Aˇ dahˬ 22:3 - Akha

³ Yawˬ nah yawˬ uˬ shawˬ yaw naꞈ-ehˇ Aˬbyaˬhaˬ tuˇ-awˇ, lawˇ gaˇ shehˇ gaˇ geuꞈ-eu gʼaˇ duˬ miˬ dzaˬ kʼehꞈ-euˬ meh. Kʼoeˇ naˇ, miˬ dzaˬ kʼoeˇ deuˬ-ahˇ mahˬ tahˬ laˆ neh tawˬ-awˇ, Iˇtsaˆ hawˇ-eu aˬ yawꞈ-euˬ zaˬ kʼaˆ nyiˬ gʼaˬ sheuˬ-awˇ, Miˬyehˇ neh aˬ yawꞈ-ahˇ ehˇ nehˬ taˬ-euˬ jawˇ duˬ-ahˇ le-euˬ meh.

Aˇ dahˬ 22:3 Referans Kwoze

Jaceuq 119:60

Nawˬ-euˬ zahˇ dawˬ kʼoꞈ dawˬ deuˬ-ahˇ, ngaˇ maˬ nyi naˬ ni caw teh ma.

Maꞈtehˬ 10:37

“Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ da aˬ ma-ahˇ gaˬ dzehˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a. Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ buˇ aˬ li-ahˇ gaˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a.

Luˇkaꞈ 14:26

“Ngaˬ-euˬ mehˬ nah caw teh laˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ aˬ da aˬ ma, yawˬ ha-euˬ miˬ sawˇ zaˬ, yawˬ ha-euˬ mehˇ nmˇ dmˇ ma deuˬ-ahˇ byehˇ dzeh coeˇ-eu uˬ taꞈ, yawˬ haˇ yawˬ ha maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-a.

Gaˬlaˬtiˆ 1:16

Aˬ yawꞈ-euˬ gaˇ kawˆ Yuˇdaˆ tsawˇ haˬ deuˬ-ahˇ bi mehˬ-eu gʼaˇ duˬ, aˬ yawꞈ-euˬ Zaˬmaˇ neh ngaˬ-ahˇ pah mehˬ nehˬ laꞈ-euˬ meh. Tsawˇ haˬ zaˬ tiˬ gʼaˬ-ahˇ-iˬ, ngaˇ nui noeˬ nui duˇ maˬ shaˇ haw-aˬ.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Aˇ dahˬ 21:14

Yawˬ nah yawˬ uˬ shawˬ yaw naꞈ-ehˇ, dzaˬ dzaˬ dawˇ dawˇ maˬ ehˇ, iˇ cuꞈ tiˬ byah ni dahˬ-eu shaˬ kʼoˆ iˇ puˬ maˬ ehˇ, Aˬbyaˬhaˬ laˆ dawˆ-awˇ, Haˬgaˬlaˇ-ahˇ biꞈ-euˬ meh. Kʼoeˇ naˇ, Iˇshaˬmeˬlaˇ-ahˇ Haˬgaˬ laˇ-euˬ naˇ kʼah nyehꞈ euˬ nehˬ-awˇ, gaˇ mahˇ kaˬ gaˇ bi iˇ byoˆ gʼeh-euˬ meh. Haˬgaˬlaˇ iˇ byoˆ gʼeh-awˇ, Beˬlaˇsheˬba bawˇ tsahˬ bawˇ dahˇ laꞈ kʼoeˇ, doe doe-ehˇ cah cah-ehˇ jawˇ-euˬ meh.

Aˇ dahˬ 17:23

Kʼoeˇ ngeh nah laꞈ kʼoeˇ, Miˬyehˇ-euˬ ehˇ dawˬ-ahˇ Aˬbyaˬhaˬ naˇ haˬ geuꞈ-awˇ, aˬ yawꞈ-euˬ aˬ li Iˇshaˬmeˬlaˇ hawˇ-eu, aˬ yawꞈ-euˬ nymˇ laꞈ kʼoeˇ kʼaˇ jawˇ-eu kʼaˬ dzeˇ zaˬ dawˬ tawˆ luꞈ-ahˇ baˆ kʼoˆ mehˬ dzaˬ yehˬ-euˬ meh. Aˬ yawꞈ-euˬ nymˇ laꞈ kʼoeˇ dehꞈ le-euˬ zaˬ kʼaˆ deuˬ-ahˇ maˬ ehˇ, aˬ yawꞈ neh zeuˇ tsehˆ taˬ-euˬ zaˬ kʼaˆ deuˬ-ahˇ maˬ ehˇ, baˆ kʼoˆ mehˬ dzaˬ yehˬ nehˬ-euˬ meh.

HeˬByehˇ 11:8

Miˬyehˇ neh Aˬbyaˬhaˬ-ahˇ biꞈ-eu lehˇ saˇ jaˇ dzaˬ taˬ-euˬ miˇ kʼahˬ-ahˇ iˇ-eu gʼaˇ duˬ Miˬyehˇ kuˇ ngeh, Aˬbyaˬhaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Yawˬ ha aˬ gaˇ ya iˇ-eu maˬ siˬ nya kʼawꞈ, aˬ yawꞈ-euˬ miˇ kʼahˬ-ahˇ byehˇ dzeh yaꞈ-awˇ doˆ-iˇ-euˬ meh.

Aˇ dahˬ 22:2

“Aˬ li tiˬ gʼaˬ tehꞈ-ehˇ jawˇ-eu miˇ neh nawˇ gaˬ dui dui-eu nawˬ li Iˇtsaˆ-ahˇ sheuˬ-awˇ, Mawˇliˇyaˆ miˇ kʼahˬ-ahˇ iˇ-awˬ. Kʼoeˇ gaˇ iˇ keuˆ naˇ, ngaˇ nawˬ-ahˇ gawˬ jawˬ tiˬ jawˬ mehˬ nehˬ ma. Gawˬ jawˬ kʼoeˇ jawˬ kʼoeˇ taˆ, Iˇtsaˆ-euˬ gʼawˇ mawˇ ngaˬ-ahˇ lawˇ nehˬ laꞈ-awˬ” lehˇ, Aˬbyaˬhaˬ-ahˇ Miˬyehˇ ehˇ nehˬ-euˬ meh.

Aˇ dahˬ 22:4

Smˬ nah byah laˇ ngeh, Miˬyehˇ neh ehˇ taˬ-euˬ jawˇ duˬ-ahˇ haw mawˇ nya gaˇ aˬ yawꞈ maꞈ le keuˆ-euˬ meh.

Aˇ dahˬ 22:18

Nawˇ ngaˬ-euˬ ehˇ dawˬ naˇ haˬ-eu miˇ neh, nawˬ-euˬ zaˬ nawˬ-euˬ uˆ deuˬ guiˬ lahˬ za-eu loꞈ-ehˇ, aˬ yawꞈ maꞈ-ahˇ kʼawꞈ guiˬ lahˬ biꞈ laꞈ lehˇ, tsawˇ jeuˬ dawˬ tawˆ luꞈ ngaˬ-ahˇ shaˇ tehꞈ-a.”

Yawˇshuˆ 8:10

Uˬ shawˬ yaw naꞈ-ehˇ Yawˇshuˆ tuˇ-awˇ, yehˇ deuˬ-ahˇ kuˇ uiˬ-euˬ meh. Kʼoeˇ naˇ, aˬ yawꞈ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ yehˇ kʼoeˇ deuˬ-ahˇ Aˬiˇ meuˬ-ahˇ sheuˬ gʼeh-euˬ meh.

Yawˇshuˆ 3:1

Yawˇshuˆ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, yawˬ shawˬ yawˬ uˬ shawˬ yaw naꞈ-ehˇ tuˇ-awˇ, Yawˇdaˬ lawˇ baˬ-ahˇ iˇ-euˬ meh. Lawˇ baˬ tsehˆ doˆ-eu gʼaˇ duˬ, aˬ yawꞈ maꞈ kʼoeˇ gaˇ sehˬ gʼawˆ gʼawˆ-awˇ naˬ-euˬ meh.