Aˇ dahˬ 13:9 - Akha

⁹ Teu miˇ neh aˇ nyaꞈ uiˬ zaˬ jawˇ gʼawˬ kaˇ-euˇ. Nawˇ geuꞈ mawꞈ-eu miˇ tsaˬ pehˇ tsahˇ-ahˇ nawˇ jeˬ huˬ toeˬ ceh-awˬ. Aˇ nyaꞈ tiˬ gʼaˬ tiˬ paw jawˇ-iˇ kaˇ-euˇ.”

Aˇ dahˬ 13:9 Referans Kwoze

HeˬByehˇ 12:14

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ tsahˇ leˇ-eu laꞈ kʼoeˇ yaw muiˬ yaw shawˇ shawˇ-ehˇ dehꞈ-awˬ. Kʼoeˇ loꞈ-ehˇ maˬ dehꞈ naˇ, tsawˇ haˬ tiˬ gʼaˬ-iˬ Sahˬpaˬ Miˬyehˇ-ahˇ maˬ mawˇ nya-a.

Aˇ dahˬ 34:10

Nga maꞈ-euˬ miˇ kʼahˬ laꞈ kʼoeˇ naw maꞈ-ahˇ tiˬ jeˬ-iˬ maˬ laˆ tsoeˬ. Naw maꞈ kʼaˇ jawˇ mawꞈ gaˇ jawˇ-awˇ, mˇ dzaˬ kʼawꞈ dawˇ nya tehꞈ-a. Naw maꞈ neh kʼaˇ noeˬ doˆ-euˬ loꞈ-ehˇ jeˬ gaꞈ jeˬ ka gʼeh nya-awˇ, kʼahˬ lahˇ kʼaˇ maˬ za ni mˇ jaˆ shaˇ jaˆ nya tehꞈ-a.”

Aˇ dahˬ 20:15

“Ngaˬ-euˬ miˇ kʼahˬ heu kʼahˬ kʼahˬ lah ni laꞈ kʼoeˇ, nawˇ kʼaˇ jawˇ mawꞈ-eu tsahˇ-ahˇ jawˇ nya tehꞈ-a” lehˇ, Aˬbyaˬhaˬ-ahˇ Aˬbiˇmaˬlehˆ ehˇ nehˬ-euˬ meh.

1 Gawˇliˬtu 6:7

Naw maꞈ yaw kaˬ yaˇ kʼaˬ mehˬ dzaˬ laˆ doˆ-eu lehˇ ehˇ-eu teu-aˬ, naw maꞈ gʼaˇ duˬ smˬ dui dui-eu jeˬ pyeuꞈ-eu meh. Aˬ cawˬ neh yaw doeˇ bi jahˇ-eu-aˬ, kʼoeˇ naˆ maˬ tseˇ maˬ gaˇ dzehˬ tehꞈ-a. Aˬ cawˬ neh tahˇ joe bi joe-eu kʼawꞈ, kʼoeˇ naˆ maˬ tseˇ maˬ gaˇ dzehˬ tehꞈ-a.

Lormav 12:18

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ ni, yawˬ ha kʼaˇ gʼeh nya-eu loꞈ-ehˇ leh jeh-awˇ dehꞈ-awˬ.

Jaceuq 120:7

Ngaˇ tsaˬ leˇ tsahˇ leˇ-eu jeˬ ja ngeh, guiˇ deuˆ-eu gaˇ kawˆ aˬ yawꞈ maꞈ ja-eu meh.

Aˇ dahˬ 13:8

Kʼoeˇ ngeh, Lawˇtaˬ-ahˇ Aˬbyaˬ ehˇ nehˬ-eu, “Aˇ nyaꞈ-aˬ, aˬ uiˬ hawˇ-eu aˬ duˇ lehˇ gʼeh-eu miˇ neh, nawˬ-euˬ tsawˇ haˬ hawˇ-eu ngaˬ-euˬ tsawˇ haˬ yaw kaˬ dawˬ ja bi laˆ doˆ-eu maˬ muiˬ-a.

Aˇ dahˬ 13:10

Miˇ kʼahˬ kʼoeˇ kʼahˬ doe doe-ehˇ Lawˇtaˬ jawˇ duˬ nawˬ haw-iˇ ngeh, Zoˇlaˆ meuˬ-ahˇ le-eu gaˇ ma kahˇ li jaˆ-eu Yawˇdaˬ lawˇ baˬ lawˇ deh kʼoeˇ baˬ ma baˬ dawˬ tawˆ luꞈ, Sahˬpaˬ Miˬyehˇ-euˬ yaˇ kmˇ loꞈ-ehˇ maˬ ehˇ, Iˇjiˇtuˆ miˇ kʼahˬ loꞈ-ehˇ maˬ ehˇ, iˇ cuꞈ jaˆ loꞈ-eu jawˇ duˬ pyeuꞈ gaˇ ya mawˇ-euˬ meh. (Aˇ yamˬ kʼoeˇ yamˬ laꞈ kʼoeˇ, Sawˇdoˬ meuˬ hawˇ-eu Gawˇmawˇlaˆ meuˬ-ahˇ Sahˬpaˬ Miˬyehˇ maˬ laˆ cawˆ-aˬ siˬ.)

Yeˬlaˬmiˇ 40:4

Nawˬ-euˬ laꞈ du-ahˇ paꞈ-euˬ shmˇ caˆ ngaˇ puiˇ-awˇ, nawˬ-ahˇ pyehˬ nehˬ-eu ma. Nawˇ ngaˬ nehˬ-ehˇ Baˬbuˇloˬ miˇ kʼahˬ-ahˇ le mawꞈ naˇ, le nya tehꞈ-a. Nawˬ-ahˇ ngaˇ yaw muiˬ paˬ-ehˇ haw nehˬ ma. Nawˇ maˬ le mawꞈ naˇ kʼawꞈ, tiˬ jeˬ-iˬ maˬ ngeuˇ-aˇ. Miˇ kʼahˬ heu kʼahˬ kʼahˬ lah ni laꞈ kʼoeˇ, nawˇ kʼaˇ iˇ mawꞈ-eu paw iˇ nya tehꞈ-a.”