3 Yoˇhaˬ 1:8 - Akha

⁸ Aˬ dui kʼawꞈ, aˬ yawꞈ maꞈ nehˬ-ehˇ yaw tsaˬ yaw dawˇ jeˬ gʼaˇ duˬ tiˬ kawˆ loꞈ-ehˇ caw mˇ caw shaˇ-eu jeˬ pyeuꞈ ni, aˬ dui Ka li zaˬ deuˬ aˬ yawꞈ maꞈ-ahˇ ya caw ba meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Khoermirnae, yawtsaq yawdawr-euq lafkhoer, aqdui heulof-aer ghae-eu tsawrhaq naeq-aer gar mrcawq pyeufnya’ni, aqdui, aqyawf maf-anr yawmuiq-aer hageuf-eu tsaq mae.

3 Yoˇhaˬ 1:8 Referans Kwoze

3 Yoˇhaˬ 1:10

Teu miˇ neh ngaˇ laˇ naˇ, aˬ yawꞈ neh kʼaˇ mˇ kʼaˇ shaˇ-euˬ jeˬ-ahˇ ehˇ ma. Nga maꞈ-euˬ gaˇ kawˆ ja bu ja doeˇ-euˬ jeˬ hawˇ-eu aˬ yawꞈ neh jaˬ myawꞈ kʼaˇ myawꞈ-euˬ jeˬ dawˬ tawˆ luꞈ ehˇ ma. Kʼoeˇ naˆ tehꞈ maˬ ngeuˇ-a siˬ. Aˬ yuiꞈ a nyiˇ Ka li zaˬ deuˬ laˇ ngeh aˬ yawꞈ maˬ ha geuꞈ-euˬ uˬ taꞈ, kʼaˇ ha geuꞈ mawꞈ-eu tsawˇ haˬ deuˬ-ahˇ kʼawꞈ laˆ tsoeˬ-awˇ, Ka li zaˬ aˇ muˇ laꞈ kʼoeˇ neh teh doˆ-eu lehˇ leh jeh-eu meh.

Piˇleˇmoˬ 1:24

Kʼoeˇ loꞈ-ehˇ duˇ ni, ngaˬ-euˬ gaˇ mˇ cawˬ deuˬ pyeuꞈ-eu Maˬkuˆ, Aˬliˬdaˬguˇ, Deˬmaˆ, Luˇkaꞈ aˬ ha oeˬ gʼaˬ kʼawꞈ, naw maꞈ-ahˇ dawˬ cawˬ puˬ-ahˇ laꞈ-euˬ meh.

Piˇleˇmoˬ 1:2

nawˬ-euˬ nymˇ-ahˇ tahˬ dzoeˇ-awˇ uˬ duˬ tahˬ luꞈ-eu Ka li zaˬ aˇ muˇ-ahˇ maˬ ehˇ, nga nyaꞈ-euˬ dmˇ ma loꞈ-ehˇ gʼeh-eu Aˬbiˇ-ahˇ maˬ ehˇ, yehˇ tiˬ gʼaˬ loꞈ-ehˇ Ka li gʼaˇ duˬ gaˇ mˇ-eu nga nyaꞈ-euˬ cawˬ Aˬgiˇpuˆ jawˇ gaˇ maˬ ehˇ, sahˬ boꞈ heu taꞈ boꞈ ahˇ laꞈ-eu ma.

1 Teˇsaˬloˇni 3:2

nga maꞈ nehˬ-ehˇ tiˬ kawˆ loꞈ-ehˇ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ mˇ luꞈ-eu aˬ nyiˇ Tiˆmoˇseˬ-ahˇ kʼehˇ gʼeh laꞈ-euˬ ma. Naw maꞈ jah-eu nui ma ziꞈ ni gʼaˬ bi biꞈ-eu gʼaˇ duˬ aˬ yawꞈ-ahˇ kʼehˇ gʼeh laꞈ-euˬ jeˬ pyeuꞈ-eu ma.

Gawˇlawˇsehˇ 4:11

Yuˇtuˬ lehˇ kʼawꞈ kuˇ-eu Yawˇshuˆ kʼoeˇ gʼaˬ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Yuˇdaˆ tsawˇ haˬ laꞈ kʼoeˇ Ka li zaˬ pyeuꞈ laˇ-awˇ ngaˬ nehˬ-ehˇ tiˬ kawˆ loꞈ-ehˇ Miˬyehˇ Miˇkʼah gʼaˇ duˬ mˇ luꞈ-eu heu smˇ gʼaˬ jawˇ-eu tehꞈ ma. Aˬ yawꞈ maꞈ ngaˬ-ahˇ caw mˇ caw shaˇ nehˬ laꞈ dui dui-euˬ meh.

Piˇliˇpiˆ 4:3

Saˇ jaˇ ziꞈ-eu ngaˬ-euˬ gaˇ mˇ cawˬ deuˬ kʼawꞈ, zaˬ miˬ zaˬ heu nyiˬ gʼaˬ-ahˇ ngehˬ bi gʼeh mawꞈ miˇ-a. Aˬ jeˬ miˇ neh ehˇ naˇ, zaˬ miˬ zaˬ heu nyiˬ gʼaˬ-aˬ, Laˬ kʼaˬ cehˇ-eu Guiˬ lahˬ dawˬ gaˬ doe-iˇ ni, ngaˬ-euˬ gaˇ mˇ cawˬ Gaˬleˬmeˬ hawˇ-eu ngaˬ nehˬ-ehˇ gaˇ kʼaˇ mˇ-euˬ deuˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ leh jeh dui dui-euˬ meh. Miˬyehˇ-euˬ dehꞈ-eu sahˬ boꞈ laꞈ kʼoeˇ tsawˇ haˬ heu deuˬ-euˬ tsawˇ myahˇ ahˇ meh.

2 Gawˇliˬtu 8:23

Tiˇtuˆ gʼaˬ-aˬ, ngaˬ-euˬ gaˇ mˇ cawˬ pyeuꞈ-eu loꞈ-ehˇ, ngaˬ nehˬ-ehˇ tiˬ kawˆ loꞈ-ehˇ naw maꞈ-ahˇ caw ba-eu gaˇ mˇ luꞈ meh. Aˬ yawꞈ nehˬ-ehˇ oe caw-euˬ aˬ yuiꞈ aˬ nyiˇ nui deuˬ-aˬ, Ka li-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ Ka li zaˬ aˇ muˇ deuˬ-euˬ dah zaˇ oe-euˬ meh.

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

Luˇkaꞈ 11:7

Kʼoeˇ ngeh, aˬ yawꞈ-euˬ cawˬ kʼoeˇ gʼaˬ iˇ kahˇ laꞈ kʼoeˇ paw jawˇ-awˇ, heu loꞈ-ehˇ ehˇ-eu ehˇ-awˬ. ‘Aˬ jeˬ paˇ laˆ bahˬ laˇ teˬ. Laˇ gʼoˆ kaꞈ tehˬ jiˇ-awˇ, ngaˬ-euˬ zaˬ deuˬ kʼawꞈ ngaˬ nehˬ-ehˇ yuꞈ kʼaˆ taˬ-euˬ miˇ neh, ngaˇ tuˇ le-awˇ nawˬ-ahˇ tiˬ jeˬ-iˬ maˬ paˇ biꞈ le nya miˇ-a.’

Maꞈtehˬ 10:40

“Naw maꞈ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-awˇ, ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼaˬ-ahˇ ha geuꞈ gaˇ duˇ-eu meh.

Maꞈtehˬ 10:14

Nymˇ kʼoeˇ nymˇ-euˬ nymˇ kʼahˬ zaˬ deuˬ maˬ ehˇ, meuˬ kʼoeˇ meuˬ-ahˇ jawˇ-eu tsawˇ haˬ deuˬ maˬ ehˇ, tiˬ gʼaˬ-iˬ naw maꞈ-ahˇ maˬ ha geuꞈ nehˬ laꞈ-ehˇ, naw maꞈ dawˬ mehˬ mehˬ gaˇ maˬ naˇ haˬ nehˬ laꞈ naˇ, kʼoeˇ gaˇ neh doˆ-iˇ ngeh, aˬ kuiˇ pehˬ zaˬ-ahˇ lehꞈ-eu kʼaˬ lehˇ sawˆ kʼaˇ nehˬ yaꞈ-awˬ.

3 Yoˇhaˬ 1:7

Aˬ jeˬ miˇ neh ehˇ naˇ, Ka li-ahˇ maˬ jah-eu tsawˇ haˬ deuˬ neh caw ba-euˬ jeˬ-ahˇ aˬ yawꞈ maꞈ maˬ ha geuꞈ ni Ka li-euˬ gʼaˇ duˬ gaˇ mˇ-eu lehˇ aˬ yawꞈ maꞈ gaˇ ma doˆ-iˇ-euˬ meh.

3 Yoˇhaˬ 1:9

Naw maꞈ-euˬ Ka li zaˬ aˇ muˇ-ahˇ, ngaˇ sahˬ boꞈ yaw nymˇ nymˇ-ehˇ boꞈ ahˇ nehˬ-euˬ ma. Ehˇ kʼawꞈ, Ka li zaˬ aˇ muˇ kʼoeˇ taˆ aˬ yuiꞈ geuꞈ mawꞈ-eu Daˬyawˇdaˬlaˇ kʼoeˇ gʼaˬ ngaˬ-euˬ dawˬ-ahˇ tiˬ pawꞈ-iˬ maˬ naˇ haˬ nehˬ laꞈ-a.

Jaceuq 94:16

Maˬ tsaˬ maˬ dawˇ-eu tsawˇ haˬ deuˬ mehˬ shi, ngaˬ-euˬ gʼaˇ duˬ aˬ suˇ gʼaˬ yawꞈ daˬ nmˇ. Yaw haiˬ jeˬ mˇ-eu tsawˇ haˬ deuˬ mehˬ shi, ngaˇ jawˇ paw aˬ suˇ gʼaˬ pyawˬ nmˇ.