Aˇ dahˬ 27:33 - Akha

³³ Kʼoeˇ ngeh, Iˇtsaˆ tsawˬ guˆ-iˇ-awˇ, yaw dzuˬ dzuˬ-eu laꞈ kʼoeˇ ehˇ-eu, “Toˆ-ehˇ maˇ-iˬ, uˬ soe shaˬ jiˇ sehꞈ-awˇ ngaˬ-ahˇ dzaˇ jahˇ ha laˇ-euˬ kʼoeˇ gʼaˬ aˬ suˇ gʼaˬ-a. Nymˬ-mˇ nawˇ uˇ laˇ ngeh, shaˬ jiˇ kʼoeˇ ngaˇ dzaˬ gʼaˬ-euˬ tiˬ dehˬ tehꞈ te siˬ. Aˬ yawꞈ-ahˇ ngaˇ dawˬ ngehˬ gʼeh nehˬ gʼaˬ dzeuˇ-euˬ ma. Aˬ yawꞈ-aˬ, mˬ maˬ maˬ byaˆ zaˇ ziˇ guiˬ lahˬ za-euˬ tsawˇ haˬ pyeuꞈ laˇ gʼaˬ-euˬ meh” lehˇ, Iˇsawˇ-ahˇ ehˇ nehˬ-euˬ meh.

Aˇ dahˬ 27:33 Referans Kwoze

Lormav 11:29

Aˬ jeˬ miˇ neh ehˇ naˇ, Miˬyehˇ-aˬ, yawˬ ha neh tseˇ doˆ-awˇ guiˬ lahˬ biꞈ taˬ-euˬ tsawˇ haˬ deuˬ kʼoeˇ taˆ nui ma maˬ poˆ maˬ paˇ laˇ-a.

HeˬByehˇ 11:20

Yaˬkoˆ hawˇ-eu Iˇsawˇ aˬ nyaꞈ nmˇ mehˬ hu paw dehꞈ daˆ leꞈ ngeh guiˬ lahˬ za nya ni, Iˇtsaˆ dawˬ ngehˬ gʼeh nehˬ-euˬ kʼoeˇ-aˬ, jah-eu jeˬ baˬ da neh meh.

Eˇpeˇsu 1:3

Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.

Yoˇhaˬ 10:10

Smˇ kʼoeˬ tahˇ joe-aˬ, kʼoeˬ-eu, sehꞈ-eu, laˆ cawˆ-eu gʼaˇ duˬ oe-eu tehꞈ meh. Ngaˇ-aˬ, naw maꞈ dehꞈ-eu saꞈ laˇ za nya ni oe-euˬ ma. Dehꞈ-eu saꞈ laˇ kʼoeˇ-ahˇ naw maꞈ tiˬ byah tiˬ loꞈ za ni oe-euˬ ma.

Jaceuq 55:5

Guˆ-awˇ yaw dzuˬ dzuˬ-eu jeˬ ngaˬ-ahˇ zuiˆ gʼaˬ-awˇ, laˇ baˇ-iˇ miˇ-a.

Yawˇbaˆ 37:1

“Jaˬ lehˇ lehˇ ma baw ngeh ngaˬ-euˬ nui ma cehˇ tahˬ tahˬ dui dui nya.

Yawˇbaˆ 21:6

Ngaˬ-euˬ kʼoeˇ taˆ keuˆ le-euˬ jeˬ-ahˇ ngaˇ shaˇ noeˬ ngeh, ngaˬ-ahˇ zahˬ leˇ-awˇ yaw dzuˬ dzuˬ dui dui nya.

Aˇ dahˬ 25:23

Sahˬpaˬ Miˬyehˇ aˬ yawꞈ-ahˇ ehˇ nehˬ-eu, “Nawˬ-euˬ uˬ maˆ laꞈ kʼoeˇ tsawˇ jeuˬ nyiˬ jeuˬ uˇ luꞈ-eu meh. Tiˬ jeuˬ tiˇ jeuˬ maˬ tsaˬ leˇ-eu tsawˇ jeuˬ nyiˬ jeuˬ-ahˇ nawˇ ya bi dehꞈ doˆ le tehꞈ-a. Tsawˇ jeuˬ tiˬ jeuˬ-aˬ, yawˬ jeuˬ yawˬ naˆ maˬ tseˇ gʼaˬ kʼaˆ dzehˬ tehꞈ-a. Aˬ yuiꞈ gʼaˬ-aˬ, aˬ nyiˇ gʼaˬ-euˬ laꞈ oꞈ ya awꞈ tehꞈ-a.”

Aˇ dahˬ 27:35

“Nawˬ-euˬ aˬ nyiˇ ngaˬ-ahˇ jaˬ myawꞈ myawꞈ laˇ-awˇ, nawˇ za paˬ-ehˇ gʼeh-eu guiˬ lahˬ dawˬ tawˆ luꞈ yuˇ gʼeh jiˇ-euˬ meh” lehˇ, Iˇsawˇ-ahˇ Iˇtsaˆ ehˇ kʼoꞈ nehˬ-euˬ meh.

Aˇ dahˬ 28:1

Kʼoeˇ naˇ, Yaˬkoˆ-ahˇ Iˇtsaˆ kuˇ-awˇ, heu loꞈ-ehˇ ehˇ nehˬ-euˬ meh. “Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ-ahˇ nawˇ taˬ sheuˬ dahˬ dzaˬ.

Bawˇtsahˬ 23:20

Dawˬ ngehˬ gʼeh nehˬ-awˬ lehˇ ngaˬ-ahˇ aˬ yawꞈ mehˬ-eu meh. Miˬyehˇ neh dawˬ ngehˬ gʼeh nehˬ-eu jeˬ-ahˇ, ngaˇ maˬ laˆ paˇ nya-a.