Aˇ dahˬ 20:16 - Akha

¹⁶ Saˬlaˇ-ahˇ kʼawꞈ, “Nawˇ tiˬ jeˬ-iˬ maˬ dehꞈ bahˬ-euˬ gaˇ kawˆ, nawˬ nehˬ-ehˇ jawˇ-eu tsawˇ haˬ dawˬ tawˆ luꞈ ya siˬ ya mawˇ-eu gʼaˇ duˬ saˇ kiˇ pyeuꞈ ni, nawˬ-euˬ aˬ mahˇ aˬ da-ahˇ pyuˇ maˇ byaˆ tiˬ heˇ byaˆ ngaˇ biꞈ-eu ma. Nawˇ tiˬ jeˬ-iˬ maˬ bahˬ maˬ muˆ-eu gaˇ kawˆ tsawˇ haˬ dawˬ tawˆ luꞈ ya siˬ duˬ tehꞈ-a” lehˇ aˬ yawꞈ ehˇ nehˬ-euˬ meh.

Aˇ dahˬ 20:16 Referans Kwoze

Dawqdaq 27:5

Tsawˇ haˬ tiˬ gʼaˬ-ahˇ nawˇ maˬ haw nahˇ-eu gaˇ kawˆ siˬ leˇ ni maˬ haw cawˬ-ehˇ jawˇ-eu naˆ maˬ tseˇ, bya tsehˆ ni mehˬ paˇ nehˬ-eu jeˬ muiˬ dzehˬ-eu meh.

Aˇ dahˬ 20:5

Aˬbyaˬhaˬ maˬ ehˇ, Saˬlaˇ maˬ ehˇ, Saˬlaˇ-aˬ Aˬbyaˬhaˬ-euˬ dmˇ ma pyeuꞈ-eu ma lehˇ ehˇ-eu miˇ neh, nui ma shawˇ jehˆ ni gʼeh-eu laꞈ kʼoeˇ aˬ yawꞈ-ahˇ ngaˇ sheuˬ-euˬ ma. Ngaˬ-euˬ yaw lehˬ tiˬ jeˬ-iˬ maˬ jaˆ.”

Aˇ dahˬ 24:65

“Deh ga paw neh aˬ dui maꞈ jawˇ paw laˇ luꞈ-eu tsawˇ haˬ kʼoeˇ gʼaˬ aˬ suˇ gʼaˬ-a” lehˇ, Aˬbyaˬhaˬ-euˬ zaˬ kʼaˆ-ahˇ aˬ yawꞈ naˇ haˬ ngeh, “Ngaˬ-euˬ baw leˬ meh” lehˇ, zaˬ kʼaˆ kʼoeˇ gʼaˬ ehˇ kʼoꞈ nehˬ-euˬ meh. Kʼoeˇ ngeh, Leˬbehˇkaꞈ paˇ jeh yuˇ doˆ-awˇ, yawˬ ha-euˬ myaˆ pyawˬ-ahˇ dehˬ kaˬ-euˬ meh.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.

Yawˇnaˆ 1:6

Saˇ baoˬ kʼoeˇ laˇ kʼoeˇ taˆ aˬ yuiꞈ geuꞈ-eu gʼaˬ aˬ yawꞈ-ahˇ mawˇ-awˇ, “Nawˇ aˬ jeˬ gʼeh-eu lehˇ teu naˆ naˆ-ehˇ yuꞈ sehꞈ taˬ teˬ. Tuˇ-awˇ nawˬ-euˬ miˬ yehˇ-ahˇ guiˬ lahˬ shaˇ-awˬ tawˇ. Aˬ yawꞈ aˬ dui maꞈ-ahˇ gʼawˬ shaˬ haw gaˬ-awˇ shiˇ gaˇ maˬ bi keuˆ law hawˇ maˬ siˬ tawˇ” lehˇ ehˇ-eu meh.

Dawqdaq 25:12

Naˇ haˬ geuꞈ mawꞈ-eu tsawˇ haˬ tiˬ gʼaˬ yahˇ nya ni, siˬ duˬ mawˇ duˬ haw-euˬ gʼaˬ neh mehˬ nehˬ tsoˆ nehˬ-euˬ dawˬ-aˬ, muiˬ dui dui-eu shuiˇ neh jahˇ taˬ-euˬ laꞈ behˬ hawˇ-eu myawˬ guˇ naˆ maˬ tseˇ aˇ poeˬ kʼaˆ-eu meh.

Dawqdaq 12:1

Zaˬ siˬ tsawˇ gahˇ ahˇ-eu tsawˇ haˬ, mehˬ nehˬ tsoˆ-nehˬ gaˇ naˇ haˬ-awˇ, aˬ dzawˬ aˇ gah-ahˇ maˬ mehˬ paˇ nya-a.

Aˇ dahˬ 26:11

Kʼoeˇ naˇ, “Tsawˇ haˬ heu nyiˬ dzeˇ zaˬ-ahˇ kʼaˇ mˇ bahˬ-eu gʼaˬ, sehꞈ gaˇ ya daˬ tehꞈ-a” lehˇ, miˇ kʼahˬ zaˬ dawˬ tawˆ luꞈ-ahˇ Aˬbiˇmaˬlehˆ ehˇ gaˬ nehˬ-euˬ meh.

Aˇ dahˬ 20:17

Aˬbyaˬhaˬ-euˬ miˬ zaˬ Saˬlaˇ kʼoeˇ taˆ kʼoeˇ loꞈ-ehˇ keuˆ le-euˬ baˬ da neh, Aˬbiˇmaˬlehˆ-euˬ nymˇ laꞈ kʼoeˇ kʼaˇ jawˇ-eu zaˬ mi zaˬ dawˬ tawˆ luꞈ, maˬ baw aˬ ma pyeuꞈ jiˇ ni Sahˬpaˬ Miˬyehˇ jahˇ nehˬ-euˬ meh. Kʼoeˇ ngeh, Aˬbiˇmaˬlehˆ-euˬ gʼaˇ duˬ Aˬbyaˬhaˬ guiˬ lahˬ shaˇ nehˬ-awˇ, Aˬbiˇmaˬlehˆ-ahˇ Miˬyehˇ laˆ taˬ nehˬ-euˬ meh. Aˬbiˇmaˬlehˆ-euˬ miˬ zaˬ hawˇ-eu zaˬ miˬ zaˬ zaˬ kʼaˆ deuˬ kʼawꞈ zaˬ paˇ jawˇ le nya ni, Miˬyehˇ neh laˆ saˆ muiˬ kʼoꞈ nehˬ-euˬ meh.