Aˇ dahˬ 12:7 - Akha

⁷ Kʼoeˇ ngeh, Aˬbyaˬ-euˬ mehˬ shi Sahˬpaˬ Miˬyehˇ doˆ le-awˇ, “Miˇ kʼahˬ heu kʼahˬ-aˬ, nawˬ-euˬ zaˬ nawˬ-euˬ uˆ deuˬ-ahˇ biꞈ-eu gʼaˇ duˬ, ngaˬ neh lehˬ hmˬ taˬ-euˬ miˇ kʼahˬ pyeuꞈ-eu ma” lehˇ ehˇ nehˬ-euˬ meh. Aˬbyaˬ-aˬ, aˬ yawꞈ-euˬ mehˬ shi doˆ le-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-eu gʼaˇ duˬ, kʼoeˇ gaˇ lawˇ duˬ tiˬ tsahˇ tsoˆ-euˬ meh.

Aˇ dahˬ 12:7 Referans Kwoze

Gaˬlaˬtiˆ 3:16

Miˬyehˇ-aˬ, Aˬbyaˬhaˬ hawˇ-eu aˬ yawꞈ-euˬ zaˬ-ahˇ saˇ jaˇ dzaˬ-euˬ meh. Jaˇliꞈ laꞈ kʼoeˇ Aˬbyaˬhaˬ-euˬ “zaˬ deuˬ uˆ deuˬ” lehˇ maˬ ehˇ taˬ-aˬ. Kʼoeˇ miˇ neh tsawˇ haˬ gʼawˬ mya ni-ahˇ saˇ jaˇ dzaˬ-euˬ lehˇ ehˇ mawꞈ-eu maˬ ngeuˇ-a. Aˬbyaˬhaˬ-euˬ “zaˬ” lehˇ, tiˬ gʼaˬ-ahˇ tehꞈ-ehˇ ehˇ taˬ-euˬ meh. Ka li tiˬ gʼaˬ-ahˇ tehꞈ-ehˇ saˇ jaˇ dzaˬ-euˬ gaˇ ehˇ mawꞈ-eu meh.

Aˇ dahˬ 17:8

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 18:1

Muiˬ-eu shawˇ-eu Mamˬliˬ aˇ bawˇ bawˇ yaˇ-ahˇ, Aˬbyaˬhaˬ jawˇ gaˇ Sahˬpaˬ Miˬyehˇ oe-euˬ meh. Nah gʼahˇ paw nahˇ tsaˇ kʼaˆ ngeh yamˬ-ahˇ, sehˬ gʼawˆ gʼoˆ kʼehˬ-ahˇ Aˬbyaˬhaˬ nuiˇ luꞈ-eu meh.

Aˇ dahˬ 13:15

Nawˬ neh kʼaˇ haw mawˇ jiˇ-euˬ miˇ kʼahˬ dawˬ tawˆ luꞈ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ-eu lehˇ ngaˇ lehˬ hmˬ taˬ-euˬ ma. Miˇ kʼahˬ heu kʼahˬ-aˬ, mˬ maˬ maˬ byaˆ zaˇ ziˇ naw maꞈ-euˬ miˇ kʼahˬ pyeuꞈ tehꞈ-a.

Aˇ dahˬ 13:4

Jawˇ duˬ kʼoeˇ tsahˇ-aˬ, dzeuˇ laˇ ngeh aˬ yawꞈ neh lawˇ duˬ tiˬ hmˬ tsoˆ taˬ yaꞈ-euˬ jawˇ duˬ pyeuꞈ-eu meh. Kʼoeˇ gaˇ Sahˬpaˬ Miˬ yehˇ-ahˇ aˬ yawꞈ uˬ duˬ tahˬ-euˬ meh.

Aˇ dahˬ 13:18

Kʼoeˇ naˇ, Aˬbyaˬ luˆ-iˇ-awˇ, Heˬbyoˬ meuˬ dawˬ peh jaˆ-eu Mamˬliˬ aˇ bawˇ bawˇ yaˇ dawˬ peh sehˬ gʼawˆ gʼawˆ-awˇ jawˇ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, lawˇ duˬ tiˬ tsahˇ kʼoeˇ gaˇ aˬ yawꞈ tsoˆ-euˬ meh.

Doˆ-iˇ 33:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ hawˇ-eu nawˬ neh Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-euˬ tsawˇ haˬ deuˬ, jawˇ duˬ heu tsahˇ-ahˇ neh doˆ-iˇ-awˇ, Aˬbyaˬhaˬ, Iˇtsaˆ, Yaˬkoˆ hawˇ-eu aˬ yawꞈ maꞈ-euˬ zaˬ deuˬ uˆ deuˬ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ miˇ kʼah kʼoeˇ kʼahˬ-ahˇ le-awˬ.

Aˇ dahˬ 32:30

“Ngaˇ Miˬyehˇ-ahˇ myaˆ pyawˬ ciˬ daˬ-awˇ ya mawˇ-euˬ kʼawꞈ, maˬ ya shiˇ-aˬ” lehˇ Yaˬkoˆ ehˇ-awˇ, jawˇ duˬ kʼoeˇ tsahˇ-ahˇ Peˬniˬlaˇ lehˇ myahˇ nehˬ-euˬ meh.

Aˇ dahˬ 26:25

Kʼoeˇ gaˇ, Iˇtsaˆ lawˇ duˬ tiˬ tsahˇ tsoˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh. Aˬ yawꞈ kʼoeˇ gaˇ jawˇ duˬ dah-awˇ, aˬ yawꞈ-euˬ zaˬ kʼaˆ deuˬ lah duˬ tiˬ duˬ paˇ duˬ-euˬ meh.

Bawˇtsahˬ 32:11

Aˬ yawꞈ maꞈ ngaˬ-ahˇ saˇ jaˇ maˬ ziꞈ-eu miˇ neh, Iˇjiˇtuˆ miˇ kʼahˬ laꞈ kʼoeˇ neh kʼaˇ doˆ le-euˬ tsawˇ haˬ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ tsawˇ haˬ deuˬ tiˬ gʼaˬ-iˬ, Aˬbyaˬhaˬ, Iˇtsaˆ hawˇ-eu Yaˬkoˆ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ maˬ ya le uˇ-a lehˇ ngaˇ kamˬ-eu ma lehˇ ehˇ tsehˆ-euˬ meh.

Aˇ dahˬ 12:8

Kʼoeˇ naˇ, laꞈ oˆ paw jaˆ-eu Beˬdeˬlaˇ meuˬ-euˬ nahˇ ma doˆ kʼehˬ paw, gawˬ jawˬ gawˬ duˇ jaˆ-eu jawˇ duˬ-ahˇ aˬ yawꞈ iˇ-awˇ, nahˇ ma ga kʼehˬ paw jaˆ-eu Beˬdeˬlaˇ meuˬ hawˇ-eu, nahˇ ma doˆ kʼehˬ paw jaˆ-eu Aˬiˇ meuˬ-euˬ yaw kaˬ-ahˇ, sehˬ gʼawˆ gʼawˆ-awˇ jawˇ-euˬ meh. Kʼoeˇ gaˇ kʼawꞈ, lawˇ duˬ tiˬ tsahˇ aˬ yawꞈ tsoˆ-awˇ, Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ-euˬ meh.

HeˬByehˇ 11:13

Tsawˇ haˬ heu deuˬ dawˬ tawˆ luꞈ, jah-eu jeˬ laꞈ kʼoeˇ shiˇ-euˬ meh. Miˬyehˇ neh saˇ jaˇ dzaˬ taˬ-euˬ jeˬ-ahˇ aˬ yawꞈ maꞈ maˬ za-aˬ. Ehˇ kʼawꞈ, Miˬyehˇ neh saˇ jaˇ dzaˬ taˬ-euˬ jeˬ byah laˇ gaˇ, gaˇ mahˇ kaˬ gaˇ neh aˬ yawꞈ maꞈ ya mawˇ-awˇ laˬ kʼaˬ cehˇ nui kʼahˇ shiˇ-eu laꞈ kʼoeˇ, aˬ yawꞈ maꞈ miˇ tsaˬ kʼoeˇ taˆ tiˬ kʼehˬ tiˬ yamˬ jawˇ naˬ mˇ-eu daˬ yah tehꞈ ma lehˇ ehˇ-eu meh.

Lormav 9:8

Ehˇ mawꞈ-eu dawˬ tsuiꞈ-aˬ, kʼaˇ dehꞈ doˆ le-euˬ zaˬ deuˬ Miˬyehˇ-euˬ zaˬ maˇ maˇ ni maˬ ngeuˇ-a. Ehˇ kʼawꞈ, Miˬyehˇ neh saˇ jaˇ dzaˬ-awˇ bi dehꞈ doˆ le-euˬ Aˬbyaˬhaˬ-euˬ zaˬ deuˬ uˆ deuˬ-aˬ, maˇ maˇ ni gʼeh-eu Miˬyehˇ-euˬ zaˬ deuˬ uˆ deuˬ meh.

Aˇ dahˬ 22:9

Miˬyehˇ neh ehˇ taˬ-euˬ jawˇ duˬ kʼoeˇ tsahˇ-ahˇ aˬ nyaꞈ da zaˬ le keuˆ ngeh, Aˬbyaˬhaˬ lawˇ guiˇ tsoˆ-awˇ, miˬ dzaˬ gahˬ daˆ-euˬ meh. Aˬ yawꞈ-euˬ aˬ li-ahˇ aˬ yawꞈ paꞈ cuꞈ-awˇ, lawˇ duˬ kʼoeˇ taˆ gahˬ daˆ taˬ-euˬ miˬ dzaˬ kʼoeˇ taˆ baꞈ daˆ-euˬ meh.

Aˇ dahˬ 17:3

Aˬbyaˬ baˬ ba miˇ tsa tuˆ ni awˆ byaˆ-awˇ, Miˬyehˇ-ahˇ uˬ duˬ tahˬ-euˬ meh. Kʼoeˇ ngeh, Miˬyehˇ heu loꞈ-ehˇ paˇ ehˇ-eu meh.

Aˇ dahˬ 15:18

Kʼoeˇ ngeh, jawˇ duˬ kʼoeˇ tsahˇ-ahˇ Aˬbyaˬ nehˬ-ehˇ Sahˬpaˬ Miˬyehˇ dawˬ ma saˇ jaˇ dzaˬ taꞈ-euˬ meh. Sahˬpaˬ Miˬyehˇ ehˇ-eu, “Iˇjiˇtuˆ miˇ kʼahˬ-euˬ miˇ kaˬ-ahˇ neh Uˇpaˬlaˇ lawˇ baˬ-ahˇ keuˆ ni jaˆ-eu miˇ kʼahˬ kʼahˬ ma kʼoeˇ kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ ma lehˇ ngaˇ saˇ jaˇ dzaˬ-eu ma.

Gaˬlaˬtiˆ 4:28

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-aˬ, Iˇtsaˆ loꞈ-ehˇ Miˬyehˇ neh saˇ jaˇ dzaˬ taˬ-euˬ miˇ neh dehꞈ le-euˬ Miˬyehˇ-euˬ zaˬ deuˬ pyeuꞈ-eu meh.

Dawˬmehˬ 30:20

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ. Aˬ yawꞈ-euˬ ehˇ dawˬ naˇ haˬ-awˇ, aˬ yawꞈ-ahˇ saˇ jaˇ ziꞈ-awˬ. Kʼoeˇ loꞈ-ehˇ jahˇ naˇ, nawˬ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, nawˇ hawˇ-eu nawˬ-euˬ zaˬ deuˬ gʼawˬ myahˇ ni ya jawˇ tehꞈ-a.”

Dawˬmehˬ 6:10

“Naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ, Yaˬkoˆ, aˬ ha maꞈ-ahˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ neh maˬ tsoˆ-euˬ, dzaˬ ngeh maˬ jiˇ dawˇ ngeh maˬ shuꞈ-eu meuˬ meuˬ ma deuˬ jaˆ-eu miˇ kʼahˬ, naw maꞈ-ahˇ aˬ yawꞈ biꞈ nehˬ laꞈ tehꞈ-a.

Dawˬmehˬ 1:8

Miˇ kʼahˬ heu dawˬ tawˆ luꞈ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ maˬ ehˇ, aˬ yawꞈ maꞈ-euˬ zaˬ deuˬ uˆ deuˬ-ahˇ maˬ ehˇ, biꞈ ma lehˇ Sahˬpaˬ Miˬyehˇ pyeuꞈ-eu ngaˇ saˇ jaˇ dzaˬ taˬ-euˬ ma. Naw maꞈ iˇ-awˇ kʼoeˇ gaˇ jawˇ-iˇ-awˬ’ lehˇ ehˇ-eu meh.”

Doˆ-iˇ 6:3

Aˬ byaˬ haˬ, Iˇtsaˆ hawˇ-eu Yaˬkoˆ-ahˇ, Baoˬ huiˬ-eu Miˬyehˇ loꞈ-ehˇ ngaˬ-euˬ gʼawˇ mawˇ ngaˇ pah mehˬ nehˬ-euˬ ma. Ehˇ kʼawꞈ, Sahˬpaˬ Miˬyehˇ lehˇ kuˇ-eu muiˬ-eu shawˇ-eu ngaˬ-euˬ tsawˇ myahˇ aˬ yawꞈ maꞈ-ahˇ maˬ bi siˬ-aˬ.

Aˇ dahˬ 33:20

Kʼoeˇ gaˇ lawˇ duˬ tiˬ hmˬ aˬ yawꞈ tsoˆ-awˇ, Iˇsaˬleˬlaˆ Miˬyehˇ-euˬ tsawˇ myahˇ yuˇ-awˇ, jawˇ duˬ kʼoeˇ tsahˇ-ahˇ Eˇloˬheˬ Iˇsaˬleˬlaˆ lehˇ myahˇ nehˬ-euˬ meh.

Aˇ dahˬ 28:13

Sahˬpaˬ Miˬyehˇ aˬ yawꞈ dawˬ peh yawꞈ-awˇ ehˇ-eu, “Ngaˇ-aˬ, Aˬbyaˬhaˬ hawˇ-eu Iˇtsaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˇ yuꞈ luꞈ-eu miˇ tsaˬ heu tsahˇ, nawˇ hawˇ-eu nawˬ-euˬ zaˬ deuˬ-ahˇ ngaˇ biꞈ ma.

Aˇ dahˬ 26:3

Nawˇ heu gaˇ jawˇ naˇ, nawˬ nehˬ-ehˇ ngaˇ jawˇ-awˇ nawˬ-ahˇ ngaˇ guiˬ lahˬ biꞈ nehˬ ma. Miˇ kʼahˬ heu kʼahˬ kʼahˬ lah ni nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Nawˬ da Aˬbyaˬhaˬ nehˬ-ehˇ ngaˬ neh dzaˬ taˬ-euˬ saˇ jaˇ-ahˇ ngaˇ mˇ byah ma.

Aˇ dahˬ 8:20

Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, lawˇ duˬ tiˬ tsahˇ Noˇaˬ tsoˆ-euˬ meh. Zahˇ jahˇ gaˇ geuꞈ nya-eu jeˬ zaˬ aˇ jiˇ yaw shawˇ jeˬ dawˬ tawˆ luꞈ laꞈ kʼoeˇ, tiˬ jeˬ-euˬ tiˬ gu yuˇ-awˇ, gʼawˇ mawˇ mawˇ lah-ehˇ lawˇ duˬ kʼoeˇ taˆ dzah puiˆ-awˇ lawˇ-euˬ meh.

Gʼaˬkʼehˇ 7:5

Kʼoeˇ ngeh, Miˬyehˇ aˬ yawꞈ-ahˇ miˇ tsaˬ laꞈ zaˬ tiˬ daˬ hui ni kʼawꞈ maˬ biꞈ-aˬ. Ehˇ kʼawꞈ, miˇ kʼahˬ kʼoeˇ kʼahˬ aˬ yawꞈ-ahˇ biꞈ-awˇ, aˬ yawꞈ-euˬ miˇ kʼahˬ hawˇ-eu aˬ yawꞈ-euˬ zaˬ deuˬ uˆ deuˬ-euˬ miˇ kʼahˬ bi pyeuꞈ laˇ ma lehˇ, Miˬyehˇ neh saˇ jaˇ dzaˬ-euˬ meh. Miˬyehˇ kʼoeˇ loꞈ-ehˇ saˇ jaˇ dzaˬ ngeh, Aˬbyaˬhaˬ zaˬ tiˬ gʼaˬ-iˬ maˬ jawˇ le-aˬ siˬ.

HeˬByehˇ 11:8

Miˬyehˇ neh Aˬbyaˬhaˬ-ahˇ biꞈ-eu lehˇ saˇ jaˇ dzaˬ taˬ-euˬ miˇ kʼahˬ-ahˇ iˇ-eu gʼaˇ duˬ Miˬyehˇ kuˇ ngeh, Aˬbyaˬhaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Yawˬ ha aˬ gaˇ ya iˇ-eu maˬ siˬ nya kʼawꞈ, aˬ yawꞈ-euˬ miˇ kʼahˬ-ahˇ byehˇ dzeh yaꞈ-awˇ doˆ-iˇ-euˬ meh.

Aˇ dahˬ 24:7

Mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-aˬ, ngaˬ da-euˬ nymˇ hawˇ-eu ngaˬ-euˬ aˬ yuiꞈ aˬ nyiˇ deuˬ jawˇ-eu miˇ kʼahˬ-ahˇ neh ngaˬ-ahˇ bi doˆ le-awˇ, miˇ kʼahˬ heu kʼahˬ ngaˬ-euˬ zaˬ ngaˬ-euˬ uˆ deuˬ-ahˇ biꞈ ma lehˇ, dawˬ ma saˇ jaˇ dzaˬ taˬ-euˬ jaˆ-eu meh. Ngaˬ li gʼaˇ duˬ miˬ zaˬ tiˬ gʼaˬ nawˇ poˆ mawˇ nya ni, Sahˬpaˬ Miˬyehˇ aˬ yawꞈ-euˬ gʼaˬ kʼehˇ-ahˇ, nawˬ-euˬ mehˬ hu pyehˬ gʼeh tehꞈ-a.

Doˆ-iˇ 6:4

Aˬ yawꞈ maꞈ nehˬ-ehˇ ngaˇ dawˬ ma saˇ jaˇ dzaˬ-eu laꞈ kʼoeˇ, boeˇ miˬ siˬ kʼaˬ loꞈ-ehˇ aˬ yawꞈ maꞈ ya dehꞈ ya jawˇ yaꞈ-euˬ Kaˬnaˬ miˇ kʼahˬ kʼoeˇ, aˬ yawꞈ maꞈ-ahˇ ngaˇ biꞈ ma lehˇ, ehˇ tsehˆ taˬ-euˬ ma.

Doˆ-iˇ 32:13

Aˬbyaˬhaˬ, Iˇtsaˆ hawˇ-eu, Yaˬkoˆ-ahˇ noeˬ keuˆ-awˬ. Aˬ yawꞈ maꞈ nehˬ-ehˇ nawˇ dawˬ ma saˇ jaˇ dzaˬ-awˇ, aˬ yawꞈ maꞈ-euˬ zaˬ deuˬ uˆ deuˬ, mˬ kʼoeˇ taˆ tsehˬ-eu aˬ guiˇ loꞈ-ehˇ bi myaˬ bi behˇ laˇ-awˇ, nawˬ neh aˬ yawꞈ maꞈ-ahˇ biꞈ ma lehˇ saˇ jaˇ dzaˬ taˬ-euˬ miˇ kʼahˬ dawˬ tawˆ luꞈ, aˬ yawꞈ maꞈ-euˬ zaˬ deuˬ-ahˇ mˬ maˬ maˬ byaˆ zaˇ ziˇ biꞈ tsehˆ ma lehˇ ehˇ taˬ-euˬ gaˇ noeˬ keuˆ-awˬ.”

Dawˬmehˬ 9:5

Naw maꞈ muiˬ-eu jaˬ-eu tsawˇ haˬ pyeuꞈ-awˇ, yaw tsaˬ yaw dawˇ jeˬ mˇ-eu miˇ neh, aˬ yawꞈ maꞈ-euˬ miˇ kʼahˬ kʼoeˇ, Sahˬpaˬ Miˬyehˇ naw maꞈ-ahˇ biꞈ-eu maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu tsawˇ haˬ pyeuꞈ-eu miˇ neh maˬ ehˇ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ, Yaˬkoˆ, aˬ ha maꞈ-ahˇ aˬ yawꞈ neh dzaˬ taˬ-euˬ saˇ jaˇ bi ziꞈ mawꞈ-eu miˇ neh maˬ ehˇ, tsawˇ haˬ kʼoeˇ deuˬ-ahˇ aˬ yawꞈ teh doˆ-euˬ jeˬ pyeuꞈ-eu meh.

Dawˬmehˬ 34:4

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ-eu, “Heu-aˬ, Aˬbyaˬhaˬ, Iˇtsaˆ hawˇ-eu Yaˬkoˆ aˬ ha maꞈ-ahˇ, aˬ yawꞈ maꞈ-euˬ zaˬ deuˬ uˆ deuˬ-ahˇ biꞈ-eu gʼaˇ duˬ ngaˬ neh saˇ jaˇ dzaˬ taˬ-euˬ miˇ kʼahˬ ma. Miˇ kʼahˬ heu nawˬ-ahˇ ngaˇ biꞈ mawꞈ kʼawꞈ, nawˇ maˬ ya uˇ keuˆ leˇ-a.”

1 Laˬsaˬbaˬ 16:16

Aˬbyaˬhaˬ-ahˇ dzaˬ-euˬ saˇ jaˇ, Iˇtsaˆ-ahˇ biꞈ-euˬ saˇ jaˇ kʼoeˇ, mˬ maˬ maˬ byaˆ zaˇ ziˇ taˬ ngehˇ.

Aˇ dahˬ 13:17

Nawˇ iˇ-awˇ, miˇ kʼahˬ kʼahˬ lah ni cah doe haw-iˇ-awˬ. Aˬ jeˬ miˇ neh ehˇ naˇ, miˇ kʼahˬ heu kʼahˬ kʼahˬ lah ni nawˬ-ahˇ biꞈ-eu lehˇ, ngaˇ lehˬ hmˬ taˬ-euˬ ma” lehˇ ehˇ nehˬ-euˬ meh.

Aˇ dahˬ 28:4

Aˬbyaˬhaˬ-ahˇ aˬ yawꞈ guiˬ lahˬ biꞈ nehˬ-euˬ loꞈ-ehˇ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ kʼawꞈ, aˬ yawꞈ guiˬ lahˬ biꞈ nehˬ laꞈ luꞈ-uˇ. Aˬbyaˬhaˬ-ahˇ Miˬyehˇ neh biꞈ-euˬ miˇ kʼahˬ pyeuꞈ-eu, nymˬ-mˇ nawˇ jawˇ luꞈ-eu miˇ kʼahˬ heu kʼahˬ, nawˬ-euˬ miˇ kʼahˬ pyeuꞈ laˇ luꞈ-uˇ.”

Aˇ dahˬ 35:7

Kʼoeˇ gaˇ, lawˇ duˬ tiˬ tsahˇ aˬ yawꞈ tsoˆ-awˇ, jawˇ duˬ kʼoeˇ tsahˇ-ahˇ Beˬdeˬlaˇ Miˬyehˇ-euˬ tsawˇ myahˇ myahˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ Iˇsawˇ-ahˇ guˆ-awˇ cehˆ luꞈ ngeh, jawˇ duˬ kʼoeˇ tsahˇ-ahˇ, aˬ yawꞈ-euˬ mehˬ shi Miˬyehˇ doˆ le-euˬ meh.

Aˇ dahˬ 35:12

Aˬbyaˬhaˬ hawˇ-eu Iˇtsaˆ-ahˇ ngaˬ neh biꞈ-euˬ miˇ kʼahˬ kʼoeˇ kʼahˬ, nawˇ hawˇ-eu aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma.”

Aˇ dahˬ 50:24

Aˬ yawꞈ-euˬ mehˇ nmˇ deuˬ-ahˇ aˬ yawꞈ ehˇ nehˬ-eu, “Ngaˇ ziˇ jiˇ le shaw-iˬ miˇ-a. Ehˇ kʼawꞈ, Miˬyehˇ naw maꞈ-ahˇ yaw muiˬ paˬ-ehˇ ngehˬ gʼeh dah teˬ nehˬ-eu laꞈ kʼoeˇ, miˇ kʼahˬ heu kʼahˬ laꞈ kʼoeˇ neh naw maꞈ-ahˇ sheuˬ doˆ gʼeh-awˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ-ahˇ aˬ yawꞈ neh saˇ jaˇ dzaˬ tsehˆ taˬ-euˬ miˇ kʼahˬ-ahˇ sheuˬ gʼeh nehˬ laꞈ tehꞈ-a” lehˇ ehˇ nehˬ-euˬ meh.

Doˆ-iˇ 17:15

Moˇseˬ lawˇ duˬ tiˬ tsahˇ tsoˆ-awˇ, lawˇ duˬ kʼoeˇ hmˬ-ahˇ, ‘Sahˬpaˬ Miˬyehˇ-aˬ, ngaˬ-euˬ Paˇloˬpaˇlehˇ pyeuꞈ-eu meh’ lehˇ myahˇ nehˬ-euˬ meh.

Doˆ-iˇ 24:4

Kʼoeˇ naˇ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ zahˇ sahˇ kʼoꞈ dawˬ tawˆ luꞈ, Moˇseˬ boꞈ-euˬ meh. Yawˬ nah yawˬ uˬ shawˬ yaw naꞈ-ehˇ, gawˬ jawˬ dawˬ dahˬ-ahˇ lawˇ duˬ tiˬ tsahˇ aˬ yawꞈ tsoˆ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ, kʼaˬ lo tseˇ nyiꞈ siˬ kʼahˬ tuˇ-euˬ meh.

Bawˇtsahˬ 26:53

“Tsawˇ haˬ aˇ gʼaˬ yaw myaˬ yaw cuiˆ-ahˇ haw-awˇ, tsawˇ jeuˬ heu deuˬ-ahˇ miˇ kʼahˬ biˇ nehˬ-awˬ.

Yawˇshuˆ 1:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ tsawˇ haˬ heu deuˬ jawˇ leˇ ngeh, aˬ yawꞈ maꞈ kʼoeˇ taˆ nawˇ aˬ yuiꞈ ya geuˬ tehꞈ-a.

Yawˇshuˆ 8:30

Kʼoeˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ, Eˇbaˬlaˇ gawˬ jawˬ kʼoeˇ taˆ, lawˇ duˬ ti tsahˇ Yawˇshuˆ gawˬ-euˬ meh.

Yawˇshuˆ 22:10

Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ deuˬ, yawˇ daˬ lawˇ baˬ nahˇ ma ga kʼehˬ paw jaˆ-eu Geˬliˇlawˆ meuˬ-ahˇ oe keuˆ ngeh, lawˇ baˬ lawˇ deh-ahˇ huiˬ dui dui-eu lawˇ duˬ tiˬ hmˬ gawˬ-euˬ meh.

Yaˇ kʼaˬ daˇ 6:24

Sahˬpaˬ Miˬyehˇ gʼaˇ duˬ, Giˇdoˬ kʼoeˇ gaˇ lawˇ duˬ tiˬ hmˬ gawˬ-awˇ, “Sahˬpaˬ Miˬyehˇ-aˬ, nui saˇ oꞈ-eu jeˬ pyeuꞈ-eu meh” lehˇ myahˇ nehˬ-euˬ meh. (Lawˇ duˬ kʼoeˇ hmˬ-aˬ, Aˬbyeˇzaˬ aˇ jeuˬ-euˬ Awˇpaˬlaˇ pu-ahˇ iˬ nah keuˆ ni jaˆ luꞈ meh.)

1 Saˬmeuˬlaˆ 7:17

Kʼoeˇ naˇ, aˬ yawꞈ jawˇ-eu Laˬmahˇ meuˬ-ahˇ paˇ gʼoꞈ-iˇ-awˇ, kʼoeˇ gaˇ kʼawꞈ yaˇ kʼaˬ daˇ nehˬ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, Laˬmahˇ meuˬ laꞈ kʼoeˇ lawˇ duˬ tiˬ tsahˇ aˬ yawꞈ gawˬ-euˬ meh.

2 Saˬmeuˬlaˆ 24:25

Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ aˬ yawꞈ gawˬ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu je lawˇ nehˬ-euˬ meh. Kʼoeˇ ngeh, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ geuꞈ nehˬ-awˇ, Iˇsaˬleˬlaˆ tsawˇ haˬ deuˬ-euˬ kʼoeˇ taˆ bi keuˆ le-euˬ yaw jaw naˇ-eu naˇ gawˇ kʼoeˇ byoˆ-iˇ-euˬ meh.

1 Sahˬpaˬ 18:32

Kʼaˬ lo kʼoeˇ deuˬ yuˇ-awˇ, Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ lawˇ duˬ tiˬ tsahˇ aˬ yawꞈ gawˬ-euˬ meh. Lawˇ duˬ-euˬ jawˬ jawˬ-ehˇ, iˇ cuꞈ iˇ puˬ oeˬ siˬ-ahˇ dahˬ-eu iˇ cuꞈ shehˆ ahˇ kʼaˇ deˇ-eu kʼawˇ lawˬ tiˬ lawˬ, aˬ yawꞈ duˬ caˬ caˬ-euˬ meh.

1 Laˬsaˬbaˬ 16:18

“Kaˬnaˬ miˇ kʼahˬ nawˬ-ahˇ biꞈ-awˇ, nawˬ-euˬ bi pyeuꞈ tsehˆ-euˬ ma” lehˇ, dzaˬ taˬ-euˬ saˇ jaˇ jaˆ-eu meh.

2 Laˬsaˬbaˬ 20:7

Nawˇ-aˬ, nga maꞈ-euˬ Miˬyehˇ ma. Nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ miˇ kʼahˬ heu kʼahˬ-ahˇ uˇ laˇ ngeh, heu gaˇ jawˇ luꞈ-eu tsawˇ haˬ deuˬ-ahˇ nawˇ teh dzeh-awˇ, nawˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-ahˇ miˇ kʼahˬ heu kʼahˬ nawˇ biꞈ tsehˆ nehˬ-euˬ meh.

2 Laˬsaˬbaˬ 20:11

Ehˇ kʼawꞈ, nga maꞈ-ahˇ aˬ yawꞈ maꞈ heu loꞈ-ehˇ jahˇ kʼoꞈ nehˬ laꞈ-eu meh. Nawˬ neh biꞈ laꞈ-euˬ miˇ kʼahˬ laꞈ kʼoeˇ nga maꞈ-ahˇ maˬ bi jawˇ ni teh dzeh-eu lehˇ aˬ yawꞈ maꞈ oe luꞈ-eu meh.

Eˇzaˬlaˬ 3:2

Miˬyehˇ-euˬ tsawˇ haˬ pyeuꞈ-eu Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ loꞈ-ehˇ miˬ dzaˬ-ahˇ dzah puiˆ-awˇ lawˇ-eu jeˬ lawˇ nya shehˇ nya ni, Yeˬhawˇzaˬdaˆ-euˬ aˬ li Yawˇshuˆ hawˇ-eu aˬ yawꞈ-euˬ cawˬ piˇ ma deuˬ maˬ ehˇ, Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu aˬ yawꞈ-euˬ aˬ yuiꞈ aˬ nyiˇ deuˬ maˬ ehˇ, tiˬ kawˆ loꞈ-ehˇ Iˇsaˬleˬlaˆ tsawˇ jeuˬ-euˬ Miˬyehˇ-euˬ lawˇ duˬ gawˬ-euˬ meh.

Yeˬlaˬmiˇ 3:18

Iˇsaˬleˬlaˆ hawˇ-eu Yuˇdaˆ tiˬ gaˇ gm leˇ-awˇ, laꞈ taˆ paw jaˆ-eu miˇ kʼahˬ -ahˇ aˬ cawˬ neh bi nyehꞈ byoˆ gʼeh-euˬ gaˇ neh gʼoꞈ ka le-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ tsehˆ taˬ-euˬ miˇ kʼahˬ-ahˇ ya gʼoꞈ jawˇ le tehꞈ-a.”