Aˇ dahˬ 18:29 - Akha

²⁹ “Oeˬ tseˇ gʼaˬ tehꞈ-ehˇ byah naˇ laˆ cawˆ nehˬ ma loˇ” lehˇ Aˬbyaˬhaˬ paˇ naˇ haˬ ngeh, “Oeˬ tseˇ gʼaˬ jawˇ naˇ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ, Sahˬpaˬ Miˬyehˇ ehˇ-eu meh.

Aˇ dahˬ 18:29 Referans Kwoze

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.

Eˇpeˇsu 6:18

Miˬyehˇ caw ba laꞈ ni guiˬ lahˬ shaˇ-awˇ, kʼoeˇ deuˬ dawˬ tawˆ luꞈ-ahˇ mˇ gʼeh-awˬ. Yaw sahˇ Miˬyehˇ sheuˬ gʼeh-eu laꞈ kʼoeˇ aˬ myah luꞈ guiˬ lahˬ shaˇ-awˬ. Maˬ ya smˬ-iˇ ni aˬ myah luꞈ yaw beuˇ beuˇ-ehˇ jawˇ-awˬ. Miˬyehˇ-euˬ tsawˇ haˬ dawˬ tawˆ luꞈ gʼaˇ duˬ aˬ myah luꞈ guiˬ lahˬ shaˇ-awˬ.

Aˇ dahˬ 18:28

Meuˬ kʼoeˇ meuˬ laꞈ kʼoeˇ iˬ baˇ maˬ mˇ-eu tsawˇ haˬ ngaˬ tseˇ gʼaˬ maˬ byah ni, oeˬ tseˇ ngaˬ gʼaˬ tehꞈ-ehˇ jawˇ lawˬ naˇ, ngaˬ gʼaˬ teˬ-iˇ-euˬ baˬ da neh, meuˬ kʼoeˇ meuˬ meuˬ lah ni-ahˇ nawˇ laˆ cawˆ nehˬ ma loˇ” lehˇ naˇ haˬ ngeh, “Iˬ baˇ maˬ mˇ-eu tsawˇ haˬ oeˬ tseˇ ngaˬ gʼaˬ ya mawˇ naˇ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ, Sahˬpaˬ Miˬyehˇ ehˇ-eu meh.

Aˇ dahˬ 18:30

“Sahˬpaˬ Miˬyehˇ-oˇ, ngaˇ heu loꞈ-ehˇ paˇ naˇ haˬ-eu miˇ neh nui ma taˬ pehˇ nehˬ laꞈ siˬ. Iˬ baˇ maˬ mˇ-eu tsawˇ haˬ smˬ tseˇ gʼaˬ tehꞈ-ehˇ jawˇ lawˬ naˇ, meuˬ kʼoeˇ meuˬ-ahˇ nawˇ laˆ cawˆ nehˬ ma loˇ” lehˇ Sahˬpaˬ Miˬyehˇ-ahˇ Aˬbyaˬhaˬ paˇ naˇ haˬ ngeh, “Smˬ tseˇ gʼaˬ jawˇ naˇ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ Sahˬpaˬ Miˬyehˇ ehˇ-eu meh.