Aˇ dahˬ 26:3 - Akha

³ Nawˇ heu gaˇ jawˇ naˇ, nawˬ nehˬ-ehˇ ngaˇ jawˇ-awˇ nawˬ-ahˇ ngaˇ guiˬ lahˬ biꞈ nehˬ ma. Miˇ kʼahˬ heu kʼahˬ kʼahˬ lah ni nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Nawˬ da Aˬbyaˬhaˬ nehˬ-ehˇ ngaˬ neh dzaˬ taˬ-euˬ saˇ jaˇ-ahˇ ngaˇ mˇ byah ma.

Aˇ dahˬ 26:3 Referans Kwoze

Aˇ dahˬ 28:15

Haw taˬ-awˬ, ngaˇ nawˬ nehˬ-ehˇ jawˇ-awˇ, nawˇ kʼaˇ iˇ kʼaˇ laˇ gaˇ nawˬ-ahˇ ngaˇ haw piˇ-eu laꞈ kʼoeˇ, miˇ kʼahˬ heu kʼahˬ-ahˇ, nawˬ-ahˇ paˇ bi gʼoꞈ keuˆ laˇ ma. Nawˬ-ahˇ ngaˇ saˇ jaˇ dzaˬ taˬ-euˬ dawˬ heu deuˬ maˬ mˇ byah jiˇ kʼoeˇ keuˆ ni, ngaˇ nawˬ-ahˇ maˬ byehˇ dzeh.”

Jaceuq 105:9

Aˬbyaˬhaˬ nehˬ-ehˇ dzaˬ-euˬ dawˬ ma saˇ jaˇ-ahˇ aˬ yawꞈ ziꞈ-awˇ, Iˇtsaˆ nehˬ-ehˇ dzaˬ-euˬ saˇ jaˇ-ahˇ ziꞈ tehꞈ-a.

Aˇ dahˬ 20:1

Aˬbyaˬhaˬ-aˬ, Mamˬliˬ lehˇ kuˇ-eu jawˇ duˬ-ahˇ neh Kaˬnaˬ miˇ kʼahˬ laꞈ oˆ paw paˇ iˇ ka gʼeh-awˇ, Kaˬdeˬshaˇ meuˬ hawˇ-eu Shuˇyaˆ meuˬ yaw kaˬ-ahˇ jawˇ-iˇ-euˬ meh. Gʼawˬ myahˇ maˬ gʼeh-ehˇ Geˬlawˬ meuˬ-ahˇ aˬ yawꞈ paˇ jawˇ-iˇ-euˬ meh.

Aˇ dahˬ 17:8

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

Aˇ dahˬ 15:18

Kʼoeˇ ngeh, jawˇ duˬ kʼoeˇ tsahˇ-ahˇ Aˬbyaˬ nehˬ-ehˇ Sahˬpaˬ Miˬyehˇ dawˬ ma saˇ jaˇ dzaˬ taꞈ-euˬ meh. Sahˬpaˬ Miˬyehˇ ehˇ-eu, “Iˇjiˇtuˆ miˇ kʼahˬ-euˬ miˇ kaˬ-ahˇ neh Uˇpaˬlaˇ lawˇ baˬ-ahˇ keuˆ ni jaˆ-eu miˇ kʼahˬ kʼahˬ ma kʼoeˇ kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ ma lehˇ ngaˇ saˇ jaˇ dzaˬ-eu ma.

Aˇ dahˬ 13:17

Nawˇ iˇ-awˇ, miˇ kʼahˬ kʼahˬ lah ni cah doe haw-iˇ-awˬ. Aˬ jeˬ miˇ neh ehˇ naˇ, miˇ kʼahˬ heu kʼahˬ kʼahˬ lah ni nawˬ-ahˇ biꞈ-eu lehˇ, ngaˇ lehˬ hmˬ taˬ-euˬ ma” lehˇ ehˇ nehˬ-euˬ meh.

Aˇ dahˬ 13:15

Nawˬ neh kʼaˇ haw mawˇ jiˇ-euˬ miˇ kʼahˬ dawˬ tawˆ luꞈ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ-eu lehˇ ngaˇ lehˬ hmˬ taˬ-euˬ ma. Miˇ kʼahˬ heu kʼahˬ-aˬ, mˬ maˬ maˬ byaˆ zaˇ ziˇ naw maꞈ-euˬ miˇ kʼahˬ pyeuꞈ tehꞈ-a.

Aˇ dahˬ 12:7

Kʼoeˇ ngeh, Aˬbyaˬ-euˬ mehˬ shi Sahˬpaˬ Miˬyehˇ doˆ le-awˇ, “Miˇ kʼahˬ heu kʼahˬ-aˬ, nawˬ-euˬ zaˬ nawˬ-euˬ uˆ deuˬ-ahˇ biꞈ-eu gʼaˇ duˬ, ngaˬ neh lehˬ hmˬ taˬ-euˬ miˇ kʼahˬ pyeuꞈ-eu ma” lehˇ ehˇ nehˬ-euˬ meh. Aˬbyaˬ-aˬ, aˬ yawꞈ-euˬ mehˬ shi doˆ le-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-eu gʼaˇ duˬ, kʼoeˇ gaˇ lawˇ duˬ tiˬ tsahˇ tsoˆ-euˬ meh.

HeˬByehˇ 11:9

Miˬyehˇ neh saˇ jaˇ dzaˬ taˬ-euˬ maˬ siˬ maˬ suˇ-eu miˇ kʼahˬ-ahˇ aˬ yawꞈ jawˇ-euˬ kʼoeˇ-aˬ, jah-eu jeˬ baˬ da neh meh. Aˬ yawꞈ-ahˇ duˇ ni Miˬyehˇ neh saˇ jaˇ dzaˬ-euˬ jeˬ-ahˇ za-euˬ Iˇtsaˆ hawˇ-eu Yaˬkoˆ loꞈ-ehˇ, sehˬ gʼawˆ gʼawˆ gʼawˆ-ehˇ aˬ yawꞈ jawˇ-euˬ meh.

Piˇliˇpiˆ 4:9

Ngaˬ neh ngehˬ-euˬ tmˇ-euˬ hawˇ-eu mˇ-euˬ shaˇ-euˬ jeˬ laꞈ kʼoeˇ naw maꞈ neh haw geuꞈ taˬ-euˬ jeˬ mˇ doˆ shaˇ doˆ laꞈ-awˬ. Aˬ dui-ahˇ nui saˇ oꞈ-eu jeˬ biꞈ laꞈ-eu gʼaˬ pyeuꞈ-eu Miˬyehˇ naw maꞈ nehˬ-ehˇ jawˇ tehꞈ-a.

Iˇsaˬyaˇ 43:5

Taˬ guˆ. Ngaˇ nawˬ nehˬ-ehˇ jawˇ ma. “Nahˇ ma doˆ kʼehˬ ga kʼehˬ jawˇ byoˆ taˬ-euˬ, nawˬ-euˬ tsawˇ haˬ-ahˇ ngaˇ sheuˬ kʼoꞈ laꞈ ma.

Iˇsaˬyaˇ 43:2

Iˇ cuꞈ naꞈ gaˇ nawˇ tsehˆ doˆ ngeh, nawˬ nehˬ-ehˇ ngaˇ jawˇ ma. Guˆ-eu gaˆ-eu jeˬ-ahˇ nawˇ tahˬ puˬ kʼawꞈ, nawˇ maˬ ya cawˆ-iˇ-a. Miˬ dzaˬ laꞈ kʼoeˇ nawˇ cah tsehˆ kʼawꞈ, nawˬ-ahˇ maˬ puiˆ dzaˬ-a. Shaˬ zahˬ nawˬ-ahˇ lawˬ haw le kʼawꞈ, nawˬ-ahˇ coeˬ ni maˬ jahˇ nya-a.

Jaceuq 32:8

Sahˬpaˬ Miˬyehˇ ehˇ-eu, “Nawˇya iˇ-eu gaˇma tiˬkahˇ, nawˬ-ahˇngaˇmehˬnehˬtsoˆnehˬ-awˇ, Ngaˬ-euˬmyaˆnuiˆhaw piˇnehˬma.

Aˇ dahˬ 39:21

Ehˇ kʼawꞈ, Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ-ahˇ guiˬ lahˬ biꞈ luꞈ-eu miˇ neh, paꞈ kuˆ-ahˇ haw-eu aˬ yuiꞈ geuꞈ-eu gʼaˬ Yoˇsehˆ-ahˇ gʼawˬ shaˬ haw gaˬ-euˬ meh.

Aˇ dahˬ 39:2

Yoˇsehˆ nehˬ-ehˇ Sahˬpaˬ Miˬyehˇ jawˇ-eu miˇ neh, Yoˇsehˆ kʼaˇ mˇ kʼaˇ shaˇ-eu gaˇ dawˬ tawˆ luꞈ huiˬ laˇ mahˇ laˇ luꞈ-eu meh. Aˬ yawꞈ-ahˇ zeuˇ-euˬ Iˇjiˇtuˆ tsawˇ haˬ yaw huiˬ yaw mahˇ kʼoeˇ gʼaˬ-euˬ nymˇ-ahˇ aˬ yawꞈ jawˇ luꞈ-eu meh.

Aˇ dahˬ 26:14

Yawˇ, mawˇ neˇ hawˇ-eu, zaˬ kʼaˆ deuˬ kʼawꞈ jawˇ myaˬ dui dui-eu miˇ neh, Piˇliˇtiˆ tsawˇ haˬ deuˬ aˬ yawꞈ-ahˇ myaˆ naˆ-euˬ meh.

Aˇ dahˬ 26:12

Miˇ kʼahˬ kʼoeˇ kʼahˬ laꞈ kʼoeˇ Iˇtsaˆ deh yaˇ mˇ-awˇ, kʼoeˇ ngeh kʼoꞈ laꞈ kʼoeˇ, aˬ yawꞈ neh sehˬ-euˬ siˬ yoeˬ naˆ maˬ tseˇ tiˬ yaˇ bymˇ aˬ yawꞈ mˇ za-euˬ meh. Sahˬpaˬ Miˬyehˇ aˬ yawꞈ-ahˇ guiˬ lahˬ biꞈ-euˬ miˇ neh, kʼoeˇ loꞈ-ehˇ mˇ za-euˬ meh.

HeˬByehˇ 6:17

Miˬyehˇ neh saˇ jaˇ dzaˬ taˬ-euˬ tsawˇ haˬ deuˬ-ahˇ Miˬyehˇ aˬ yawꞈ neh noeˬ taˬ-euˬ jeˬ tiˬ jawˇ-iˬ maˬ poˆ maˬ paˇ-eu gaˇ kawˆ bi siˬ duˬ mawꞈ-eu meh. Kʼoeˇ miˇ neh, aˬ yawꞈ saˇ jaˇ dzaˬ ngeh, dzaˬ-euˬ loꞈ-ehˇ maˇ maˇ ni bi pyeuꞈ laˇ-eu gʼaˇ duˬ kamˬ tsehˆ-eu meh.

Miˇkaˬ 7:20

Aˇ hu ba nga maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ jaˆ-eu loꞈ-ehˇ, Aˬbyaˬhaˬ hawˇ-eu Yaˬkoˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ saˇ jaˇ ziꞈ-eu jeˬ hawˇ-eu maˬ tsehˆ leˇ nya-eu gʼoeˇ-eu gaˬ-eu jeˬ nawˇ bi mawˇ tehꞈ-a.

Jaceuq 39:12

SahˬpaˬMiˬyehˇ shaˇdawˬgaˬ-awˇ, guˇ-eu teˇsaˇnaˇhaˬnehˬlaꞈ. Ngaˇmyaˆbiˇlaꞈkʼawˆkʼawˆluꞈngeh, maˬhaw cawˬni taˬjawˇnehˬlaꞈ. Ngaˬ-euˬ aˬpoeˬkʼoeˇdeuˬloꞈ-ehˇ, ngaˇkʼawꞈdaˬyah tiˬ gʼaˬpyeuꞈ-awˇ, tiˬkʼehˇlaˇkʼehˬnaˬ-eu tehꞈma.

Aˇ dahˬ 25:11

Aˬbyaˬhaˬ shiˇ dzeuˇ ngeh, “Ngaˬ-ahˇ mawˇ-euˬ Dehꞈ luꞈ-eu gʼaˬ-euˬ lah duˬ” lehˇ kuˇ-eu jawˇ duˬ-ahˇ jawˇ luꞈ-eu Aˬbyaˬhaˬ-euˬ aˬ li Iˇtsaˆ-ahˇ, Miˬyehˇ guiˬ lahˬ biꞈ nehˬ-euˬ meh.

Aˇ dahˬ 26:24

Kʼoeˇ ngeh miˇ, Sahˬpaˬ Miˬyehˇ aˬ yawꞈ mehˬ shi doˆ le-awˇ, “Ngaˇ-aˬ, nawˬ da Aˬbyaˬhaˬ-euˬ Miˬyehˇ ma. Taˬ guˆ. Ngaˇ nawˬ nehˬ-ehˇ jawˇ luꞈ ma. Ngaˬ-euˬ zaˬ kʼaˆ Aˬbyaˬhaˬ-ahˇ ngaˇ saˇ jaˇ biꞈ taˬ-euˬ loꞈ-ehˇ, ngaˇ nawˬ-ahˇ guiˬ lahˬ biꞈ-awˇ, nawˬ-euˬ zaˬ nawˬ-euˬ uˆ deuˬ bi jeuˬ bi o le ma” lehˇ ehˇ nehˬ-euˬ meh.

Aˇ dahˬ 28:13

Sahˬpaˬ Miˬyehˇ aˬ yawꞈ dawˬ peh yawꞈ-awˇ ehˇ-eu, “Ngaˇ-aˬ, Aˬbyaˬhaˬ hawˇ-eu Iˇtsaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˇ yuꞈ luꞈ-eu miˇ tsaˬ heu tsahˇ, nawˇ hawˇ-eu nawˬ-euˬ zaˬ deuˬ-ahˇ ngaˇ biꞈ ma.

Aˇ dahˬ 31:3

Kʼoeˇ ngeh, “Nawˬ da jawˇ-eu miˇ kʼahˬ-ahˇ, nawˬ-euˬ aˬ yuiꞈ aˬ nyiˇ deuˬ jawˇ gaˇ gʼoꞈ-iˇ-awˬ. Nawˬ nehˬ-ehˇ ngaˇ jawˇ ma” lehˇ, Yaˬkoˆ-ahˇ Sahˬpaˬ Miˬyehˇ ehˇ nehˬ-euˬ meh.

Aˇ dahˬ 35:12

Aˬbyaˬhaˬ hawˇ-eu Iˇtsaˆ-ahˇ ngaˬ neh biꞈ-euˬ miˇ kʼahˬ kʼoeˇ kʼahˬ, nawˇ hawˇ-eu aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma.”

Aˇ dahˬ 48:21

Kʼoeˇ naˇ, Yoˇsehˆ-ahˇ Yaˬkoˆ ehˇ nehˬ-eu, “Nawˇ mawˇ luꞈ-eu loꞈ-ehˇ, ngaˇ ziˇ jiˇ-eu dawˬ peh peh laˇ-euˬ miˇ-a. Ehˇ kʼawꞈ, nawˬ-euˬ aˬ poeˬ aˬ bawˇ deuˬ-euˬ miˇ kʼahˬ-ahˇ, Miˬyehˇ nawˬ-ahˇ sheuˬ kʼoꞈ gʼeh nehˬ laꞈ tehꞈ-a.

Aˇ dahˬ 50:24

Aˬ yawꞈ-euˬ mehˇ nmˇ deuˬ-ahˇ aˬ yawꞈ ehˇ nehˬ-eu, “Ngaˇ ziˇ jiˇ le shaw-iˬ miˇ-a. Ehˇ kʼawꞈ, Miˬyehˇ naw maꞈ-ahˇ yaw muiˬ paˬ-ehˇ ngehˬ gʼeh dah teˬ nehˬ-eu laꞈ kʼoeˇ, miˇ kʼahˬ heu kʼahˬ laꞈ kʼoeˇ neh naw maꞈ-ahˇ sheuˬ doˆ gʼeh-awˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ-ahˇ aˬ yawꞈ neh saˇ jaˇ dzaˬ tsehˆ taˬ-euˬ miˇ kʼahˬ-ahˇ sheuˬ gʼeh nehˬ laꞈ tehꞈ-a” lehˇ ehˇ nehˬ-euˬ meh.

Doˆ-iˇ 6:4

Aˬ yawꞈ maꞈ nehˬ-ehˇ ngaˇ dawˬ ma saˇ jaˇ dzaˬ-eu laꞈ kʼoeˇ, boeˇ miˬ siˬ kʼaˬ loꞈ-ehˇ aˬ yawꞈ maꞈ ya dehꞈ ya jawˇ yaꞈ-euˬ Kaˬnaˬ miˇ kʼahˬ kʼoeˇ, aˬ yawꞈ maꞈ-ahˇ ngaˇ biꞈ ma lehˇ, ehˇ tsehˆ taˬ-euˬ ma.

Doˆ-iˇ 6:8

Aˬ byaˬ haˬ, Iˇ tsaˆ hawˇ-eu Yaˬ koˆ-ahˇ biꞈ ma lehˇ ngaˬ neh ehˇ tsehˆ taˬ-euˬ miˇ kʼahˬ-ahˇ, naw maꞈ-ahˇ ngaˇ sheuˬ gʼeh-awˇ, miˇ kʼahˬ kʼoeˇ kʼahˬ naw maꞈ-ahˇ ngaˇ biꞈ tsehˆ nehˬ ma. Ngaˇ-aˬ, Sahˬpaˬ Miˬyehˇ ma lehˇ ehˇ nehˬ awˬ.”

Dawˬmehˬ 1:8

Miˇ kʼahˬ heu dawˬ tawˆ luꞈ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ maˬ ehˇ, aˬ yawꞈ maꞈ-euˬ zaˬ deuˬ uˆ deuˬ-ahˇ maˬ ehˇ, biꞈ ma lehˇ Sahˬpaˬ Miˬyehˇ pyeuꞈ-eu ngaˇ saˇ jaˇ dzaˬ taˬ-euˬ ma. Naw maꞈ iˇ-awˇ kʼoeˇ gaˇ jawˇ-iˇ-awˬ’ lehˇ ehˇ-eu meh.”

Dawˬmehˬ 34:4

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ-eu, “Heu-aˬ, Aˬbyaˬhaˬ, Iˇtsaˆ hawˇ-eu Yaˬkoˆ aˬ ha maꞈ-ahˇ, aˬ yawꞈ maꞈ-euˬ zaˬ deuˬ uˆ deuˬ-ahˇ biꞈ-eu gʼaˇ duˬ ngaˬ neh saˇ jaˇ dzaˬ taˬ-euˬ miˇ kʼahˬ ma. Miˇ kʼahˬ heu nawˬ-ahˇ ngaˇ biꞈ mawꞈ kʼawꞈ, nawˇ maˬ ya uˇ keuˆ leˇ-a.”

1 Laˬsaˬbaˬ 16:16

Aˬbyaˬhaˬ-ahˇ dzaˬ-euˬ saˇ jaˇ, Iˇtsaˆ-ahˇ biꞈ-euˬ saˇ jaˇ kʼoeˇ, mˬ maˬ maˬ byaˆ zaˇ ziˇ taˬ ngehˇ.

Aˇ dahˬ 17:19

Ehˇ kʼawꞈ, Miˬyehˇ ehˇ-eu, “Nawˇ teu loꞈ-ehˇ taˬ ehˇ. Nawˬ-euˬ nymˇ dahˬ Saˬlaˇ aˬ li tiˬ li ciˬ-awˇ, aˬ li kʼoeˇ li-ahˇ Iˇtsaˆ lehˇ nawˇ ya myahˇ nehˬ tehꞈ-a. Aˬ yawꞈ-ahˇ maˬ ehˇ, aˬ yawꞈ-euˬ zaˬ deuˬ uˆ deuˬ-ahˇ maˬ ehˇ, mˬ maˬ maˬ byaˆ zaˇ ziˇ ziꞈ-eu saˇ jaˇ ngaˇ dzaˬ ma.

Doˆ-iˇ 2:24

Aˬ yawꞈ maꞈ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ Miˬyehˇ ya gaˬ ngeh, Aˬbyaˬhaˬ, Iˇtsaˆ hawˇ-eu Yaˬkoˆ-ahˇ aˬ yawꞈ neh dawˬ ma saˇ jaˇ dzaˬ taˬ-euˬ gaˇ noeˬ keuˆ-euˬ meh.

Doˆ-iˇ 3:12

Miˬyehˇ ehˇ-eu, “Ngaˇ nawˬ nehˬ-ehˇ jawˇ ma. Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ laꞈ ngeh, gawˬ jawˬ heu jawˬ kʼoeˇ taˆ, ngaˬ-ahˇ uˬ duˬ ya tahˬ tehꞈ-a. Heu-aˬ, ngaˬ neh nawˬ-ahˇ kʼehˇ gʼeh-euˬ gaˇ kawˆ, bi siˬ bi mawˇ-eu jeˬ pyeuꞈ tehꞈ-a.”

Doˆ-iˇ 6:7

Naw maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ-aˬ, naw maꞈ-euˬ Miˬ yehˇ pyeuꞈ ma. Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ngeh, ngaˇ-aˬ naw maꞈ-euˬ Sahˬpaˬ Miˬyehˇ pyeuꞈ-eu naw maꞈ ya siˬ tehꞈ-a.

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Jaceuq 105:8

Aˬ yawꞈ-euˬ dawˬ ma saˇ jaˇ-ahˇ mˬ maˬ maˬ byaˆ zaˇ ziˇ aˬ yawꞈ ziꞈ-awˇ, aˬ yawꞈ-euˬ saˇ jaˇ dawˬ-ahˇ aˇ heˇ ziˇ ziꞈ tehꞈ-a.