Aˇ dahˬ 3:13 - Akha

¹³ “Aˬ jeˬ miˇ neh nawˇ kʼoeˇ loꞈ-ehˇ mˇ teˬ” lehˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ naˇ haˬ ngeh, “Aˇ siˬ kʼoeˇ pyaˆ dzaˬ-awˬ lehˇ aˇ lawˇ ngaˬ-ahˇ muˇ juˇ juˇ-eu miˇ neh pyaˆ dzaˬ-euˬ ma” lehˇ, zaˬ miˬ zaˬ gʼaˬ ehˇ kʼoꞈ nehˬ-euˬ meh.

Aˇ dahˬ 3:13 Referans Kwoze

2 Gawˇliˬtu 11:3

Eˇbaˆ-ahˇ aˇ lawˇ neh mehˇ shuiˇ bi shuiˇ tawˆ-euˬ loꞈ-ehˇ, Ka li-ahˇ maˇ maˇ ni shawˇ jehˆ ni gaˬ-eu naw maꞈ-euˬ nui ma bi tsahˇ pyawˇ gaˇ ngaˇ kʼahˬ lahˇ dui dui nya.

1 Tiˆmoˇseˬ 2:14

Kʼoeˇ uˬ taꞈ, muˇ juˇ bi juˇ gʼaˬ-euˬ kʼoeˇ-aˬ, Aˬdaˬ maˬ ngeuˇ-a. Muˇ juˇ bi juˇ gʼaˬ-awˇ Miˬyehˇ-euˬ zahˇ dawˬ kʼoꞈ dawˬ-ahˇ mˇ bahˬ-euˬ kʼoeˇ-aˬ, zaˬ miˬ zaˬ meh.

Yoˇhaˬ 18:35

Sahˬ paˬ Piˇlaˆ ehˇ-eu, “Ngaˇ Yuˇdaˆ tsawˇ haˬ nga loˇ. Nawˬ-euˬ tsawˇ jeuˬ hawˇ-eu piˇ ma aˬ yuiꞈ deuˬ neh nawˬ-ahˇ ngaˬ-euˬ aˬ laꞈ laꞈ kʼoeˇ a nehˬ laꞈ-euˬ meh. Nawˇ aˬ jeˬ mˇ teˬ.”

2 Saˬmeuˬlaˆ 3:24

Kʼoeˇ ngeh, sahˬ paˬ Daˬbiˇ jawˇ gaˇ Yoˇbaˬ le-awˇ ehˇ nehˬ-eu, “Nawˇ teu loꞈ-ehˇ aˬ jeˬ jahˇ te.

Aˇ dahˬ 44:15

Yoˇsehˆ ehˇ-eu, “Naw maꞈ aˬ jeˬ mˇ yaꞈ teˬ. Ngaˇ loꞈ-ehˇ gʼeh-eu miˇ kʼahˬ-ahˇ uˆ lahˇ-eu tsawˇ haˬ tiˬ gʼaˬ ja maw maw haw-eu laꞈ kʼoeˇ, naw maꞈ neh kʼaˇ mˇ taˬ-euˬ jeˬ-ahˇ haw mawˇ nya tehꞈ-a lehˇ naw maꞈ maˬ siˬ nya te loˇ.”

1 Saˬmeuˬlaˆ 13:11

Saˬmeuˬlaˆ-ahˇ Sawˇluˆ ha laˬ-iˇ-awˇ, yaw zeu baw nehˬ-euˬ meh. Ehˇ kʼawꞈ, “Nawˇ aˬ jeˬ jahˇ luꞈ te” lehˇ, Sawˇluˆ-ahˇ Saˬmeuˬlaˆ naˇ haˬ-euˬ meh. Sawˇluˆ ehˇ-eu, “Nawˬ neh ehˇ taˬ-euˬ aˇ yamˬ-ahˇ nawˇ maˬ laˇ keuˆ-ehˇ tsawˇ haˬ heu deuˬ kʼawꞈ ngaˬ-ahˇ byehˇ dzeh-awˇ doˆ-iˇ luꞈ-eu meh. Kʼoeˇ uˬ taꞈ, Piˇliˇtiˆ tsawˇ haˬ deuˬ Miˇkaˬmaˆ meuˬ-ahˇ uiˬ leˇ jiˇ taˬ-euˬ meh.

Lormav 7:11

Aˬ jeˬ miˇ neh ehˇ naˇ, iˬ baˇ kʼoeˇ zahˇ dawˬ kʼoꞈ dawˬ-ahˇ gʼoe-eu laꞈ kʼoeˇ ngaˬ-ahˇ jaˬ myawꞈ myawꞈ-awˇ sehꞈ nehˬ laꞈ-euˬ meh.

1 Saˬmeuˬlaˆ 15:15

Sawˇluˆ ehˇ-eu, “Teu deuˬ-aˬ, ngaˬ-euˬ tsawˇ haˬ deuˬ neh teh leꞈ-euˬ Aˬmaˬlehˇ tsawˇ haˬ deuˬ-euˬ jeˬ zaˬ meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ nehˬ-eu gʼaˇ duˬ, muiˬ dui dui-eu yawˇ hawˇ-eu mawˇ neˇ deuˬ-ahˇ aˬ yawꞈ maꞈ tseˇ doˆ taˬ-awˇ, kʼaˇ dzeˇ-eu deuˬ dawˬ tawˆ luꞈ-ahˇ, tiˬ mawˇ-iˬ maˬ bi dzeuˇ-iˇ ni laˆ luˬ laˆ seˇ nehˬ yaꞈ jiˇ-euˬ meh.”

Aˇ dahˬ 12:18

Kʼoeˇ ngeh, sahˬ paˬ kʼoeˇ gʼaˬ Aˬbyaˬ-ahˇ bi kuˇ laˬ-iˇ-awˇ, heu loꞈ-ehˇ ehˇ nehˬ-euˬ meh. “Nawˇ ngaˬ-ahˇ aˬ jeˬ jahˇ nehˬ laꞈ te. Zaˬ miˬ zaˬ heu gʼaˬ nawˬ-euˬ miˬ zaˬ ma lehˇ aˬ jeˬ miˇ neh nawˇ maˬ ehˇ te.

Uˬ duˬ 12:5

Zaˬ miˬ zaˬ tiˬ gʼaˬ aˬ buˇ zaˬ nahˬ tiˬ gʼaˬ ciˬ ngeh, tseˇ oeˬ nah aˇ yamˬ laꞈ kʼoeˇ, ba la mawˇ ngeh loꞈ-ehˇ maˬ shawˇ-eu aˇ yamˬ pyeuꞈ-eu meh. Kʼoeˇ naˇ, shiˬ tsiˇ leˇ-awˇ shawˇ laˇ-eu gʼaˇ duˬ, dzaiˇ koꞈ tseˇ koꞈ nah paˇ ya dawˬ-eu meh.

1 Sahˬpaˬ 13:18

Beˬdeˬlaˇ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ ehˇ-eu, , “Ngaˇ kʼawꞈ, nawˇ loꞈ-ehˇ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ ma. Mˬ taˆ gʼaˬ kʼehˇ tiˬ gʼaˬ-ahˇ Sahˬpaˬ Miˬyehˇ kʼehˇ gʼeh leꞈ-awˇ, nawˬ-ahˇ sheuˬ kʼoꞈ laˬ-iˇ-awˇ bi dzaˬ bi dawˇ-awˬ lehˇ ehˇ le-euˬ meh.” Maˇ maˇ ni ehˇ naˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ jaˬ myawꞈ myawꞈ luꞈ-eu meh.

Yawˇnaˆ 1:10

Kʼoeˇ naˇ, Sahˬpaˬ Miˬyehˇ maˬ mawˇ gaˇ cehˆ byoˆ-eu lehˇ aˬ yawꞈ cehˆ luꞈ-eu gaˇ kawˆ aˬ yawꞈ maꞈ-ahˇ dzawˇ nehˬ-euˬ meh. Saˇ baoˬ kʼoeˇ taˆ gaˇ mˇ-eu tsawˇ haˬ deuˬ guˆ dui dui-awˇ, “Aˬ jeˬ miˇ neh nawˇ toˆ-ehˇ cehˆ te” lehˇ, Yawˇnaˆ-ahˇ ehˇ nehˬ-euˬ meh.