Aˬmoˆ 1:1 - Akha

¹ Heu-aˬ, Teˬkawˬ meuˬ-ahˇ jawˇ-eu yawˇ bo-eu tsawˇ haˬ tiˬ gʼaˬ pyeuꞈ-eu Aˬmoˆ-euˬ dawˬ deuˬ meh. Miˇ luˆ luˆ-euˬ mehˬ hu nyiˬ kʼoꞈ-ahˇ, Awˇziˇ gʼaˬ Yuˇdaˆ sahˬ paˬ geuꞈ luꞈ-awˇ, Yeˬhawˇshaˆ-euˬ aˬ li Yeˬyawˇbamˬ gʼaˬ Iˇsaˬleˬlaˆ sahˬ paˬ geuꞈ luꞈ ngeh yamˬ-ahˇ, Iˇsaˬleˬlaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Aˬmoˆ-ahˇ Miˬyehˇ pah mehˬ nehˬ-euˬ meh.

Aˬmoˆ 1:1 Referans Kwoze

Zaˬkaˬliˇ 14:5

Gawˬ jawˬ-ahˇ nyiˬ paˆ biˇ paˆ-euˬ gʼaˬ lawˬ kʼoeˇ caw caw-ehˇ, naw maꞈ cehˆ dzeuˇ nya tehꞈ-a. Aˇ hu Yuˇdaˆ miˇ kʼahˬ-ahˇ sahˬ paˬ Awˇziˇ uˆ lahˇ luꞈ ngeh miˇ luˆ luˆ laˇ-awˇ, naw maꞈ-euˬ aˬ poeˬ aˬ bawˇ deuˬ cehˆ-euˬ loꞈ-ehˇ, naw maꞈ kʼawꞈ ya cehˆ tehꞈ-a. Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, mˬ taˆ gʼaˬ kʼehˇ dawˬ tawˆ luꞈ sheuˬ-awˇ oe tehꞈ-a.

Aˬmoˆ 7:14

Aˬmoˆ ehˇ-eu, “Ngaˇ-aˬ, aˇ poeˬ ya dzaˬ gaˇ haw-awˇ Miˬyehˇ gʼaˇ duˬ ngehˬ dah luꞈ-eu tsawˇ haˬ maˬ ngeuˇ. Jeˬ zaˬ cu-awˇ siˬ guˬ yaˇ kmˇ mˇ dzaˬ-eu tsawˇ haˬ ma.

Yeˬlaˬmiˇ 6:1

Beˬyaˬmiˬ tsawˇ jeuˬ-oˇ, ya buˬ ya law-iˇ ni cehˆ-awˬ. Yeˬluˇsaˬlehˬ meuˬ laꞈ nyiˇ cehˆ doˆ-awˬ. Teˬkawˬ meuˬ-ahˇ daˇ heh baw gaˬ-awˇ, aˬ cawˬ bi haw siˬ-eu gʼaˇ duˬ, Behˬhaˬsheˬleˬ meuˬ-ahˇ miˬ dzaˬ jehˆ bymˇ bymˇ-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh oe luꞈ-eu meh.

2 Laˬsaˬbaˬ 20:20

Yawˬ nah yawˬ uˬ shawˬ yaw naꞈ-ehˇ, Teˬkawˬ meuˬ dawˬ peh jaˆ-eu bawˇ tsahˬ bawˇ dahˇ-ahˇ aˬ yawꞈ maꞈ iˇ-euˬ meh. Aˬ yawꞈ maꞈ doˆ-iˇ ngeh, aˬ yawꞈ maꞈ-ahˇ Yeˬhawˇshaˬpaˇ heu loꞈ-ehˇ ehˇ nehˬ-euˬ meh. “Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ gʼoe-awˇ, nui ma ziꞈ dah ni taˬ-awˬ. Aˬ yawꞈ-euˬ gʼaˇ duˬ ngehˬ dah-eu gʼaˬ neh ehˇ-euˬ dawˬ-ahˇ naw maꞈ jah-awˬ. Kʼoeˇ loꞈ-ehˇ jah naˇ, naw maꞈ gʼaˬ leˇ tehꞈ-a.”

2 Laˬsaˬbaˬ 11:6

Behˬlehˬhehˬ meuˬ, Eˇtamˬ meuˬ,

1 Sahˬpaˬ 19:19

Jawˇ duˬ kʼoeˇ tsahˇ-ahˇ neh Eˇliˇyaˆ iˇ gʼeh ngeh, Eˇliˇshehˇ mawˇ neˇ tiˬ gu teh-awˇ deh yaˇ tsehˬ luꞈ gaˇ ya mawˇ-euˬ meh. Eˇliˇshehˇ-euˬ mehˬ hu mawˇ neˇ tseˇ tiꞈ gu tsehˬ luꞈ-awˇ, aˬ yawꞈ gʼaˬ, aˬ cawˬ jeˬ nah nah saˬ tsehˬ luꞈ-eu meh. Eˇliˇyaˆ-aˬ, aˬ yawꞈ-euˬ pehˇ kʼahˬ pehˇ mahˇ lehˆ-awˇ, Eˇliˇshehˇ-ahˇ sheu dm nehˬ-euˬ meh.

2 Saˬmeuˬlaˆ 14:2

Kʼoeˇ miˇ neh, Teˬkawˬ meuˬ-ahˇ jawˇ-eu tsawˇ gahˇ ahˇ-eu zaˬ miˬ zaˬ tiˬ gʼaˬ-ahˇ bi sheuˬ laˬ-iˇ-euˬ meh. Zaˬ miˬ zaˬ kʼoeˇ gʼaˬ laˇ keuˆ ngeh, Yoˇbaˬ heu loꞈ-ehˇ ehˇ nehˬ-euˬ meh. “Nawˇ tsawˇ ngoeˇ ngoeˇ-eu geuꞈ-awˇ, tsawˇ ngoeˇ ngoeˇ-eu deuˬ dm-eu mehˬ tsoeˬ dm-awˇ, uˬ duˬ tsehˇ kahˇ kʼawꞈ maˬ kaˆ juˇ ni bi jaˆ-awˬ. Nawˬ-euˬ aˇ gʼehˇ seuˆ dzeuꞈ dawˬ tawˆ luꞈ, aˇ yamˬ gʼawˬ myahˇ ni tsawˇ ngoeˇ ngoeˇ ngoeˇ-ehˇ jawˇ-euˬ zaˬ miˬ zaˬ tiˬ gʼaˬ-ahˇ laˆ duˇ-awˬ.

Yeˬlaˬmiˇ 1:1

Sahˬ boꞈ heu taꞈ-aˬ, Hiˇlaˬkiˇ-euˬ aˬ li Yeˬlaˬmiˇ-euˬ dawˬ boꞈ taˬ-euˬ sahˬ boꞈ tiˬ taꞈ pyeuꞈ-eu meh. Hiˇlaˬkiˇ-aˬ, Beˬyaˬmiˬ miˇ kʼahˬ Aˬnaˬtawˇ meuˬ-ahˇ jawˇ-eu piˇ ma tiˬ gʼaˬ pyeuꞈ-eu meh.

Iˇsaˬyaˇ 1:1

Sahˬ boꞈ heu taꞈ laꞈ kʼoeˇ ahˇ-eu gaˇ kawˆ deuˬ-aˬ, sahˬ paˬ Awˇziˇ, sahˬ paˬ Yoˇdaˬ, sahˬ paˬ Aˬkaˆ, sahˬ paˬ Heˬsaˬgiˇ aˬ ha maꞈ Yuˇdaˆ miˇ kʼahˬ-ahˇ uˆ lahˇ-euˬ ziˇ kʼoeˇ ziˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ taꞈ leˇ-awˇ, Aˬmoˆ-euˬ aˬ li Iˇsaˬyaˇ-ahˇ Miˬyehˇ neh pah mehˬ nehˬ-awˇ bi ngehˬ dah-euˬ gaˇ kawˆ deuˬ meh.

2 Sahˬpaˬ 14:23

Yawˇshaˆ-euˬ aˬ li Aˬmaˬziˇ gʼaˬ Yuˇdaˆ miˇ kʼahˬ-ahˇ uˆ lahˇ-eu tseˇ ngaˬ kʼoꞈ tiˬ kʼoꞈ-ahˇ, Yeˬhawˇshaˆ-euˬ aˬ li Yeˬyawˇbamˬ gʼaˬ Iˇsaˬleˬlaˆ sahˬ paˬ pyeuꞈ laˇ-awˇ, Saˬmaˬliˆ meuˬ-ahˇ jawˇ-awˇ oeˬ tseˇ tiꞈ kʼoꞈ uˆ lahˇ-euˬ meh.

1 Gawˇliˬtu 1:27

Zaˬ siˬ tsawˇ gahˇ ahˇ-eu deuˬ daˬ bi ga-eu gʼaˇ duˬ, miˇ tsaˬ zaˬ neh gaˇ dahˇ maˬ tsoeˬ-a lehˇ sawˇ taˬ-euˬ deuˬ-ahˇ Miˬyehˇ neh diˇ daˬ-ehˇ tseˇ doˆ-awˇ, baoˬ jaˆ-eu tsawˇ haˬ deuˬ daˬ bi ga-eu gʼaˇ duˬ, miˇ tsaˬ zaˬ neh gʼaˬ baˬ dui dui meh lehˇ sawˇ taˬ-euˬ deuˬ-ahˇ Miˬyehˇ neh diˇ daˬ-ehˇ tseˇ doˆ-euˬ meh.

Miˇkaˬ 1:1

Yoˇdaˬ, Aˬkaˆ, Heˬsaˬgiˇ, heu deuˬ Yuˇdaˆ miˇ kʼahˬ-euˬ sahˬ paˬ geuꞈ-euˬ aˇ yamˬ-ahˇ, Mawˇleˇshehˆ meuˬ-ahˇ jawˇ-euˬ Miˇkaˬ jawˇ gaˇ Sahˬpaˬ Miˬyehˇ-euˬ dawˬ keuˆ le-euˬ meh. Saˬmaˬliˆ meuˬ hawˇ-eu Yuˇdaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Miˇkaˬ-ahˇ Sahˬpaˬ Miˬyehˇ pah mehˬ nehˬ-euˬ meh.

Hawˇseˬ 1:1

Heu-aˬ, Awˇzeˬ, Yoˇdaˬ, Aˬgaˆ, Heˬsaˬgiˇ aˬ ha maꞈ Yuˇdaˆ miˇ kʼahˬ-euˬ sahˬ paˬ geuꞈ-awˇ, Yeˬhawˇshaˆ-euˬ aˬ li Yeˬyawˇbaoˬ gʼaˬ Iˇsaˬleˬlaˆ miˇ kʼahˬ-euˬ sahˬ paˬ geuꞈ luꞈ ngeh, Beˬliˇ-euˬ aˬ li Hawˇseˬ jawˇ gaˇ keuˆ le-euˬ Sahˬpaˬ Miˬyehˇ-euˬ dawˬ meh.

2 Sahˬpaˬ 14:21

Kʼoeˇ naˇ, tseˇ koꞈ kʼoꞈ byah laˇ-euˬ aˬ yawꞈ-euˬ aˬ li Awˇziˇ-ahˇ Yuˇdaˆ miˇ kʼahˬ zaˬ deuˬ neh sahˬ paˬ ka nehˬ-euˬ meh.

Yeˬlaˬmiˇ 7:27

“Kʼoeˇ miˇ neh Yeˬlaˬmiˇ-oˇ, dawˬ heu deuˬ dawˬ tawˆ luꞈ ngaˬ-euˬ tsawˇ haˬ deuˬ-ahˇ nawˇ ehˇ nehˬ kʼawꞈ, nawˬ-euˬ ehˇ dawˬ-ahˇ aˬ yawꞈ maꞈ maˬ naˇ haˬ-aˇ. Aˬ yawꞈ maꞈ-ahˇ nawˇ kuˇ kʼawꞈ, nawˬ-ahˇ oˬ maˬ toˬ nehˬ laꞈ-aˇ.

Doˆ-iˇ 3:1

Nymˬ-mˇ poˆ jawˇ, Moˇseˬ-aˬ, Miˇdiˬyaˬ miˇ kʼahˬ-euˬ piˇ ma pyeuꞈ-eu, aˬ yawꞈ-euˬ tsawˇ mawˬ Yeˬdaˬyoˇ-euˬ jeˬ zaˬ deuˬ-ahˇ bo saˆ luꞈ-eu meh. Tiˬ nah keuˆ laˇ ngeh, Moˇseˬ jeˬ zaˬ kʼoeˇ deuˬ teh-awˇ, bawˇ tsahˬ bawˇ dahˇ le dzeuˇ leꞈ-awˇ, muiˬ-eu shawˇ-eu Siˇnaˆ gawˬ jawˬ-ahˇ le keuˆ-euˬ meh.

Maꞈtehˬ 4:18

Yeˬsuˇ Gaˬliˬlehˇ lah lah dzeˇ iˇ luꞈ ngeh, ngaˬ shaˬ poˆ-eu tsawˇ haˬ pyeuꞈ-eu Beˬtuˆluˆ lehˇ kuˇ-eu Siˇmoˬ hawˇ-eu Aˬdehˬlehˬ aˬ nyaꞈ nmˇ lah laꞈ kʼoeˇ za dzeh luꞈ gaˇ ya mawˇ-euˬ meh.

Yeˬlaˬmiˇ 28:8

Nawˬ-euˬ aˇ yamˬ hawˇ-eu ngaˬ-euˬ aˇ yamˬ maˬ keuˆ le mi naˆ-ehˇ, aˇ hu ba neh Miˬyehˇ gʼaˇ duˬ ngehˬ dah-euˬ tsawˇ haˬ deuˬ heu loꞈ-ehˇ ehˇ taˬ-euˬ jaˆ-eu meh. Tsawˇ jeuˬ gʼawˬ mya jeuˬ hawˇ-eu baoˬ huiˬ-eu miˇ kʼahˬ deuˬ kʼoeˇ taˆ, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu naˇ-eu gawˇ-eu jeˬ keuˆ le tehꞈ-a lehˇ, aˬ yawꞈ maꞈ ngehˬ dah yaꞈ-euˬ meh.