Aˇ dahˬ 25:21 - Akha

²¹ Leˬbehˇkaꞈ zaˬ maˬ jawˇ le-eu miˇ neh, zaˬ jawˇ le nya ni, Sahˬpaˬ Miˬyehˇ-ahˇ Iˇtsaˆ guiˬ lahˬ shaˇ-euˬ meh. Aˬ yawꞈ-euˬ guiˬ lahˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ nyiˇ pi leˇ-euˬ meh.

Aˇ dahˬ 25:21 Referans Kwoze

Eˇzaˬlaˬ 8:23

Kʼoeˇ miˇ neh, Miˬyehˇ nga maꞈ-ahˇ haw piˇ nehˬ laꞈ-eu gʼaˇ duˬ nga maꞈ maˬ dzaˬ-eu zahˇ jahˇ-awˇ guiˬ lahˬ shaˇ ngeh, nga maꞈ-euˬ shaˇ dawˬ-ahˇ naˇ haˬ geuꞈ nehˬ laꞈ-euˬ meh.

Luˇkaꞈ 1:13

Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, “Zaˬkaˬliˇ-oˇ, taˬ guˆ. Nawˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ nehˬ laꞈ-euˬ meh. Nawˬ-euˬ nymˇ dahˬ Eˇliˇsaˬbehˆ aˬ li tiˬ li ciˬ tehꞈ-a. Aˬ li kʼoeˇ li-ahˇ Yoˇ haˬ lehˇ nawˇ ya myahˇ nehˬ meh.

Iˇsaˬyaˇ 58:9

Naw maꞈ guiˬ lahˬ shaˇ ngeh ngaˇ naˇ haˬ-awˇ, naw maꞈ ngaˬ-ahˇ kuˇ ngeh ngaˇ naˬ bawˇ ciˬ kʼmˇ ma. “Naw maꞈ aˬ cawˬ-ahˇ kʼehˬ-eu jeˬ byehˇ-awˇ, aˬ cawˬ-ahˇ yehˬ bawˬ-ehˇ maˬ gʼeh-eu uˬ taꞈ, dawˬ doeˇ maˬ paˇ ngehˬ ni dehꞈ naˇ,

2 Laˬsaˬbaˬ 33:13

Maˬnaˇseˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ yawꞈ-ahˇ Yeˬluˇsaˬlehˬ meuˬ-ahˇ bi gʼoꞈ-iˇ-awˇ, aˬ yawꞈ-euˬ miˇ kʼahˬ-ahˇ paˇ bi uˆ lahˇ-euˬ meh. Kʼoeˇ ngeh, Sahˬpaˬ Miˬyehˇ-aˬ, aˬ diˇ aˬ maˇ Miˬyehˇ pyeuꞈ-eu gaˇ kawˆ Maˬnaˇseˬ siˬ duˬ-euˬ meh.

1 Laˬsaˬbaˬ 5:20

Aˬ yawꞈ maꞈ Miˬyehˇ-ahˇ jah-eu laꞈ kʼoeˇ “Caw ba nehˬ laꞈ-awˬ” lehˇ guiˬ lahˬ shaˇ-euˬ loꞈ-ehˇ, aˬ yawꞈ maꞈ-euˬ shaˇ dawˬ-ahˇ Miˬyehˇ naˇ haˬ nehˬ-awˇ, Haˬgaˬliˇ tsawˇ jeuˬ hawˇ-eu aˬ yawꞈ maꞈ nehˬ-ehˇ kʼaˇ gm leˇ-euˬ deuˬ kʼoeˇ taˆ guiˇ bi deuˆ gʼaˬ-euˬ meh.

1 Saˬmeuˬlaˆ 1:27

Aˬ li heu li za ni aˬ yawꞈ-ahˇ ngaˇ guiˬ lahˬ shaˇ-awˇ, ngaˬ neh kʼaˇ shaˇ-euˬ loꞈ-ehˇ biꞈ nehˬ laꞈ-euˬ meh.

Luˇkaꞈ 1:7

Eˇliˇsaˬbehˆ maˬ baw aˬ ma pyeuꞈ-eu miˇ neh, aˬ nyaꞈ dzeˇ zaˬ zaˬ maˬ jawˇ-ehˇ, nyiˬ gʼaˬ luꞈ mawˬ dui dui le-euˬ meh.

Iˇsaˬyaˇ 45:11

Aˬ kaˇ pyeuꞈ laˇ-eu gaˇ kawˆ dawˬ tawˆ tuˆ tehˬ taˬ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ zaˬ deuˬ-ahˇ taꞈ leˇ-awˇ, nawˇ ngaˬ-ahˇ teh ngehˬ-eu laꞈ kʼoeˇ, ngaˬ-euˬ gaˇ-ahˇ nawˇ mehˬ laˇ tsoˆ laˇ-eu maˬ loˬ.

Dawqdaq 10:24

Tsawˇ doeˇ deuˬ kʼoeˇ taˆ yawˬ ha guˆ dzehˬ-eu jeˬ keuˆ le-awˇ, tsawˇ muiˬ deuˬ yawˬ ha geuꞈ mawꞈ dzehˬ-eu jeˬ za-eu meh.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Aˇ dahˬ 11:30

Saˬlehˇ-aˬ, maˬ baw aˬ ma meh.

Jaceuq 145:19

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ kʼaˇ loˬ-eu jeˬ, aˬ yawꞈ tiˬ loꞈ biꞈ nehˬ-awˇ, aˬ yawꞈ maꞈ aˬ yawꞈ-ahˇ kuˇ ngeh ka kʼoꞈ nehˬ-eu meh.

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Jaceuq 65:2

Aˬ jeˬ miˇ neh ehˇ naˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-eu meh. Miˇ tsaˬ zaˬ dawˬ tawˆ luꞈ nawˇ jawˇ gaˇ ya laˇ tehꞈ-a.

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

1 Saˬmeuˬlaˆ 1:11

Haˬnahˬ heu loꞈ-ehˇ saˇ jaˇ dzaˬ-euˬ meh. “Baoˬ huiˬ dui dui-eu gʼaˬ pyeuꞈ-eu Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu ngaˬ-ahˇ haw sheˇ. Ngaˇ shaˬ zahˬ naꞈ dui dui luꞈ gaˇ haw mawˇ-awˇ, ngaˬ-ahˇ maˬ ngehˇ ni noeˬ keuˆ nehˬ laꞈ-awˬ. Nawˇ ngaˬ-ahˇ aˬ li tiˬ li bi jawˇ le nehˬ laꞈ naˇ, aˬ li kʼoeˇ li-euˬ uˬ duˬ tsehˇ kahˇ tiˬ jawˇ-iˬ maˬ tehˬ ni bi jaˆ-awˇ, aˬ yawꞈ-euˬ gʼawˇ mawˇ maˬ shiˇ tiˬ ziˇ nawˬ-ahˇ a nehˬ ma lehˇ nawˬ nehˬ-ehˇ ngaˇ saˇ jaˇ dzaˬ ma.”

1 Saˬmeuˬlaˆ 1:2

Eˇlaˬkaˬnaˬ-aˬ, Haˬnahˬ hawˇ-eu Peˬniˇnaˬ lehˇ myahˇ-euˬ miˬ zaˬ nyiˬ gʼaˬ jawˇ-eu meh.

Aˇ dahˬ 16:2

Kʼoeˇ miˇ neh, Aˬbyaˬ-ahˇ Saˬlehˇ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ ngaˬ-ahˇ zaˬ maˬ bi jawˇ le nehˬ laꞈ nga. Ngaˬ-euˬ zaˬ miˬ zaˬ zaˬ kʼaˆ kʼoeˇ gʼaˬ nehˬ-ehˇ nawˇ yuꞈ taꞈ haw-iˇ sheˇ. Ngaˬ-euˬ gʼaˇ duˬ Sahˬpaˬ Miˬyehˇ zaˬ tiˬ gʼaˬ na bi jawˇ le-eu baw le.” Aˬbyaˬ-aˬ, Saˬlehˇ neh aˬ yawꞈ-ahˇ ehˇ nehˬ-euˬ loꞈ-ehˇ mˇ haw-eu gʼaˇ duˬ nui ma tsaˬ-euˬ meh.

1 Saˬmeuˬlaˆ 1:17

Eˇliˆ ehˇ-eu, “Nui ma coꞈ ngehˇ ni taˬ-awˇ, gʼoꞈ-iˇ-awˬ. Nawˬ neh kʼaˇ shaˇ-euˬ jeˬ Iˇsaˬleˬlaˆ tsawˇ jeuˬ-euˬ Miˬyehˇ nawˬ-ahˇ biꞈ laꞈ luꞈ-uˇ.”

Aˇ dahˬ 30:22

Kʼoeˇ naˇ, Laˬkeˬlaˇ-ahˇ Miˬyehˇ noeˬ keuˆ-awˇ, aˬ yawꞈ-euˬ guiˬ lahˬ shaˇ dawˬ-ahˇ naˇ haˬ nehˬ-eu laꞈ kʼoeˇ, aˬ yawꞈ-ahˇ zaˬ bi jawˇ le-euˬ meh.