Aˇ dahˬ 19:17 - Akha

¹⁷ “Naw maꞈ ya buˬ-iˇ ni cehˆ dzeuˇ tehˇ tehˬ-awˬ. Nahˇ gʼoꞈ taˬ paˇ gʼoꞈ haw. Deh ga heu maˬ cehˆ li kʼoeˇ keuˆ ni tiˬ gaˇ-iˬ taˬ naˬ. Naw maꞈ maˬ shiˇ-ehˇ ya dzeuˇ-iˇ ni, gawˬ jawˬ paw cehˆ daˆ leꞈ-awˬ” lehˇ, mˬ taˆ gʼaˬ kʼehˇ tiˬ gʼaˬ aˬ yawꞈ maꞈ-ahˇ ehˇ nehˬ-euˬ meh.

Aˇ dahˬ 19:17 Referans Kwoze

Luˇkaꞈ 9:62

Yeˬsuˇ aˬ yawꞈ-ahˇ ehˇ nehˬ-eu, “Nyoˬ tsehˬ laꞈ yoeˬ-ahˇ tuˆ tehˬ-awˇ nahˇ gʼoꞈ gʼoꞈ haw-eu tsawˇ haˬ-aˬ, Miˬyehˇ Miˇkʼahˬ-ahˇ maˬ geuˇ-a.”

Aˇ dahˬ 19:26

Ehˇ kʼawꞈ, Lawˇtaˬ-euˬ miˬ zaˬ-aˬ, naˇ kʼah nahˇ gʼoꞈ gʼoꞈ haw-euˬ miˇ neh, saˬ deuꞈ kʼawˇ zeuˇ pyeuꞈ-iˇ-euˬ meh.

Aˇ dahˬ 19:22

Yaw kawˇ ma-ehˇ cehˆ coeˬ coeˬ gʼeh-awˬ. Nawˇ kʼoeˇ gaˇ maˬ cehˆ keuˆ kʼoeˇ keuˆ ni, ngaˇ tiˬ jeˬ-iˬ maˬ jahˇ te siˬ.” Meuˬ kʼoeˇ meuˬ-ahˇ Lawˇtaˬ neh meuˬ meuˬ zaˬ lehˇ kuˇ-euˬ miˇ neh, Zoˇlaˆ meuˬ lehˇ myahˇ nehˬ-euˬ meh.

Maꞈtehˬ 3:7

Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

Yeˬlaˬmiˇ 48:6

Uˬ kʼawˇ kʼaˇ buˬ maˬ buˬ cehˆ-awˬ. Bawˇ tsahˬ mahˬ tahˬ laˆ deuˬ loꞈ-ehˇ cehˆ-awˬ.

1 Sahˬpaˬ 19:3

Eˇliˇyaˆ guˆ-eu laꞈ kʼoeˇ, aˬ yawꞈ-euˬ gʼawˇ mawˇ ya buˬ-iˇ ni cehˆ-euˬ meh. Aˬ yawꞈ-euˬ zaˬ kʼaˆ sheuˬ-awˇ, Yuˇdaˆ miˇ kʼahˬ Beˬlaˇsheˬba meuˬ-ahˇ cehˆ-awˇ, aˬ yawꞈ-euˬ zaˬ kʼaˆ kʼoeˇ gʼaˬ bi jawˇ yaꞈ-euˬ meh.

Aˇ dahˬ 13:10

Miˇ kʼahˬ kʼoeˇ kʼahˬ doe doe-ehˇ Lawˇtaˬ jawˇ duˬ nawˬ haw-iˇ ngeh, Zoˇlaˆ meuˬ-ahˇ le-eu gaˇ ma kahˇ li jaˆ-eu Yawˇdaˬ lawˇ baˬ lawˇ deh kʼoeˇ baˬ ma baˬ dawˬ tawˆ luꞈ, Sahˬpaˬ Miˬyehˇ-euˬ yaˇ kmˇ loꞈ-ehˇ maˬ ehˇ, Iˇjiˇtuˆ miˇ kʼahˬ loꞈ-ehˇ maˬ ehˇ, iˇ cuꞈ jaˆ loꞈ-eu jawˇ duˬ pyeuꞈ gaˇ ya mawˇ-euˬ meh. (Aˇ yamˬ kʼoeˇ yamˬ laꞈ kʼoeˇ, Sawˇdoˬ meuˬ hawˇ-eu Gawˇmawˇlaˆ meuˬ-ahˇ Sahˬpaˬ Miˬyehˇ maˬ laˆ cawˆ-aˬ siˬ.)

Jaceuq 121:1

Ngaˬ-ahˇ caw ba-eu jeˬ aˬ gaˇ neh doˆ le nmˇ lehˇ, gawˬ jawˬ-ahˇ ngaˇ gʼawˇ leuˇ haw-eu ma.

1 Saˬmeuˬlaˆ 19:11

Kʼoeˇ ngeh miˇ Sawˇluˆ tsawˇ haˬ pyehˬ gʼeh-awˇ, Daˬbiˇ-euˬ nymˇ-ahˇ bi loꞈ jawˬ-euˬ laꞈ kʼoeˇ, uˬ shawˬ paw Daˬbiˇ-ahˇ bi sehꞈ-eu lehˇ gʼeh-eu meh. “Nymˇ ciꞈ nawˇ maˬ cehˆ dzeuˇ nya naˇ, ni shawˬ nah ya shiˇ meh” lehˇ, Daˬbiˇ-ahˇ aˬ yawꞈ-euˬ miˬ zaˬ Miˇkaˬlaˇ ehˇ nehˬ-euˬ meh.

Aˇ dahˬ 18:22

Kʼoeˇ naˇ, tsawˇ haˬ kʼoeˇ nyiˬ gʼaˬ Sawˇdoˬ meuˬ paw iˇ gʼeh-euˬ meh. Ehˇ kʼawꞈ, Sahˬpaˬ Miˬyehˇ gʼaˬ-aˬ, Aˬbyaˬhaˬ nehˬ-ehˇ jawˇ nahˬ yaꞈ-euˬ meh.

HeˬByehˇ 2:3

Toˆ-ehˇ ngeuˇ naˇ, heu naˆ naˆ-ehˇ huiˬ-eu ka kʼoꞈ-eu jeˬ heu-ahˇ aˬ dui myaˆ haw maˬ cawˬ naˇ, kʼehˬ-eu kʼaˆ-eu jeˬ-ahˇ aˬ joˆ-ehˇ dzeuˇ-iˇ nya nmˇ. Ka kʼoꞈ-eu gaˇ kawˆ heu, Sahˬpaˬ Yeˬsuˇ neh jeˬ huˬ ehˇ naˬ laꞈ-awˇ, kʼaˇ ya gaˬ-euˬ tsawˇ haˬ deuˬ tsaˬ meh lehˇ saˇ kiˇ kamˬ-eu meh.

Aˇ dahˬ 14:10

Deh ga kʼoeˇ ga laꞈ kʼoeˇ, ju jaˬ ni gʼeh-awˇ, juˇ dui dui-eu duˬ kʼahˬ tiˬ byah ni jaˆ-eu meh. Sawˇdoˬ sahˬ paˬ hawˇ-eu Gawˇmawˇlaˆ sahˬ paˬ aˬ nyaꞈ guiˇ maˬ deuˆ gʼaˬ nya-ehˇ, cehˆ dzeuˇ-eu lehˇ cehˆ ngeh, duˬ kʼahˬ kʼoeˇ deuˬ-ahˇ ga ahˇ-euˬ meh. Ehˇ kʼawꞈ, sahˬ paˬ nui deuˬ kʼoeˇ smˇ gʼaˬ-aˬ, gawˬ jawˬ paw cehˆ daˆ-awˇ cehˆ dzeuˇ-euˬ meh.

Aˇ dahˬ 19:18

Ehˇ kʼawꞈ, Lawˇtaˬ ehˇ-eu, “Yaw huiˬ yaw mahˇ deuˬ-oˇ, teu naˆ naˆ-ehˇ taˬ bi cehˆ nehˬ laꞈ.

Aˇ dahˬ 19:30

Zoˇlaˆ meuˬ laꞈ kʼoeˇ Lawˇtaˬ maˬ jawˇ peuˬ-eu miˇ neh, aˬ yawꞈ-euˬ aˬ buˇ nyiˬ buˇ nehˬ-ehˇ gawˬ jawˬ paw daˆ leˇ-awˇ, lo kʼahˬ tiˬ kʼahˬ laꞈ kʼoeˇ jawˇ leˇ-euˬ meh.

Bawˇtsahˬ 16:26

Iˇsaˬleˬlaˆ tsawˇ haˬ kʼoeˇ deuˬ-ahˇ Moˇseˬ ehˇ nehˬ-eu, “Haiˬ-eu tsawˇ haˬ deuˬ-euˬ sehˬ gʼawˆ dawˬ peh maˬ iˇ ni yaw taw yawꞈ-awˇ, aˬ yawꞈ maꞈ-ahˇ kʼaˇ taꞈ-eu jeˬ-ahˇ maˬ toeˬ ciˆ ni jawˇ-awˬ. Aˬ yawꞈ maꞈ-euˬ iˬ baˇ baˬ da neh aˬ yawꞈ maꞈ-ahˇ laˆ luˬ laˆ seˇ nehˬ ngeh naw maꞈ-ahˇ kʼawꞈ zaw laˇ nmˬ-mˇ.”

1 Sahˬpaˬ 1:12

Ngaˇ nawˬ-ahˇ heu loꞈ-ehˇ ja noeˬ ja duˇ nehˬ nyaˇ. Nawˇ hawˇ-eu nawˬ li Sawˇlaˬmoˬ maˬ ya shiˇ ni dehꞈ mawꞈ te lehˇ ngeuˇ naˇ, heu loꞈ-ehˇ jahˇ-awˬ.

Luˇkaꞈ 12:23

Aˬ jeˬ miˇ neh ehˇ naˇ, yaw dehꞈ dehꞈ-eu jeˬ-aˬ, dzaˬ dzaˬ dawˇ dawˇ naˆ maˬ tseˇ poeˬ-awˇ, gʼawˇ mawˇ kʼawꞈ, dm gʼaˬ dm lmˇ naˆ maˬ tseˇ poeˬ-eu meh.