Aˇ dahˬ 17:8 - Akha

⁸ Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

Aˇ dahˬ 17:8 Referans Kwoze

Uˬ duˬ 26:12

Naw maꞈ nehˬ-ehˇ ngaˇ jawˇ-eu laꞈ kʼoeˇ, naw maꞈ-euˬ Miˬyehˇ ngaˇ ya pyeuꞈ-awˇ, naw maꞈ ngaˬ-euˬ tsawˇ haˬ ya pyeuꞈ tehꞈ-a.

Jaceuq 105:11

Nawˬ-ahˇ ngaˇ Kaˬnaˬ miˇ kʼahˬ biꞈ-awˇ, miˇ kʼahˬ kʼoeˇ nawˇ yaˬ geuꞈ tsehˆ tehꞈ-a lehˇ, aˬ yawꞈ ehˇ taˬ-euˬ jaˆ-eu meh.

Doˆ-iˇ 6:7

Naw maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ-aˬ, naw maꞈ-euˬ Miˬ yehˇ pyeuꞈ ma. Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ngeh, ngaˇ-aˬ naw maꞈ-euˬ Sahˬpaˬ Miˬyehˇ pyeuꞈ-eu naw maꞈ ya siˬ tehꞈ-a.

Aˇ dahˬ 12:7

Kʼoeˇ ngeh, Aˬbyaˬ-euˬ mehˬ shi Sahˬpaˬ Miˬyehˇ doˆ le-awˇ, “Miˇ kʼahˬ heu kʼahˬ-aˬ, nawˬ-euˬ zaˬ nawˬ-euˬ uˆ deuˬ-ahˇ biꞈ-eu gʼaˇ duˬ, ngaˬ neh lehˬ hmˬ taˬ-euˬ miˇ kʼahˬ pyeuꞈ-eu ma” lehˇ ehˇ nehˬ-euˬ meh. Aˬbyaˬ-aˬ, aˬ yawꞈ-euˬ mehˬ shi doˆ le-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-eu gʼaˇ duˬ, kʼoeˇ gaˇ lawˇ duˬ tiˬ tsahˇ tsoˆ-euˬ meh.

Dawˬmehˬ 29:13

Naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ Sahˬpaˬ Miˬyehˇ saˇ jaˇ dzaˬ taˬ-euˬ loꞈ-ehˇ, naw maꞈ aˬ yawꞈ-euˬ tsawˇ haˬ pyeuꞈ-awˇ, aˬ yawꞈ naw maꞈ-euˬ Miˬyehˇ pyeuꞈ-eu gaˇ kawˆ nymˬ-mˇ uˬ duˬ duˬ laˇ ni, naw maꞈ heu gaˇ yawꞈ luꞈ-eu jeˬ pyeuꞈ-eu meh.

Dawˬmehˬ 26:18

Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, aˬ yawꞈ-euˬ tsawˇ jeuˬ loꞈ-ehˇ naw maꞈ-ahˇ iˬ nah aˬ yawꞈ ha geuꞈ-awˇ, aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ lehˇ, aˬ yawꞈ naw maꞈ-ahˇ dawˬ biꞈ taˬ-euˬ meh.

Dawˬmehˬ 14:2

Naw maꞈ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬ yehˇ-euˬ tsawˇ haˬ pyeuꞈ-awˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, aˬ yawꞈ-euˬ tsawˇ jeuˬ bi pyeuꞈ laˇ-eu lehˇ, aˬ yawꞈ neh tseˇ doˆ taˬ-euˬ meh.

Aˇ dahˬ 13:15

Nawˬ neh kʼaˇ haw mawˇ jiˇ-euˬ miˇ kʼahˬ dawˬ tawˆ luꞈ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ-eu lehˇ ngaˇ lehˬ hmˬ taˬ-euˬ ma. Miˇ kʼahˬ heu kʼahˬ-aˬ, mˬ maˬ maˬ byaˆ zaˇ ziˇ naw maꞈ-euˬ miˇ kʼahˬ pyeuꞈ tehꞈ-a.

Jaceuq 105:9

Aˬbyaˬhaˬ nehˬ-ehˇ dzaˬ-euˬ dawˬ ma saˇ jaˇ-ahˇ aˬ yawꞈ ziꞈ-awˇ, Iˇtsaˆ nehˬ-ehˇ dzaˬ-euˬ saˇ jaˇ-ahˇ ziꞈ tehꞈ-a.

Dawˬmehˬ 4:37

Naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ gaˬ-eu miˇ neh, naw maꞈ-ahˇ aˬ yawꞈ tseˇ doˆ-awˇ, aˬ yawꞈ-euˬ huiˬ-eu baoˬ-ahˇ gʼoe-eu laꞈ kʼoeˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ aˬ yawꞈ sheuˬ doˆ laꞈ-euˬ meh.

Aˇ dahˬ 28:4

Aˬbyaˬhaˬ-ahˇ aˬ yawꞈ guiˬ lahˬ biꞈ nehˬ-euˬ loꞈ-ehˇ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ kʼawꞈ, aˬ yawꞈ guiˬ lahˬ biꞈ nehˬ laꞈ luꞈ-uˇ. Aˬbyaˬhaˬ-ahˇ Miˬyehˇ neh biꞈ-euˬ miˇ kʼahˬ pyeuꞈ-eu, nymˬ-mˇ nawˇ jawˇ luꞈ-eu miˇ kʼahˬ heu kʼahˬ, nawˬ-euˬ miˇ kʼahˬ pyeuꞈ laˇ luꞈ-uˇ.”

Aˇ dahˬ 13:17

Nawˇ iˇ-awˇ, miˇ kʼahˬ kʼahˬ lah ni cah doe haw-iˇ-awˬ. Aˬ jeˬ miˇ neh ehˇ naˇ, miˇ kʼahˬ heu kʼahˬ kʼahˬ lah ni nawˬ-ahˇ biꞈ-eu lehˇ, ngaˇ lehˬ hmˬ taˬ-euˬ ma” lehˇ ehˇ nehˬ-euˬ meh.

2 Saˬmeuˬlaˆ 23:5

Ngaˬ-euˬ zaˬ deuˬ uˆ deuˬ kʼoeˇ taˆ, guiˬ lahˬ kʼoeˇ deuˬ Miˬyehˇ biꞈ meh. Mˬ maˬ maˬ byaˆ ziꞈ-eu saˇ jaˇ, aˬ yawꞈ ngaˬ-ahˇ dzaˬ taˬ-euˬ meh. Ngaˬ-euˬ nui kʼahˇ byah jiˇ laˇ ni, muiˇ-eu deuˬ-ahˇ ngaˇ gʼaˬ leˇ ni, Miˬyehˇ mˇ-eu yaw duˬ baw meh.

Dawˬmehˬ 32:8

Huiˬ dui mahˇ dui dui-eu Miˬyehˇ, miˇ tsaˬ zaˬ-ahˇ miˇ kʼahˬ biˇ-awˇ, jawˇ duˬ pehˇ tsahˇ tsaˬ tsoˆ nehˬ-awˇ, miˬ yehˇ deuˬ neh bi dzoeˬ-euˬ meh.

Bawˇtsahˬ 25:13

Aˬ yawꞈ hawˇ-eu aˬ yawꞈ-euˬ zaˬ deuˬ uˆ deuˬ-aˬ, aˬ myah luꞈ piˇ ma ya geuꞈ tehꞈ-a. Aˬ jeˬ miˇ neh ehˇ naˇ, miˬyehˇ nui taw nui gʼaˬ-ahˇ uˬ duˬ tahˬ-eu jeˬ-ahˇ aˬ yawꞈ muiˇ-awˇ, Iˇsaˬleˬlaˆ tsawˇ haˬ deuˬ-ahˇ ngaˇ iˬ baˇ pyehˬ nehˬ ni aˬ yawꞈ mˇ-euˬ meh.”

Doˆ-iˇ 40:15

Aˬ yawꞈ maꞈ-euˬ aˬ da-ahˇ tsiˇ lehꞈ nehˬ-euˬ loꞈ-ehˇ, aˬ yawꞈ maꞈ mehˇ nmˇ-ahˇ kʼawꞈ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, tsiˇ lehꞈ nehˬ-awˬ. Aˬ yawꞈ maꞈ-ahˇ kʼoeˇ loꞈ-ehˇ tsiˇ lehꞈ nehˬ-euˬ baˬ da neh, mˬ maˬ maˬ byaˆ zaˇ ziˇ aˬ yawꞈ maꞈ piˇ ma ya geuꞈ tehꞈ-a.”

Aˇ dahˬ 48:4

Aˬ yawꞈ ngaˬ-ahˇ ehˇ-eu, ‘Nawˬ-euˬ zaˬ nawˬ-euˬ uˆ deuˬ tsawˇ jeuˬ gʼawˬ mya jeuˬ pyeuꞈ laˇ ni, aˬ yawꞈ maꞈ-ahˇ ngaˇ bi jeuˬ bi o le ma. Miˇ kʼahˬ heu kʼahˬ, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ tsehˆ nehˬ ma’ lehˇ ehˇ-eu meh.

Aˇ dahˬ 23:4

“Ngaˇ-aˬ, naw maꞈ-euˬ miˇ kʼahˬ-ahˇ pawˇ ahˇ le-euˬ tsawˇ haˬ tiˬ gʼaˬ pyeuꞈ-eu ma. Teu miˇ neh, ngaˬ-euˬ nymˇ dahˬ-ahˇ baꞈ pahˬ-eu gʼaˇ duˬ, miˇ tsaˬ tiˬ tsahˇ ahˬ nehˬ laꞈ-awˬ.”

HeˬByehˇ 9:15

Kʼoeˇ baˬ da neh, dawˬ ma saˇ jaˇ yaw shuiꞈ pyeuꞈ leˇ ni mˇ-eu gʼaˬ-aˬ, Ka li meh. Miˬyehˇ neh kuˇ doˆ-euˬ tsawˇ haˬ deuˬ mˬ maˬ maˬ byaˆ zaˇ ziˇ guiˬ lahˬ jeˬ biˇ za ni, aˬ yawꞈ kʼoeˇ loꞈ-ehˇ mˇ-euˬ meh. Dawˬ ma saˇ jaˇ yaw beh hmˬ-ahˇ gʼoe-awˇ dehꞈ luꞈ ngeh, Ka li shiˇ dah-awˇ tsawˇ haˬ zaˬ deuˬ-ahˇ yawˬ ha neh mˇ-euˬ iˬ baˇ-ahˇ bi buˬ-iˇ nya-euˬ miˇ neh, kʼoeˇ loꞈ-ehˇ mˇ pyeuꞈ nya-euˬ meh.

Jaceuq 103:17

Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu deuˬ-ahˇ, aˬ yawꞈ gaˬ-eu jeˬ maˬ byoˆ-iˇ-ehˇ, aˬ yawꞈ-euˬ muiˬ-eu guiˬ lahˬ mˬ maˬ maˬ byaˆ zaˇ ziˇ bi keuˆ le-eu meh.

Uˬ duˬ 16:34

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ, aˬ myah luꞈ maˬ byehˇ ni ya caw teh meh. Iˇsaˬleˬlaˆ tsawˇ haˬ deuˬ iˬ baˇ buˬ-iˇ law-iˇ-awˇ, bi muiˬ bi shawˇ laˇ-eu zahˇ heu hmˬ tiˬ kʼoꞈ tiˬ poˆ ya jahˇ meh. Kʼoeˇ loꞈ-ehˇ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ Moˇseˬ mˇ-euˬ meh.

Doˆ-iˇ 21:6

yaw sahˇ gʼaˬ, zaˬ kʼaˆ kʼoeˇ gʼaˬ-ahˇ uˬ duˬ tahˬ-eu jawˇ duˬ-ahˇ ya sheuˬ gʼeh meh. Kʼoeˇ gaˇ, yaw sahˇ gʼaˬ gʼoˆ kʼehˬ mehˬ shi bi yawꞈ-awˇ, zaˬ kʼaˆ kʼoeˇ gʼaˬ-ahˇ naˬ bawˇ naˬ tahˇ ya tahˇ nehˬ meh. Kʼoeˇ naˇ, zaˬ kʼaˆ kʼoeˇ gʼaˬ maˬ shiˇ tiˬ ziˇ aˬ yawꞈ-euˬ zaˬ kʼaˆ ya geuꞈ meh.

Gʼaˬkʼehˇ 7:5

Kʼoeˇ ngeh, Miˬyehˇ aˬ yawꞈ-ahˇ miˇ tsaˬ laꞈ zaˬ tiˬ daˬ hui ni kʼawꞈ maˬ biꞈ-aˬ. Ehˇ kʼawꞈ, miˇ kʼahˬ kʼoeˇ kʼahˬ aˬ yawꞈ-ahˇ biꞈ-awˇ, aˬ yawꞈ-euˬ miˇ kʼahˬ hawˇ-eu aˬ yawꞈ-euˬ zaˬ deuˬ uˆ deuˬ-euˬ miˇ kʼahˬ bi pyeuꞈ laˇ ma lehˇ, Miˬyehˇ neh saˇ jaˇ dzaˬ-euˬ meh. Miˬyehˇ kʼoeˇ loꞈ-ehˇ saˇ jaˇ dzaˬ ngeh, Aˬbyaˬhaˬ zaˬ tiˬ gʼaˬ-iˬ maˬ jawˇ le-aˬ siˬ.

Panmaeq 21:7

Gʼaˬ leˇ-euˬ tsawˇ haˬ aˬ geu gʼaˬ maˬ kaˬ, jeˬ biˇ heu oꞈ tehꞈ-a. Ngaˇ aˬ yawꞈ-euˬ Miˬyehˇ pyeuꞈ-awˇ, aˬ yawꞈ ngaˬ-euˬ aˬ li ya pyeuꞈ-eu jeˬ biˇ oꞈ tehꞈ-a.

Aˇ dahˬ 26:24

Kʼoeˇ ngeh miˇ, Sahˬpaˬ Miˬyehˇ aˬ yawꞈ mehˬ shi doˆ le-awˇ, “Ngaˇ-aˬ, nawˬ da Aˬbyaˬhaˬ-euˬ Miˬyehˇ ma. Taˬ guˆ. Ngaˇ nawˬ nehˬ-ehˇ jawˇ luꞈ ma. Ngaˬ-euˬ zaˬ kʼaˆ Aˬbyaˬhaˬ-ahˇ ngaˇ saˇ jaˇ biꞈ taˬ-euˬ loꞈ-ehˇ, ngaˇ nawˬ-ahˇ guiˬ lahˬ biꞈ-awˇ, nawˬ-euˬ zaˬ nawˬ-euˬ uˆ deuˬ bi jeuˬ bi o le ma” lehˇ ehˇ nehˬ-euˬ meh.

Aˇ dahˬ 36:7

Aˬ jeˬ miˇ neh ehˇ naˇ, aˬ nyaꞈ nmˇ-euˬ jeˬ zaˬ myaˬ dui dui-eu miˇ neh, aˬ yawꞈ nyaꞈ nmˇ jawˇ luꞈ-eu miˇ kʼahˬ laꞈ kʼoeˇ tiˬ kawˆ loꞈ-ehˇ maˬ jawˇ deˇ nya ni pyeuꞈ laˇ taˬ-euˬ meh.

Aˇ dahˬ 37:1

Yaˬkoˆ-aˬ, aˬ yawꞈ aˬ da neh jawˇ-euˬ Kaˬnaˬ miˇ kʼahˬ-ahˇ paˇ jawˇ daˆ leꞈ-euˬ meh.

Doˆ-iˇ 13:11

“Naw maꞈ-ahˇ biꞈ-eu gʼaˇ duˬ, naw maꞈ-ahˇ maˬ ehˇ, naw maꞈ-euˬ aˬ poeˬ aˬ bawˇ deuˬ-ahˇ maˬ ehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ Kaˬnaˬ tsawˇ jeuˬ-euˬ miˇ kʼahˬ-ahˇ, Sahˬpaˬ Miˬyehˇ naw maꞈ-ahˇ sheuˬ gʼeh tehꞈ-a. Miˇ kʼahˬ kʼoeˇ kʼahˬ naw maꞈ-ahˇ aˬ yawꞈ biꞈ laꞈ ngeh,

Doˆ-iˇ 29:45

Iˇsaˬleˬlaˆ tsawˇ haˬ deuˬ nehˬ-ehˇ ngaˇ jawˇ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ tehꞈ-a.

Doˆ-iˇ 32:13

Aˬbyaˬhaˬ, Iˇtsaˆ hawˇ-eu, Yaˬkoˆ-ahˇ noeˬ keuˆ-awˬ. Aˬ yawꞈ maꞈ nehˬ-ehˇ nawˇ dawˬ ma saˇ jaˇ dzaˬ-awˇ, aˬ yawꞈ maꞈ-euˬ zaˬ deuˬ uˆ deuˬ, mˬ kʼoeˇ taˆ tsehˬ-eu aˬ guiˇ loꞈ-ehˇ bi myaˬ bi behˇ laˇ-awˇ, nawˬ neh aˬ yawꞈ maꞈ-ahˇ biꞈ ma lehˇ saˇ jaˇ dzaˬ taˬ-euˬ miˇ kʼahˬ dawˬ tawˆ luꞈ, aˬ yawꞈ maꞈ-euˬ zaˬ deuˬ-ahˇ mˬ maˬ maˬ byaˆ zaˇ ziˇ biꞈ tsehˆ ma lehˇ ehˇ taˬ-euˬ gaˇ noeˬ keuˆ-awˬ.”

Dawˬmehˬ 9:5

Naw maꞈ muiˬ-eu jaˬ-eu tsawˇ haˬ pyeuꞈ-awˇ, yaw tsaˬ yaw dawˇ jeˬ mˇ-eu miˇ neh, aˬ yawꞈ maꞈ-euˬ miˇ kʼahˬ kʼoeˇ, Sahˬpaˬ Miˬyehˇ naw maꞈ-ahˇ biꞈ-eu maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu tsawˇ haˬ pyeuꞈ-eu miˇ neh maˬ ehˇ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ, Yaˬkoˆ, aˬ ha maꞈ-ahˇ aˬ yawꞈ neh dzaˬ taˬ-euˬ saˇ jaˇ bi ziꞈ mawꞈ-eu miˇ neh maˬ ehˇ, tsawˇ haˬ kʼoeˇ deuˬ-ahˇ aˬ yawꞈ teh doˆ-euˬ jeˬ pyeuꞈ-eu meh.

Yeˬlaˬmiˇ 25:5

Naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh biꞈ tsehˆ tsehˆ taˬ-euˬ miˇ kʼahˬ heu kʼahˬ laꞈ kʼoeˇ naw maꞈ ya jawˇ daˆ leꞈ ni, maˬ tsaˬ maˬ dawˇ-eu naw maꞈ-euˬ dehꞈ jeˬ dehꞈ kawˆ hawˇ-eu, naw maꞈ mˇ luꞈ shaˇ luꞈ-eu yaw haiˬ jeˬ-ahˇ byehˇ dzeh-awˬ lehˇ, Miˬyehˇ gʼaˇ duˬ ngehˬ dah-euˬ kʼoeˇ deuˬ, naw maꞈ-ahˇ ehˇ nehˬ-euˬ meh.

Yeˬlaˬmiˇ 31:1

Sahˬpaˬ Miˬyehˇ ehˇ-eu, “Ngaˇ Iˇsaˬleˬlaˆ tsawˇ jeuˬ tsawˇ ca dawˬ tawˆ luꞈ-euˬ Miˬyehˇ pyeuꞈ-awˇ, aˬ yawꞈ maꞈ ngaˬ-euˬ tsawˇ haˬ pyeuꞈ laˇ-eu aˇ yamˬ keuˆ le tehꞈ-a.”

Aˇ dahˬ 35:27

Aˬbyaˬhaˬ hawˇ-eu Iˇtsaˆ-euˬ jawˇ duˬ pyeuꞈ-eu Heˬbyoˬ meuˬ dawˬ peh jaˆ-eu Mamˬliˬ meuˬ-ahˇ, aˬ yawꞈ aˬ da Iˇtsaˆ jawˇ gaˇ Yaˬkoˆ iˇ-euˬ meh.

Doˆ-iˇ 6:4

Aˬ yawꞈ maꞈ nehˬ-ehˇ ngaˇ dawˬ ma saˇ jaˇ dzaˬ-eu laꞈ kʼoeˇ, boeˇ miˬ siˬ kʼaˬ loꞈ-ehˇ aˬ yawꞈ maꞈ ya dehꞈ ya jawˇ yaꞈ-euˬ Kaˬnaˬ miˇ kʼahˬ kʼoeˇ, aˬ yawꞈ maꞈ-ahˇ ngaˇ biꞈ ma lehˇ, ehˇ tsehˆ taˬ-euˬ ma.

Uˬ duˬ 14:34

Heu-aˬ, nyawˬ naˇ-eu maˇ naˇ dawꞈ-eu nymˇ-ahˇ taꞈ-eu zahˇ sahˇ kʼoꞈ meh. Zahˇ sahˇ kʼoꞈ heu deuˬ-aˬ, Sahˬpaˬ Miˬyehˇ neh biꞈ-euˬ Kaˬnaˬ miˇ kʼahˬ-ahˇ Iˇsaˬleˬlaˆ tsawˇ haˬ deuˬ le keuˆ ngeh, Iˇsaˬleˬlaˆ tsawˇ haˬ deuˬ ya zmˬ-eu zahˇ sahˇ kʼoꞈ pyeuꞈ-eu meh.

Bawˇtsahˬ 10:29

Miˇdiˬyaˬ tsawˇ jeuˬ Yeˬdaˬyoˇ-euˬ aˬ li pyeuꞈ-eu Moˇseˬ-euˬ oeˇ kʼaˬ Hawˇbaˆ-ahˇ Moˇseˬ ehˇ nehˬ-eu, “Sahˬpaˬ Miˬyehˇ nga maꞈ-ahˇ biꞈ ma lehˇ ehˇ taˬ-euˬ miˇ kʼahˬ-ahˇ nga maꞈ le-eu gʼaˇ duˬ, doˆ-iˇ-eu lehˇ lehˬ hmˬ taˬ-euˬ ma. Iˇsaˬleˬlaˆ tsawˇ haˬ deuˬ bi baw bi za le ma lehˇ aˬ yawꞈ saˇ jaˇ dzaˬ taˬ-euˬ meh. Kʼoeˇ miˇ neh ngaˬ nehˬ-ehˇ nawˇ laˇ-awˬ. Nga maꞈ-euˬ baw le za le-eu guiˬ lahˬ nawˬ-ahˇ biˇ nehˬ ma.”

Bawˇtsahˬ 27:12

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬbaˬleˬ gawˬ jawˬ-ahˇ daˆ leˇ-awˇ, Iˇsaˬleˬlaˆ tsawˇ haˬ deuˬ-ahˇ ngaˇ biꞈ-eu lehˇ gʼeh luꞈ-eu miˇ kʼahˬ-ahˇ haw gʼeh-awˬ.

Dawˬmehˬ 32:49

“Yeˬliˇkoˇ meuˬ-euˬ tiˬ dawˇ heu baˬ-ahˇ jaˆ-eu Mawˇbaˆ miˇ kʼahˬ Aˬbaˬleˬ gawˬ jawˬ jaˆ gaˇ le-awˬ. Neˬboˬ gawˬ jawˬ-ahˇ daˆ leˇ-awˇ, Iˇsaˬleˬlaˆ tsawˇ haˬ deuˬ-ahˇ ngaˇ biꞈ-eu lehˇ gʼeh-eu Kaˬnaˬ miˇ kʼahˬ-ahˇ haw gʼeh-awˬ.

Dawˬmehˬ 34:4

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ-eu, “Heu-aˬ, Aˬbyaˬhaˬ, Iˇtsaˆ hawˇ-eu Yaˬkoˆ aˬ ha maꞈ-ahˇ, aˬ yawꞈ maꞈ-euˬ zaˬ deuˬ uˆ deuˬ-ahˇ biꞈ-eu gʼaˇ duˬ ngaˬ neh saˇ jaˇ dzaˬ taˬ-euˬ miˇ kʼahˬ ma. Miˇ kʼahˬ heu nawˬ-ahˇ ngaˇ biꞈ mawꞈ kʼawꞈ, nawˇ maˬ ya uˇ keuˆ leˇ-a.”

Yawˇshuˆ 1:2

Aˬ yawꞈ ehˇ-eu, “Ngaˬ-euˬ zaˬ kʼaˆ Moˇseˬ shiˇ dzeuˇ gʼaˬ-euˬ meh. Nawˇ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ nymˬ-mˇ lehˬ hmˬ-awˇ, Yawˇdaˬ lawˇ baˬ tsehˆ doˆ-awˇ, aˬ yawꞈ maꞈ-ahˇ ngaˬ neh biꞈ taˬ-euˬ miˇ kʼahˬ-ahˇ uˇ leˇ-awˬ.

1 Laˬsaˬbaˬ 16:18

“Kaˬnaˬ miˇ kʼahˬ nawˬ-ahˇ biꞈ-awˇ, nawˬ-euˬ bi pyeuꞈ tsehˆ-euˬ ma” lehˇ, dzaˬ taˬ-euˬ saˇ jaˇ jaˆ-eu meh.

Yeˬsaˬgeˬlaˇ 11:20

Kʼoeˇ ngeh jawˇ, ngaˬ-euˬ zahˇ dawˬ kʼoꞈ dawˬ mehˬ nah aˬ yawꞈ maꞈ caw teh-awˇ, ngaˬ-euˬ dawˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ tehꞈ-a. Aˬ yawꞈ maꞈ ngaˬ-euˬ tsawˇ jeuˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ tehꞈ-a.

Yeˬsaˬgeˬlaˇ 33:24

“Tsawˇ haˬ zaˬ-oˇ, Iˇsaˬleˬlaˆ miˇ kʼahˬ laꞈ kʼoeˇ jaˆ-eu cawˆ-iˇ-euˬ meuˬ deuˬ laꞈ kʼoeˇ jawˇ-eu tsawˇ haˬ deuˬ heu loꞈ-ehˇ ehˇ luꞈ meh. ‘Aˬbyaˬhaˬ tiˬ gʼaˬ tehꞈ-ahˇ kʼawꞈ, miˇ kʼahˬ heu kʼahˬ kʼahˬ lah ni biꞈ-euˬ-aˬ, aˬ dui heu myaˆ ni paˇ gʼeh-eu-aˬ, miˇ kʼahˬ heu kʼahˬ za tsehˆ-euˬ ngaˇ’ lehˇ ehˇ luꞈ meh.

Zaˬkaˬliˇ 8:8

Nahˇ ma doˆ kʼehˬ ga kʼehˬ paw neh aˬ yawꞈ maꞈ-ahˇ ngaˇ sheuˬ kʼoꞈ uiˬ laꞈ-awˇ, Yeˬluˇsaˬlehˬ meuˬ-ahˇ bi jawˇ ma. Aˬ yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ-eu laꞈ kʼoeˇ, yaw tsaˬ yaw dawˇ jeˬ hawˇ-eu saˇ jaˇ ziꞈ-eu jeˬ neh aˬ yawꞈ maꞈ-ahˇ ngaˇ uˆ lahˇ ma.