Biblia Todo Logo
Bib sou entènèt

- Piblisite -




Aˬmoˆ 9:13 - Akha

13 Sahˬpaˬ Miˬyehˇ heu loꞈ-ehˇ ehˇ-eu meh. “Deh yaˇ tsehˬ-awˇ ka muiˬ-euˬ gaˇ, cehˇ maˬ yehˬ kʼmˬ coeˇ-eu aˇ nah, aˬ gaꞈ aˇ siˬ ka siˬ-euˬ gaˇ, dzaˇ uiˇ maˬ lehˬ coeˇ-eu aˇ nah, aˇ nah kʼoeˇ nah keuˆ le luꞈ meh. Coeˇ dui dui-eu aˬ gaꞈ dzaˇ uiˇ, gawˬ jawˬ kʼoeˇ taˆ dzaˆ ka le-awˇ, gawˬ duˇ kʼoeˇ taˆ yoeˇ le tehꞈ-a.

Gade chapit la Kopi




Aˬmoˆ 9:13
15 Referans Kwoze  

Aˇ nah aˇ yamˬ kʼoeˇ keuˆ le ngeh, gawˬ jawˬ aˬ gaꞈ yaˇ mˇ byah-awˇ, gawˬ duˇ jeˬ zaˬ gaˆ byah jiˇ-awˇ, Yuˇdaˆ miˇ kʼahˬ lawˇ gawˆ lawˇ baˬ, iˇ cuꞈ tiˬ byah ni yoeˇ tehꞈ-a. Sahˬpaˬ Miˬyehˇ-euˬ Nymˇ-ahˇ neh, lawˇ gawˆ tiˬ gawˆ yoeˇ doˆ le-awˇ, Aˬ kaˬ shaˆ Deh kʼawꞈ kʼoeˇ kʼawꞈ-ahˇ iˇ cuꞈ tiˬ loꞈ biꞈ le tehꞈ-a.


‘Ba la oeˬ siˬ dzeuˇ naˇ cehˇ yehˬ-eu’ lehˇ ehˇ-eu dawˬ daˬ jaˆ-eu maˬ ngeuˇ loˇ. Ehˇ kʼawꞈ, cehˇ yaˇ-ahˇ yaw muiˬ paˬ-ehˇ haw sheˇ lehˇ, naw maꞈ-ahˇ ngaˇ ehˇ-eu ma. Cehˇ myah laˇ-awˇ yehˬ yamˬ tsaˬ laˇ taˬ-euˬ meh.


Nymˬ-mˇ aˬ gah baw duˆ uˆ luꞈ gaˇ, guˇbaˬluˇ‘Guˇbaˬluˇ aˇ bawˇ’ ehˇ-eu-aˬ, nymˇ tsoˆ gaˇ zmˬ nya-eu aˇ bawˇ yaw gʼahˇ tiˬ jeˬ pyeuꞈ-awˇ, haw muiˬ dui dui-eu meh.* aˇ bawˇ dehꞈ byah tehꞈ-a. Nymˬ-mˇ myahˬ kaꞈ baw duˆ nawˆ-eu tsahˇ-ahˇ muˇduˇleˬMuˇduˇleˬ bawˇ ehˇ-eu-aˬ, Heˬbyehˇ dawˬ Haˬdaˆ aˇ bawˇ lehˇ kuˇ-eu aˬ bawˇ tiˬ jeˬ meh. Nyiˬ lmˇ byah ni goˇ-awˇ, lawˇ baˬ gawˆ taw dehꞈ myaˬ-eu meh. Aˬ myah luꞈ aˇ paꞈ nyoeˇ jawꞈ ni jaˆ-awˇ, aˇ yehˆ yaw ba, aˇ siˬ yaw naˆ meh. Sehˬ gʼawˆ-euˬ bawˬ-iˬ gʼeh ngeh aˇ paꞈ kʼoeˇ zmˬ-eu meh.* aˇ bawˇ jeˬ laˇ tehꞈ-a. Heu-aˬ, Sahˬpaˬ Miˬyehˇ pyeuꞈ-eu ngaˬ neh mˇ-euˬ gaˇ-ahˇ bi noeˬ mawˇ-eu gʼaˇ duˬ, mˬ maˬ maˬ byaˆ zaˇ ziˇ ziꞈ-eu bi siˬ bi mawˇ-eu tiˬ jeˬ pyeuꞈ-eu ma.”


Naw maꞈ dzaˬ la gʼo cehˇ za dui dui le-eu miˇ neh, aˬ gaꞈ aˇ siˬ pyaˆ yamˬ-ahˇ keuˆ ni, cehˇ ya laˆ luiˆ luꞈ gaˇ keuˆ-awˇ, siˬ yoeˬ sehˬ-eu yamˬ-ahˇ keuˆ ni, aˬ gaꞈ aˇ siˬ pyaˆ pyaˆ-ehˇ ya jawˇ gaˇ keuˆ tehꞈ-a. Yawˬ ha kʼaˇ dzaˬ mawꞈ-eu jeˬ tiˬ byah tiˬ loꞈ jaˆ-awˇ, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za ni, naw maꞈ-euˬ miˇ kʼahˬ laꞈ kʼoeˇ, saˇ lehˆ ni naw maꞈ ya jawˇ tehꞈ-a.


Bawˇ tsahˬ bawˇ dahˇ dahˇ-iˇ-euˬ miˇ kʼahˬ heu kʼahˬ, Eˬdeˬ yaˇ kmˇ loꞈ-ehˇ muiˬ laˇ-euˬ gaˇ kawˆ hawˇ-eu, aˬ cawˬ neh pyuˇ shuiˇ myawˬ gahˬ bi yuˇ geuꞈ jiˇ-euˬ uˬ taꞈ, bi deh pyaˆ bi deh shaˆ-awˇ yaw cawˆ-ehˇ byehˇ dzeh yaꞈ-euˬ meuˬ deuˬ, tsawˇ haˬ paˇ jawˇ byah-awˇ laˆ ziꞈ taˬ-euˬ gaˇ kawˆ, tsawˇ haˬ yawˬ gʼaˬ na luꞈ ja tehꞈ-a.


Mˬ maˬ maˬ byaˆ zaˇ ziˇ jiˇ ni, Yuˇdaˆ miˇ kʼahˬ tsawˇ haˬ behˇ-awˇ, Yeˬluˇsaˬlehˬ ziˇ baw tehꞈ-a.


Gawˬ jawˬ deuˬ Sahˬpaˬ Miˬyehˇ mehˬ shi, miˇ tsaˬ dawˬ tawˆ luꞈ-euˬ Sahˬpaˬ Miˬyehˇ mehˬ shi, byaˬ shahˬ loꞈ-ehˇ guiˇ ka-eu meh.


Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi, Siˇnaˆ gawˬ jawˬ-euˬ Sahˬpaˬ Miˬyehˇ mehˬ shi, gawˬ jawˬ deuˬ miˇ luˆ luˆ-eu meh.


Dawˬ tawˆ kʼoeˇ taˆ uˆ lahˇ luꞈ-eu, Baoˬ huiˬ-eu Sahˬpaˬ Miˬyehˇ neh, miˇ tsaˬ tahˬ kʼawˇ-ahˇ toeˬ ciˆ ngeh, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ dawˬ tawˆ ngoeˇ-eu meh. Miˇ tsaˬ dawˬ tawˆ luꞈ luˆ laˇ-awˇ, Niˬlaˇ iˇ cuꞈ lawˇ baˬ loꞈ-ehˇ, goˇ awˆ baw-ehˇ gʼeu nyeh-eu meh.


Muiˬ dui dui-eu aˬ gaꞈ baw duˆ uˬ moˆ, aˬ yawꞈ-euˬ mahˬ tahˬ laˆ-ahˇ aˬ yawꞈ paꞈ tehꞈ-a. Shiˬ loꞈ-ehˇ neˇ-eu aˬ gaꞈ dzaˇ uiˇ laꞈ kʼoeˇ, aˬ yawꞈ-euˬ mehˬ tsoeˬ lehˬ tsiˬ tehꞈ-a.


Miˇ tsaˬ muiˬ dui dui-eu deh yaˇ-ahˇ, laˬ kʼaˬ cehˇ luꞈ-eu tiˬ gʼaˬ-iˬ maˬ paˇ ya mawˇ meh. Aˬ gaꞈ yaˇ kmˇ laꞈ kʼoeˇ dawˬ caˇ caˇ-awˇ guˇ-eu teˇ saˇ, maˬ paˇ ya gaˬ haw meh. Aˬ gaꞈ dzaˇ uiˇ lehˬ-eu tsawˇ haˬ maˬ paˇ ya mawˇ-ehˇ, laˬ kʼaˬ cehˇ-awˇ guˇ-eu teˇ saˇ byoˆ tsehˆ-euˬ meh.


Aˬ yawꞈ maꞈ kʼoeˇ gaˇ, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za ni ya dehꞈ tehꞈ-a. Aˬ yawꞈ maꞈ nymˇ tsoˆ ziꞈ-awˇ, aˬ gaꞈ yaˇ kmˇ mˇ tehꞈ-a. Aˬ yawꞈ maꞈ-ahˇ yehˬ bawˬ sehˇ lu-ehˇ jahˇ-eu, aˬ yawꞈ maꞈ-euˬ dawˬ peh kʼaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ kʼaˆ nehˬ ma. Iˇsaˬleˬlaˆ tsawˇ haˬ deuˬ nui saˇ oꞈ-awˇ ya dehꞈ ya jawˇ tehꞈ-a. Kʼoeˇ ngeh jawˇ, ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ngaˇ lehˇ, aˬ yawꞈ maꞈ-ahˇ siˬ duˬ leˇ tehꞈ-a.


Cehˇ diˬ doˆ-euˬ pu cu cu-awˇ, aˬ gaꞈ dzaˇ uiˇ saˬ loˬ tsiˇ deuˬ, tsiˇ lehˬ doˆ-eu duˬ kʼawꞈ laꞈ kʼoeˇ, maˬ deˇ leˇ ni yoeˇ kʼaˇ luꞈ meh.


Swiv nou:

Piblisite


Piblisite