loꞈ-ehˇ jahˇ nehˬ laꞈ te. Ngaˬ-euˬ tsawˇ haˬ tiˬ gʼaˬ na, maˬ yehꞈ maˬ caˇ-ehˇ nawˬ-euˬ miˬ zaˬ nehˬ-ehˇ joe naˇ, nga maꞈ kʼoeˇ taˆ iˬ baˇ jaˆ laˇ ni nawˇ mˇ gaˇ duˇ-eu maˬ ngeuˇ nga loˇ” lehˇ, Iˇtsaˆ-ahˇ Aˬbiˇmaˬlehˆ ehˇ nehˬ-euˬ meh.

Aˇ dahˬ 12:18

Kʼoeˇ ngeh, sahˬ paˬ kʼoeˇ gʼaˬ Aˬbyaˬ-ahˇ bi kuˇ laˬ-iˇ-awˇ, heu loꞈ-ehˇ ehˇ nehˬ-euˬ meh. “Nawˇ ngaˬ-ahˇ aˬ jeˬ jahˇ nehˬ laꞈ te. Zaˬ miˬ zaˬ heu gʼaˬ nawˬ-euˬ miˬ zaˬ ma lehˇ aˬ jeˬ miˇ neh nawˇ maˬ ehˇ te.

Aˇ dahˬ 4:10

Kʼoeˇ ngeh, Sahˬpaˬ Miˬyehˇ ehˇ-eu, “Aˬ jeˬ miˇ neh teu naˆ naˆ-ehˇ bahˬ-eu jeˬ nawˇ mˇ yaꞈ teˬ. Nawˬ-ahˇ laꞈ poˆ bi poˆ kʼoꞈ nehˬ mawꞈ-eu teˇ saˇ loꞈ-ehˇ, nawˬ-euˬ aˬ nyiˇ-euˬ shiˬ, miˇ tsaˬ dawˬ dah paw neh ngaˬ-ahˇ kuˇ luꞈ meh.

Aˇ dahˬ 3:13

“Aˬ jeˬ miˇ neh nawˇ kʼoeˇ loꞈ-ehˇ mˇ teˬ” lehˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ naˇ haˬ ngeh, “Aˇ siˬ kʼoeˇ pyaˆ dzaˬ-awˬ lehˇ aˇ lawˇ ngaˬ-ahˇ muˇ juˇ juˇ-eu miˇ neh pyaˆ dzaˬ-euˬ ma” lehˇ, zaˬ miˬ zaˬ gʼaˬ ehˇ kʼoꞈ nehˬ-euˬ meh.

Aˇ dahˬ 2:24

Kʼoeˇ miˇ neh, kʼaˬ dzeˇ zaˬ-aˬ, yawˬ ha-euˬ aˬ ma aˬ da-ahˇ ya gʼawˬ-iˇ-awˇ, yawˬ ha-euˬ miˬ zaˬ nehˬ-ehˇ taꞈ leˇ-eu laꞈ kʼoeˇ, nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ ya pyeuꞈ laˇ-eu meh.

Yoˇhaˬ 18:35

Sahˬ paˬ Piˇlaˆ ehˇ-eu, “Ngaˇ Yuˇdaˆ tsawˇ haˬ nga loˇ. Nawˬ-euˬ tsawˇ jeuˬ hawˇ-eu piˇ ma aˬ yuiꞈ deuˬ neh nawˬ-ahˇ ngaˬ-euˬ aˬ laꞈ laꞈ kʼoeˇ a nehˬ laꞈ-euˬ meh. Nawˇ aˬ jeˬ mˇ teˬ.”

Aˇ dahˬ 31:25

Yaˬkoˆ-aˬ, gawˬ jawˬ tiˬ jawˬ kʼoeˇ taˆ sehˬ gʼawˆ gʼawˆ-awˇ yaꞈ luꞈ-eu meh. Laˬbaˬ gʼaˬ kʼawꞈ, aˬ yawꞈ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Giˇlaˆ gawˬ jawˬ kʼoeˇ taˆ bawˇ tsahˬ-ahˇ sehˬ gʼawˆ gʼawˆ-awˇ yaꞈ-euˬ meh.

Aˇ dahˬ 31:27

Aˬ jeˬ miˇ neh, ngaˬ-ahˇ tiˬ pawꞈ-iˬ maˬ bi siˬ ni tsawˇ gahˇ gahˇ dzeuˇ-awˇ cehˆ kʼoeˬ kʼoeˬ te. Nawˇ ngaˬ-ahˇ yaw muiˬ paˬ-ehˇ ehˇ gaˬ law nmˇ-aˬ, tahˬ hawˇ-eu deuˇ-mˬ diˬ-awˇ gaˇ nyeh nyeh-eu laꞈ kʼoeˇ, gaˇ pehˇ sheuˬ keuˆ ha laˇ-eu ma tawˇ.

Aˇ dahˬ 29:25

Yawˬ shawˬ yawˬ uˬ bya bya laˇ ngeh hawˇ-eu, aˬ yawꞈ-ahˇ mˇ dzaˬ laˇ-euˬ gʼaˬ Leˇaˬ pyeuꞈ gaˇ Yaˬkoˆ ya siˬ duˬ-euˬ meh. Kʼoeˇ ngeh, Laˬbaˬ jawˇ gaˇ aˬ yawꞈ iˇ-awˇ, “Aˬ jeˬ miˇ neh nawˇ ngaˬ-ahˇ teu loꞈ-ehˇ jahˇ nehˬ laꞈ te. Laˬkeˬlaˇ-ahˇ ya sheuˬ ni ngaˇ nawˬ-ahˇ gaˇ mˇ nehˬ-euˬ maˬ ngeuˇ-a loˇ. Aˬ jeˬ miˇ neh ngaˬ-ahˇ heu loꞈ-ehˇ mehˇ shuiˇ shuiˇ te” lehˇ ehˇ nehˬ-euˬ meh.