Aˇ dahˬ 26:8 - Akha

⁸ Iˇtsaˆ kʼoeˇ gaˇ jawˇ luꞈ-eu aˇ yamˬ ui cuiˆ myahˇ laˇ-awˇ, sahˬ paˬ Aˬbiˇmaˬlehˆ laˇ gʼoˆ gʼoˆ zaˬ-ahˇ neh haw ka gʼeh ngeh, Iˇtsaˆ Leˬbehˇkaꞈ nehˬ-ehˇ jawˇ luꞈ gaˇ ya mawˇ-euˬ meh.

Aˇ dahˬ 26:8 Referans Kwoze

Iˇsaˬyaˇ 62:5

Miˬ daꞈ zaˬ daꞈ sheuˬ dahˬ dzaˬ-eu loꞈ-ehˇ, nawˬ-ahˇ beh-euˬ gʼaˬ nawˬ-ahˇ sheuˬ dahˬ dzaˬ tehꞈ-a. Miˬ zaˬ yo zaˬ tiˬ gʼaˬ tiˇ gʼaˬ nui kʼahˇ jaˆ-eu loꞈ-ehˇ, nawˬ-euˬ Miˬyehˇ kʼawꞈ nawˬ-ahˇ nui kʼahˇ jaˆ tehꞈ-a.

Dawˬ caˇ 2:9

Ngaˇ gaˬ-eu gʼaˬ ciˇ haˬ-ahˇ duˇ-eu meh. Kʼaˬ tsehˆ tsehˆ laˬ-ahˇ aˬ yawꞈ duˇ-eu meh. Kaˇ pyawˇ dawˬ peh aˬ yawꞈ yawꞈ-awˇ, laˇ gʼoˆ zaˬ-ahˇ haw ahˇ leꞈ-awˇ, shmˇ kaˇ maˇ byoe-ahˇ cu hu luꞈ-eu meh.

Dawqdaq 7:6

Ngaˬ-euˬ nymˇ laˇ gʼoˆ zaˬ-ahˇ, shmˇ kahˬ yaw kaˬ-ahˇ haw doˆ gʼeh ngeh,

Yaˇ kʼaˬ daˇ 5:28

Siˇseˬlaˇ-euˬ aˬ ma laˇ gʼoˆ zaˬ-ahˇ cu hu-awˇ, shmˇ kaˇ naˇ kʼah jawˇ-awˇ loꞈ luꞈ meh. Aˬ yawꞈ ehˇ-eu, “Aˬ jeˬ miˇ neh aˬ yawꞈ-euˬ mahˬ laˆ lawˬ nymˬ-mˇ keuˆ ni maˬ gʼoꞈ keuˆ laˇ ta. Aˬ jeˬ miˇ neh aˬ yawꞈ-euˬ mahˬ deuˬ teu naˆ naˆ-ehˇ myaꞈ ta.”

Dawˬ tsoˆ 9:9

Nahˇ ma heu siˬ uˬ moˆ Miˬyehˇ neh nawˬ-ahˇ bi dehꞈ bi jawˇ laꞈ-euˬ tiˬ jeˬ-iˬ gaˇ dahˇ maˬ tsoeˬ-eu aˇ nah aˇ yamˬ heu laꞈ kʼoeˇ, nawˇ gaˬ-eu nawˬ-euˬ miˬ zaˬ nehˬ-ehˇ byawˬ gʼa-awˬ. Shaˬ zahˬ naꞈ-awˇ gaˇ dahˇ maˬ tsoeˬ-eu aˇ nah yawˬ nah na luꞈ laꞈ kʼoeˇ, nawˬ-ahˇ oꞈ-eu jiˇ jeuˬ kʼoeˇ tehꞈ meh.

Aˇ dahˬ 26:7

Kʼoeˇ gaˇ jawˇ-eu tsawˇ haˬ deuˬ aˬ yawꞈ miˬ zaˬ-euˬ gaˇ kawˆ naˇ haˬ ngeh, aˬ yawꞈ-euˬ dmˇ ma pyeuꞈ-eu ma lehˇ, Iˇtsaˆ ehˇ kʼoꞈ nehˬ-euˬ meh. Leˬbehˇkaꞈ aˬ yawꞈ-euˬ miˬ zaˬ pyeuꞈ-eu gaˇ kawˆ Iˇtsaˆ maˬ ehˇ doˆ peuˬ-a. Aˬ jeˬ miˇ neh ehˇ naˇ, Leˬbehˇkaꞈ aˇ gʼehˇ muiˬ dui dui-eu miˇ neh, kʼoeˇ gaˇ jawˇ-eu tsawˇ haˬ deuˬ aˬ yawꞈ-ahˇ sehꞈ-awˇ, Leˬbehˇkaꞈ-ahˇ sheuˬ geuꞈ gaˇ aˬ yawꞈ guˆ-eu meh.

Aˇ dahˬ 26:9

Kʼoeˇ ngeh, Iˇtsaˆ-ahˇ bi kuˇ laˬ-iˇ-awˇ, “Leˬbehˇkaꞈ nawˬ-euˬ miˬ zaˬ pyeuꞈ law hawˇ ngaˬ tawˇ. Nawˬ-euˬ dmˇ ma pyeuꞈ-eu ma lehˇ aˬ jeˬ miˇ neh nawˇ jaˬ myawꞈ myawꞈ teˬ” lehˇ ehˇ nehˬ-euˬ meh. Iˇtsaˆ gʼeh, “Aˬ yawꞈ ngaˬ-euˬ miˬ zaˬ ma lehˇ ngaˇ ehˇ naˇ, aˬ cawˬ ngaˬ-ahˇ sehꞈ laˇ-eu baw le lehˇ ngaˇ noeˬ guˆ-eu miˇ neh, kʼoeˇ loꞈ-ehˇ ehˇ-euˬ ma” lehˇ, paˇ ehˇ kʼoꞈ nehˬ-euˬ meh.