Aˇ dahˬ 28:15 - Akha

¹⁵ Haw taˬ-awˬ, ngaˇ nawˬ nehˬ-ehˇ jawˇ-awˇ, nawˇ kʼaˇ iˇ kʼaˇ laˇ gaˇ nawˬ-ahˇ ngaˇ haw piˇ-eu laꞈ kʼoeˇ, miˇ kʼahˬ heu kʼahˬ-ahˇ, nawˬ-ahˇ paˇ bi gʼoꞈ keuˆ laˇ ma. Nawˬ-ahˇ ngaˇ saˇ jaˇ dzaˬ taˬ-euˬ dawˬ heu deuˬ maˬ mˇ byah jiˇ kʼoeˇ keuˆ ni, ngaˇ nawˬ-ahˇ maˬ byehˇ dzeh.”

Aˇ dahˬ 28:15 Referans Kwoze

Yawˇshuˆ 1:5

Yawˇshuˆ-oˇ, nawˇ yaw dehꞈ kʼaˇ dehꞈ kʼoeˇ keuˆ ni tsawˇ haˬ tiˬ gʼaˬ-iˬ nawˬ-ahˇ maˬ gʼaˬ laˇ-aˇ. Moˇseˬ nehˬ-ehˇ ngaˇ jawˇ-euˬ loꞈ-ehˇ, nawˬ nehˬ-ehˇ ngaˇ jawˇ ma. Aˬ myah luꞈ nawˬ nehˬ-ehˇ ngaˇ jawˇ-awˇ, nawˬ-ahˇ ngaˇ maˬ byehˇ dzeh.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Yeˬlaˬmiˇ 1:19

Aˬ yawꞈ maꞈ nawˬ-ahˇ ceh kʼawꞈ, maˬ ceh gʼaˬ laˇ nya-aˇ. Aˬ jeˬ miˇ neh ehˇ naˇ, nawˬ nehˬ-ehˇ ngaˇ jawˇ-awˇ haw piˇ nehˬ ma lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Dawˬmehˬ 31:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-euˬ mawˇ do naw maꞈ nehˬ-ehˇ jawˇ tehꞈ-a. Aˬ yawꞈ naw maꞈ-ahˇ byehˇ dzeh-awˇ maˬ bi jawˇ nehˬ laꞈ-aˇ.”

Aˇ dahˬ 26:24

Kʼoeˇ ngeh miˇ, Sahˬpaˬ Miˬyehˇ aˬ yawꞈ mehˬ shi doˆ le-awˇ, “Ngaˇ-aˬ, nawˬ da Aˬbyaˬhaˬ-euˬ Miˬyehˇ ma. Taˬ guˆ. Ngaˇ nawˬ nehˬ-ehˇ jawˇ luꞈ ma. Ngaˬ-euˬ zaˬ kʼaˆ Aˬbyaˬhaˬ-ahˇ ngaˇ saˇ jaˇ biꞈ taˬ-euˬ loꞈ-ehˇ, ngaˇ nawˬ-ahˇ guiˬ lahˬ biꞈ-awˇ, nawˬ-euˬ zaˬ nawˬ-euˬ uˆ deuˬ bi jeuˬ bi o le ma” lehˇ ehˇ nehˬ-euˬ meh.

Aˇ dahˬ 31:3

Kʼoeˇ ngeh, “Nawˬ da jawˇ-eu miˇ kʼahˬ-ahˇ, nawˬ-euˬ aˬ yuiꞈ aˬ nyiˇ deuˬ jawˇ gaˇ gʼoꞈ-iˇ-awˬ. Nawˬ nehˬ-ehˇ ngaˇ jawˇ ma” lehˇ, Yaˬkoˆ-ahˇ Sahˬpaˬ Miˬyehˇ ehˇ nehˬ-euˬ meh.

Aˇ dahˬ 26:3

Nawˇ heu gaˇ jawˇ naˇ, nawˬ nehˬ-ehˇ ngaˇ jawˇ-awˇ nawˬ-ahˇ ngaˇ guiˬ lahˬ biꞈ nehˬ ma. Miˇ kʼahˬ heu kʼahˬ kʼahˬ lah ni nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Nawˬ da Aˬbyaˬhaˬ nehˬ-ehˇ ngaˬ neh dzaˬ taˬ-euˬ saˇ jaˇ-ahˇ ngaˇ mˇ byah ma.

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Maꞈtehˬ 18:20

Aˬ jeˬ miˇ neh ehˇ naˇ, ngaˬ-euˬ tsawˇ myahˇ uˬ moˆ tsawˇ haˬ nyiˬ gʼaˬ smˇ gʼaˬ kʼaˇ uiˬ leˇ ngeh, aˬ yawꞈ maꞈ-euˬ gʼahˇ ceh ngaˇ jawˇ ma.”

Iˇsaˬyaˇ 43:2

Iˇ cuꞈ naꞈ gaˇ nawˇ tsehˆ doˆ ngeh, nawˬ nehˬ-ehˇ ngaˇ jawˇ ma. Guˆ-eu gaˆ-eu jeˬ-ahˇ nawˇ tahˬ puˬ kʼawꞈ, nawˇ maˬ ya cawˆ-iˇ-a. Miˬ dzaˬ laꞈ kʼoeˇ nawˇ cah tsehˆ kʼawꞈ, nawˬ-ahˇ maˬ puiˆ dzaˬ-a. Shaˬ zahˬ nawˬ-ahˇ lawˬ haw le kʼawꞈ, nawˬ-ahˇ coeˬ ni maˬ jahˇ nya-a.

1 Sahˬpaˬ 8:57

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-euˬ aˬ poeˬ aˬ bawˇ deuˬ nehˬ-ehˇ jawˇ-euˬ loꞈ-ehˇ, aˬ dui nehˬ-ehˇ kʼawꞈ jawˇ luꞈ-uˇ. Aˬ dui-ahˇ maˬ gʼawˬ-iˇ-eu uˬ taꞈ, aˬ dui-ahˇ maˬ byehˇ dzeh ni jawˇ luꞈ-uˇ.

Jaceuq 46:7

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

1 Tiˆmoˇseˬ 4:8

Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Aˇ dahˬ 48:21

Kʼoeˇ naˇ, Yoˇsehˆ-ahˇ Yaˬkoˆ ehˇ nehˬ-eu, “Nawˇ mawˇ luꞈ-eu loꞈ-ehˇ, ngaˇ ziˇ jiˇ-eu dawˬ peh peh laˇ-euˬ miˇ-a. Ehˇ kʼawꞈ, nawˬ-euˬ aˬ poeˬ aˬ bawˇ deuˬ-euˬ miˇ kʼahˬ-ahˇ, Miˬyehˇ nawˬ-ahˇ sheuˬ kʼoꞈ gʼeh nehˬ laꞈ tehꞈ-a.

Iˇsaˬyaˇ 8:10

Tiˬ kawˆ loꞈ-ehˇ uiˬ leˇ-awˇ mehˬ bawˬ mˇ-awˬ. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ-aˇ. Kʼaˇ ja mawꞈ-eu jeˬ ja doe-awˇ bawˬ dzaˬ-awˬ. Ehˇ kʼawꞈ, tiˬ jeˬ-iˬ maˬ deuˬ leˇ-aˇ. Aˬ jeˬ miˇ neh ehˇ naˇ, Miˬyehˇ nga maꞈ nehˬ-ehˇ jawˇ-eu ma.

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Yaˇ kʼaˬ daˇ 6:16

Sahˬpaˬ Miˬyehˇ ehˇ-eu, “Ngaˇ nawˬ-ahˇ caw ba-eu miˇ neh, nawˇ kʼoeˇ loꞈ-ehˇ mˇ nya meh. Tsawˇ haˬ tiˬ gʼaˬ-ahˇ sehꞈ-eu loꞈ-ehˇ, Miˇdiˬyaˬ tsawˇ haˬ deuˬ-ahˇ nawˇ yaw awˇ laꞈ-ehˇ laˆ luˬ laˆ seˇ nehˬ nya tehꞈ-a.”

Yuˇdaˆ 1:1

Yeˬsuˇ Ka li-euˬ zaˬ kʼaˆ hawˇ-eu Yaˬkoˆ-euˬ mehˇ nmˇ pyeuꞈ-eu ngaˇ Yuˇdaˆ, Aˬda Miˬyehˇ-euˬ gʼoeˇ-eu gaˬ-eu jeˬ hawˇ-eu Yeˬsuˇ Ka li-euˬ bo saˆ haw piˇ-eu jeˬ laꞈ kʼoeˇ jawˇ luꞈ-eu, Miˬyehˇ neh kuˇ doˆ taˬ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Jaceuq 46:11

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Aˇ dahˬ 39:21

Ehˇ kʼawꞈ, Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ-ahˇ guiˬ lahˬ biꞈ luꞈ-eu miˇ neh, paꞈ kuˆ-ahˇ haw-eu aˬ yuiꞈ geuꞈ-eu gʼaˬ Yoˇsehˆ-ahˇ gʼawˬ shaˬ haw gaˬ-euˬ meh.

Aˇ dahˬ 39:2

Yoˇsehˆ nehˬ-ehˇ Sahˬpaˬ Miˬyehˇ jawˇ-eu miˇ neh, Yoˇsehˆ kʼaˇ mˇ kʼaˇ shaˇ-eu gaˇ dawˬ tawˆ luꞈ huiˬ laˇ mahˇ laˇ luꞈ-eu meh. Aˬ yawꞈ-ahˇ zeuˇ-euˬ Iˇjiˇtuˆ tsawˇ haˬ yaw huiˬ yaw mahˇ kʼoeˇ gʼaˬ-euˬ nymˇ-ahˇ aˬ yawꞈ jawˇ luꞈ-eu meh.

Doˆ-iˇ 3:12

Miˬyehˇ ehˇ-eu, “Ngaˇ nawˬ nehˬ-ehˇ jawˇ ma. Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ laꞈ ngeh, gawˬ jawˬ heu jawˬ kʼoeˇ taˆ, ngaˬ-ahˇ uˬ duˬ ya tahˬ tehꞈ-a. Heu-aˬ, ngaˬ neh nawˬ-ahˇ kʼehˇ gʼeh-euˬ gaˇ kawˆ, bi siˬ bi mawˇ-eu jeˬ pyeuꞈ tehꞈ-a.”

Aˇ dahˬ 48:16

Guˆ-eu gaˆ-eu jeˬ laꞈ kʼoeˇ ngaˬ-ahˇ sheuˬ buˬ-euˬ Miˬyehˇ-euˬ gʼaˬ kʼehˇ, aˬ yawꞈ nyaꞈ-ahˇ guiˬ lahˬ biꞈ luꞈ-uˇ. Aˬ li heu nyiˬ li baˬ da neh, ngaˬ-euˬ tsawˇ myahˇ maˬ ehˇ, ngaˬ bawˇ Aˬbyaˬhaˬ-euˬ tsawˇ myahˇ maˬ ehˇ, ngaˬ da Iˇtsaˆ-euˬ tsawˇ myahˇ maˬ ehˇ, tiˬ jawˇ-iˬ maˬ byoˆ-iˇ ni jaˆ yaꞈ luꞈ-uˇ. Aˬ yawꞈ nyaꞈ nmˇ zaˬ gʼawˬ mya ni jawˇ le-awˇ, aˬ yawꞈ maꞈ-euˬ zaˬ deuˬ uˆ deuˬ, myaˬ dui dui le luꞈ-uˇ.”

Aˇ dahˬ 32:9

Kʼoeˇ naˇ, Yaˬkoˆ heu loꞈ-ehˇ guiˬ lahˬ shaˇ-euˬ meh. “Ngaˬ bawˇ Aˬbyaˬhaˬ hawˇ-eu ngaˬ da Iˇtsaˆ-euˬ Miˬyehˇ-oˇ, ngaˬ-euˬ guiˬ lahˬ shaˇ dawˬ-ahˇ naˇ haˬ nehˬ laꞈ-awˬ. Sahˬpaˬ Miˬyehˇ-oˇ, ngaˬ-euˬ aˬ yuiꞈ aˬ nyiˇ deuˬ jawˇ-eu ngaˬ-euˬ miˇ kʼahˬ-ahˇ gʼoꞈ-iˇ-awˬ lehˇ, nawˇ ngaˬ-ahˇ kʼehˇ-awˇ, yawˬ jeˬ na luꞈ laꞈ kʼoeˇ nawˇ ngaˬ-ahˇ haw piˇ nehˬ ma lehˇ ehˇ taˬ-euˬ meh.

Aˇ dahˬ 46:4

Iˇjiˇtuˆ miˇ kʼahˬ laꞈ kʼoeˇ nawˬ nehˬ-ehˇ ngaˇ iˇ-awˇ, nawˬ-euˬ zaˬ nawˬ-euˬ uˆ deuˬ-ahˇ miˇ kʼahˬ heu kʼahˬ laꞈ kʼoeˇ paˇ sheuˬ kʼoꞈ laꞈ ma. Nawˇ ziˇ jiˇ leˇ ngeh, Yoˇsehˆ nawˬ-ahˇ myaˆ nuiˆ sawˆ miˆ nehˬ laꞈ tehꞈ-a.”

Aˇ dahˬ 21:20

Aˬ li kʼoeˇ li huiˬ laˇ luꞈ-eu loꞈ-ehˇ, aˬ yawꞈ nehˬ-ehˇ Miˬyehˇ jawˇ-euˬ meh. Aˬ yawꞈ-aˬ, Paˬlaˬ bawˇ tsahˬ bawˇ dahˬ laꞈ kʼoeˇ jawˇ-awˇ, shaˬ jiˇ beuˆ sehꞈ nya dui dui-eu shaˬ mi aˬ da tiˬ gʼaˬ pyeuꞈ laˇ-euˬ meh.

Aˇ dahˬ 31:5

Aˬ yawꞈ nyaꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Naw nyaꞈ nmˇ-euˬ aˬ da-aˬ, aˇ hu aˇ nah loꞈ-ehˇ, ngaˬ-ahˇ yaw kʼaˆ-ehˇ haw mawꞈ gaˇ maˬ duˇ nga. Ehˇ kʼawꞈ, ngaˬ da-euˬ Miˬyehˇ ngaˬ nehˬ-ehˇ jawˇ luꞈ meh.

Aˇ dahˬ 31:13

Beˬdeˬlaˇ lehˇ kuˇ-euˬ jawˇ duˬ-ahˇ, kʼaˬ lo tiˬ siˬ kʼoeˇ taˆ nawˇ tsiˇ shehˆ daˆ-awˇ, noeˬ mawˇ-eu gʼaˇ duˬ damˬ nehˬ-eu laꞈ kʼoeˇ, saˇ jaˇ dzaˬ ngeh, nawˬ-euˬ mehˬ shi doˆ le-euˬ Miˬyehˇ-aˬ, ngaˇ ma. Nawˇ dehꞈ le-euˬ miˇ kʼahˬ-ahˇ gʼoꞈ-iˇ-eu gʼaˇ duˬ, nymˬ-mˇ lehˬ hmˬ-awˬ lehˇ ehˇ-eu meh.”

Aˇ dahˬ 35:3

Aˬ dui maꞈ heu gaˇ neh doˆ-iˇ-awˇ, Beˬdeˬlaˇ-ahˇ jawˇ-iˇ ma. Shaˬ-eu zahˬ-eu jeˬ-ahˇ ngaˇ ya tahˬ puˬ ngeh, ngaˬ-ahˇ caw ba-awˇ, ngaˇ kʼaˇ iˇ kʼaˇ laˇ gaˇ ngaˬ nehˬ-ehˇ jawˇ-eu laꞈ kʼoeˇ, ngaˬ-ahˇ haw piˇ nehˬ laꞈ-eu Miˬyehˇ-euˬ gʼaˇ duˬ, lawˇ duˬ tiˬ tsahˇ kʼoeˇ gaˇ tsoˆ ma.”

Doˆ-iˇ 13:11

“Naw maꞈ-ahˇ biꞈ-eu gʼaˇ duˬ, naw maꞈ-ahˇ maˬ ehˇ, naw maꞈ-euˬ aˬ poeˬ aˬ bawˇ deuˬ-ahˇ maˬ ehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ Kaˬnaˬ tsawˇ jeuˬ-euˬ miˇ kʼahˬ-ahˇ, Sahˬpaˬ Miˬyehˇ naw maꞈ-ahˇ sheuˬ gʼeh tehꞈ-a. Miˇ kʼahˬ kʼoeˇ kʼahˬ naw maꞈ-ahˇ aˬ yawꞈ biꞈ laꞈ ngeh,

Bawˇtsahˬ 6:24

Sahˬpaˬ Miˬyehˇ naw maꞈ-ahˇ guiˬ lahˬ biꞈ-awˇ bo saˆ luꞈ-uˇ.

Dawˬmehˬ 7:9

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ maˬ ehˇ, aˬ yawꞈ-euˬ saˇ jaˇ ziꞈ-eu jeˬ-ahˇ maˬ ehˇ, naw maꞈ maˬ ngehˇ ni noeˬ keuˆ-awˬ. Aˬ yawꞈ-ahˇ gaˬ-awˇ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-ahˇ, tiˬ heˇ ziˇ keuˆ ni aˬ yawꞈ dawˬ ma saˇ jaˇ ziꞈ-awˇ, maˬ tsehˆ leˇ-eu gʼoeˇ-eu gaˬ-eu jeˬ bi mawˇ tehꞈ-a.

Dawˬmehˬ 30:3

nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ gʼawˬ shaˬ gaˬ tehꞈ-a. Aˬ yawꞈ neh nawˬ-ahˇ bi cehˆ byaˆ-euˬ miˇ kʼahˬ laꞈ kʼoeˇ neh aˬ yawꞈ nawˬ-ahˇ paˇ sheuˬ kʼoꞈ laꞈ-awˇ, bi baw bi za le tehꞈ-a.

Dawˬmehˬ 31:8

Sahˬpaˬ Miˬyehˇ aˬ yawꞈ nawˬ nehˬ-ehˇ jawˇ-awˇ, nawˬ-ahˇ sheuˬ gʼeh tehꞈ-a. Aˬ yawꞈ nawˬ-ahˇ byehˇ dzeh-awˇ maˬ bi jawˇ-aˇ. Teu miˇ neh, gʼaˬ baˬ-awˇ guˆ-eu nui ma taˬ bi ahˇ.”

Aˇ dahˬ 30:25

Yoˇsehˆ dehꞈ le gʼaˬ ngeh jawˇ, Laˬbaˬ-ahˇ Yaˬkoˆ heu loꞈ-ehˇ ehˇ nehˬ-euˬ meh. “Ngaˬ-ahˇ pyehˬ nehˬ laꞈ-awˇ, ngaˬ-euˬ miˇ kʼahˬ-ahˇ bi gʼoꞈ-iˇ nehˬ laꞈ-awˬ.

Uˬ duˬ 26:42

Yaˬkoˆ, Iˇtsaˆ, Aˬbyaˬhaˬ aˬ ha maꞈ-ahˇ ngaˬ neh dzaˬ taˬ-euˬ dawˬ ma saˇ jaˇ-ahˇ ngaˇ paˇ noeˬ keuˆ-awˇ, miˇ kʼahˬ kʼoeˇ kʼahˬ ngaˬ-euˬ tsawˇ haˬ deuˬ-ahˇ biꞈ ma lehˇ, ngaˬ neh ehˇ tsehˆ taˬ-euˬ loꞈ-ehˇ, yaw shuiꞈ shuiꞈ-ehˇ ngaˇ paˇ noeˬ paˇ ma.

Uˬ duˬ 26:45

Aˬ yawꞈ maꞈ-euˬ Miˬyehˇ ya pyeuꞈ laˇ ni, miˇ kʼahˬ heu myaˆ ni gʼeh-eu mehˬ shi, Iˇjiˇtuˆ miˇ kʼahˬ laꞈ kʼoeˇ neh ngaˬ neh sheuˬ doˆ laꞈ-euˬ aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ ngaˬ neh dzaˬ taˬ-eu dawˬ ma saˇ jaˇ-ahˇ, yaw shuiꞈ shuiꞈ-ehˇ paˇ noeˬ keuˆ ma.”

Jaceuq 91:11

Nawˇ kʼaˇ iˇ kʼaˇ laˇ gaˇ bi haw piˇ-eu gʼaˇ duˬ, mˬ taˆ gʼaˬ kʼehˇ deuˬ-ahˇ Miˬ yehˇ dawˬ biꞈ tehꞈ-a.

Yeˬlaˬmiˇ 16:15

Aˬ yawꞈ maꞈ saˇ jaˇ dzaˬ-awˇ kamˬ ngeh, ‘Iˇsaˬleˬlaˆ tsawˇ haˬ deuˬ-ahˇ laꞈ taˆ paw jaˆ-eu miˇ kʼahˬ-ahˇ neh sheuˬ doˆ nehˬ leꞈ-euˬ gʼaˬ pyeuꞈ-eu dehꞈ luꞈ-eu Miˬyehˇ-euˬ tsawˇ myahˇ uˬ moˆ’ lehˇ ya ehˇ paˇ-awˇ, ‘Aˬ yawꞈ maꞈ-ahˇ kʼaˇ teh byaˆ nehˬ-euˬ miˇ kʼahˬ deuˬ-ahˇ neh sheuˬ doˆ nehˬ leꞈ-euˬ gʼaˬ pyeuꞈ-eu dehꞈ luꞈ-eu Miˬyehˇ-euˬ tsawˇ myahˇ uˬ moˆ kamˬ-eu ma’ lehˇ ya ehˇ paˇ-eu aˇ nah keuˆ le tehꞈ-a. Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ pyeuꞈ-eu aˬ yawꞈ maꞈ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ sheuˬ kʼoꞈ keuˆ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”