Aˇ dahˬ 30:8 - Akha

⁸ Kʼoeˇ ngeh, “Ngaˬ-euˬ aˬ yuiꞈ nehˬ-ehˇ ngaˇ yaw kʼaˆ-ehˇ ya dawꞈ ceh ceh-awˇ, nymˬ-mˇ ngaˇ dawꞈ gʼaˬ-euˬ ma” lehˇ Laˬkeˬlaˇ ehˇ-awˇ, aˬ li kʼoeˇ li-ahˇ Naˬtaˬliˇ lehˇ myahˇ nehˬ-euˬ meh.

Aˇ dahˬ 30:8 Referans Kwoze

Maꞈtehˬ 4:13

Naˬzaˬlehˇ meuˬ-ahˇ maˬ paˇ jawˇ ni, Gaˬliˬlehˇ lah lah dzeˇ jaˆ-eu Gaˬbeˬneˬoˬ meuˬ-ahˇ aˬ yawꞈ jawˇ-iˇ-euˬ meh. Gaˬliˬlehˇ lah-aˬ, Zeˬbuˬloˬ hawˇ-eu Naˬtaˬliˇ miˇ kʼahˬ laꞈ kʼoeˇ jaˆ-eu meh.

Aˇ dahˬ 49:21

Naˬtaˬliˇ-aˬ, muiˬ-eu kʼaˬ tsehˆ tsehˆ zaˬ puˬ-eu, cehˆ coeˬ coeˬ gahˇ nya-eu kʼaˬ tsehˆ aˬ ma-ahˇ duˇ-eu meh.

1 Saˬmeuˬlaˆ 14:15

Meuˬ meuˬ dzeˇ kʼaˇ jawˇ-eu Piˇliˇtiˆ tsawˇ haˬ deuˬ hawˇ-eu, taˆ laꞈ kʼoeˇ kʼaˇ jawˇ-eu Piˇliˇtiˆ yehˇ deuˬ uˬ taꞈ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-eu lehˇ lehˬ hmˬ taˬ-euˬ kʼaˬ dui dui-eu aˬ yawꞈ maꞈ-euˬ yehˇ deuˬ kʼawꞈ, guˆ dui dui-eu laꞈ kʼoeˇ yaw dzuˬ dzuˬ-euˬ meh. Miˇluˆluˆ laˇ-awˇ, guˆ dui dui-eu jeˬ keuˆ le-euˬ meh.

Dawˬmehˬ 33:23

Naˬtaˬliˇ-euˬ gaˇ kawˆ ehˇ-eu, “Sahˬpaˬ Miˬyehˇ haw cawˬ-eu jeˬ, muiˬ dui dui-eu guiˬ lahˬ yaw dzahˇ, Naˬtaˬliˇ kʼoeˇ taˆ byah kʼaˇ meh. Aˬ yawꞈ maꞈ miˇ kʼahˬ laꞈ oˆ dzaˬ, Gaˬliˬlehˇ lah-ahˇ keuˆ ni meh.”

Doˆ-iˇ 9:28

Sahˬpaˬ Miˬyehˇ-ahˇ guiˬ lahˬ shaˇ-awˬ. Mˬ jeˬ tsawˬ tehˆ hawˇ-eu uˬ yehˇ aˇ siˬ heu deuˬ-ahˇ nga maꞈ maˬ paˇ daˬ coeˇ miˇ-a. Naw maꞈ-ahˇ pyehˬ nehˬ ma lehˇ ngaˇ saˇ jaˇ dzaˬ-eu ma. Naw maꞈ heu gaˇ maˬ paˇ ya jawˇ-aˇ.”

Aˇ dahˬ 46:24

Naˬtaˬliˇ hawˇ-eu aˬ yawꞈ-euˬ aˬ li deuˬ pyeuꞈ-eu Yaˬzeˬlaˇ, Guˇniˬ, Yeˬzaˬ, Shiˇlmˬ.

Aˇ dahˬ 35:25

Laˬkeˬlaˇ-euˬ zaˬ kʼaˆ pyeuꞈ-eu Yaˬkoˆ-euˬ ma nyiˇ Biˇlaˬhaˇ o neh jawˇ le-euˬ aˬ li deuˬ-aˬ, Daˬ hawˇ-eu Naˬtaˬliˇ aˬ nyaꞈ nmˇ meh.

Aˇ dahˬ 23:6

“Aˬ yuiꞈ-oˇ, nga maꞈ ehˇ gaˇ tiˬ poˆ naˇ haˬ nehˬ laꞈ sheˇ. Nga maꞈ nawˬ-ahˇ, baoˬ ahˇ-eu aˬ yuiꞈ aˬ tsu tiˬ gʼaˬ loꞈ-ehˇ sawˇ taˬ-euˬ ma. Nga maꞈ-euˬ lmˬ bymˇ laꞈ kʼoeˇ jawˇ duˬ kʼaˇ tsaˬ dzehˬ-eu tsahˇ-ahˇ, nawˬ-euˬ nymˇ dahˬ-ahˇ baꞈ pahˬ nehˬ nya tehꞈ-a. Nawˬ-euˬ nymˇ dahˬ-ahˇ nga maꞈ-euˬ lmˬ bymˇ laꞈ kʼoeˇ bi baꞈ pahˬ-eu gʼaˇ duˬ, nga maꞈ yawˬ gʼaˬ na luꞈ nui ma tsaˬ-eu ma.”

Aˇ dahˬ 30:7

Kʼoeˇ naˇ, Biˇlaˬhaˇ aˬ nyiˇ tiˬ poˆ paˇ pi leˇ-awˇ, Yaˬkoˆ gʼaˇ duˬ aˬ li tiˬ li paˇ ciˬ-euˬ meh.

Aˇ dahˬ 30:9

Leˇaˬ-aˬ, yawˬ ha zaˬ maˬ paˇ jawˇ le nya-euˬ gaˇ kawˆ ya siˬ duˬ ngeh, Yaˬkoˆ-ahˇ aˬ yawꞈ-euˬ zaˬ kʼaˆ Ziˇlaˬpaˬ-ahˇ bi sheuˬ-euˬ meh.

Bawˇtsahˬ 2:29

Naˬtaˬliˇ tsawˇ jeuˬ kʼawꞈ, Daˬ tsawˇ jeuˬ dawˬ peh sehˬ gʼawˆ gʼawˆ-awˇ ya jawˇ meh. Naˬtaˬliˇ tsawˇ haˬ kʼoeˇ taˆ aˬ yuiꞈ geuꞈ-eu gʼaˬ-aˬ, Eˇnaˬ-euˬ aˬ li Aˬhiˇlaˬ meh.