Aˇ dahˬ 18:12 - Akha

¹² Kʼoeˇ miˇ neh, Saˬlaˇ-euˬ nui ma laꞈ kʼoeˇ, “Ngaˇ loꞈ-ehˇ mawˬ laˇ taˬ-euˬ tsawˇ haˬ tiˬ gʼaˬ, byawˬ gʼa mo gʼa-eu nui ma aˬ joˆ-ehˇ paˇ ahˇ nmˇ. Kʼoeˇ uˬ taꞈ, ngaˬ-euˬ kʼaˬ dzeˇ zaˬ gʼaˬ kʼawꞈ mawˬ laˇ gʼaˬ-euˬ maˬ ngeuˇ nga loˇ” lehˇ, yawˬ haˇ yawˬ ha shaˇ noeˬ-awˇ, uiˇ kʼoeˬ kʼoeˬ-euˬ meh.

Aˇ dahˬ 18:12 Referans Kwoze

1 Beˬtuˆluˆ 3:6

Saˬlaˇ kʼawꞈ, kʼoeˇ loꞈ-ehˇ dehꞈ yaꞈ-euˬ meh. Aˬ yawꞈ Aˬhyaˬhaˬ-euˬ ehˇ dawˬ naˇ haˬ-awˇ, Aˬbyaˬhaˬ-ahˇ sahˬ paˬ lehˇ kuˇ-euˬ meh. Naw maꞈ kʼawꞈ, yaw muiˬ jeˬ-ahˇ mˇ-awˇ guˆ-eu nui ma maˬ ahˇ naˇ, Saˬlaˇ-euˬ aˬ buˇ deuˬ pyeuꞈ-eu meh.

Aˇ dahˬ 17:17

Aˬbyaˬhaˬ-aˬ, pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ taˬ-euˬ meh. Ehˇ kʼawꞈ, “Tsawˇ haˬ tiˬ gʼaˬ aˇ kʼoꞈ tiˬ yaˇ byah laˇ taˬ-euˬ gaˇ zaˬ paˇ jawˇ le nya ta loˇ. Saˬlaˇ aˇ kʼoꞈ gʼoeˬ tseˇ byah laˇ-euˬ zaˬ ciˬ zaˬ cu paˇ mˇ nya ta siˬ loˇ” lehˇ, aˬ yawꞈ-euˬ nui ma laꞈ kʼoeˇ noeˬ doˆ laˇ-awˇ, uiˇ kʼoeˬ-euˬ meh.

Aˇ dahˬ 18:13

Aˬbyaˬhaˬ-ahˇ Sahˬpaˬ Miˬyehˇ ehˇ nehˬ-eu, “Aˬ jeˬ miˇ neh Saˬlaˇ uiˇ uiˇ-ehˇ, ‘Ngaˇ loꞈ-ehˇ gʼeh-eu tsawˇ mawˬ tiˬ gʼaˬ zaˬ paˇ jawˇ le nya ta siˬ loˇ’ lehˇ ehˇ ta. Sahˬpaˬ Miˬyehˇ maˬ jahˇ nya-eu jeˬ jaˆ ta loˇ.

Eˇpeˇsu 5:33

Jaˇliꞈ heu deuˆ naw maꞈ-ahˇ kʼawꞈ taꞈ leˇ-eu meh. Kʼaˬ dzeˇ zaˬ yawˬ gʼaˬ na luꞈ yawˬ ha-euˬ gʼawˇ mawˇ-ahˇ gaˬ-eu loꞈ-ehˇ yawˬ ha-euˬ miˬ zaˬ-ahˇ ya gaˬ-awˇ, miˬ zaˬ yawˬ gʼaˬ na luꞈ yawˬ ha-euˬ kʼaˬ dzeˇ zaˬ-ahˇ yaw zeu ya baw-eu meh.

Jaceuq 126:2

Aˬ dui laˬ kʼaˬ cehˇ dui dui-awˇ uiˇ-euˬ laꞈ kʼoeˇ, laˬ kʼaˬ cehˇ-eu caˇ dawˬ caˇ dui dui-euˬ ma. Kʼoeˇ ngeh, aˬ dui gʼaˇ duˬ Sahˬpaˬ Miˬyehˇ, huiˬ-eu jeˬ mˇ-euˬ gaˇ kawˆ-ahˇ, miˇ kʼahˬ tsawˇ jeuˬ deu ja-eu meh.

Jaceuq 45:11

Nawˇ seuˆ jeuꞈ aˇ gʼehˇ muiˬ-eu miˇ neh, sahˬ paˬ nawˬ-ahˇ mawꞈ-eu meh. Aˬ yawꞈ nawˬ-ahˇ uˆ lahˇ-eu gʼaˬ pyeuꞈ-awˇ, aˬ yawꞈ laꞈ oˆ nawˇ ya jawˇ meh.

Yaˇ kʼaˬ daˇ 19:26

Uˬ bya bya laˇ mawꞈ laˇ ngeh, zaˬ miˬ zaˬ kʼoeˇ gʼaˬ aˬ yawꞈ-euˬ kʼaˬ dzeˇ zaˬ jawˇ-eu aˬ bawˇ tsawˇ mawˬ kʼoeˇ gʼaˬ-euˬ nymˇ gʼoˆ kʼehˬ-ahˇ gʼoꞈ keuˆ laˇ-awˇ, kʼoeˇ gaˇ coˬ lah-euˬ meh. Uˬ bya bya laˇ ngeh keuˆ ni aˬ yawꞈ kʼoeˇ gaˇ ga-euˬ meh.

2 Sahˬpaˬ 4:16

Eˇliˇshehˇ aˬ yawꞈ-ahˇ ehˇ nehˬ-eu, “Naꞈ yaꞈ kʼoꞈ heu yamˬ keuˆ laˇ ngeh, nawˬ-euˬ bawˇ kʼahˇ-ahˇ aˬ li tiˬ li ciˬ luꞈ tehꞈ-a.” Zaˬ miˬ zaˬ kʼoeˇ gʼaˬ ehˇ-eu, “Ngaˬ-ahˇ toˆ-ehˇ jaˬ myawꞈ taˬ myawꞈ nehˬ laꞈ. Nawˇ-aˬ, Miˬyehˇ-euˬ tsawˇ haˬ meh.”