Aˇ dahˬ 25:29 - Akha

²⁹ Tiˬ nah-aˬ, Yaˬkoˆ aˇ behˆ aˇ nuiˆ gʼawˬ nyoeˇ jahˇ luꞈ ngeh, Iˇsawˇ bawˇ cah cah-iˇ-euˬ gʼoꞈ keuˆ laˇ-euˬ meh. Kʼoeˇ ngeh, Iˇsawˇ hawˬ mehꞈ mehꞈ dui dui laˇ-awˇ,

Aˇ dahˬ 25:29 Referans Kwoze

Dawqdaq 13:25

Yaw tsaˬ yaw dawˇ deuˬ ya dzaˬ ya dawˇ dehˆ kʼawꞈ, maˬ tsaˬ maˬ dawˇ-eu deuˬ mehꞈ-eu shuꞈ-eu meh.

1 Saˬmeuˬlaˆ 14:28

“Nga maꞈ dawˬ tawˆ luꞈ hawˬ mehꞈ-awˇ gʼaˬ baˬ dui dui nya. Ehˇ kʼawꞈ, ‘Iˬ nah tiˬ jeˬ paˬ kʼaˇ dzaˬ-euˬ tsawˇ haˬ kʼoeˇ taˆ yaˬ kʼehˇ yaˬ-eu jeˬ keuˆ le tehꞈ-a’ lehˇ, nawˬ da neh nga maꞈ-ahˇ ehˇ taˬ-euˬ dawˬ jaˆ-eu miˇ neh maˬ dzaˬ peuˬ nya” lehˇ, tsawˇ haˬ tiˬ gʼaˬ Yawˇnaˆshaˬ-ahˇ ehˇ-eu meh.

1 Saˬmeuˬlaˆ 14:31

Kʼoeˇ ngeh nah, Miˇkaˬmaˆ meuˬ-ahˇ neh Aiˬjaˬloˬ meuˬ-ahˇ keuˆ ni guiˇ deuˆ keuˆ-awˇ, Iˇsaˬleˬlaˆ tsawˇ haˬ deuˬ neh Piˇliˇtiˆ tsawˇ haˬ deuˬ-ahˇ deuˆ gʼaˬ-euˬ meh. Kʼoeˇ ngeh, Iˇsaˬleˬlaˆ tsawˇ haˬ deuˬ hawˬ mehꞈ mehꞈ dui dui-awˇ, gʼaˬ baˬ laˇ taˬ-euˬ meh.

Aˇ dahˬ 25:30

“Nawˬ-euˬ dzaˇ yaw neˇ teu ngaˬ-ahˇ ui cuiˆ bi dzaˬ laꞈ sheˇ” lehˇ, Yaˬkoˆ-ahˇ ehˇ nehˬ-euˬ meh. (Kʼoeˇ miˇ neh, Iˇsawˇ-ahˇ aˬ cawˬ Eˬdoˬ lehˇ kuˇ-euˬ meh.)

Aˇ dahˬ 25:34

Iˇsawˇ dzaˬ gʼaˬ dawˇ gʼaˬ-awˇ doˆ-iˇ-euˬ meh. Iˇsawˇ-aˬ, kʼoeˇ loꞈ-ehˇ jahˇ-awˇ, aˬ yawꞈ za paˬ-ehˇ gʼeh-eu aˬ li aˬ yuiꞈ gʼaˬ-euˬ aˇ yaˬ-ahˇ yehˬ bawˬ sehˇ lu-ehˇ gʼeh-euˬ meh.

2 Sahˬpaˬ 4:38

Miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le ngeh, Giˇlaˇgaˬlaˇ meuˬ-ahˇ Eˇliˇshehˇ gʼoꞈ leˇ-euˬ meh. Miˬyehˇ gʼaˇ duˬ ngehˬ dah-eu aˇ muˇ tiˬ muˇ-ahˇ aˬ yawꞈ mehˬ nehˬ tsoˆ nehˬ luꞈ ngeh, “Aˬ yawꞈ maꞈ bi dzaˬ-eu dzaˇ jahˇ-eu gʼaˇ duˬ, oeˬ lahˬ lahˬ ma ciˬ dahˇ-awˬ” lehˇ aˬ yawꞈ-euˬ zaˬ kʼaˆ-ahˇ aˬ yawꞈ ehˇ nehˬ-euˬ meh.

2 Sahˬpaˬ 4:39

Aˬ yawꞈ maꞈ laꞈ kʼoeˇ tiˬ gʼaˬ, bawˇ tsahˬ-ahˇ gʼawˬ nyoeˇ shaˇ-iˇ-awˇ, bawˇ tsahˬ iˇ puˬ ciˇ ni mawˇ-awˇ, iˇ puˬ aˇ siˬ kʼaˇ pi coeˇ-eu pi kʼoꞈ laꞈ-euˬ meh. Iˇ puˬ kʼoeˇ aˬ geu jeˬ iˇ puˬ pyeuꞈ-eu aˬ yawꞈ maˬ siˬ nya-ehˇ, dzaˇ jahˇ gaˇ dawˆ ahˇ-awˇ jahˇ keuˬ taˬ-euˬ meh.

Haˬgaiˇ 2:12

Tsawˇ haˬ tiˬ gʼaˬ shaˬ jiˇ lawˇ-euˬ yuˇ-awˇ pehˇ kʼahˬ neh dehˬ kaˬ-awˇ yuˇ gʼeh-eu ehˇ-awˬ. Kʼoeˇ naˇ, kaˬ muˇ maˬ ehˇ, jahˇ jaꞈ taˬ-euˬ dzaˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, dzaˇ tiˬ jeˬ-ahˇ pehˇ kʼahˬ kʼoeˇ kahˇ neh ya laˆ ciˆ shaw naˇ, kʼaˇ laˆ ciˆ-euˬ dzaˇ kʼoeˇ shawˇ laˇ ta loˇ lehˇ naˇ haˬ-awˬ.” Dawˬ kʼoeˇ dawˬ naˇ haˬ ngeh, “Maˬ ngeuˇ-a” lehˇ piˇ ma deuˬ ehˇ-eu meh.