Aˇ dahˬ 15:13 - Akha

¹³ Aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ zaˬ nawˬ-euˬ uˆ deuˬ, aˬ cawˬ miˇ kʼahˬ laꞈ kʼoeˇ boeˇ miˬ siˬ kʼaˬ loꞈ-ehˇ ya jawˇ tehꞈ-a. Oeˬ yaˇ kʼoꞈ keuˆ ni aˬ yawꞈ maꞈ aˬ cawˬ zaˬ kʼaˆ ya geuꞈ-awˇ, aˬ cawˬ kʼehˬ nehˬ kʼaˆ nehˬ gaˇ ya daˬ tehꞈ-a.

Aˇ dahˬ 15:13 Referans Kwoze

Doˆ-iˇ 1:11

Kʼoeˇ miˇ neh, aˬ yawꞈ maꞈ-ahˇ gaˇ yaw kʼaˆ-ehˇ bi mˇ-awˇ, nui ma bi cawˆ-iˇ-eu gʼaˇ duˬ, zaˬ kʼaˆ deuˬ gaˇ mˇ gaˇ haw-eu tsawˇ haˬ deuˬ-eu aˬ laꞈ laꞈ kʼoeˇ a nehˬ-euˬ meh. Sahˬ paˬ-euˬ myawˬ taˬ-eu gʼaˇ duˬ, Piˇdmˬ hawˇ-eu Laˬmaˬsehˇ meuˬ aˬ yawꞈ maꞈ ya tso-eu meh.

Gʼaˬkʼehˇ 7:17

“Miˬyehˇ neh Aˬbyaˬhaˬ-ahˇ saˇ jaˇ dzaˬ taˬ-euˬ loꞈ-ehˇ bi byah laˇ-eu aˇ yamˬ tsaˬ laˇ ngeh, Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu aˬ dui-euˬ tsawˇ jeuˬ myaˬ dui dui laˇ taˬ-euˬ meh.

Gaˬlaˬtiˆ 3:17

Ngaˇ ehˇ mawꞈ-eu-aˬ, heu loꞈ-ehˇ ma. Aˬbyaˬhaˬ nehˬ-ehˇ Miˬyehˇ dawˬ ma saˇ jaˇ dzaˬ-euˬ meh. Kʼoeˇ sawˇ miˇ tsa oeˬ yaˇ smˬ tseˇ kʼoꞈ gʼeh-awˇ neh hawˇ-eu biꞈ leꞈ-euˬ Zahˇ dawˬ kʼoꞈ dawˬ kʼoeˇ-aˬ, Miˬyehˇ neh dzaˬ taˬ-euˬ saˇ jaˇ kʼoeˇ-ahˇ maˬ laˆ pyaˆ nya-a.

Uˬ duˬ 19:34

Iˇsaˬleˬlaˆ tsawˇ haˬ yaw kaˬ cawˬ cawˬ taꞈ-eu loꞈ-ehˇ, aˬ yawꞈ maꞈ-ahˇ cawˬ cawˬ taꞈ-awˬ. Yawˬ haˇ yawˬ ha gaˬ-eu loꞈ-ehˇ, aˬ yawꞈ maꞈ-ahˇ gaˬ-awˬ. Iˇjiˇtuˆ miˇ kʼahˬ laꞈ kʼoeˇ naw maꞈ boeˇ miˬ siˬ kʼaˬ pyeuꞈ haw-euˬ gaˇ taˬ ngehˇ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Aˇ dahˬ 17:8

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

Dawˬmehˬ 10:19

Kʼoeˇ miˇ neh, boeˇ miˬ siˬ kʼaˬ deuˬ-ahˇ gaˬ-awˬ. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ, naw maꞈ boeˇ miˬ siˬ kʼaˬ pyeuꞈ haw-euˬ meh.

Doˆ-iˇ 23:9

“Boeˇ miˬ siˬ kʼaˬ deuˬ-ahˇ yehˬ bawˬ sehˇ lu-ehˇ maˬ ya gʼeh-a. Iˇjiˇtuˆ miˇ kʼahˬ laꞈ kʼoeˇ, naw maꞈ boeˇ miˬ siˬ kʼaˬ pyeuꞈ haw-euˬ loꞈ-ehˇ, boeˇ miˬ siˬ kʼaˬ-euˬ nui ma naw maꞈ siˬ nya meh.

Doˆ-iˇ 22:21

“Boeˇ miˬ siˬ kʼaˬ-ahˇ yehˬ bawˬ sehˇ lu-ehˇ maˬ ya jahˇ-a. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ, naw maꞈ boeˇ miˬ siˬ kʼaˬ pyeuꞈ haw-euˬ meh.

Aˇ dahˬ 15:16

Nawˬ-euˬ zaˬ nawˬ-euˬ uˆ deuˬ-aˬ, miˇ kʼahˬ heu kʼahˬ laꞈ kʼoeˇ maˬ gʼoꞈ keuˆ laˇ dah mi naˆ-ehˇ, aˬ cawˬ miˇ kʼahˬ laꞈ kʼoeˇ oeˬ ziˇ keuˆ ni ya jawˇ tehꞈ-a. Aˬ jeˬ miˇ neh ehˇ naˇ, Aˬmawˇliˆ tsawˇ haˬ kʼoeˇ deuˬ ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ paˬ-ehˇ, maˬ tsaˬ maˬ dawˇ-eu jeˬ maˬ mˇ kʼaˆ laˇ kʼoeˇ keuˆ ni, Aˬmawˇliˆ tsawˇ haˬ kʼoeˇ deuˬ-ahˇ ngaˇ maˬ teh dzeh te siˬ.”

Aˇ dahˬ 47:4

Kaˬnaˬ miˇ kʼahˬ laꞈ kʼoeˇ mehꞈ dui shuꞈ dui dui-eu jeˬ keuˆ le-awˇ, miˇ tsaˬ gui-iˇ-euˬ miˇ neh, nga maꞈ-euˬ jeˬ zaˬ deuˬ gaˆ dzaˬ kʼaˇ maˬ za ni pyeuꞈ laˇ taˬ-euˬ meh. Teu miˇ neh, nga maꞈ-ahˇ gʼawˬ shaˬ gaˬ-eu laꞈ kʼoeˇ, Goˬsheˬ miˇ tsaˬ-ahˇ bi jawˇ nehˬ laꞈ-awˬ.”

Doˆ-iˇ 1:13

Kʼoeˇ ngeh, Iˇjiˇtuˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ guˆ laˇ taˬ-euˬ meh. Kʼoeˇ miˇ neh, Iˇsaˬleˬlaˆ tsawˇ haˬ deuˬ-ahˇ zaˬ kʼaˆ bi geuꞈ-awˇ, kʼehˬ nehˬ kʼaˆ nehˬ-eu laꞈ kʼoeˇ, gaˇ bi mˇ-euˬ meh.

Doˆ-iˇ 2:24

Aˬ yawꞈ maꞈ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ Miˬyehˇ ya gaˬ ngeh, Aˬbyaˬhaˬ, Iˇtsaˆ hawˇ-eu Yaˬkoˆ-ahˇ aˬ yawꞈ neh dawˬ ma saˇ jaˇ dzaˬ taˬ-euˬ gaˇ noeˬ keuˆ-euˬ meh.

Doˆ-iˇ 3:8

Kʼoeˇ miˇ neh, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ-awˇ, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu, byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu jeˇ lo ni gʼeh-eu miˇ kʼahˬ-ahˇ, aˬ yawꞈ maꞈ-ahˇ sheuˬ doˆ gʼeh-eu gʼaˇ duˬ, ngaˇ zaꞈ ka le-euˬ ma.

Doˆ-iˇ 3:10

Nawˇ ngaˬ-euˬ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh nehˬ nya-eu gʼaˇ duˬ, nymˬ-mˇ ngaˇ nawˬ-ahˇ Iˇjiˇtuˆ sahˬ paˬ jawˇ gaˇ kʼehˇ gʼeh-eu ma.”

Doˆ-iˇ 3:17

Aˬ yawꞈ maꞈ-ahˇ aˬ cawˬ gʼawˬ shaˬ maˬ gaˬ ni, kʼaˇ jahˇ mawꞈ-eu jeˬ jahˇ nehˬ luꞈ-eu Iˇjiˇtuˆ miˇ kʼahˬ laꞈ kʼoeˇ neh, aˬ yawꞈ maꞈ-ahˇ ngaˇ sheuˬ doˆ-awˇ, miˇ tsaˬ miˇ muiˬ muiˬ dui dui-awˇ, baw le za le-eu (byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu) miˇ kʼahˬ pyeuꞈ-eu, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ-eu miˇ kʼahˬ kʼoeˇ kʼahˬ laꞈ kʼoeˇ, aˬ yawꞈ maꞈ-ahˇ sheuˬ gʼeh ma lehˇ, ngaˇ noeˬ tsehˆ taˬ-euˬ ma.

Dawˬmehˬ 5:15

Naw maꞈ Iˇjiˇtuˆ miˇ kʼahˬ laꞈ kʼoeˇ aˬ cawˬ zaˬ kʼaˆ geuꞈ-awˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, ngaˬ-euˬ huiˬ-eu baoˬ hawˇ-eu gʼaˬ-ahˇ gʼoe-awˇ, naw maꞈ-ahˇ ka kʼoꞈ le-euˬ gaˇ noeˬ keuˆ-awˬ. Kʼoeˇ miˇ neh, jawˇ nah-ahˇ lah daw-awˬ lehˇ naw maꞈ-ahˇ ngaˇ dawˬ biꞈ-eu ma.

Jaceuq 105:42

Aˬ yawꞈ-euˬ zaˬ kʼaˆ Aˬbyaˬhaˬ nehˬ-ehˇ dzaˬ-euˬ, muiˬ-eu shawˇ-eu dawˬ ma saˇ jaˇ-ahˇ, aˬ yawꞈ noeˬ mawˇ-euˬ meh.

Doˆ-iˇ 1:14

Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ gʼawˬ shaˬ maˬ gaˬ ni, nymˇ tsoˆ gaˇ maˬ ehˇ, deh yaˇ mˇ gaˇ maˬ ehˇ, maˬ mˇ coeˇ gaˇ keuˆ ni myawˬ kʼaˆ bi mˇ-euˬ meh.

Bawˇtsahˬ 20:15

Nga maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ-ahˇ aˬ joˆ-ehˇ iˇ-euˬ gaˇ kawˆ maˬ ehˇ, kʼoeˇ gaˇ nga maꞈ gʼawˬ mya kʼoꞈ jawˇ yaꞈ-euˬ gaˇ kawˆ maˬ ehˇ, nga maꞈ-euˬ aˬ poeˬ aˬ bawˇ deuˬ hawˇ-eu nga maꞈ-ahˇ Iˇjiˇtuˆ tsawˇ haˬ deuˬ aˬ joˆ-ehˇ kʼehˬ nehˬ kʼaˆ nehˬ laꞈ-euˬ gaˇ kawˆ maˬ ehˇ,