Aˇ dahˬ 24:28 - Akha

²⁸ Leˬbehˇkaꞈ-aˬ, aˬ yawꞈ aˬ ma jawˇ gaˇ cehˆ gʼoꞈ gʼeh-awˇ, gaˇ kawˆ kʼoeˇ dawˬ tawˆ luꞈ dzawˇ mehˬ nehˬ-euˬ meh.

Aˇ dahˬ 24:28 Referans Kwoze

Aˇ dahˬ 31:33

Yaˬkoˆ-euˬ sehˬ gʼawˆ laꞈ kʼoeˇ maˬ ehˇ, Leˇaˬ-euˬ sehˬ gʼawˆ laꞈ kʼoeˇ maˬ ehˇ, zaˬ miˬ zaˬ zaˬ kʼaˆ nyiˬ gʼaˬ luꞈ-euˬ sehˬ gʼawˆ laꞈ kʼoeˇ maˬ ehˇ, Laˬbaˬ uˇ-iˇ-awˇ goˬ doe kʼawꞈ, aˬ yawꞈ-euˬ tahˬ pahˬ aˬ ma mawˇ kawˇ kʼoeˇ deuˬ maˬ goˬ mawˇ nya-a. Kʼoeˇ naˇ, Laˬkeˬlaˇ-euˬ sehˬ gʼawˆ laꞈ kʼoeˇ aˬ yawꞈ uˇ-iˇ-euˬ meh.

Aˇ dahˬ 24:67

Kʼoeˇ ngeh, Iˇtsaˆ-aˬ, aˬ yawꞈ aˬ ma Saˬlaˇ yaw dehꞈ dehꞈ ngeh jawˇ-euˬ sehˬ gʼawˆ laꞈ kʼoeˇ Leˬbehˇkaꞈ-ahˇ sheuˬ uˇ gʼeh-awˇ, aˬ yawꞈ-euˬ miˬ zaˬ bi pyeuꞈ laˇ-euˬ meh. Iˇtsaˆ Leˬbehˇkaꞈ-ahˇ gaˬ-eu miˇ neh, aˬ yawꞈ aˬ ma shiˇ-euˬ gaˇ noeˬ luꞈ-eu nui ma byoˆ-iˇ-euˬ meh.

Aˇ dahˬ 24:55

“Nga pehˬ-euˬ zaˬ miˬ heu gʼaˬ nga pehˬ zaˬ nehˬ-ehˇ nah kaˬ nah jawˇ bi jawˇ gʼaˬ miˇ tsa bi iˇ ma” lehˇ, Laˬbaˬ aˬ nyaꞈ ma zaˬ ehˇ-eu meh.

Aˇ dahˬ 24:48

Kʼoeˇ naˇ, ngaˇ pawˬ tsuiꞈ pawˬ dmˬ dmˬ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ ma. Ngaˬ-ahˇ ngaˬ-euˬ baw leˬ-euˬ aˬ yuiꞈ aˬ nyiˇ deuˬ jawˇ gaˇ dawˇ coe ni sheuˬ keuˆ nehˬ laꞈ-awˇ, ngaˬ-euˬ baw leˬ-euˬ aˬ li gʼaˇ duˬ aˬ yawꞈ-euˬ aˬ buˇ-ahˇ ya mawˇ-euˬ miˇ neh, ngaˬ-euˬ baw leˬ Aˬbyaˬhaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ ja ceuˬ dui dui-eu ma.

Aˇ dahˬ 29:12

“Ngaˇ-aˬ, Leˬbehˇkaꞈ-euˬ aˬ li pyeuˬ-awˇ, nawˬ da-euˬ aˇ jeuˬ aˇ ca ma” lehˇ, Laˬkeˬlaˇ-ahˇ aˬ yawꞈ ehˇ nehˬ-euˬ meh. Kʼoeˇ naˇ, Laˬkeˬlaˇ cehˆ gʼoꞈ leꞈ-awˇ, gaˇ kawˆ kʼoeˇ aˬ yawꞈ-euˬ aˬ da-ahˇ dzawˇ nehˬ leˇ-euˬ meh.

Aˇ dahˬ 24:29

Laˬbaˬ lehˇ myahˇ-euˬ Leˬbehˇkaꞈ-euˬ aˬ mahˇ aˬ da tiˬ gʼaˬ jawˇ-eu meh. Lah duˬ-ahˇ Aˬbyaˬhaˬ-euˬ zaˬ kʼaˆ jawˇ gaˇ iˇ-eu lehˇ, Laˬbaˬ coeˬ doˆ gʼeh-euˬ meh.