Aaˇbaˬdiˇ 1:16 - Akha

¹⁶ Ngaˬ-euˬ shawˇ-eu gawˬ duˇ kʼoeˇ taˆ, kʼehˬ-eu kʼaˆ-eu kʼmˬ maˬ yaw kʼaˬ, ngaˬ-euˬ tsawˇ haˬ deuˬ dawˇ-euˬ meh. Ehˇ kʼawꞈ, jawˬ jawˬ-ehˇ kʼaˇ jawˇ-eu, tsawˇ jeuˬ kʼoeˇ deuˬ dawˬ tawˆ luꞈ kʼawꞈ, kʼoeˇ naˆ maˬ tseˇ kʼaˬ dui dui-eu, kʼehˬ-eu kʼaˆ-eu kʼmˬ maˬ dawˇ-awˇ, dawˬ tawˆ luꞈ ya myoꞈ ahˇ jiˇ-awˇ, ya shiˇ byoˆ jiˇ gaˇ keuˆ tehꞈ-a.

Aaˇbaˬdiˇ 1:16 Referans Kwoze

Yawˇlaˆ 3:17

“Kʼoeˇ ngeh jawˇ, Iˇsaˬleˬlaˆ-oˇ, SahˬpaˬMiˬyehˇ lehˇ kuˇ-eu ngaˇ, nawˬ-euˬ Miˬyehˇ pyeuꞈ-eu ma lehˇ, nawˇ siˬ duˬ mawˇ duˬ laˇ tehꞈ-a. Muiˬ-eu shawˇ-eu ngaˬ-euˬ gawˬjawˬ, Ziˇoˬ-euˬ kʼoeˇ taˆ ngaˇ jawˇ ma. Yeˬluˇsaˬlehˬ meuˬ shawˇ laˇ-awˇ, aˬ cawˬ neh bi deuˆ gʼaˬ-eu jeˬ, tiˬ jawˇ-iˬ maˬ paˇ keuˆ le meh.

Yeˬlaˬmiˇ 49:12

“Kʼehˬ-eu kʼaˆ-eu jeˬ-ahˇ ya daˬ paˬ-ehˇ maˬ gʼeh-eu tsawˇ haˬ deuˬ kʼawꞈ kʼehˬ-eu kʼaˆ-eu kʼmˬ maˬ ya ciˬ dawˇ gaˇ keuˆ-euˬ-aˬ, naw maꞈ dzeuˇ-iˇ nya ma lehˇ noeˬ te loˇ. Maˬ dzeuˇ-iˇ nya-a. Naw maꞈ kʼawꞈ kʼehˬ-eu kʼaˆ-eu kʼmˬ maˬ ya ciˬ dawˇ meh.

1 Beˬtuˆluˆ 4:17

Yaˇ kʼaˬ daˇ-eu aˇ yamˬ peh le-euˬ meh. Miˬyehˇ-euˬ tsawˇ haˬ deuˬ-ahˇ jeˬ huˬ daˇ-eu lehˇ gʼeh-eu meh. Aˬ dui-ahˇ jeˬ huˬ daˇ dahˬ beh naˇ, Miˬyehˇ jawˇ gaˇ neh oe-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ jah-eu tsawˇ haˬ deuˬ gʼaˇ duˬ aˬ joˆ-ehˇ aˇ saˬ saˬ nmˇ.

Haˬbaˬkuˆ 1:9

“Haiˬ-eu gʼeh-eu aˇ dzehˬ dzeuˇ-awˇ, miˇ tsaˬ zaˬ laˇ baˇ-iˇ-eu meh. Kaˇ shuiꞈ tawˆ bymˇ taˬ-euˬ loꞈ-ehˇ, tsawˇ haˬ nyehꞈ uiˬ paꞈ uiˬ-eu meh.

Iˇsaˬyaˇ 42:14

Miˬyehˇ heu loꞈ-ehˇ ehˇ-eu meh. “Ngaˇ ciˬ cuˇ ni jawˇ luꞈ-eu aˇ yamˬ myahˇ laˇ-euˬ ma. Ngaˬ-euˬ tsawˇ jeuˬ-ahˇ dawˬ maˬ ngehˬ cawˬ-euˬ myahˇ laˇ-euˬ ma. Ehˇ kʼawꞈ, nymˬ-mˇ aˇ yamˬ tsaˬ laˇ taˬ-euˬ miˇ neh, zaˬ baw luꞈ-eu aˬ ma loꞈ-ehˇ ngaˇ guˇ-eu ma.

Ngoeˇ dawˬ 4:21

Eˬdoˬ miˇ kʼahˬ zaˬ deuˬ hawˇ-eu, Uˇzaˆ miˇ kʼahˬ tsawˇ haˬ deuˬ-oˇ, naw maꞈ uiˇ nya ngeh uiˇ tawˬ-awˬ. Naw maꞈ gʼeh shaˬ zahˬ ya mˇ-awˇ, neˇ myawˆ ni ya shaꞈ dawˇ-eu jeˬ, gʼawˬ myahˇ maˬ gʼeh-ehˇ keuˆ le meh.