Aˇ dahˬ 29:27 - Akha

²⁷ Oeˇ mˇ baˇ-eu zahˇ jahˇ gʼaˬ jiˇ-awˇ, dzaˬ byawˇ lawˇ-eu aˇ yamˬ heu shiꞈ nah buˬ-iˇ ngeh keuˆ ni dawˬ tawˬ siˬ. Nawˇ ngaˬ-ahˇ dzaiˇ shiꞈ kʼoꞈ gaˇ paˇ mˇ nehˬ laꞈ naˇ, Laˬkeˬlaˇ nawˬ-ahˇ bi mˇ dzaˬ laˇ ma.”

Aˇ dahˬ 29:27 Referans Kwoze

Yaˇ kʼaˬ daˇ 14:12

Zaˬ daꞈ kʼoeˇ deuˬ-ahˇ Saˬsoˬ ehˇ nehˬ-eu, “Ngaˇ naw maꞈ-ahˇ tsaˬ dzoˆ dzoˆ haw ma. Oeˇ mˇ baˇ-eu bawˬ-iˬ gʼeh-eu aˇ yamˬ heu shiꞈ nah laꞈ kʼoeˇ naw maꞈ tsaˬ tsehˆ nya naˇ, shawˇ jehˆ ni gʼeh-eu saˬ paˇ neh guꞈ taˬ-euˬ pehˇ kʼahˬ pehˇ mahˇ smˬ tseˇ kahˇ hawˇ-eu, mehˬ tsoeˬ smˬ tseˇ shehˆ naw maꞈ-ahˇ ngaˇ biꞈ ma.

Uˬ duˬ 18:18

Yawˬ ha-euˬ miˬ zaˬ yaw dehꞈ kʼaˇ dehꞈ ngeh keuˆ ni, yawˬ ha-euˬ ciˇ ma-ahˇ maˬ ya sheuˬ-a.

Maˬlaˬkiˇ 2:15

Nyiˬ gʼaˬ-euˬ tiˬ mawˇ do tehꞈ-ehˇ pyeuꞈ-awˇ, nui ma tiˬ siˬ tehꞈ-ehˇ taꞈ ni Miˬyehˇ jahˇ-euˬ maˬ ngeuˇ-a loˇ. Aˬ yawꞈ-euˬ noeˬ tmˬ duˬ aˬ joˆ-ehˇ jaˆ ta. Naw nyaꞈ o neh jeuˬ le o le-euˬ zaˬ deuˬ Miˬyehˇ-euˬ tsawˇ haˬ maˇ maˇ ni pyeuꞈ laˇ gaˇ noeˬ tmˬ-euˬ maˬ ngeuˇ-a loˇ. Kʼoeˇ miˇ neh, naw maꞈ tiˬ gʼaˬ-iˬ yawˬ ha-euˬ miˬ zaˬ-ahˇ saˇ jaˇ taˬ puiˬ.

Yaˇ kʼaˬ daˇ 14:10

Zaˬ miˬ aˬ buˇ kʼoeˇ gʼaˬ-euˬ nymˇ-ahˇ aˬ yawꞈ-euˬ aˬ da iˇ-awˇ, Saˬsoˬ dzaˬ byawˇ tiˬ byawˇ lawˇ-euˬ meh. Kʼoeˇ-aˬ, zaˬ daꞈ gʼaˬ ya mˇ-eu zahˇ sahˇ kʼoꞈ pyeuꞈ-eu meh.

1 Tiˆmoˇseˬ 6:10

Aˬ jeˬ miˇ neh ehˇ naˇ, pyuˇ-ahˇ mehˇ juiˇ juiˇ-eu nui ma-aˬ, yaw haiˬ jeˬ dawˬ tawˆ luꞈ-euˬ dawˬ pehˬ duˬ puˇ pyeuꞈ-eu meh. Tiˬ paˆ na deuˬ-aˬ, pyuˇ-ahˇ nui kʼahˇ jaˆ-eu miˇ neh jah-eu jeˬ-ahˇ gaˇ mahˇ kaˬ dui dui-iˇ-awˇ, noeˬ shaˬ-eu gʼawˬ mya jeˬ ciˬ tehˬ-eu baˬ da neh nui ma tsawˬ paˆ gaˇ keuˆ-eu meh.

Aˇ dahˬ 29:26

Kʼoeˇ ngeh, Yaˬkoˆ-ahˇ Laˬbaˬ ehˇ nehˬ-eu, “Miˇ kʼahˬ heu kʼahˬ laꞈ kʼoeˇ aˬ yuiꞈ gʼaˬ smˇ miˇ maˬ iˇ mi naˆ-ehˇ aˬ nyiˇ gʼaˬ bi iˇ-eu zahˇ maˬ jaˆ-a.

Aˇ dahˬ 29:28

Kʼoeˇ ngeh, Laˬbaˬ kʼaˇ ehˇ-euˬ loꞈ-ehˇ geuꞈ-eu gʼaˇ duˬ Yaˬkoˆ noeˬ jiˇ-euˬ meh. Jiˇ cehˇ gʼeh gʼaˬ-awˇ, Laˬkeˬlaˇ Yaˬkoˆ-ahˇ bi mˇ dzaˬ-iˇ-euˬ meh.

Aˇ dahˬ 31:41

Kʼoeˇ loꞈ-ehˇ shaˬ shaˬ-ehˇ, nawˬ nehˬ-ehˇ nyiˬ tseˇ kʼoꞈ ngaˇ jawˇ byah-euˬ ma. Nawˬ buˇ nyiˬ buˇ-ahˇ sheuˬ-euˬ poeˬ tseˇ oeˬ kʼoꞈ hawˇ-eu, nawˬ-euˬ jeˬ zaˬ bo saˆ-eu gʼaˇ duˬ koꞈ kʼoꞈ jawˇ byah-euˬ ma. Nawˬ-euˬ gaˇ kʼoeˇ naˆ naˆ-ehˇ ngaˇ mˇ nehˬ taˬ-euˬ kʼawꞈ, ngaˬ-euˬ gʼaˬ gaˇ poeˬ-ahˇ, tseˇ poˆ keuˆ ni nawˇ mehˇ shuiˇ shuiˇ dzaˬ-euˬ meh.

Aˇ dahˬ 29:20

Yaˬkoˆ-aˬ, Laˬkeˬlaˇ-ahˇ ya sheuˬ-eu gʼaˇ duˬ, shiꞈ kʼoꞈ keuˆ ni Laˬbaˬ-euˬ gaˇ mˇ nehˬ-euˬ meh. Laˬkeˬlaˇ-ahˇ aˬ yawꞈ gaˬ dui dui-eu miˇ neh, aˇ yamˬ kʼoeˇ myah ni ga-iˇ-euˬ kʼawꞈ, tiˬ kʼehˇ laˇ kʼehˬ tehꞈ nya lehˇ aˬ yawꞈ noeˬ-euˬ meh.