Aˇ dahˬ 24:14 - Akha

¹⁴ Nawˬ-euˬ muiˇ deuˇ oeˬ lahˬ baꞈ ka-awˇ, ngaˬ-ahˇ iˇ cuꞈ ui cuiˆ bi dawˇ laꞈ sheˇ lehˇ, zaˬ miˬ aˬ buˇ tiˬ gʼaˬ-ahˇ ngaˇ ehˇ nehˬ haw ngeh, Dawˇ-awˬ. Nawˬ-euˬ law taw deuˬ-ahˇ kʼawꞈ, ngaˇ iˇ cuꞈ kʼawꞈ nehˬ ma lehˇ aˬ yawꞈ ehˇ naˇ, zaˬ miˬ aˬ buˇ zaˬ guˬ kʼoeˇ gʼaˬ-aˬ, nawˬ-euˬ zaˬ kʼaˆ Iˇtsaˆ gʼaˇ duˬ nawˬ neh tseˇ doˆ taˬ-euˬ gʼaˬ pyeuꞈ tehꞈ-a. Kʼoeˇ loꞈ-ehˇ pyeuꞈ laˇ naˇ, ngaˬ-euˬ baw leˬ-ahˇ nawˇ saˇ jaˇ ziꞈ-eu gaˇ kawˆ ngaˇ ya siˬ duˬ tehꞈ-a.”

Aˇ dahˬ 24:14 Referans Kwoze

Yaˇ kʼaˬ daˇ 6:37

Toˆ-ehˇ ngeuˇ naˇ, ngaˇ yawˇ caꞈ hm yuˇ-awˇ, cehˇ diˬ duˬ-ahˇ bi jaˆ ma. Uˬ shawˬ keuˆ laˇ ngeh, yawˇ caꞈ hm-ahˇ tehꞈ-ehˇ ceuˬ ga aˬ taˬ-awˇ, miˇ tsaˬ-ahˇ ceuˬ maˬ ga-ehˇ gui coˇ ni jaˆ naˇ, Iˇsaˬleˬlaˆ tsawˇ jeuˬ-ahˇ ka kʼoꞈ-eu gʼaˇ duˬ ngaˬ-ahˇ nawˇ zmˬ-eu gʼeh-eu nga lehˇ ngaˇ ya siˬ duˬ tehꞈ-a.”

Yaˇ kʼaˬ daˇ 6:17

Giˇdoˬ ehˇ-eu, “Nawˇ ngaˬ-ahˇ nui ma tsaˬ-eu ngeuˇ naˇ, nawˇ aˬ diˇ aˬ maˇ Sahˬpaˬ Miˬyehˇ pyeuꞈ-eu gaˇ kawˆ, ngaˬ-ahˇ bi siˬ bi mawˇ laꞈ-awˬ.

Aˇ dahˬ 15:8

Ehˇ kʼawꞈ, “Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, miˇ kʼahˬ heu kʼahˬ-ahˇ ngaˇ za-euˬ gaˇ kawˆ aˬ joˆ-ehˇ ya siˬ nmˇ” lehˇ, Sahˬpaˬ Miˬyehˇ-ahˇ Aˬbyaˬ naˇ haˬ-euˬ meh.

Iˇsaˬyaˇ 7:11

“Bi siˬ bi mawˇ-eu jeˬ bi keuˆ le ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ shaˇ-awˬ. Shiˇ-eu miˇ kʼahˬ-ahˇ keuˆ ni naꞈ-euˬ miˇ oˆ paw neh laˇ-euˬ bi siˬ bi mawˇ-euˬ jeˬ maˬ ehˇ, mˬ naˆ maˬ tseˇ goˇ-eu miˇ taˆ paw-euˬ bi siˬ bi mawˇ-eu jeˬ maˬ ehˇ, tiˬ jeˬ bi keuˆ le ni shaˇ-awˬ.”

Dawqdaq 19:14

Pyuˇ shuiˇ,Nymˇ muiˬ aˬ da jeˬ biˇ. Miˬ zaˬ yaw bym Sahˬpaˬ Miˬyehˇ guiˬ lahˬ.

2 Saˬmeuˬlaˆ 5:24

Kʼoeˇ naˇ, boeˬ dzaˇ aˇ bawˇ kʼoeˇ deuˬ-euˬ uˬ du, guiˇ deuˆ gaˇ iˇ luꞈ-eu teˇ saˇ loꞈ-ehˇ nawˬ-ahˇ gaˬ laˇ naˇ, guiˇ deuˆ-iˇ-awˬ. Aˬ jeˬ miˇ neh ehˇ naˇ, Piˇliˇtiˆ tsawˇ haˬ deuˬ-ahˇ deuˆ gʼaˬ-eu gʼaˇ duˬ, nawˬ-euˬ mehˬ hu ngaˇ iˇ luꞈ-eu ma.”

Yaˇ kʼaˬ daˇ 18:5

Aˬ yawꞈ maꞈ ehˇ-eu, “Nga maꞈ gaˇ ma doˆ-iˇ ngeh, nga maꞈ neh noeˬ taˬ-eu loꞈ-ehˇ mˇ pyeuꞈ nya paˬ-ehˇ gʼeh ngaˇ loˇ lehˇ, Miˬyehˇ-ahˇ tiˬ poˆ naˇ haˬ nehˬ laꞈ sheˇ.”

Lormav 1:10

Ngaˇ guiˬ lahˬ kʼaˇ shaˇ ngeh, naw maꞈ jawˇ gaˇ dawˬ deh gʼa keuˆ laˇ nya ni gʼawˬ shaˬ gaˬ-awˇ gaˇ ma bi dahˇ laˇ laꞈ lehˇ, Miˬyehˇ-ahˇ shaˇ-eu ma.

2 Saˬmeuˬlaˆ 20:9

“Cawˬ-oˇ, nawˇ jawˇ saˇ doˆ miˇ-a loˇ” lehˇ, Aˬmaˬsaˬ-ahˇ Yoˇbaˬ ehˇ nehˬ-awˇ, aˬ yawꞈ-euˬ aˇ maˇ laꞈ neh Aˬmaˬsaˬ-euˬ mehˬ mahˬ-ahˇ tsuˆ tehˬ-awˇ, mehˬ cuˇ cuˇ nehˬ-eu lehˇ gʼeh-euˬ meh.

1 Saˬmeuˬlaˆ 20:7

Tiˬ jeˬ-iˬ maˬ ngeuˇ-aˇ lehˇ aˬ yawꞈ ehˇ naˇ, ngaˇ ya buˬ ya law-iˇ tehꞈ-a. Ehˇ kʼawꞈ, aˬ yawꞈ kʼoeˇ loꞈ-ehˇ maˬ ehˇ ni nui ma pehˇ laˇ-euˬ gaˇ nawˇ ya mawˇ naˇ, ngaˬ-ahˇ yaw dehꞈ-ehˇ maˬ taˬ lehˇ aˬ yawꞈ noeˬ tsehˆ taˬ-awˇ jawˇ-eu meh lehˇ nawˇ siˬ nya-awˬ.

Aˇ dahˬ 24:44

Zaˬ miˬ aˬ buˇ zaˬ guˬ kʼoeˇ gʼaˬ ngaˬ-ahˇ iˇ cuꞈ bi dawˇ laꞈ-eu uˬ taꞈ, ngaˬ-euˬ law taw deuˬ-ahˇ kʼawꞈ iˇ cuꞈ bi dawˇ ma lehˇ aˬ yawꞈ ehˇ naˇ, zaˬ miˬ aˬ buˇ zaˬ guˬ kʼoeˇ gʼaˬ-aˬ, ngaˬ-euˬ baw leˬ-euˬ aˬ li gʼaˇ duˬ tseˇ doˆ taˬ-euˬ zaˬ miˬ aˬ buˇ pyeuꞈ luꞈ-uˇ’ lehˇ shaˇ-euˬ ma.

Aˇ dahˬ 24:13

Meuˬ laꞈ kʼoeˇ jawˇ-eu zaˬ miˬ aˬ buˇ zaˬ guˬ deuˬ iˇ cuꞈ kʼawꞈ le-eu lehˇ gʼeh-eu lah duˬ dawˬ peh ngaˇ yawꞈ luꞈ-eu ma.

Aˇ dahˬ 24:15

Aˬ yawꞈ guiˬ lahˬ shaˇ gʼaˬ-eu maˬ dah ni, Leˬbehˇkaꞈ muiˇ deuˇ oeˬ lahˬ tiˬ siˬ baꞈ-awˇ, lah duˬ-ahˇ oe keuˆ taˬ-euˬ meh. Leˬbehˇkaꞈ-aˬ, Beˬtuˬlaˇ-euˬ aˬ buˇ pyeuꞈ-eu meh. Beˬtuˬlaˇ-aˬ, Aˬbyaˬhaˬ-euˬ aˬ nyiˇ Naˬkawˬ hawˇ-eu Miˇlaˬkah aˬ nyaꞈ dzeˇ zaˬ-euˬ aˬ li pyeuꞈ-eu meh.

Aˇ dahˬ 24:18

“Dawˇ nya tehꞈ-a” lehˇ Leˬbehˇkaꞈ ehˇ-awˇ, muiˇ deuˇ oeˬ lahˬ baꞈ ka nehˬ-awˇ iˇ cuꞈ bi dawˇ-euˬ meh.

Aˇ dahˬ 24:19

Zaˬ kʼaˆ kʼoeˇ gʼaˬ iˇ cuꞈ dawˇ gʼaˬ ngeh, “Nawˬ-euˬ law taw deuˬ gʼaˇ duˬ kʼawꞈ ngaˇ iˇ cuꞈ kʼawꞈ nehˬ ma. Tiˬ dehˆ bi dawˇ-awˬ” lehˇ Leˬbehˇkaꞈ ehˇ-eu meh.

Aˇ dahˬ 24:43

Heu gaˇ, lah duˬ heu duˬ-euˬ dawˬ peh ngaˇ jawˇ luꞈ-eu ma. Zaˬ miˬ aˬ buˇ tiˬ gʼaˬ heu gaˇ iˇ cuꞈ kʼawꞈ le ngeh, aˬ yawꞈ-euˬ muiˇ deuˇ oeˬ lahˬ-ahˇ dahˬ-eu iˇ cuꞈ ngaˇ shaˇ dawˇ ma.