Aˇ dahˬ 23:4 - Akha

⁴ “Ngaˇ-aˬ, naw maꞈ-euˬ miˇ kʼahˬ-ahˇ pawˇ ahˇ le-euˬ tsawˇ haˬ tiˬ gʼaˬ pyeuꞈ-eu ma. Teu miˇ neh, ngaˬ-euˬ nymˇ dahˬ-ahˇ baꞈ pahˬ-eu gʼaˇ duˬ, miˇ tsaˬ tiˬ tsahˇ ahˬ nehˬ laꞈ-awˬ.”

Aˇ dahˬ 23:4 Referans Kwoze

HeˬByehˇ 11:9

Miˬyehˇ neh saˇ jaˇ dzaˬ taˬ-euˬ maˬ siˬ maˬ suˇ-eu miˇ kʼahˬ-ahˇ aˬ yawꞈ jawˇ-euˬ kʼoeˇ-aˬ, jah-eu jeˬ baˬ da neh meh. Aˬ yawꞈ-ahˇ duˇ ni Miˬyehˇ neh saˇ jaˇ dzaˬ-euˬ jeˬ-ahˇ za-euˬ Iˇtsaˆ hawˇ-eu Yaˬkoˆ loꞈ-ehˇ, sehˬ gʼawˆ gʼawˆ gʼawˆ-ehˇ aˬ yawꞈ jawˇ-euˬ meh.

1 Laˬsaˬbaˬ 29:15

Sahˬpaˬ Miˬyehˇ-oˇ, nga maꞈ yaw dehꞈ dehꞈ-eu jeˬ-aˬ, aˇ hu nga maꞈ-euˬ aˬ poeˬ aˬ bawˇ deuˬ dehꞈ dzeuˇ yaꞈ-euˬ loꞈ-ehˇ, boeˇ miˬ siˬ kʼaˬ loꞈ-ehˇ jawˇ duˬ maˬ dah leˇ nya ni doe doe-ehˇ cah-awˇ ya dehꞈ gaˇ duˇ-eu nawˇ siˬ luꞈ meh. Nga maꞈ-euˬ aˇ nah aˇ yamˬ-aˬ, byoˆ-iˇ luꞈ-eu naˇ shmˇ-ahˇ duˇ-awˇ, shiˇ-eu jeˬ-ahˇ nga maꞈ maˬ tsehˆ dzeuˇ nya-a.

Aˇ dahˬ 17:8

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

Jaceuq 119:19

Ngaˇ miˇ tsaˬ kʼoeˇ taˆ tiˬ kʼehˇ laˇ kʼehˬ dehꞈ-eu tehꞈ ma. Nawˬ-euˬ zahˇ dawˬ kʼoꞈ dawˬ taˬ yuˇ zaꞈ nehˬ laꞈ.

Gʼaˬkʼehˇ 7:5

Kʼoeˇ ngeh, Miˬyehˇ aˬ yawꞈ-ahˇ miˇ tsaˬ laꞈ zaˬ tiˬ daˬ hui ni kʼawꞈ maˬ biꞈ-aˬ. Ehˇ kʼawꞈ, miˇ kʼahˬ kʼoeˇ kʼahˬ aˬ yawꞈ-ahˇ biꞈ-awˇ, aˬ yawꞈ-euˬ miˇ kʼahˬ hawˇ-eu aˬ yawꞈ-euˬ zaˬ deuˬ uˆ deuˬ-euˬ miˇ kʼahˬ bi pyeuꞈ laˇ ma lehˇ, Miˬyehˇ neh saˇ jaˇ dzaˬ-euˬ meh. Miˬyehˇ kʼoeˇ loꞈ-ehˇ saˇ jaˇ dzaˬ ngeh, Aˬbyaˬhaˬ zaˬ tiˬ gʼaˬ-iˬ maˬ jawˇ le-aˬ siˬ.

Jaceuq 39:12

SahˬpaˬMiˬyehˇ shaˇdawˬgaˬ-awˇ, guˇ-eu teˇsaˇnaˇhaˬnehˬlaꞈ. Ngaˇmyaˆbiˇlaꞈkʼawˆkʼawˆluꞈngeh, maˬhaw cawˬni taˬjawˇnehˬlaꞈ. Ngaˬ-euˬ aˬpoeˬkʼoeˇdeuˬloꞈ-ehˇ, ngaˇkʼawꞈdaˬyah tiˬ gʼaˬpyeuꞈ-awˇ, tiˬkʼehˇlaˇkʼehˬnaˬ-eu tehꞈma.

Uˬ duˬ 25:23

Yawˬ ha-euˬ miˇ tsaˬ maˬ ya ahˬ dzaˬ tsehˆ-a. Aˬ jeˬ miˇ neh ehˇ naˇ, Miˬyehˇ-aˬ, miˇ tsaˬ-euˬ yaw sahˇ gʼaˬ pyeuꞈ-awˇ, naw maꞈ-aˬ, miˇ tsaˬ kʼoeˇ-ahˇ tiˬ kʼehˬ tiˬ yamˬ laꞈ kʼoeˇ ya mˇ dzaˬ tawˬ luꞈ-eu boeˇ miˬ siˬ kʼaˬ deuˬ-ahˇ duˇ-eu meh.

1 Beˬtuˆluˆ 2:11

Gaˬ-eu aˬ yuiꞈ aˬ nyiˇ Ka li zaˬ deuˬ-oˇ, yawˬ kʼahˬ yawˬ miˇ yawˬ-ahˇ cehˆ byaˆ taˬ-euˬ naw maꞈ-ahˇ ngaˇ heu loꞈ-ehˇ shaˇ-eu ma. Shiˬ shaˬ jiˇ-euˬ nui kʼahˇ naw maꞈ-ahˇ taˬ bi gʼaˬ leˇ. Shiˬ shaˬ jiˇ-euˬ nui kʼahˇ kʼoeˇ-aˬ, aˬ myah luꞈ saꞈ laˇ-ahˇ deuˆ ceh ceh luꞈ-eu jeˬ pyeuꞈ-eu meh.

Dawˬ tsoˆ 12:7

Aˬ dui-euˬ gʼawˇ mawˇ miˇ tsaˬ-ahˇ gʼoꞈ kʼoꞈ-iˇ-awˇ, aˬ duiˬ-euˬ saꞈ laˇ-aˬ, dehꞈ-eu saꞈ laˇ biꞈ-eu yaw sahˇ pyeuꞈ-eu Miˬyehˇ jawˇ gaˇ gʼoꞈ leˇ tehꞈ-a. Aˇ yamˬ kʼoeˇ yamˬ maˬ keuˆ le mi naˆ-ehˇ, Miˬyehˇ-euˬ guiˬ lahˬ-ahˇ noeˬ keuˆ-awˬ.

Dawˬ tsoˆ 12:5

Yaw goˇ-ahˇ nawˇ maˬ daˆ peuˬ-ehˇ, nawˇ gaˇ ma cah-eu kʼahˬ lahˇ paˬ-ehˇ pyeuꞈ-iˇ tehꞈ-a. Nawˬ-euˬ uˬ duˬ pyuˇ le-awˇ, yawˬ ha-euˬ gʼawˇ mawˇ maˬ laˆ luˆ coeˇ-eu uˬ taꞈ, nui kʼahˇ dawˬ tawˆ luꞈ byoˆ jiˇ tehꞈ-a. Aˇ saˬ saˬ-eu naˬ duˬ-ahˇ aˬ dui le luꞈ-awˇ, poˆ kaˬ lehˆ kawˆ-ahˇ tsawˇ ngoeˇ ngoeˇ-eu teˇ saˇ gaˬ doˆ laˇ tehꞈ-a.

Dawˬ tsoˆ 6:3

Tsawˇ haˬ tiˬ gʼaˬ, zaˬ aˇ yaˇ gʼaˬ ya cu-awˇ, ziˇ baw dui dui kʼawꞈ, yaw dehꞈ dehꞈ ngeh nui saˇ maˬ oꞈ-ehˇ, shiˇ ngeh yaw muiˬ-ehˇ baꞈ pahˬ nehˬ-eu gʼaˬ maˬ jawˇ naˇ, yaw shiˇ-ehˇ yoeˇ dzeh-euˬ zaˬ nahˬ maˬ tawˬ-a.

Yawˇbaˆ 30:23

Yawˬ gʼaˬ na luꞈ tiˬ poˆ ya uˇ-iˇ-eu jawˇ duˬ pyeuꞈ-eu shiˇ-eu miˇ kʼahˬ-ahˇ nawˇ ngaˬ-ahˇ yuˇ gʼeh luꞈ-eu ngaˇ siˬ nya ma.

Aˇ dahˬ 50:13

Aˬ yawꞈ-euˬ gʼawˇ mawˇ-ahˇ aˬ yawꞈ maꞈ baꞈ gʼeh-awˇ, Kaˬnaˬ miˇ kʼahˬ Mamˬliˬ meuˬ-euˬ nahˇ ma doˆ kʼehˬ paw Maˬpeˬlaˇ lehˇ kuˇ-eu jawˇ duˬ-ahˇ jaˆ-eu, lmˬ bymˇ geuꞈ-eu gʼaˇ duˬ Heˬtaˆ tsawˇ jeuˬ Eˇpaˬloˬ-euˬ laꞈ-ahˇ Aˬbyaˬhaˬ neh zeuˇ tsehˆ yaꞈ-euˬ lo kʼahˬ kʼoeˇ kʼahˬ laꞈ kʼoeˇ, aˬ yawꞈ-ahˇ baꞈ pahˬ nehˬ-euˬ meh.

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

Gʼaˬkʼehˇ 7:16

Aˬ yawꞈ maꞈ-euˬ gʼawˇ mawˇ-ahˇ Sheˬkmˬ meuˬ-ahˇ baꞈ kʼoꞈ gʼeh-awˇ, Haˬmawˬ aˇ jeuˬ-ahˇ Aˬbyaˬhaˬ neh pyuˇ biꞈ-awˇ zeuˇ tsehˆ yaꞈ-euˬ lmˬ bymˇ-ahˇ baꞈ pahˬ-euˬ meh.

Aˇ dahˬ 23:5

Kʼoeˇ ngeh, Heˬtaˆ tsawˇ haˬ deuˬ aˬ yawꞈ-ahˇ heu loꞈ-ehˇ ehˇ nehˬ-euˬ meh.

Doˆ-iˇ 2:22

Kʼoeˇ naˇ, Ziˬpoˇlaˬ aˬ li tiˬ li ciˬ-euˬ meh. Kʼoeˇ ngeh, “Ngaˇ-aˬ, miˇ kʼahˬ heu kʼahˬ laꞈ kʼoeˇ boeˇ miˬ siˬ kʼaˬ tiˬ gʼaˬ pyeuꞈ-eu ma” lehˇ, Moˇseˬ yawˬ haˇ yawˬ ha ehˇ-awˇ, aˬ li kʼoeˇ li-ahˇ Geˬlaˬshmˬ lehˇ myahˇ nehˬ-euˬ meh.