Aˇ dahˬ 19:37 - Akha

³⁷ Aˬ buˇ aˬ yuiꞈ gʼaˬ aˬ li tiˬ li ciˬ-awˇ, Mawˇbaˆ lehˇ myahˇ nehˬ-euˬ meh. Aˬ li kʼoeˇ li-aˬ, iˬ nah dehꞈ luꞈ jawˇ luꞈ-eu Mawˇbaˆ tsawˇ jeuˬ-euˬ aˬ da yaw dzahˇ gʼaˬ pyeuꞈ-eu meh.

Aˇ dahˬ 19:37 Referans Kwoze

Dawˬmehˬ 2:9

Sahˬpaˬ Miˬyehˇ ngaˬ-ahˇ ehˇ-eu, ‘Lawˇtaˬ-euˬ zaˬ deuˬ uˆ deuˬ pyeuꞈ-eu Mawˇbaˆ tsawˇ haˬ deuˬ-ahˇ taˬ laˆ bahˬ nehˬ. Guiˇ kʼawꞈ taˬ deuˆ nehˬ. Aˬ jeˬ miˇ neh ehˇ naˇ, ngaˇ aˬ yawꞈ maꞈ-ahˇ Aˇlaˆ meuˬ biꞈ taˬ-euˬ ma. Aˬ yawꞈ maꞈ-euˬ miˇ kʼahˬ tiˬ pyehˬ tehˬ-ehˇ kʼawꞈ, naw maꞈ-ahˇ ngaˇ maˬ biꞈ’ lehˇ ehˇ-eu meh.”

Luˇta 4:10

Kʼoeˇ uˬ taꞈ, Maˬhaˬloˬ-euˬ nymˇ dahˬ pyeuꞈ-eu Mawˇbaˆ tsawˇ jeuˬ Luˇta kʼawꞈ, ngaˬ-euˬ miˬ zaˬ pyeuꞈ laˇ gʼaˬ-euˬ meh. Kʼoeˇ miˇ neh, myawˬ heu deuˬ dawˬ tawˆ luꞈ, shiˇ dzeuˇ-euˬ gʼaˬ-euˬ nymˇ jiˇ laꞈ kʼoeˇ jaˆ-awˇ, aˬ yawꞈ-euˬ zaˬ deuˬ uˆ deuˬ kʼawꞈ, aˬ yawꞈ-eu tsawˇ haˬ laꞈ kʼoeˇ hawˇ-eu aˬ yawꞈ-euˬ meuˬ laꞈ kʼoeˇ, tsuiꞈ dahˬ maˬ dahˬ-iˇ ni, paˇ jawˇ laˇ tehꞈ-a. Iˬ nah, naw maꞈ-aˬ, gaˇ kawˆ heu hmˬ-euˬ saˇ kiˇ pyeuꞈ-eu meh.”

Dawˬmehˬ 23:3

“Aˬmoˬ tsawˇ haˬ maˬ ehˇ, Mawˇbaˆ tsawˇ haˬ maˬ ehˇ, aˬ yawꞈ maꞈ-euˬ zaˬ deuˬ uˆ deuˬ maˬ ehˇ, tseˇ ziˇ keuˆ laˇ kʼawꞈ, Sahˬpaˬ Miˬyehˇ-euˬ tsawˇ haˬ aˇ maꞈ laꞈ kʼoeˇ maˬ ya uˇ leˇ-a.

Dawˬmehˬ 2:19

Kʼoeˇ naˇ, Lawˇtaˬ-euˬ zaˬ deuˬ uˆ deuˬ pyeuꞈ-eu Aˬmoˬ tsawˇ jeuˬ jawˇ-eu miˇ kʼahˬ dawˬ peh naw maꞈ le keuˆ tehꞈ-a. Aˬ yawꞈ maꞈ-ahˇ naw maꞈ taˬ laˆ bahˬ nehˬ. Guiˇ kʼawꞈ taˬ deuˆ nehˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ miˇ kʼahˬ naw maꞈ-ahˇ ngaˇ maˬ biꞈ’ lehˇ ehˇ-eu meh.”

Bawˇtsahˬ 21:29

Mawˇbaˆ tsawˇ haˬ deuˬ-oˇ, naw maꞈ gʼaˇ duˬ aˇ naˆ ni guˆ paˬ-ehˇ gʼeh-eu nga. Sheˬmoˇshaˆ-ahˇ uˬ duˬ tahˬ-eu naw maꞈ ya luˬ ya seˇ-iˇ-euˬ maˬ ngeuˇ nya loˇ. Naw maꞈ-euˬ miˬyehˇ naw maꞈ-ahˇ bi cehˆ byoˆ laꞈ-awˇ, Zaˬ miˬ zaˬ deuˬ-ahˇ Aˬmawˇliˆ sahˬ paˬ neh bi nyehꞈ geuꞈ-euˬ meh.

Aˇ dahˬ 19:36

Kʼoeˇ loꞈ-ehˇ jahˇ-awˇ, Lawˇtaˬ-euˬ aˬ buˇ nyiˬ buˇ luꞈ, aˬ da gʼaˬ baˇ neh aˬ nyiˇ pi leˇ-euˬ meh.

1 Saˬmeuˬlaˆ 14:47

Sawˇluˆ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ gʼaˬ ngeh, aˬ yawꞈ-ahˇ muiˇ-eu tsawˇ haˬ deuˬ-ahˇ, yawˬ paw na luꞈ aˬ yawꞈ guiˇ deuˆ-euˬ meh. Mawˇbaˆ tsawˇ jeuˬ, Aˬmoˬ tsawˇ jeuˬ, Eˬdoˬ tsawˇ jeuˬ, Zoˇbaˬ sahˬ paˬ deuˬ hawˇ-eu, Piˇliˇtiˆ tsawˇ jeuˬ heu deuˬ-ahˇ aˬ yawꞈ guiˇ deuˆ-euˬ meh. Kʼoeˇ loꞈ-ehˇ guiˇ kʼaˇ deuˆ ngeh, aˬ yawꞈ gʼaˬ leˇ-euˬ meh.

Jaceuq 83:9

Miˇdiˬyaˬ tsawˇ jeuˬ-ahˇ nawˬ neh jahˇ nehˬ-euˬ loꞈ-ehˇ, Siˇseˬlaˇ hawˇ-eu Yaˬbiˬ aˬ nyaꞈ-ahˇ, Giˇshoˬ lawˇ baˬ dawˬ peh jahˇ nehˬ-euˬ loꞈ-ehˇ, aˬ yawꞈ maꞈ-ahˇ nawˇ jahˇ nehˬ-awˬ.

Zeˬpaˬniˇ 2:8

Sahˬpaˬ Miˬyehˇ ehˇ-eu, “Mawˇbaˆ hawˇ-eu Aˬmoˬ tsawˇ jeuˬ, ngaˬ-euˬ tsawˇ haˬ-ahˇ ehˇ doeˇ-awˇ, miˇ kʼahˬ ceh geuꞈ ma lehˇ lmˬ-eu, ngaˬ-euˬ naˬ bawˇ gaˬ taˬ-euˬ ma.