Aˇ dahˬ 10:10 - Akha

¹⁰ Yaw beh aˬ yawꞈ-euˬ miˇ kʼahˬ-aˬ, Baˬbuˇloˬ miˇ kʼahˬ-ahˇ jaˆ-eu Baˬbuˇloˬ meuˬ, Ehˇlehˆ meuˬ, Aˬkaˆ meuˬ, heu smˇ meuˬ meh.

Aˇ dahˬ 10:10 Referans Kwoze

Aˇ dahˬ 11:9

Meuˬ kʼoeˇ meuˬ-ahˇ Baˬbuˇloˬ lehˇ kuˇ-euˬ meh. Aˬ jeˬ miˇ neh ehˇ naˇ, meuˬ kʼoeˇ meuˬ laꞈ kʼoeˇ tsawˇ haˬ zaˬ deuˬ dawˬ maˬ ngehˬ cawˬ taꞈ nya ni, aˬ yawꞈ maꞈ-euˬ dawˬ-ahˇ Sahˬpaˬ Miˬyehˇ laˆ bahˬ laˆ baˆ nehˬ-awˇ, aˬ yawꞈ maꞈ-ahˇ miˇ kʼahˬ doe ni bi jawˇ byaˆ jiˇ-euˬ meh.

Aˇ dahˬ 11:2

Aˬ yawꞈ maꞈ jawˇ duˬ maˬ ziꞈ leˇ dah-ehˇ, nahˇ ma doˆ kʼehˬ paw doe doe-ehˇ pawˇ pawˇ-ehˇ jawˇ luꞈ ngeh, Baˬbuˇloˬ miˇ kʼahˬ laꞈ kʼoeˇ deh saˇ tiˬ tsahˇ iˇ zaˬ-awˇ, kʼoeˇ gaˇ jawˇ duˬ dah-euˬ meh.

Miˇkaˬ 4:10

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, zaˬ baw-eu shaˬ luꞈ-eu zaˬ miˬ zaˬ tiˬ gʼaˬ loꞈ-ehˇ teuˆ teuˆ-ehˇ ngoeˇ-awˬ. Aˬ jeˬ miˇ neh ehˇ naˇ, nymˬ-mˇ neh naw maꞈ meuˬ laꞈ nyiˇ ya doˆ-iˇ-awˇ, deh ga buˇ deˬ-ahˇ ya jawˇ-iˇ tehꞈ-a. Baˬbuˇloˬ miˇ kʼahˬ-ahˇ naw maꞈ ya jawˇ-iˇ tehꞈ-a. Ehˇ kʼawꞈ, muiˇ-eu deuˬ-euˬ laꞈ-ahˇ neh, kʼoeˇ gaˇ Sahˬpaˬ Miˬyehˇ naw maꞈ-ahˇ ka kʼoꞈ tehꞈ-a.

Aˇ dahˬ 14:1

Baˬbuˇloˬ sahˬ paˬ Aˬlaˬpeˬ -laˇ, Eˇlaˬsaˬ sahˬ paˬ Aˬliˇoˬ, Eˇlamˬ sahˬ paˬ Sheˬdawˇlawˇmaˬ, Gawˇiˆ sahˬ paˬ Tiˇdaˬ, heu oeˬ gʼaˬ gm leˇ-awˇ,

Zaˬkaˬliˇ 5:11

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Baˬbuˇloˬ miˇ kʼahˬ-ahˇ tsi gʼeh-awˇ, pawˬ tuˇ kʼoeˇ siˬ gʼaˇ duˬ, kʼoeˇ gaˇ uˬ duˬ tahˬ nymˇ tiˬ nymˇ tsoˆ-eu lehˇ gʼeh-eu meh. Uˬ duˬ tahˬ nymˇ kʼoeˇ nymˇ tsoˆ gʼaˬ naˇ, pawˬ tuˇ kʼoeˇ siˬ kʼoeˇ gaˇ bi jaˆ-awˇ, uˬ duˬ tahˬ tehꞈ-a.”

Miˇkaˬ 5:6

Guiˇ deuˆ-eu keu ka neh Aˬshuˇliˆ miˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Aˬshuˇliˆ tsawˇ haˬ deuˬ aˬ dui-euˬ miˇ kʼahˬ-ahˇ uˇ le ngeh, Aˬshuˇliˆ tsawˇ jeuˬ-euˬ laꞈ-ahˇ neh aˬ dui maꞈ-ahˇ aˬ yawꞈ maꞈ ka kʼoꞈ tehꞈ-a.

Aˬmoˆ 6:2

Kaˬlaˬneˬ meuˬ-ahˇ iˇ-awˇ haw-iˇ-awˬ. Kʼoeˇ naˇ, huiˬ-eu Haˬmaˆ meuˬ-ahˇ iˇ-awˇ, Gaˬdaˇ meuˬ-ahˇ iˇ ka gʼeh-awˬ. Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ naˆ maˬ tseˇ miˇ kʼahˬ kʼoeˇ kʼahˬ muiˬ dzehˬ nga loˇ lehˇ haw-iˇ-awˬ. Aˬ yawꞈ maꞈ-euˬ miˇ kʼahˬ naw maꞈ-euˬ miˇ kʼahˬ naˆ maˬ tseˇ jeˇ ta loˇ.

Yeˬlaˬmiˇ 50:21

Sahˬpaˬ Miˬyehˇ heu loꞈ-ehˇ ehˇ-eu meh. “Meˬlaˬdeˬ miˇ kʼahˬ hawˇ-eu Peˬkawˇ miˇ kʼahˬ-ahˇ jawˇ-eu tsawˇ haˬ deuˬ-ahˇ guiˇ deuˆ-awˇ, aˬ yawꞈ maꞈ-ahˇ sehꞈ-awˇ laˆ cawˆ nehˬ-awˬ. Ngaˬ neh dawˬ kʼaˇ biꞈ nehˬ-euˬ loꞈ-ehˇ mˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ taˬ-euˬ ma.

Iˇsaˬyaˇ 39:1

Aˇ yamˬ kʼoeˇ yamˬ laꞈ kʼoeˇ, sahˬ paˬ Heˬsaˬgiˇ jawˇ saˇ maˬ doˆ-eu gaˇ kawˆ-ahˇ, Baˬlaˬdaˬ-euˬ aˬ li pyeuꞈ-eu Baˬbuˇloˬ sahˬ paˬ Meˬlawˇdaˆbaˬlaˬbaˬ ya gaˬ-awˇ, sahˬ boꞈ tiˬ dzeh boꞈ ahˇ leꞈ-awˇ, laꞈ sawˬ biꞈ ha le-euˬ meh.

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Iˇsaˬyaˇ 10:9

Kaˬsheˬmiˇ meuˬ-ahˇ deuˆ gʼaˬ nehˬ-euˬ loꞈ-ehˇ, Kaˬlaˬnoˬ meuˬ-ahˇ deuˆ gʼaˬ nehˬ-euˬ maˬ ngeuˇ-a loˇ. Haˬmaˆ meuˬ hawˇ-eu Aˬpaˆ meuˬ-ahˇ, tiˬ gaˇ duˇ ni jahˇ nehˬ-awˇ, Saˬmaˬliˆ meuˬ hawˇ-eu Daˬmaˬsehˇ meuˬ-ahˇ, aˬ yawꞈ tiˬ jeˬ bi keuˆ le-euˬ maˬ ngeuˇ-a loˇ.

Daˬyeˬlaˇ 1:2

Sahˬpaˬ Miˬyehˇ neh aˬ yawꞈ-ahˇ sahˬ paˬ Yeˬhawˇyaˬkmˬ-ahˇ bi nyehꞈ mi-awˇ, Uˬ duˬ tahˬ nymˇ nymˇ ma-ahˇ jaˆ-eu pyuˇ shuiˇ myawˬ gahˬ tiˬ paˆ na deuˬ bi yuˇ geuꞈ-euˬ meh. Tsawˇ haˬ tiˬ paˆ na deuˬ-ahˇ nyehꞈ-awˇ, Baˬbuˇloˬ miˇ kʼahˬ-ahˇ jawˇ-eu aˬ yawꞈ-euˬ miˬ yehˇ deuˬ-euˬ uˬ duˬ tahˬ nymˇ-ahˇ nyehꞈ kʼoꞈ gʼeh-awˇ, guiˇ deuˆ za-euˬ pyuˇ shuiˇ myawˬ gahˬ deuˬ, uˬ duˬ tahˬ nymˇ kʼoeˇ deuˬ laꞈ kʼoeˇ jaˆ-eu myawˬ jeˬ hmˬ-eu kuˆ lawˆ deuˬ laꞈ kʼoeˇ bi jaˆ-euˬ meh.

Aˇ dahˬ 10:9

Aˬ yawꞈ-ahˇ Sahˬpaˬ Miˬyehˇ caw ba nehˬ-eu laꞈ kʼoeˇ, tsawˇ myahˇ doˆ dui dui-eu shaˬ jiˇ beuˆ-eu tsawˇ haˬ tiˬ gʼaˬ pyeuꞈ laˇ-euˬ meh. Kʼoeˇ miˇ neh, “Niˇyawˇdaˆ loꞈ-ehˇ tsawˇ myahˇ doˆ-eu shaˬ jiˇ beuˆ-eu tsawˇ haˬ pyeuꞈ laˇ ni, Sahˬpaˬ Miˬyehˇ caw ba luꞈ-uˇ” lehˇ, aˇ hu tsawˇ haˬ deuˬ dawˬ daˬ daˬ-euˬ meh.

Yeˬlaˬmiˇ 21:2

“Baˬbuˇloˬ sahˬ paˬ Neˬbuˬkaˬneˬzaˬ nga maꞈ-ahˇ guiˇ deuˆ le-euˬ miˇ neh, nga maꞈ-euˬ gʼaˇ duˬ Sahˬpaˬ Miˬyehˇ-ahˇ tiˬ poˆ ngehˬ cawˬ nehˬ laꞈ-awˬ. Sahˬpaˬ Miˬyehˇ kʼaˆ jeˬ-ehˇ gʼeh-eu jeˬ jahˇ-awˇ, Neˬbuˬkaˬneˬzaˬ-ahˇ teh gʼoꞈ nehˬ laꞈ-eu baw le.”

Yeˬlaˬmiˇ 50:1

Baˬbuˇloˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ taꞈ leˇ-awˇ, Sahˬpaˬ Miˬyehˇ neh ngaˬ-ahˇ biꞈ laꞈ-euˬ dawˬ heu loꞈ-ehˇ meh.

Yeˬsaˬgeˬlaˇ 27:23

Haˬlaˬ meuˬ, Gaˬnehˇ meuˬ hawˇ-eu, Eˬdeˬ meuˬ maˬ ehˇ, Sheˬba baw gaꞈ deuˬ maˬ ehˇ, Aˬshuˇliˆ meuˬ hawˇ-eu Ciˇlaˬmaˆ meuˬ maˬ ehˇ, dawˬ tawˆ luꞈ nawˬ nehˬ-ehˇ gaꞈ taꞈ ka taꞈ-eu meh.