Aˇ dahˬ 21:7 - Akha

⁷ Kʼoeˇ naˇ, Saˬlaˇ paˇ ehˇ-eu, “Saˬlaˇ zaˬ-ahˇ aˬ coeˇ bi dawˇ bi dawˇ-ehˇ haw huiˬ tehꞈ-a lehˇ, Aˬbyaˬhaˬ-ahˇ aˬ suˇ gʼaˬ ehˇ nmˇ. Ehˇ kʼawꞈ, nymˬ-mˇ Aˬbyaˬhaˬ tsawˇ mawˬ mawˬ laˇ-euˬ kʼawꞈ, aˬ yawꞈ gʼaˇ duˬ ngaˇ aˬ li tiˬ li ciˬ-euˬ maˬ ngeuˇ nga loˇ.”

Aˇ dahˬ 21:7 Referans Kwoze

Iˇsaˬyaˇ 66:8

Heu loꞈ-ehˇ gʼeh-eu gaˇ kawˆ-ahˇ, gaˬ haw mawˇ haw-euˬ tsawˇ haˬ jawˇ meh loˇ. Tiˬ nah laꞈ kʼoeˇ miˇ kʼahˬ tiˬ kʼahˬ dehꞈ doˆ le-awˇ, tiˬ kʼehˇ laˇ kʼehˬ laꞈ kʼoeˇ tsawˇ jeuˬ tiˬ jeuˬ pyeuꞈ doˆ laˇ nya meh loˇ. Ehˇ kʼawꞈ, Ziˇoˬ uˬ maˆ naˇ laˇ-eu maˬ dah ni, tsawˇ jeuˬ tiˬ jeuˬ bi dehꞈ doˆ le tehꞈ-a.

2 Teˇsaˬloˇni 1:10

Aˬ yawꞈ-ahˇ kʼaˇ jah-eu aˬ yawꞈ-euˬ tsawˇ haˬ dawˬ tawˆ luꞈ neh biꞈ-euˬ yaw shehꞈ kʼahˬ sehˇ hawˇ-eu ciˬ huiˬ ciˬ mahˇ nehˬ-eu jeˬ-ahˇ ha geuꞈ-eu lehˇ, Aˇ nah kʼoeˇ nah-ahˇ aˬ yawꞈ oe-eu meh. Sahˬpaˬ Yeˬsuˇ-ahˇ ciˬ huiˬ ciˬ mahˇ-eu tsawˇ haˬ kʼoeˇ deuˬ laꞈ kʼoeˇ, naw maꞈ kʼawꞈ ahˇ leˇ tehꞈ-a. Aˬ jeˬ miˇ neh ehˇ naˇ, nga maꞈ neh saˇ kiˇ kamˬ-euˬ guiˬ lahˬ dawˬ-ahˇ naw maꞈ jah-euˬ meh.

Eˇpeˇsu 3:10

Kʼoeˇ loꞈ-ehˇ dehˬ kaˬ taˬ-euˬ kʼoeˇ-aˬ, nymˬ-mˇ-euˬ aˇ yamˬ-ahˇ Ka li zaˬ aˇ muˇ-ahˇ gʼoe-eu laꞈ kʼoeˇ, mˬ kʼoeˇ taˆ uˆ lahˇ luꞈ-eu mˬ taˆ gʼaˬ kʼehˇ deuˬ hawˇ-eu baoˬ jaˆ-eu deuˬ-ahˇ Miˬyehˇ-euˬ zaˬ siˬ tsawˇ gahˇ gʼawˬ mya jeˬ bi siˬ bi mawˇ-eu gʼaˇ duˬ pyeuꞈ-eu meh.

Bawˇtsahˬ 23:23

Mah loˬ jaˬ nehꞈ zmˬ-awˇ, Iˇsaˬleˬlaˆ tsawˇ haˬ-ahˇ maˬ laˆ deuˬ nya-a. ‘Haw sheˇ. Iˇsaˬleˬlaˆ tsawˇ haˬ deuˬ-ahˇ Miˬyehˇ aˬ joˆ-ehˇ jahˇ nehˬ-eu nga’ lehˇ, aˬ cawˬ ya ehˇ gaˇ keuˆ tehꞈ-a.

Jaceuq 86:10

Nawˇ-aˬ, baoˬ huiˬ-awˇ zahˬ leˇ paˬ-ehˇ gʼeh-eu jeˬ mˇ nya-eu meh. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh.

Jaceuq 86:8

Sahˬpaˬ Miˬyehˇ-oˇ, nawˬ-ahˇ duˇ-eu Miˬyehˇ maˬ jawˇ-a. Nawˬ neh mˇ-euˬ jeˬ tiˬ gʼaˬ-iˬ mˇ taˬ-euˬ maˬ jaˆ-a.

Iˇsaˬyaˇ 49:21

Kʼoeˇ ngeh nawˇ yawˬ haˇ yawˬ ha heu loꞈ-ehˇ ehˇ tehꞈ-a. ‘Ngaˬ-euˬ gʼaˇ duˬ zaˬ heu deuˬ-ahˇ aˬ suˇ gʼaˬ neh puˬ byah taˬ ta. Ngaˬ-euˬ zaˬ deuˬ byoˆ-iˇ jiˇ-awˇ aˇ dzehˬ maˬ paˇ jawˇ ma. Ngaˬ-ahˇ aˬ cawˬ paꞈ-awˇ bi tsahˇ byoˆ gʼeh-euˬ ma. Zaˬ heu deuˬ-ahˇ aˬ suˇ gʼaˬ paˇ sheuˬ uiˬ laꞈ taˬ. Ngaˇ tiˬ gʼaˬ tehꞈ-ehˇ dzeˇ yaꞈ-euˬ maˬ ngeuˇ-a loˇ. Zaˬ heu deuˬ aˬ geu gaˇ paˇ doˆ le taˬ.’ ”

Aˇ dahˬ 17:17

Aˬbyaˬhaˬ-aˬ, pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ taˬ-euˬ meh. Ehˇ kʼawꞈ, “Tsawˇ haˬ tiˬ gʼaˬ aˇ kʼoꞈ tiˬ yaˇ byah laˇ taˬ-euˬ gaˇ zaˬ paˇ jawˇ le nya ta loˇ. Saˬlaˇ aˇ kʼoꞈ gʼoeˬ tseˇ byah laˇ-euˬ zaˬ ciˬ zaˬ cu paˇ mˇ nya ta siˬ loˇ” lehˇ, aˬ yawꞈ-euˬ nui ma laꞈ kʼoeˇ noeˬ doˆ laˇ-awˇ, uiˇ kʼoeˬ-euˬ meh.

Aˇ dahˬ 18:13

Aˬbyaˬhaˬ-ahˇ Sahˬpaˬ Miˬyehˇ ehˇ nehˬ-eu, “Aˬ jeˬ miˇ neh Saˬlaˇ uiˇ uiˇ-ehˇ, ‘Ngaˇ loꞈ-ehˇ gʼeh-eu tsawˇ mawˬ tiˬ gʼaˬ zaˬ paˇ jawˇ le nya ta siˬ loˇ’ lehˇ ehˇ ta. Sahˬpaˬ Miˬyehˇ maˬ jahˇ nya-eu jeˬ jaˆ ta loˇ.

Aˇ dahˬ 21:8

Aˬ li kʼoeˇ li ui cuiˆ huiˬ laˇ-awˇ aˬ coeˇ gʼawˬ ngeh nah, Aˬbyaˬhaˬ huiˬ-eu hawˬ byawˇ tiˬ byawˇ lawˇ-euˬ meh.

Yeˬlaˬmiˇ 20:15

“Nawˬ-euˬ gʼaˇ duˬ aˬ li tiˬ li dehꞈ le gʼaˬ meh” lehˇ tsaꞈ gaˬ-awˇ ngaˬ da laˬ kʼaˬ cehˇ ni dawˬ dzawˇ mˇ-euˬ tsawˇ haˬ, yaˬ kʼehˇ yaˬ gaˇ ya daˬ luꞈ-uˇ.

1 Sahˬpaˬ 3:21

Uˬ shawˬ paw ngaˇ uˬ noeˬ noeˬ laˇ-awˇ, ngaˬ li-ahˇ aˬ coeˇ bi dawˇ-eu lehˇ gʼeh ngeh, shiˇ taˬ-euˬ gaˇ ya mawˇ-euˬ ma. Yaw muiˬ paˬ-ehˇ haw duˬ ngeh jawˇ, ngaˬ li maˬ ngeuˇ nga lehˇ siˬ duˬ-euˬ ma.”

1 Sahˬpaˬ 11:20

Sahˬ paˬ ma Taˬpaˬneˬ-euˬ aˬ nyiˇ kʼoeˇ gʼaˬ, aˬ yawꞈ gʼaˇ duˬ Geˬnuˇbaˆ lehˇ myahˇ-euˬ aˬ li tiˬ li ciˬ-awˇ, aˬ li kʼoeˇ li-ahˇ sahˬ paˬ miˬ zaˬ kʼoeˇ gʼaˬ neh cu huiˬ-awˇ, sahˬ paˬ-euˬ zaˬ yo deuˬ nehˬ-ehˇ sahˬ paˬ-euˬ hawˇ nymˇ laꞈ kʼoeˇ bi jawˇ-euˬ meh.