Aˬmoˆ 6:1 - Akha

¹ Aˬ cawˬ-euˬ ziꞈ duˬ gʼoe duˬ huiˬ-eu mahˇ-eu Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ pyeuꞈ-eu, Ziˇoˬ gawˬ jawˬ kʼoeˇ taˆ saˇ lehˆ ni dehꞈ luꞈ-eu deuˬ hawˇ-eu, tiˬ gaˇ-iˬ guˆ kʼaˇ maˬ za ma lehˇ noeˬ-eu Saˬmaˬliˆ meuˬ laꞈ kʼoeˇ jawˇ luꞈ-eu deuˬ-oˇ, naw maꞈ gʼaˇ duˬ aˇ naˆ ni guˆ kʼaˇ za-eu nga.

Aˬmoˆ 6:1 Referans Kwoze

Yaˬkoˆ 5:5

Miˇ tsaˬ heu kʼoeˇ taˆ naw maꞈ yaw dehꞈ dehꞈ-euˬ-aˬ, laˬ kʼaˬ tiˬ cehˇ, nui kʼahˇ tiˬ shiˇ dehꞈ-euˬ meh. Bi sehꞈ dzaˬ-eu aˇ nah kʼoeˇ nah-euˬ gʼaˇ duˬ, naw maꞈ yawˬ haˇ yawˬ ha cu tsuˇ taˬ-euˬ meh.

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.

Zeˬpaˬniˇ 1:12

“Kʼoeˇ ngeh jawˇ ngaˇ tsiˇ kʼmˬ keuˬ-awˇ, Yeˬluˇsaˬlehˬ meuˬ poˆ doe ma. Yawˬ haˇ yawˬ ha nui kʼaˬ tsmˬ-awˇ, yaw muiˬ maˬ ehˇ, yaw doeˇ maˬ ehˇ, Sahˬpaˬ Miˬyehˇ maˬ mˇ-aˇ lehˇ, yawˬ haˇ yawˬ ha ehˇ-eu tsawˇ haˬ, ngaˇ kʼehˬ nehˬ gaˇ ya daˬ tehꞈ-a.

Yaˇ kʼaˬ daˇ 18:7

Kʼoeˇ ngeh, tsawˇ haˬ kʼoeˇ ngaˬ gʼaˬ doˆ-iˇ-awˇ, Laˬiˇshaˆ meuˬ paw iˇ gʼeh-euˬ meh. Kʼoeˇ gaˇ jawˇ-eu tsawˇ haˬ deuˬ-aˬ, Siˇdoˬ tsawˇ haˬ deuˬ loꞈ-ehˇ, guˆ kʼaˇ maˬ za ni saˇ lehˆ ni dehꞈ dzaˬ luꞈ gaˇ aˬ yawꞈ maꞈ ya mawˇ-euˬ meh. Aˬ yawꞈ maꞈ-aˬ, nui saˇ oꞈ-awˇ, ciˬ cuˇ ni jawˇ-eu laꞈ kʼoeˇ, tiˬ gʼaˬ tiˇ gʼaˬ dawˬ ja maˬ doˆ-ehˇ, aˬ yawꞈ maꞈ kʼaˇ loˬ-eu yawˬ jeˬ na luꞈ jaˆ kuꞈ gaˇ ya mawˇ-euˬ meh.

Yaˬkoˆ 1:18

Kʼaˇ beh dehꞈ taˬ-euˬ jeˬ dawˬ tawˆ luꞈ laꞈ kʼoeˇ aˬ dui aˬ cawˬ jeˬ hu hu saˬ ya jawˇ ni, aˬ yawꞈ nui ma kʼaˇ tsaˬ-eu loꞈ-ehˇ yaw tsaˬ yaw dawˇ dawˬ-ahˇ gʼoe-awˇ aˬ dui-ahˇ beh dehꞈ taˬ-euˬ meh.

Yeˬlaˬmiˇ 49:31

‘Oe-awˬ. Guˆ kʼaˇ maˬ za ni saˇ lehˆ ni miˇ-a lehˇ noeˬ luꞈ-eu tsawˇ haˬ kʼoeˇ deuˬ-ahˇ guiˇ deuˆ-iˇ kaˇ-euˇ. Aˬ yawꞈ maꞈ-euˬ meuˬ lahˇ kʼehˬ maˬ baw-ehˇ, mawˬ tawꞈ maˬ tawꞈ tehˬ taˬ-euˬ uˬ taꞈ, caw ba nehˬ-eu gʼaˬ maˬ jawˇ ni yaw awˇ laꞈ-ehˇ jaˆ-eu meh’ lehˇ ehˇ luꞈ meh.

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

1 Beˬtuˆluˆ 5:7

Naw maꞈ noeˬ shaˬ noeˬ zahˬ-eu dawˬ tawˆ luꞈ Miˬyehˇ-ahˇ a nehˬ-awˬ. Aˬ jeˬ miˇ neh ehˇ naˇ, aˬ yawꞈ naw maꞈ-ahˇ ngehˬ gʼeh bo saˆ luꞈ-eu meh.

Aˬmoˆ 8:14

‘Daˬ miˬ yehˇ-euˬ tsawˇ myahˇ uˬ moˆ’ lehˇ hawˇ-eu ‘Beˬlaˇsheˬba miˬ yehˇ-euˬ tsawˇ myahˇ uˬ moˆ’ lehˇ ehˇ ehˇ-ehˇ, Saˬmaˬliˆ meuˬ-ahˇ jaˆ-eu tahˬ pahˬ aˬ ma mawˇ kawˇ deuˬ-ahˇ laꞈ jeuˬ shaˇ-awˇ toˇ-eu tsawˇ haˬ deuˬ coˬ dzeh-awˇ, tiˬ jawˇ-iˬ maˬ paˇ tuˇ laˇ nya-aˇ.”

Yeˬlaˬmiˇ 7:4

Heu-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Aˬ dui maꞈ tiˬ jeˬ-iˬ kʼahˬ lahˇ kʼaˇ maˬ za-a’ lehˇ ehˇ-awˇ jaˬ myawꞈ myawꞈ gaˇ taˬ paˇ naˇ haˬ.

1 Sahˬpaˬ 16:24

Kʼoeˇ naˇ, Sheˬmeuˬ lehˇ myahˇ-euˬ gʼaˬ-ahˇ pyuˇ maˇ byaˆ koꞈ heˇ byaˆ aˬ yawꞈ biꞈ-awˇ, Saˬmaˬliˆ gawˬ duˇ zeuˇ tsehˆ-euˬ meh. Gawˬ duˇ kʼoeˇ duˇ-ahˇ aˬ yawꞈ laˆ muiˬ-awˇ, meuˬ tiˬ meuˬ teˬ-euˬ meh. Gawˬ duˇ-euˬ yaw sahˇ gʼaˬ pyeuꞈ-eu Sheˬmeuˬ-euˬ tsawˇ myahˇ yuˇ-awˇ, meuˬ kʼoeˇ meuˬ-ahˇ Saˬmaˬliˆ meuˬ lehˇ aˬ yawꞈ myahˇ nehˬ-euˬ meh.

Ngoeˇ dawˬ 1:1

Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Yeˬlaˬmiˇ 48:11

Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ-aˬ, dzeuˇ laˇ ngeh tiˬ gaˇ-iˬ guˆ kʼaˇ maˬ za ni dehꞈ-awˇ, aˬ cawˬ miˇ kʼahˬ-ahˇ maˬ bi nyehꞈ gʼeh haw-aˬ siˬ. Mawˇbaˆ miˇ kʼahˬ-aˬ, ciˬ cuˇ yawˬ siˬ yawˬ-ahˇ maˬ kʼaˇ paˇ ahˇ haw-euˬ aˬ gaꞈ dzaˇ uiˇ-ahˇ duˇ-eu meh. Aˬ yawꞈ-euˬ yaw kuiˇ kui-eu jeˬ maˬ byoˆ-iˇ ni jaˆ luꞈ gaˇ duˇ-eu meh.

Jaceuq 123:4

Smˇ muiˬ aˬ da dawˬ doeˇ ngehˬ-awˇ, smˇ kʼaˆ aˬ da yehˬ bawˬ-ehˇ jahˇ laˇ gaˇ, nga maꞈ ya daˬ myahˇ laꞈ-euˬ ma.

Aˬmoˆ 3:2

“Miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ laꞈ kʼoeˇ, naw maꞈ-ahˇ tehꞈ-ehˇ ngaˇ myaˆ pyawˬ pyuˇ-awˇ ngehˬ gʼeh nehˬ-euˬ ma. Kʼoeˇ miˇ neh naw maꞈ iˬ baˇ mˇ ngeh ngaˬ-euˬ nui ma-ahˇ zaw dui dui laˇ-awˇ, kʼoeˇ loꞈ-ehˇ iˬ baˇ mˇ-euˬ aˇ poeˬ naw maꞈ-ahˇ ngaˇ ya kʼehˬ nehˬ meh.”

Aˬmoˆ 3:9

Iˇjiˇtuˆ miˇ kʼahˬ hawˇ-eu Aˬshaˬdoˇ meuˬ-ahˇ sahˬ paˬ-euˬ hawˇ nymˇ deuˬ laꞈ kʼoeˇ jawˇ-eu deuˬ-ahˇ heu loꞈ-ehˇ ehˇ gaˬ nehˬ-awˬ. “Saˬmaˬliˆ meuˬ jawˬ jawˬ-ehˇ jaˆ-eu gawˬ duˇ-ahˇ uiˬ leˇ-awˇ, Saˬmaˬliˆ meuˬ laꞈ kʼoeˇ maˬ tsaˬ maˬ tsahˇ leˇ-ehˇ bahˬ gʼa luꞈ gaˇ hawˇ-eu tiˬ gʼaˬ tiˇ gʼaˬ nawˬ dzaˬ kʼaˆ dzaˬ luꞈ gaˇ haw-awˬ.”

Aˬmoˆ 5:27

Naw maꞈ-ahˇ ngaˇ Daˬmaˬsehˇ meuˬ-euˬ kʼoeˇ paw paˆ bi nyehꞈ byoˆ gʼeh ma” lehˇ, Baoˬ huiˬ-eu Miˬyehˇ lehˇ myahˇ-euˬ Sahˬpaˬ Miˬyehˇ ehˇ-eu meh.

Dawqdaq 1:32

Yaw haiˬ deuˬ tsawˇ gahˇ-ahˇ bye-eu miˇ neh ya shiˇ-awˇ, aˬ dzawˬ aˇ gah deuˬ kʼaˇ dehꞈ mawꞈ-eu dehꞈ gaˇ shiˇ leˇ tehꞈ-a.

Yeˬlaˬmiˇ 2:3

Iˇsaˬleˬlaˆ nawˇ nui gʼaˬ-ahˇ maˬ taꞈ. Nawˇ-aˬ shawˇ jehˆ ni gʼeh-eu ngaˬ-euˬ myawˬ gahˬ ma. Nawˬ-ahˇ laˆ coeˬ laˆ ciˆ laˇ-eu tsawˇ haˬ kʼoeˇ taˆ, luˬ-iˇ seˇ-iˇ-eu jeˬ ngaˇ pyehˬ gʼeh-euˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 5:5

Aˬ yuiꞈ aˬ tsu geuꞈ luꞈ-eu deuˬ-ahˇ ngaˇ ngehˬ cawˬ-iˇ ma. Miˬyehˇ-euˬ zahˇ sahˇ kʼoꞈ hawˇ-eu aˬ yawꞈ-euˬ nui kʼahˇ-ahˇ, aˬ yawꞈ maꞈ siˬ nya-eu yaw duˬ baw meh.” Ehˇ kʼawꞈ aˬ yawꞈ maꞈ dawˬ tawˆ luꞈ gʼeh-awˇ, Sahˬpaˬ Miˬyehˇ uˆ lahˇ luꞈ-eu jeˬ-ahˇ puiˬ-awˇ, aˬ yawꞈ ehˇ dawˬ maˬ naˇ haˬ-a.

Aˬmoˆ 9:10

‘Maˬ muiˬ-eu jeˬ aˬ dui kʼoeˇ taˆ keuˆ le ni Miˬyehˇ maˬ jahˇ-aˇ’ lehˇ ehˇ luꞈ-eu iˬ baˇ ahˇ-eu ngaˬ-euˬ tsawˇ haˬ deuˬ, guiˇ deuˆ-eu laꞈ kʼoeˇ ya shiˇ tehꞈ-a.”

Miˇkaˬ 3:1

Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-oˇ, ngaˇ ehˇ gaˇ naˇ haˬ sheˇ. Miˇ kʼahˬ zaˬ deuˬ yaw tsaˬ yaw dawˇ dawˇ-ehˇ dehꞈ ni naw maꞈ haw-eu tsaˬ meh.