Aˇ dahˬ 18:32 - Akha

³² “Sahˬpaˬ Miˬyehˇ-oˇ, nui ma taˬ pehˇ nehˬ laꞈ siˬ. Ngaˇ heu loꞈ-ehˇ tiˬ dawˬ paˇ naˇ haˬ la siˬ. Tseˇ gʼaˬ tehꞈ-ehˇ jawˇ naˇ aˬ joˆ-ehˇ jahˇ nehˬ nmˇ” lehˇ, Aˬbyaˬhaˬ paˇ naˇ haˬ ngeh, “Iˬ baˇ maˬ mˇ-eu tsawˇ haˬ tseˇ gʼaˬ tehꞈ-ehˇ jawˇ lawˬ naˇ kʼawꞈ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ, Sahˬpaˬ Miˬyehˇ ehˇ kʼoꞈ nehˬ-euˬ meh.

Aˇ dahˬ 18:32 Referans Kwoze

Yaˇ kʼaˬ daˇ 6:39

Kʼoeˇ naˇ, Giˇdoˬ Miˬyehˇ-ahˇ ehˇ nehˬ-eu, “Ngaˬ-ahˇ nui ma taˬ pehˇ nehˬ laꞈ. Dawˬ tiˬ dawˬ bi ngehˬ laꞈ siˬ. Yawˇ caꞈ hm heu-ahˇ tiˬ poˆ paˇ bi lawˬ haw laꞈ siˬ. Heu poˆ jawˇ-aˬ, yawˇ caꞈ hm gui coˇ ni bi jaˆ-awˇ, miˇ tsaˬ-ahˇ ceuˬ bi ga aˬ taˬ-awˬ.”

Maꞈtehˬ 7:7

“Shaˇ-awˬ. Shaˇ naˇ za tehꞈ-a. Poˆ-awˬ. Poˆ naˇ mawˇ tehꞈ-a. Laˇ gʼoˆ-ahˇ kʼoˆ-awˬ. Kʼoˆ naˇ pah nehˬ laꞈ tehꞈ-a.

Eˇpeˇsu 3:20

Aˬ dui maˬ noeˬ keuˆ maˬ shaˇ keuˆ nya gaˇ keuˆ ni, aˬ dui laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ-ahˇ gʼoe-awˇ biꞈ byah nehˬ laꞈ nya-eu gʼaˬ pyeuꞈ-eu

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Iˇsaˬyaˇ 65:8

Sahˬpaˬ Miˬyehˇ heu loꞈ-ehˇ ehˇ-eu meh. “Aˬ gaꞈ aˇ siˬ yaw muiˬ maˬ laˆ cawˆ ni, aˬ gaꞈ dzaˇ uiˇ jahˇ gaˇ geuꞈ-eu loꞈ-ehˇ, Ngaˬ-euˬ tsawˇ haˬ dawˬ tawˆ luꞈ-ahˇ maˬ laˆ cawˆ ni, ngaˬ-euˬ nui kʼahˇ mˇ-eu deuˬ-ahˇ ngaˇ ka kʼoꞈ ma.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Yawˇbaˆ 33:23

Tsawˇ haˬ zaˬ-ahˇ haw-eu pyaˆ-eu Miˬyehˇ-euˬ mˬ taˆ gʼaˬ kʼehˇ aˇ heˇ aˇ muiˇ gʼaˬ jawˇ-eu laꞈ kʼoeˇ, tiˬ gʼaˬ na aˬ yawꞈ-ahˇ ngehˬ gʼeh le law nmˇ-aˬ,

Doˆ-iˇ 32:14

Kʼoeˇ ngeh, Sahˬpaˬ Miˬyehˇ nui ma noeˬ paˇ-awˇ, aˬ yawꞈ neh noeˬ tsehˆ taˬ-euˬ luˬ-iˇ seˇ-iˇ-eu jeˬ, aˬ yawꞈ-euˬ tsawˇ haˬ deuˬ kʼoeˇ taˆ maˬ bi keuˆ le ni, bi dzeuˇ-iˇ-euˬ meh.

Aˇ dahˬ 18:30

“Sahˬpaˬ Miˬyehˇ-oˇ, ngaˇ heu loꞈ-ehˇ paˇ naˇ haˬ-eu miˇ neh nui ma taˬ pehˇ nehˬ laꞈ siˬ. Iˬ baˇ maˬ mˇ-eu tsawˇ haˬ smˬ tseˇ gʼaˬ tehꞈ-ehˇ jawˇ lawˬ naˇ, meuˬ kʼoeˇ meuˬ-ahˇ nawˇ laˆ cawˆ nehˬ ma loˇ” lehˇ Sahˬpaˬ Miˬyehˇ-ahˇ Aˬbyaˬhaˬ paˇ naˇ haˬ ngeh, “Smˬ tseˇ gʼaˬ jawˇ naˇ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ Sahˬpaˬ Miˬyehˇ ehˇ-eu meh.

Aˇ dahˬ 18:31

“Ngaˇ heu loꞈ-ehˇ paˇ ya ehˇ-eu miˇ neh iˬ baˇ taˬ taˬ nehˬ laꞈ siˬ. Nyiˬ tseˇ gʼaˬ tehꞈ-ehˇ jawˇ naˇ laˆ cawˆ nehˬ ma loˇ” lehˇ, Aˬbyaˬhaˬ tiˬ poˆ paˇ naˇ haˬ ngeh, “Nyiˬ tseˇ gʼaˬ jawˇ naˇ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ Sahˬpaˬ Miˬyehˇ ehˇ-eu meh.

Aˇ dahˬ 44:18

Yoˇsehˆ-euˬ dawˬ peh Yuˇdaˆ jiˆ peh leˇ-awˇ, heu loꞈ-ehˇ ehˇ nehˬ-euˬ meh. “Sahˬ paˬ-oˇ, ngaˬ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, nawˬ nehˬ-ehˇ bya cehˆ ni dawˬ tiˬ poˆ bi ngehˬ cawˬ nehˬ laꞈ sheˇ. Nawˇ-aˬ, Iˇjiˇtuˆ sahˬpaˬ loꞈ-ehˇ huiˬ-eu tsawˇ haˬ tiˬ gʼaˬ pyeuꞈ-eu meh. Ehˇ kʼawꞈ, ngaˬ-ahˇ nui ma taˬ pehˇ nehˬ laꞈ.

Yeˬlaˬmiˇ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, meuˬ-euˬ gaˇ ma doe ni cehˆ doe haw-awˬ. Doe doe-ehˇ cah-awˇ haw doe-awˬ. Lehˆ kawˆ doe ni poˆ doe haw-awˬ. Yaw tsaˬ yaw dawˇ jeˬ-ahˇ mˇ-awˇ, Miˬyehˇ-ahˇ saˇ jaˇ ziꞈ-awˇ dehꞈ luꞈ-eu, tsawˇ haˬ tiˬ gʼaˬ nawˇ mawˇ nya naˇ, Yeˬluˇsaˬlehˬ meuˬ-ahˇ Sahˬpaˬ Miˬyehˇ iˬ baˇ pyehˬ nehˬ tehꞈ-a.