Aˇ dahˬ 19:14 - Akha

¹⁴ Kʼoeˇ ngeh, Lawˇtaˬ-aˬ, aˬ yawꞈ-euˬ aˬ buˇ deuˬ-ahˇ sheuˬ dahˬ dzaˬ-eu lehˇ lehˬ hmˬ luꞈ-eu kʼaˬ dzeˇ zaˬ zaˬ guˬ deuˬ jawˇ gaˇ iˇ-awˇ, “Yaw kawˇ-ehˇ lehˬ hmˬ-awˇ, meuˬ heu meuˬ laꞈ kʼoeˇ neh doˆ-iˇ-awˬ. Meuˬ heu meuˬ-ahˇ Sahˬpaˬ Miˬyehˇ laˆ cawˆ-eu lehˇ lehˬ hmˬ luꞈ meh” lehˇ ehˇ nehˬ-euˬ meh. Ehˇ kʼawꞈ, aˬ yawꞈ maꞈ-ahˇ Lawˇtaˬ naˬ gʼa le-euˬ nga lehˇ aˬ yawꞈ maꞈ noeˬ-euˬ meh.

Aˇ dahˬ 19:14 Referans Kwoze

Bawˇtsahˬ 16:21

“Tsawˇ haˬ heu deuˬ nehˬ-ehˇ maˬ yawꞈ ni naˇ kʼah paw jiˆ kʼoꞈ-awˬ. Aˬ yawꞈ maꞈ-ahˇ ngaˇ tiˬ poˆ tehꞈ-ehˇ laˆ cawˆ nehˬ ma.”

Bawˇtsahˬ 16:45

“Tsawˇ haˬ heu deuˬ-euˬ dawˬ peh maˬ jawˇ ni cehˆ-awˬ. Aˬ yawꞈ maꞈ-ahˇ maˬ bi luˆ-iˇ ni tiˬ poˆ tehꞈ-ehˇ ngaˇ laˆ luˬ laˆ seˇ nehˬ ma.” Kʼoeˇ ngeh, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-euˬ meh.

Yeˬlaˬmiˇ 51:6

Baˬbuˇloˬ miˇ kʼahˬ-ahˇ neh cehˆ doˆ-awˬ. Uˬ kʼawˇ buˬ ni cehˆ-awˬ. Baˬbuˇloˬ miˇ kʼahˬ-euˬ iˬ baˇ baˬ da neh shiˇ gaˇ taˬ bi keuˆ. Miˇ kʼahˬ kʼoeˇ kʼahˬ-ahˇ oꞈ-eu geuˇ-eu loꞈ-ehˇ, nymˬ-mˇ ngaˇ kʼehˬ nehˬ luꞈ-eu ma.

Bawˇtsahˬ 16:26

Iˇsaˬleˬlaˆ tsawˇ haˬ kʼoeˇ deuˬ-ahˇ Moˇseˬ ehˇ nehˬ-eu, “Haiˬ-eu tsawˇ haˬ deuˬ-euˬ sehˬ gʼawˆ dawˬ peh maˬ iˇ ni yaw taw yawꞈ-awˇ, aˬ yawꞈ maꞈ-ahˇ kʼaˇ taꞈ-eu jeˬ-ahˇ maˬ toeˬ ciˆ ni jawˇ-awˬ. Aˬ yawꞈ maꞈ-euˬ iˬ baˇ baˬ da neh aˬ yawꞈ maꞈ-ahˇ laˆ luˬ laˆ seˇ nehˬ ngeh naw maꞈ-ahˇ kʼawꞈ zaw laˇ nmˬ-mˇ.”

2 Laˬsaˬbaˬ 30:10

Sahˬ boꞈ biꞈ ha leˇ-euˬ tsawˇ haˬ deuˬ-aˬ, Eˇpaˬleˬ tsawˇ jeuˬ hawˇ-eu Maˬnaˇseˬ tsawˇ jeuˬ deuˬ jawˇ-eu miˇ kʼahˬ-ahˇ jaˆ-eu meuˬ yawˬ meuˬ na luꞈ-ahˇ le-awˇ, laꞈ taˆ paw pyawˬ-ahˇ Zeˬbuˬloˬ tsawˇ jeuˬ jawˇ gaˇ keuˆ ni le keuˆ-euˬ meh. Ehˇ kʼawꞈ, tsawˇ haˬ kʼoeˇ deuˬ aˬ yawꞈ maꞈ-ahˇ uiˇ uiˇ-ehˇ naˬ gʼa-eu meh.

Gʼaˬkʼehˇ 17:32

Shiˇ-euˬ tsawˇ haˬ-ahˇ paˇ bi gʼoꞈ dehꞈ laˇ-eu gaˇ kawˆ Pawˇluˆ ehˇ gaˇ ya gaˬ ngeh, tsawˇ haˬ tiˬ paˆ na deuˬ aˬ yawꞈ-ahˇ yehˬ bawˬ sehˇ lu-ehˇ ehˇ niˇ gʼa-awˇ uiˇ-eu meh. Ehˇ kʼawꞈ, tiˬ paˆ na deuˬ-aˬ, “Gaˇ kawˆ teu nawˇ ja gaˇ tiˬ poˆ paˇ naˇ haˬ mawꞈ nya siˬ” lehˇ ehˇ-eu meh.

Luˇkaꞈ 24:11

Ehˇ kʼawꞈ, maˬ ngeuˇ gaˇ ehˇ-eu nga lehˇ noeˬ-awˇ, Gʼaˬ kʼehˇdeuˬ maˬ jah-a.

Maꞈtehˬ 9:24

“Yawˬ gʼaˬ na luꞈ doˆ-iˇ jiˇ-awˬ. Aˬ buˇ heu gʼaˬ shiˇ-euˬ maˬ ngeuˇ-a. Yuꞈ kʼaˆ luꞈ-eu tehꞈ meh” lehˇ Yeˬsuˇ ehˇ ngeh, aˬ yawꞈ maꞈ dawˬ tawˆ luꞈ aˬ yawꞈ-ahˇ uiˇ-eu meh.

Yeˬsaˬgeˬlaˇ 20:49

Ehˇ kʼawꞈ, ngaˇ heu loꞈ-ehˇ shaˇ ju-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-ahˇ kʼoeˇ loꞈ-ehˇ taˬ bi ehˇ-iˇ neh laꞈ. Ngaˇ aˬ myah luꞈ dawˬ yehˆ tehꞈ-ehˇ yehˆ yehˆ-ehˇ jawˇ meh lehˇ aˬ yawꞈ maꞈ ehˇ luꞈ meh.”

Yeˬlaˬmiˇ 20:7

Sahˬpaˬ Miˬyehˇ-oˇ, nawˇ ngaˬ-ahˇ mehˇ shuiˇ shuiˇ-awˇ, ngaˇ nawˬ-euˬ mehˇ shuiˇ shuiˇ duˬ ma. Ngaˇ naˆ maˬ tseˇ nawˇ gʼaˬ kʼaˆ-awˇ, ngaˬ-ahˇ zuiˆ gʼaˬ-eu meh. Yawˬ gʼaˬ na luꞈ ngaˬ-ahˇ cehꞈ lehꞈ ka-awˇ, nah doˆ le ngeh naˬ gʼa-eu meh.

Iˇsaˬyaˇ 28:22

Ngaˇ ehˇ gaˇ cehꞈ lehꞈ taˬ ka. Naw maꞈ maˬ dzeuˇ-iˇ nya ni ya shaˬ nmˬ-mˇ. Miˇ kʼahˬ kʼahˬ lah ni laˆ cawˆ-eu gʼaˇ duˬ, Baoˬ huiˬ-eu Sahˬpaˬ Miˬyehˇ noeˬ tsehˆ taˬ-euˬ gaˇ kawˆ, ngaˇ ya gaˬ gʼaˬ-euˬ ma.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Luˇkaꞈ 9:42

Aˬ li kʼoeˇ li laˇ luꞈ ngeh, nehꞈ kʼoeˇ mawˇ aˬ yawꞈ-ahˇ nyehꞈ lah-awˇ, shaˬ guˬ shaˬ caˆ bi gʼeu-euˬ meh. Nehꞈ yaw jawꞈ kʼoeˇ mawˇ-ahˇ Yeˬsuˇ dehˬ-awˇ, aˬ li kʼoeˇ li-ahˇ laˆ taˬ nehˬ-awˇ, aˬ yawꞈ-euˬ aˬ da-ahˇ a kʼoꞈ nehˬ-euˬ meh.

Maꞈtehˬ 1:18

Yeˬsuˇ Ka li dehꞈ le-euˬ gaˇ kawˆ-aˬ, heu loꞈ-ehˇ meh. Aˬ yawꞈ-euˬ aˬ ma Maˬliˇ-aˬ, Yoˇsehˆ-ahˇ dahˬ dzaˬ-iˇ-eu gʼaˇ duˬ ngehˬ cawˬ tsehˆ taˬ-euˬ meh. Ehˇ kʼawꞈ, Maˬliˇ-aˬ, aˬ yawꞈ nyaꞈ oeˇ mˇ maˬ baˇ mi naˆ-ehˇ, Muiˬ-eu shawˇ-eu Yaw sahˇ Miˬyehˇ baˬ da neh zaˬ tsehˆ leˇ-euˬ gaˇ kawˆ, yawˬ haˇ yawˬ ha ya siˬ-euˬ meh.

Doˆ-iˇ 12:31

Kʼoeˇ ngeh miˇ neh, sahˬ paˬ kʼoeˇ gʼaˬ Moˇseˬ hawˇ-eu Aˬloˬ-ahˇ bi kuˇ laˬ-iˇ-awˇ, “Naw nyaꞈ hawˇ-eu naw nyaꞈ-euˬ Iˇsaˬleˬlaˆ tsawˇ haˬ deuˬ doˆ-iˇ-awˬ. Nga maꞈ-euˬ miˇ kʼahˬ laꞈ kʼoeˇ neh doˆ-iˇ-awˇ, naw maꞈ shaˇ-eu loꞈ-ehˇ, naw maꞈ-euˬ Sahˬpaˬ Miˬyehˇ-ahˇ uˬ duˬ tahˬ-iˇ-awˬ.

Doˆ-iˇ 9:21

Ehˇ kʼawꞈ, tiˬ paˆ na deuˬ-aˬ, Sahˬpaˬ Miˬyehˇ neh ehˇ taˬ-euˬ dawˬ aˬ yawꞈ maꞈ-ahˇ gaˬ leˇ gaˇ maˬ duˇ ni, aˬ yawꞈ maꞈ-euˬ zaˬ kʼaˆ deuˬ hawˇ-eu jeˬ zaˬ deuˬ-ahˇ, laꞈ nyiˇ paw bi jawˇ-euˬ meh.

Aˇ dahˬ 19:22

Yaw kawˇ ma-ehˇ cehˆ coeˬ coeˬ gʼeh-awˬ. Nawˇ kʼoeˇ gaˇ maˬ cehˆ keuˆ kʼoeˇ keuˆ ni, ngaˇ tiˬ jeˬ-iˬ maˬ jahˇ te siˬ.” Meuˬ kʼoeˇ meuˬ-ahˇ Lawˇtaˬ neh meuˬ meuˬ zaˬ lehˇ kuˇ-euˬ miˇ neh, Zoˇlaˆ meuˬ lehˇ myahˇ nehˬ-euˬ meh.

Aˇ dahˬ 19:17

“Naw maꞈ ya buˬ-iˇ ni cehˆ dzeuˇ tehˇ tehˬ-awˬ. Nahˇ gʼoꞈ taˬ paˇ gʼoꞈ haw. Deh ga heu maˬ cehˆ li kʼoeˇ keuˆ ni tiˬ gaˇ-iˬ taˬ naˬ. Naw maꞈ maˬ shiˇ-ehˇ ya dzeuˇ-iˇ ni, gawˬ jawˬ paw cehˆ daˆ leꞈ-awˬ” lehˇ, mˬ taˆ gʼaˬ kʼehˇ tiˬ gʼaˬ aˬ yawꞈ maꞈ-ahˇ ehˇ nehˬ-euˬ meh.

Aˇ dahˬ 19:15

Uˬ bya bya laˇ ngeh, mˬ taˆ gʼaˬ kʼehˇ deuˬ Lawˇtaˬ-ahˇ yaw kawˇ-ehˇ bi lehˬ hmˬ-euˬ meh. “Yaw kawˇ-ehˇ lehˬ hmˬ tehˇ tehˬ-awˬ. Meuˬ heu meuˬ-ahˇ laˆ cawˆ ngeh naw maꞈ maˬ ya shiˇ ni, nawˬ-euˬ miˬ zaˬ hawˇ-eu nawˬ buˇ nyiˬ buˇ sheuˬ-awˇ yaw kawˇ-ehˇ doˆ-iˇ-awˬ” lehˇ, mˬ taˆ gʼaˬ kʼehˇ kʼoeˇ nyiˬ gʼaˬ Lawˇtaˬ-ahˇ ehˇ nehˬ-euˬ meh.

Yeˬlaˬmiˇ 43:1

Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh aˬ yawꞈ maꞈ-ahˇ kʼaˇ bi ehˇ nehˬ laꞈ-euˬ jeˬ, tsawˇ haˬ kʼoeˇ deuˬ-ahˇ ngaˇ ehˇ nehˬ-euˬ ma.

Yeˬlaˬmiˇ 43:2

Kʼoeˇ naˇ, Hawˇshaˬyaˇ-euˬ aˬ li Aˬzaˬyiˇ, Kaˬyaˬ-euˬ aˬ li Yoˇhaˬnaˬ aˬ nyaꞈ hawˇ-eu, nui ma kʼaˇ huiˬ-eu tsawˇ haˬ deuˬ ngaˬ-ahˇ heu loꞈ-ehˇ ehˇ laˇ-eu meh. “Nawˇ jaˬ myawꞈ myawꞈ-eu nga. Iˇjiˇtuˆ miˇ kʼahˬ-ahˇ taˬ jawˇ-iˇ lehˇ nga maꞈ-ahˇ bi ehˇ le-eu gʼaˇ duˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ kʼehˇ gʼeh leꞈ-euˬ maˬ ngeuˇ-aˇ.