Aˇ dahˬ 1:1 - Akha

¹ Aˇ dahˬ beh ngeh, mˬ hawˇ-eu miˇ-ahˇ Miˬyehˇ beh-euˬ meh.

Aˇ dahˬ 1:1 Referans Kwoze

HeˬByehˇ 11:3

Miˬyehˇ-euˬ dawˬ neh boeˬ boeˬ luˆ luˆ dawˬ tawˆ luꞈ-ahˇ beh-awˇ, maˬ mawˇ nya-eu jeˬ yuˇ-awˇ mawˇ nya-eu jeˬ jahˇ doˆ taˬ-euˬ meh lehˇ aˬ dui siˬ nya-eu heu-aˬ, jah-eu jeˬ baˬ da neh siˬ nya-eu jeˬ pyeuꞈ-eu meh.

Iˇsaˬyaˇ 45:18

Sahˬpaˬ Miˬyehˇ mˬ-ahˇ beh-euˬ meh. Aˬ yawꞈ-aˬ, Miˬyehˇ meh. Miˇ tsaˬ tahˬ kʼawˇ aˬ yawꞈ tehˆ-awˇ, ziꞈ dah ni laˆ ziꞈ taˬ-euˬ meh. Miˇ tsaˬ-ahˇ yawꞈ ngehꞈ-ehˇ beh taˬ-euˬ maˬ ngeuˇ-ehˇ, tsawˇ haˬ bi jawˇ-eu gʼaˇ duˬ beh-euˬ meh. Aˬ yawꞈ heu loꞈ-ehˇ ehˇ nehˬ-eu meh. “Ngaˇ Sahˬpaˬ Miˬyehˇ ma. Miˬ yehˇ nui gʼaˬ maˬ jawˇ.”

Panmaeq 4:11

“Nga maꞈ-euˬ Sahˬpaˬ Miˬyehˇ-oˇ, yawˬ jeˬ na luꞈ nawˬ neh beh-awˇ, nawˬ-euˬ nui kʼahˇ baˬ da baˇ neh, jaˆ luꞈ jawˇ luꞈ-eu baˬ da neh, yaw shehꞈ kʼahˬ sehˇ maˬ ehˇ, taˬ huiˬ taˬ mahˇ-eu jeˬ maˬ ehˇ, baoˬ maˬ ehˇ, nawˇ za geuˇ-eu meh.”

HeˬByehˇ 1:10

Aˬ yawꞈ heu loꞈ-ehˇ paˇ ehˇ taˬ-euˬ meh. Aˇ dahˬ beh ngeh miˇ tsaˬ heu-ahˇ, Sahˬpaˬ Miˬyehˇ nawˇ beh-euˬ meh. Kʼoeˇ taˆ jaˆ-eu mˬ kʼoeˇ deuˬ-ahˇ, nawˬ-euˬ aˬ laꞈ neh beh-euˬ meh.

Iˇsaˬyaˇ 42:5

Mˬ-ahˇ Miˬyehˇ beh-awˇ sheu taw-euˬ meh. Miˇ tsaˬ hawˇ-eu miˇ kʼoeˇ taˆ kʼaˇ jawˇ-eu jeˬ, Beh kuꞈ nehˬ-awˇ pyehˬ byah-euˬ meh. Miˇ kʼoeˇ taˆ jawˇ-eu tsawˇ haˬ dehꞈ-eu saꞈ laˇ za-awˇ, saꞈ gʼawˇ nya ni aˬ yawꞈ beh taˬ-euˬ meh. Nymˬ-mˇ, Sahˬpaˬ Miˬyehˇ pyeuꞈ-eu Miˬyehˇ, aˬ yawꞈ-euˬ zaˬ kʼaˆ-ahˇ heu loꞈ-ehˇ ehˇ-eu meh.

Doˆ-iˇ 20:11

Aˇ yamˬ koꞈ nah laꞈ kʼoeˇ, miˇ tsaˬ maˬ ehˇ, mˬ maˬ ehˇ, iˬ ma laˆ shaˆ maˬ ehˇ, heu deuˬ dawˬ tawˆ luꞈ laꞈ kʼoeˇ kʼaˇ jawˇ kʼaˇ jaˆ-eu yawˬ jeˬ na luꞈ maˬ ehˇ, ngaˇ beh-euˬ ma. Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ-aˬ, jawˇ nah pyeuꞈ-eu aˇ nah kʼoeˇ nah-ahˇ dawˬ ngehˬ gʼeh nehˬ-awˇ, muiˬ-eu shawˇ-eu aˇ nah bi pyeuꞈ laˇ-euˬ ma.

Yawˇbaˆ 38:4

Ngaˇ miˇ tsaˬ tahˬ kʼawˇ beh ngeh nawˇ kʼawꞈ kʼoeˇ gaˇ jawˇ teˬ loˇ. Nawˇ aˇ dzehˬ-ehˇ siˬ nya-eu tsawˇ haˬ ngeuˇ naˇ, gaˇ kawˆ kʼoeˇ ngaˬ-ahˇ dzawˇ mehˬ sheˇ.

Gʼaˬkʼehˇ 17:24

Miˇ tsaˬ tahˬ kʼawˇ hawˇ-eu kʼoeˇ-euˬ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ beh-euˬ yaw sahˇ Miˬyehˇ-aˬ, Mˬsahˇ Sahˬpaˬ Miˇsahˇ Sahˬma pyeuꞈ-awˇ, tsawˇ haˬ zaˬ-euˬ aˬ laꞈ neh tsoˆ-euˬ uˬ duˬ tahˬ nymˇ-ahˇ uˇ-eu maˬ ngeuˇ-a.

2 Beˬtuˆluˆ 3:5

Aˇ hu ba Miˬyehˇ dawˬ biꞈ-awˇ mˬ hawˇ-eu miˇ-ahˇ beh-euˬ gaˇ kawˆ maˬ ehˇ, iˇ cuꞈ laꞈ kʼoeˇ neh miˇ tsaˬ heu-ahˇ beh doˆ-awˇ, iˇ cuꞈ-ahˇ gʼoe-awˇ miˇ tsaˬ tahˬ kʼawˇ heu bi pyeuꞈ doˆ laˇ-euˬ gaˇ kawˆ maˬ ehˇ, aˬ yawꞈ maꞈ diˇ daˬ-ehˇ maˬ siˬ nya-eu jahˇ geuꞈ-eu meh.

Neˬhaˬmiˇ 9:6

Kʼoeˇ naˇ, Iˇsaˬleˬlaˆ tsawˇ haˬ deuˬ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-eu meh. Mˬ hawˇ-eu mˬ taˆ tsehˬ-eu aˬ guiˇ deuˬ, nawˬ neh beh taˬ-euˬ meh. Mˬ hawˇ-eu miˇ kʼoeˇ taˆ kʼaˇ jawˇ-eu jeˬ maˬ ehˇ, laˆ shaˆ hawˇ-eu kʼoeˇ gaˇ uˇ-eu boeˬ boeˬ luˆ luˆ maˬ ehˇ, dawˬ tawˆ luꞈ-ahˇ nawˇ beh taˬ-awˇ, dehꞈ-eu saꞈ laˇ nawˇ biꞈ-euˬ meh. Mˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ nawˬ-ahˇ uˬ duˬ tahˬ-eu meh.

Iˇsaˬyaˇ 44:24

“Ngaˇ naw maꞈ-ahˇ ka kʼoꞈ-eu Sahˬpaˬ Miˬyehˇ ma. Naw maꞈ-ahˇ beh-euˬ gʼaˬ ngaˇ ma. Ngaˇ-aˬ, yawˬ jeˬ na luꞈ-ahˇ beh-euˬ Sahˬpaˬ Miˬyehˇ ma. Mˬ sheu taw ngeh ngaˇ tehꞈ-ehˇ sheu taw-awˇ, ngaˇ miˇ tsaˬ-ahˇ beh ngeh tiˬ gʼaˬ-iˬ maˬ caw ba le-aˬ.

Yeˬlaˬmiˇ 32:17

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, huiˬ dui dui-eu nawˬ-euˬ baoˬ-ahˇ gʼoe-eu laꞈ kʼoeˇ nawˇ aˬ laꞈ cawˬ ja-awˇ, mˬ hawˇ-eu miˇ-ahˇ beh taˬ-euˬ meh. Nawˇ maˬ mˇ nya-eu tiˬ jeˬ-iˬ maˬ jaˆ-a.

Yeˬlaˬmiˇ 51:15

Sahˬpaˬ Miˬyehˇ aˬ yawꞈ-euˬ baoˬ hawˇ-eu, aˬ yawꞈ-euˬ zaˬ siˬ tsawˇ gahˇ-ahˇ gʼoe-awˇ, miˇ tsaˬ tahˬ kʼawˇ beh-awˇ mˬ sheu taw taˬ-euˬ meh.

Jaceuq 33:9

Yawꞈneh kʼaˇehˇkʼaˇpyeuꞈpyeuꞈ-awˇ, dawˬkʼaˇbiꞈ-euˬkeuˆle-eu meh.

Dawqdaq 3:19

Sahˬpaˬ Miˬyehˇ aˬ yawꞈ-euˬ zaˬ siˬ tsawˇ gahˇ-ahˇ gʼoe-awˇ, miˇ tsaˬ tahˬ kʼawˇ-ahˇ beh-euˬ meh. Aˬ yawꞈ-euˬ nui siˬ nui gahˇ-ahˇ gʼoe-awˇ, mˬ-ahˇ ciˬ tsaˬ taˬ-euˬ meh.

Panmaeq 14:7

Aˬ yawꞈ teˇ saˇ yaw kʼaˆ-ehˇ guˇ-awˇ ehˇ-eu, “Miˬyehˇ-ahˇ taˬ huiˬ taˬ mahˇ-awˇ, aˬ yawꞈ huiˬ dui mahˇ dui dui gaˇ ja ceuˬ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ yawꞈ yaˇ kʼaˬ daˇ-eu aˇ yamˬ keuˆ le-euˬ meh. Mˬ, miˇ, iˬ ma laˆ shaˆ hawˇ-eu, iˇ cuꞈ lawˇ gawˆ deuˬ-ahˇ beh-euˬ gʼaˬ-ahˇ uˬ duˬ tahˬ-awˬ.”

Jaceuq 115:15

Mˬ hawˇ-eu miˇ beh-euˬ Sahˬpaˬ Miˬyehˇ, naw maꞈ-ahˇ guiˬ lahˬ biꞈ luꞈ-uˇ.

Gʼaˬkʼehˇ 14:15

“Naw maꞈ aˬ jeˬ miˇ neh teu loꞈ-ehˇ jahˇ te. Nga nyaꞈ kʼawꞈ naw maꞈ loꞈ-ehˇ tsawˇ haˬ zaˬ ma. Gaˇ dahˇ maˬ tsoeˬ-eu gaˇ kawˆ heu deuˬ-ahˇ naw maꞈ byehˇ dzeh-awˇ, mˬ, miˇ, iˬ ma laˆ shaˆ hawˇ-eu kʼoeˇ gaˇ kʼaˇ jawˇ kʼaˇ jaˆ-eu yawˬ jeˬ na luꞈ-ahˇ beh-euˬ gʼaˬ pyeuꞈ-eu dehꞈ luꞈ-eu Miˬyehˇ jawˇ paw bi gʼoꞈ pyawˇ laˇ-eu gʼaˇ duˬ, nga nyaꞈ heu gaˇ Laˬ kʼaˬ cehˇ-eu Guiˬ lahˬ dawˬ mehˬ laˇ-euˬ ma.

Jaceuq 136:5

Aˬ yawꞈ-eu zaˬ siˬ tsawˇ gahˇ neh, mˬ-ahˇ aˬ yawꞈ beh-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Yeˬlaˬmiˇ 10:12

Sahˬpaˬ Miˬyehˇ baoˬ-ahˇ gʼoe-awˇ, miˇ beh beh taˬ-euˬ meh. Aˬ yawꞈ-euˬ zaˬ siˬ nui gahˇ-ahˇ gʼoe-awˇ, miˇ maˬ sheu kʼawˬ-awˇ mˬ maˬ toˆ pyeh-euˬ meh.

1 Gawˇliˬtu 8:6

Ehˇ kʼawꞈ, aˬ dui-euˬ gʼaˇ duˬ-aˬ, Miˬyehˇ tiˬ gʼaˬ jawˇ-eu tehꞈ ma. Aˬ yawꞈ-aˬ, dawˬ tawˆ luꞈ-ahˇ Beh-euˬ yaw sahˇ Aˬda pyeuꞈ-awˇ, aˬ yawꞈ gʼaˇ duˬ aˬ dui dehꞈ luꞈ-eu ma.

Jaceuq 8:3

Nawˬ-euˬkuiˇzaˇlaꞈzaˇ pyeuꞈ-eu, nawˬ-euˬmˬ-ahˇgʼawˇleuˇhaw-awˇ, nawˬneh ciˬceuˬbyah jiˇtaˬ-euˬ, ba la aˬguiˇdeuˬ-ahˇ haw ngeh,

Jaceuq 102:25

Aˇ hu ba neh miˇ tsaˬ tahˬ kʼawˇ nawˇ beh-awˇ, nawˬ-euˬ aˬ laꞈ neh mˬ sawˆ pyeuꞈ taˬ-euˬ meh.

HeˬByehˇ 3:4

Nymˇ yawˬ nymˇ na luꞈ tsoˆ-euˬ yaw sahˇ baw-eu meh. Yawˬ jeˬ na luꞈ-ahˇ tsoˆ-euˬ gʼaˬ-aˬ, Miˬyehˇ meh.

Jaceuq 124:8

Mˬ hawˇ-eu miˇ-ahˇ beh-euˬ Sahˬpaˬ Miˬyehˇ laꞈ kʼoeˇ, aˬ dui-ahˇ caw ba-eu jeˬ doˆ le-euˬ meh.

HeˬByehˇ 1:2

Ehˇ kʼawꞈ, aˇ saˬ saˬ-eu aˇ yamˬ pyeuꞈ-eu heu ziˇ laꞈ kʼoeˇ, aˬ yawꞈ-euˬ Zaˬmaˇ-ahˇ gʼoe-awˇ aˬ dui-ahˇ dawˬ ngehˬ cawˬ-euˬ meh. Mˬ hawˇ-eu miˇ dawˬ tawˆ luꞈ-ahˇ Miˬyehˇ beh ngeh, Zaˬmaˇ-ahˇ gʼoe-awˇ beh-euˬ meh. Zaˬmaˇ-aˬ, aˇ saˬ saˬ ngeh kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ jeˬ biˇ za-euˬ gʼaˬ pyeuꞈ ni Miˬyehˇ neh tseˇ doˆ-euˬ meh.

Dawqdaq 16:4

Yawˬ jeˬ na luꞈ Sahˬpaˬ Miˬyehˇ neh noeˬ tmˬ duˬ beh ahˇ taˬ-awˇ, yaw haiˬ deuˬ-euˬ noeˬ tmˬ duˬ-aˬ, luˬ-iˇ seˇ-iˇ-eu jeˬ meh.

Jaceuq 33:6

SahˬpaˬMiˬyehˇdawˬbiꞈnehˬ-awˇ, mˬdawˬtawˆ-ahˇbeh taˬ-euˬmeh. Mˬtaˆ aˬguiˇ ba la nahˇma, aˬyawꞈ-euˬsaꞈneh beh-euˬmeh.

Jaceuq 121:2

Mˬ hawˇ-eu miˇ-ahˇ beh-euˬ gʼaˬ pyeuꞈ-eu, Sahˬpaˬ Miˬyehˇ-euˬ laꞈ kʼoeˇ neh, ngaˬ-ahˇ caw ba-eu jeˬ doˆ le-eu meh.

Zaˬkaˬliˇ 12:1

Heu-aˬ, mˬ toˆ pyeh-awˇ, miˇ tsaˬ tahˬ kʼawˇ beh-awˇ, tsawˇ haˬ zaˬ-ahˇ dehꞈ-eu saꞈ laˇ biꞈ-euˬ gʼaˬ pyeuꞈ-eu Sahˬpaˬ Miˬyehˇ-euˬ dawˬ meh. Iˇsaˬleˬlaˆ miˇ kʼahˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh.

Iˇsaˬyaˇ 40:28

Nawˇ maˬ siˬ nya te loˇ. Nawˇ maˬ ya gaˬ-aˬ loˇ. Sahˬpaˬ Miˬyehˇ mˬ maˬ maˬ byaˆ zaˇ ziˇ Miˬyehˇ pyeuꞈ-awˇ, miˇ dawˬ tawˆ luꞈ-ahˇ beh-euˬ meh. Aˬ yawꞈ gʼaˬ doeˇ doeˇ-awˇ gʼaˬ baˬ-eu maˬ baw-ehˇ, aˬ yawꞈ nui noeˬ tiˬ gʼaˬ-iˬ maˬ siˬ duˬ nya-a.

Jaceuq 104:24

Sahˬpaˬ Miˬyehˇ-oˇ, nawˬ neh mˇ taˬ shaˇ taˬ-euˬ jeˬ myaˬ dui dui-eu meh. Tsawˇ gahˇ ahˇ dui dui-eu laꞈ kʼoeˇ, kʼoeˇ deuˬ dawˬ tawˆ luꞈ-ahˇ nawˇ mˇ taˬ shaˇ taˬ-awˇ, miˇ tsaˬ kʼoeˇ taˆ nawˬ neh beh taˬ-euˬ boeˬ boeˬ luˆ luˆ deuˬ byah luꞈ-eu meh.

Jaceuq 96:5

Aˬ cawˬ tsawˇ jeuˬ-euˬ miˬyehˇ deuˬ-aˬ, tahˬ pahˬ aˬ ma mawˇ kawˇ tehꞈ meh. Ehˇ kʼawꞈ, aˬ dui-euˬ Sahˬpaˬ Miˬyehˇ-aˬ, mˬ beh-euˬ yaw sahˇ gʼaˬ meh.

Panmaeq 10:6

Kʼoeˇ naˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu, mˬ, miˇ, iˬ ma laˆ shaˆ hawˇ-eu kʼoeˇ deuˬ-euˬ laꞈ kʼoeˇ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ beh-euˬ Miˬyehˇ-euˬ tsawˇ myahˇ uˬ moˆ heu loꞈ-ehˇ kamˬ-eu meh. “Aˇ yamˬ maˬ paˇ jiˆ nya meh.

Lormav 11:36

Kʼaˇ jawˇ kʼaˇ jaˆ-eu jeˬ dawˬ tawˆ luꞈ aˬ yawꞈ neh beh taˬ-euˬ meh. Dawˬ tawˆ luꞈ aˬ yawꞈ baˬ da neh jaˆ luꞈ jawˇ luꞈ-awˇ, aˬ yawꞈ-euˬ gʼaˇ duˬ jaˆ luꞈ jawˇ luꞈ-eu tehꞈ meh. Mˬ maˬ maˬ byaˆ zaˇ ziˇ Miˬyehˇ-ahˇ ciˬ huiˬ ciˬ mahˇ kaˇ-euˇ. Aˬ miˬ.

Gʼaˬkʼehˇ 4:24

Aˬ yawꞈ nyaꞈ dzawˇ mehˬ gaˇ jah-eu tsawˇ haˬ deuˬ ya gaˬ ngeh, tiˬ kawˆ loꞈ-ehˇ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Mˬ hawˇ-eu miˇ-ahˇ maˬ ehˇ, iˬ ma laˆ shaˆ hawˇ-eu kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ maˬ ehˇ, beh-euˬ yaw sahˇ pyeuꞈ-eu Dawˬ tawˆ kʼoeˇ taˆ uˆ lahˇ-eu SahˬpaˬMiˬyehˇ-oˇ,

Jaceuq 90:2

Gawˬ jawˬ gawˬ duˇ deuˬ-ahˇ nawˇ maˬ beh mi naˆ-ehˇ, miˇ tsaˬ tahˬ kʼawˇ-ahˇ nawˇ maˬ beh mi naˆ-ehˇ, nawˇ Miˬyehˇ pyeuꞈ luꞈ-awˇ, mˬ maˬ maˬ byaˆ zaˇ ziˇ Miˬyehˇ pyeuꞈ tehꞈ-a.

Iˇsaˬyaˇ 51:16

Mˬ toˆ pyeh-awˇ miˇ tsaˬ dawˬ pehˬ pehˬ-euˬ ngaˇ ma. Yeˬluˇsaˬlehˬ meuˬ-ahˇ heu loꞈ-ehˇ ehˇ nehˬ-euˬ gʼaˬ ngaˇ ma. ‘Nawˇ ngaˬ-eu tsawˇ haˬ ma. Nawˬ-ahˇ mehˬ nehˬ tsoˆ nehˬ-euˬ gʼaˬ ngaˇ ma. Ngaˬ-euˬ aˬ laꞈ nawˬ-ahˇ haw piˇ-euˬ ma.’ ”

Iˇsaˬyaˇ 37:16

“Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-oˇ, Jeˬluˇbeˬ mawˇ kawˇ kʼoeˇ taˆ jaˆ-eu nuiˇ mahˬ kʼoeˇ taˆ nuiˇ luꞈ-eu nawˇ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ-ahˇ uˆ lahˇ luꞈ-eu meh. Mˬ hawˇ-eu miˇ-ahˇ nawˬ neh beh-euˬ meh.

Jaceuq 146:6

Aˬ yawꞈ-euˬ Miˬyehˇ-aˬ, mˬ, miˇ hawˇ-eu iˬ ma laˆ shaˆ-ahˇ maˬ ehˇ, kʼoeˇ gaˇ kʼaˇ jaˆ kʼaˇ jawˇ-eu jeˬ-ahˇ maˬ ehˇ, beh-euˬ yaw sahˇ pyeuꞈ-eu meh. Aˬ yawꞈ neh dzaˬ taˬ-euˬ dawˬ ma saˇ jaˇ-ahˇ aˬ myah luꞈ ziꞈ-eu meh.

Jaceuq 134:3

Mˬ hawˇ-eu miˇ-ahˇ beh-euˬ Sahˬpaˬ Miˬyehˇ, Ziˇoˬ meuˬ-ahˇ neh naw maꞈ-ahˇ guiˬ lahˬ biꞈ luꞈ-uˇ.

Panmaeq 22:13

Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma.”

1 Yoˇhaˬ 1:1

Aˇ dahˬ beh ngeh neh dehꞈ luꞈ jawˇ luꞈ-eu dawˬ pyeuꞈ-eu saꞈ laˇ dehꞈ-eu jeˬ biꞈ-eu dawˬ gaˇ kawˆ naw maꞈ jawˇ gaˇ nga maꞈ boꞈ ahˇ laꞈ-eu ma. Dawˬ kʼoeˇ-ahˇ nga maꞈ naˬ bawˇ ya gaˬ-awˇ, myaˆ ya mawˇ-euˬ ma. Myaˆ nuiˆ neh haw duˬ-euˬ uˬ taꞈ, aˬ laꞈ neh ya sawˆ duˬ-euˬ ma.

Maˬkuˆ 13:19

Aˬ jeˬ miˇ neh ehˇ naˇ, kʼoeˇ ngeh poˆ keuˆ le-eu guˆ-eu gaˆ-eu jeˬ kʼoeˇ-aˬ, Miˬyehˇ mˬ beh miˇ beh beh ngeh neh kʼaˇ keuˆ le dzeuˇ yaꞈ-euˬ jeˬ hawˇ-eu, aˬ kaˇ kʼaˇ keuˆ le-eu jeˬ dawˬ tawˆ luꞈ naˆ maˬ tseˇ, guˆ dui dui laˇ paˬ-ehˇ gʼeh-eu meh.

Iˇsaˬyaˇ 40:26

Mˬ-ahˇ gʼawˇ leuˇ haw sheˇ. Aˬ guiˇ kʼoeˇ deuˬ-ahˇ aˬ suˇ gʼaˬ beh taˬ ta. Aˬ yawꞈ maꞈ-ahˇ guiˇ maꞈ loꞈ-ehˇ sheuˬ gʼeh-eu gʼaˬ neh beh-euˬ meh. Aˬ guiˇ dawˬ tawˆ luꞈ aˬ yawꞈ siˬ jiˇ-awˇ, yawˬ siˬ na luꞈ tsawˇ myahˇ biꞈ doe-euˬ meh. Aˬ yawꞈ-euˬ baoˬ huiˬ dui dui-eu miˇ neh, aˬ guiˇ tiˬ siˬ-iˬ maˬ ga teˬ-iˇ-a.

Jaceuq 104:30

Ehˇ kʼawꞈ nawˇ aˬ yawꞈ maꞈ-ahˇ saꞈ gʼawˇ kahˬ biꞈ ngeh, aˬ yawꞈ maꞈ-ahˇ nawˇ beh dehꞈ nehˬ-awˇ, miˇ tsaˬ kʼoeˇ taˆ yaw dehꞈ dehꞈ-eu jeˬ-ahˇ nawˇ paˇ laˆ shuiꞈ-eu meh.

1 Laˬsaˬbaˬ 16:26

Aˬ cawˬ tsawˇ jeuˬ-euˬ miˬ yehˇ deuˬ, tahˬ pahˬ aˬ ma mawˇ kawˇ tehꞈ meh. Ehˇ kʼawꞈ, aˬ dui Sahˬpaˬ Miˬyehˇ, mˬ beh beh-euˬ mˬ sahˇ gʼaˬ meh.

Panmaeq 21:6

Aˬ yawꞈ paˇ ehˇ-eu, “Jiˇ-euˬ ma. Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma. Iˇ cuꞈ kʼaˇ mehꞈ-eu tsawˇ haˬ-ahˇ, dehꞈ-eu saꞈ laˇ lawˇ gawˆ-euˬ iˇ cuꞈ yawꞈ ngehꞈ-ehˇ bi dawˇ ma.

Eˇpeˇsu 3:9

Kʼoeˇ-aˬ, Miˬyehˇ neh lehˬ hmˬ taˬ-euˬ zaꞈ taˬ-euˬ jeˬ-ahˇ tsawˇ haˬ dawˬ tawˆ luꞈ bi mawˇ-eu gʼaˇ duˬ meh. Dawˬ tawˆ luꞈ-ahˇ beh-euˬ Miˬyehˇ-aˬ, aˬ yawꞈ neh zaꞈ taˬ-euˬ jeˬ-ahˇ aˇ hu ba neh iˬ nah keuˆ ni dehˬ kaˬ taˬ-euˬ meh.

Iˇsaˬyaˇ 51:13

Mˬ toˆ pyeh-awˇ miˇ tsaˬ dawˬ pehˬ pehˬ-euˬ yaw sahˇ, Sahˬpaˬ Miˬyehˇ-ahˇ naw maꞈ ngehˇ teˬ loˇ. Naw maꞈ-ahˇ laˆ cawˆ-eu gʼaˇ duˬ lehˬ hmˬ luꞈ-eu, naw maꞈ-ahˇ kʼehˬ-eu deuˬ-euˬ nui pehˇ-ahˇ, aˬ jeˬ miˇ neh maˬ tsehˆ leˇ ni guˆ te. Aˬ yawꞈ maꞈ-euˬ nui pehˇ naw maꞈ-ahˇ maˬ laˆ deuˬ nya-a.

Iˇsaˬyaˇ 65:17

Sahˬpaˬ Miˬyehˇ heu loꞈ-ehˇ ehˇ-eu meh. “Mˬ yaw shuiꞈ miˇ yaw shuiꞈ ngaˇ beh luꞈ ma. Kʼaˇ pyeuꞈ dzeuˇ-euˬ jeˬ dawˬ tawˆ luꞈ ya ngehˇ byoˆ jiˇ tehꞈ-a.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.

Yawˇbaˆ 26:13

Aˬ yawˬ-euˬ saꞈ neh mˬ baw shawˇ-awˇ, cehˆ dzeuˇ-eu lehˇ leh jeh-eu laˆ shaˆ byaˆ yahˬ-ahˇ, aˬ yawꞈ-euˬ aˬ laꞈ neh sehꞈ-euˬ meh.

Dawˬ tsoˆ 12:1

Nawˇ zaˬ guˬ pyeuꞈ ngeh neh, nawˬ-ahˇ beh-euˬ yaw sahˇ-ahˇ noeˬ keuˆ-awˬ. Tsawˇ kʼaˆ kʼaˆ laˇ-awˇ nui saˇ maˬ oꞈ-eu miˇ neh, “Yaw dehꞈ maˬ dehꞈ nahˇ nya” lehˇ ya ehˇ-eu aˇ nah aˇ yamˬ maˬ keuˆ laˇ mi naˆ-ehˇ, Beh-euˬ yaw sahˇ-ahˇ noeˬ keuˆ-awˬ.

Maꞈtehˬ 11:25

Kʼoeˇ ngeh, Yeˬsuˇ heu loꞈ-ehˇ ehˇ-eu meh. “Mˬ hawˇ-eu miˇ-ahˇ uˆ lahˇ-eu Sahˬpaˬ pyeuꞈ-eu Aˬda-oˇ, zaˬ siˬ tsawˇ gahˇ ahˇ-eu tsawˇ haˬ deuˬ hawˇ-eu siˬ-eu nya-eu tsawˇ haˬ deuˬ-euˬ mehˬ shi neh zaꞈ taˬ-euˬ jeˬ, maˬ siˬ maˬ nya-eu tsawˇ haˬ deuˬ-ahˇ nawˇ pah mehˬ-euˬ miˇ neh, nawˬ-euˬ guiˬ lahˬ-ahˇ ngaˇ ja ceuˬ-eu ma.

Doˆ-iˇ 31:18

Siˇnaˆ gawˬ jawˬ kʼoeˇ taˆ, Moˇseˬ-ahˇ Miˬyehˇ dawˬ ngehˬ cawˬ gʼaˬ ngeh, Miˬyehˇ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ Moˇseˬ-ahˇ Miˬyehˇ biꞈ nehˬ-euˬ meh.

Yawˇbaˆ 9:8

Miˬyehˇ mˬ sheu taw-awˇ laˆ shaˆ byaˆ yahˬ-euˬ dahˇ teˇ ahˇ tsawˬ nawˬ nawˬ ngeh, tiˬ gʼaˬ-iˬ maˬ caw ba nehˬ-aˬ.

Iˇsaˬyaˇ 40:21

Nawˇ maˬ siˬ nya teˬ loˇ. Nawˇ maˬ ya gaˬ-aˬ loˇ. Aˇ hu ba-euˬ gaˇ kawˆ kʼoeˇ, nawˬ-ahˇ maˬ ja mehˬ laꞈ-aˬ loˇ. Miˇ tsaˬ tahˬ kʼawˇ aˬ joˆ-ehˇ pyeuꞈ doˆ laˇ-euˬ gaˇ kawˆ, nawˇ maˬ gaˬ haw-aˬ loˇ.

2 Sahˬpaˬ 19:15

Kʼoeˇ naˇ, aˬ yawꞈ heu loꞈ-ehˇ guiˬ lahˬ shaˇ-euˬ meh. “Jeˬluˇbeˬ mawˇ kawˇ kʼoeˇ taˆ jaˆ-eu dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˇ kʼahˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Mˬ hawˇ-eu miˇ, nawˬ neh beh-euˬ meh.

2 Laˬsaˬbaˬ 2:11

Sahˬ paˬ Hiˇlamˬ gʼaˬ Sawˇlaˬmoˬ-ahˇ heu loꞈ-ehˇ sahˬ boꞈ boꞈ kʼoꞈ nehˬ-euˬ meh. “Sahˬpaˬ Miˬyehˇ aˬ yawꞈ-euˬ tsawˇ jeuˬ-ahˇ gaˬ-eu miˇ neh, nawˬ-ahˇ aˬ yawꞈ maꞈ-euˬ sahˬ paˬ ka nehˬ laꞈ-euˬ meh.

Jaceuq 8:4

tsawˇhaˬzaˬ-ahˇnawˇnoeˬpaˬ-ehˇ, tsawˇhaˬzaˬ aˬjeˬ-a. Teˬ-eu tsawˇhaˬloˆni gʼeh gaˇ, nawˇkʼahˇkʼoꞈnehˬ-eu meh.