Aˇ dahˬ 29:30 - Akha

³⁰ Laˬkeˬlaˇ nehˬ-ehˇ Yaˬkoˆ yuꞈ taꞈ-awˇ, Leˇaˬ-ahˇ naˆ maˬ tseˇ Laˬkeˬlaˇ-ahˇ aˬ yawꞈ gaˬ-euˬ meh. Kʼoeˇ naˇ, shiꞈ kʼoꞈ keuˆ ni, Laˬbaˬ-euˬ gaˇ aˬ yawꞈ paˇ mˇ nehˬ-euˬ meh.

Aˇ dahˬ 29:30 Referans Kwoze

Aˇ dahˬ 31:41

Kʼoeˇ loꞈ-ehˇ shaˬ shaˬ-ehˇ, nawˬ nehˬ-ehˇ nyiˬ tseˇ kʼoꞈ ngaˇ jawˇ byah-euˬ ma. Nawˬ buˇ nyiˬ buˇ-ahˇ sheuˬ-euˬ poeˬ tseˇ oeˬ kʼoꞈ hawˇ-eu, nawˬ-euˬ jeˬ zaˬ bo saˆ-eu gʼaˇ duˬ koꞈ kʼoꞈ jawˇ byah-euˬ ma. Nawˬ-euˬ gaˇ kʼoeˇ naˆ naˆ-ehˇ ngaˇ mˇ nehˬ taˬ-euˬ kʼawꞈ, ngaˬ-euˬ gʼaˬ gaˇ poeˬ-ahˇ, tseˇ poˆ keuˆ ni nawˇ mehˇ shuiˇ shuiˇ dzaˬ-euˬ meh.

Maꞈtehˬ 10:37

“Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ da aˬ ma-ahˇ gaˬ dzehˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a. Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ buˇ aˬ li-ahˇ gaˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a.

Aˇ dahˬ 44:27

Kʼoeˇ ngeh, aˬ yawꞈ heu loꞈ-ehˇ paˇ ehˇ-eu meh. ‘Ngaˬ-euˬ nymˇ dahˬ Laˬkeˬlaˇ o neh zaˬ nyiˬ gʼaˬ tehꞈ-ehˇ jawˇ le-euˬ naw maꞈ maˬ siˬ nya te loˇ.

Aˇ dahˬ 29:20

Yaˬkoˆ-aˬ, Laˬkeˬlaˇ-ahˇ ya sheuˬ-eu gʼaˇ duˬ, shiꞈ kʼoꞈ keuˆ ni Laˬbaˬ-euˬ gaˇ mˇ nehˬ-euˬ meh. Laˬkeˬlaˇ-ahˇ aˬ yawꞈ gaˬ dui dui-eu miˇ neh, aˇ yamˬ kʼoeˇ myah ni ga-iˇ-euˬ kʼawꞈ, tiˬ kʼehˇ laˇ kʼehˬ tehꞈ nya lehˇ aˬ yawꞈ noeˬ-euˬ meh.

Aˇ dahˬ 29:18

Laˬkeˬlaˇ gʼaˬ-ahˇ Yaˬkoˆ gaˬ-awˇ, mawꞈ dui dui leˇ-eu meh. Kʼoeˇ miˇ neh, “Nawˬ buˇ Laˬkeˬlaˇ ngaˬ-ahˇ bi mˇ dzaˬ laˇ naˇ, shiꞈ kʼoꞈ keuˆ ni nawˬ-euˬ gaˇ ngaˇ mˇ nehˬ ma” lehˇ Laˬbaˬ-ahˇ Yaˬkoˆ ehˇ nehˬ-euˬ meh.

Yoˇhaˬ 12:25

Yawˬ ha-euˬ dehꞈ-eu jeˬ-ahˇ gaˬ-eu tsawˇ haˬ-aˬ, dehꞈ-eu jeˬ-ahˇ smˬ-iˇ tehꞈ-a. Miˇ tsaˬ kʼoeˇ taˆ dehꞈ ngeh yawˬ ha-euˬ dehꞈ-eu jeˬ-ahˇ muiˇ-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za tehꞈ-a.

Hawˇseˬ 12:12

Aˬ dui-euˬ aˬ poeˬ Yaˬkoˆ-aˬ, miˬ zaˬ tiˬ gʼaˬ sheuˬ-euˬ aˇ poeˬ, aˬ cawˬ-euˬ yawˇ bo nehˬ-euˬ meh.

Dawˬmehˬ 21:15

“Tsawˇ haˬ tiˬ gʼaˬ miˬ zaˬ nyiˬ gʼaˬ sheuˬ-awˇ, nyiˬ gʼaˬ luꞈ aˬ li jawˇ le-euˬ ehˇ-awˬ. Ehˇ kʼawꞈ, dehꞈ beh beh le-euˬ aˬ li aˬ yuiꞈ gʼaˬ-aˬ, aˬ yawꞈ nui ma tsaˬ dzehˬ-eu ma-euˬ aˬ li maˬ ngeuˇ-eu ehˇ-awˬ.

Aˇ dahˬ 44:20

Nawˇ kʼoeˇ loꞈ-ehˇ naˇ haˬ ngeh, ‘Ngaˬ ha mehˇ nmˇ-euˬ aˬ da jawˇ ma. Aˬ yawꞈ mawˬ laˇ ngeh hawˇ-eu dehꞈ le-euˬ ngaˬ ha mehˇ nmˇ-euˬ aˬ nyiˇ jiˇ tiˬ gʼaˬ jawˇ ma. Aˬ li kʼoeˇ gʼaˬ-euˬ aˇ doˆ gʼaˬ shiˇ dzeuˇ-awˇ, aˬ yawꞈ nehˬ-ehˇ tiˬ uˇ pyehˆ zaˬ aˬ yawꞈ tiˬ gʼaˬ dehꞈ-eu tehꞈ meh. Kʼoeˇ miˇ neh aˬ da aˬ yawꞈ-ahˇ gaˬ dui dui-eu meh’ lehˇ, ngaˬ ha mehˇ nmˇ nawˬ-ahˇ ehˇ kʼoꞈ nehˬ-euˬ ma.

Aˇ dahˬ 31:15

Nga nyaꞈ nmˇ-ahˇ, boeˇ miˬ siˬ kʼaˬ loꞈ-ehˇ aˬ yawꞈ sawˇ dzeh nehˬ laꞈ-euˬ meh. Nga nyaꞈ nmˇ-ahˇ ahˬ dzaˬ-awˇ za-euˬ aˇ poeˬ dawˬ tawˆ luꞈ, aˬ yawꞈ zmˬ dzeh jiˇ-euˬ meh.

Aˇ dahˬ 29:31

Leˇaˬ-ahˇ naˆ maˬ tseˇ, Laˬkeˬlaˇ-ahˇ Yaˬkoˆ gaˬ gaˇ Sahˬpaˬ Miˬyehˇ mawˇ ngeh, Leˇaˬ-ahˇ zaˬ bi jawˇ le-euˬ meh. Ehˇ kʼawꞈ, Laˬkeˬlaˇ gʼaˬ-ahˇ aˬ yawꞈ zaˬ maˬ bi jawˇ le-a.

Luˇkaꞈ 14:26

“Ngaˬ-euˬ mehˬ nah caw teh laˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ aˬ da aˬ ma, yawˬ ha-euˬ miˬ sawˇ zaˬ, yawˬ ha-euˬ mehˇ nmˇ dmˇ ma deuˬ-ahˇ byehˇ dzeh coeˇ-eu uˬ taꞈ, yawˬ haˇ yawˬ ha maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-a.

Maꞈtehˬ 6:24

“Tsawˇ haˬ tiˬ gʼaˬ-iˬ sahˬ paˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ-aˬ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.

Aˇ dahˬ 29:17

Leˇaˬ gʼaˬ myaˆ nuiˆ aˇ gʼehˇ muiˬ-eu meh. Laˬkeˬlaˇ gʼaˬ gʼawˇ mawˇ aˇ sehˇ tsaˬ dui dui-awˇ, muiˬ dui dui-eu miˬ daꞈ tiˬ gʼaˬ pyeuꞈ-eu meh.

Aˇ dahˬ 29:29

Laˬbaˬ-aˬ, Laˬkeˬlaˇ-ahˇ bi bo saˆ-eu gʼaˇ duˬ aˬ yawꞈ-euˬ zaˬ kʼaˆ Biˇlaˬhaˇ biꞈ caw nehˬ-euˬ meh.