2 Tiˆmoˇseˬ 3:11 - Akha

¹¹ kʼehˬ-eu kʼaˆ-eu jeˬ-ahˇ ya daˬ-euˬ jeˬ, ya shaˬ ya zahˬ-euˬ jeˬ, heu deuˬ-ahˇ nawˇ dzaw geuꞈ-euˬ meh. Aˬdiˇawˬ meuˬ, Iˇgawˇniˇ meuˬ, Loˇdaˬlaˇ meuˬ, heu deuˬ laꞈ kʼoeˇ ngaˬ-euˬ kʼoeˇ taˆ aˬ joˆ-ehˇ keuˆ le-awˇ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ ngaˇ aˇ naˆ ni daˬ dzeuˇ oˇ dzeuˇ-euˬ gaˇ kawˆ nawˇ siˬ nya meh. Yeˬsuˇ ngaˬ-ahˇ bi buˬ-iˇ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoeruqtaf, khaeq-awr khav-eu jeq hawr-eu shaqzanq nargawr daqgar khawf nawr yawmuiq-aer cantae-euq mae. Aqdirawq, Irgawrnir hawr-eu Lurdaqlar-anr jawr ngae, ngar yadaq duidui-euq ma. Aerkhawf, khaeq-awr khav-eu khoerdeuq dawqtawv luf-euq lafkhoer nae, Sanqpaq Yeqsur, ngaq-anr bibuq-ir naeqlaf-euq mae.

2 Tiˆmoˇseˬ 3:11 Referans Kwoze

Jaceuq 34:19

Tsawˇmuiˬshaˬzahˬaˇmyaˆmyaˬkʼawꞈ, shaˬzahˬdawˬtawˆluꞈ-ahˇdzeuˇni, SahˬpaˬMiˬyehˇka kʼoꞈ-eu meh.

Gʼaˬkʼehˇ 13:45

Tsawˇ haˬ aˇ maꞈ myaˬ dui dui gaˇ Yuˇdaˆ tsawˇ haˬ deuˬ ya mawˇ ngeh, myaˆ naˆ-awˇ, Pawˇluˆ ehˇ gaˇ tsawˇ pyehˇ pyehˇ pyehˇ-ehˇ, Pawˇluˆ-ahˇ yaˬ kʼehˇ yaˬ-euˬ meh.

2 Beˬtuˆluˆ 2:9

Kʼoeˇ miˇ neh, Yaˇ kʼaˬ daˇ-eu Aˇ nah gʼaˇ duˬ, Miˬyehˇ-ahˇ yaw zeu baw-eu tsawˇ haˬ deuˬ-ahˇ aˬ joˆ-ehˇ bi buˬ-iˇ-eu gaˇ kawˆ hawˇ-eu, haiˬ-eu tsawˇ haˬ deuˬ-ahˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ, Miˬyehˇ siˬ nya meh.

2 Tiˆmoˇseˬ 4:7

Cehˆ ceh ceh-eu heu laꞈ kʼoeˇ, ngaˇ kʼaˇ gʼeh nya-eu loꞈ-ehˇ cehˆ-euˬ ma. Aˇ saˬ saˬ ngeh keuˆ ni cehˆ-awˇ, jah-eu jeˬ-ahˇ ziꞈ dah ni tuˆ tehˬ luꞈ-eu ma.

Gʼaˬkʼehˇ 26:22

Ehˇ kʼawꞈ, iˬ nah keuˆ ni Miˬyehˇ ngaˬ-ahˇ caw ba nehˬ laꞈ-eu miˇ neh, heu gaˇ yawꞈ-awˇ, huiˬ zaˬ nyiˇ zaˬ heu myaˆ ni gʼeh-eu mehˬ shi saˇ kiˇ ya kamˬ luꞈ-eu ma. Nymˬ-mˇ ngaˇ ehˇ luꞈ-eu gaˇ kawˆ heu-aˬ, Miˬyehˇ gʼaˇ duˬ ngehˬ dah-eu deuˬ hawˇ-eu Moˇseˬ neh aˬ kaˇ heu loꞈ-ehˇ pyeuꞈ laˇ tehꞈ-a lehˇ ehˇ taˬ yaꞈ-euˬ gaˇ kawˆ aˬ yawꞈ tiˬ hmˬ ma.

Gʼaˬkʼehˇ 26:17

Iˇsaˬleˬlaˆ tsawˇ haˬ deuˬ hawˇ-eu aˬ cawˬ tawˇ jeuˬ deuˬ jawˇ gaˇ nawˬ-ahˇ ngaˇ kʼehˇ gʼeh-awˇ, aˬ yawꞈ maꞈ-euˬ aˬ laꞈ laꞈ kʼoeˇ nawˬ-ahˇ ngaˇ bi buˬ-iˇ ma.

Gʼaˬkʼehˇ 23:10

Aˬ yawꞈ maꞈ yaw kaˬ ja dzaˬ-eu kʼoeˇ aˇ dzehˬ dzeuˇ-awˇ, Pawˇluˆ-ahˇ gʼeu paˆ gʼeu shaˆ paˬ-ehˇ pyeuꞈ laˇ taˬ-euˬ miˇ neh, Loˇmaˆ guiˇ maꞈ-ahˇ uˆ lahˇ-eu yaw huiˬ yaw mahˇ kʼoeˇ gʼaˬ kʼahˬ lahˇ laˇ-euˬ meh. Kʼoeˇ miˇ neh, tsawˇ haˬ aˇ maꞈ jawˇ gaˇ iˇ ka-awˇ, Pawˇluˆ-ahˇ gʼeu doˆ laˬ-iˇ-awˇ taˆ-ahˇ sheuˬ kʼoꞈ gʼeh-eu gʼaˇ duˬ aˬ yawꞈ-euˬ yehˇ deuˬ-ahˇ dawˬ biꞈ-euˬ meh.

Gʼaˬkʼehˇ 20:19

Yuˇdaˆ tsawˇ haˬ deuˬ ngaˬ-ahˇ sehꞈ-eu lehˇ nawˬ jawˬ-eu miˇ neh shaˬ dui dui-euˬ aˇ yamˬ kʼoeˇ yamˬ-ahˇ, nui nahˬ nui yu ahˇ-awˇ myaˆ biˇ doˆ-eu laꞈ kʼoeˇ Sahˬpaˬ Miˬyehˇ-euˬ zaˬ kʼaˆ geuꞈ-awˇ gaˇ mˇ yaꞈ-euˬ ma.

Gʼaˬkʼehˇ 13:14

Beˬlaˬgeˬ meuˬ-ahˇ neh tiˬ poˆ paˇ luˆ-iˇ-awˇ, Biˇsiˇdiˇ miˇ kʼahˬ Aˬdiˇawˬ meuˬ-ahˇ iˇ keuˆ-euˬ meh. Kʼoeˇ gaˇ, Jawˇ nah keuˆ laˇ ngeh, aˬ yawꞈ nyaꞈ uˬ duˬ tahˬ nymˇ-ahˇ daˆ leˇ-awˇ nuiˇ-euˬ meh.

Gʼaˬkʼehˇ 9:16

Ngaˬ-euˬ tsawˇ myahˇ gʼaˇ duˬ kʼehˬ-eu kʼaˆ-eu jeˬ-ahˇ aˬ yawꞈ aˇ naˆ ni ya daˬ paˬ-ehˇ jaˆ-eu gaˇ kawˆ, aˬ yawꞈ-ahˇ ngaˇ bi mawˇ ma.”

Daˬyeˬlaˇ 6:27

Aˬ yawꞈ ka kʼoꞈ-eu gʼaˬ pyeuꞈ-awˇ, ngehˬ gʼeh dah teˬ nehˬ-eu gʼaˬ meh. Mˬ hawˇ-eu miˇ tsaˬ heu kʼoeˇ taˆ, zahˬ leˇ-eu jeˬ mˇ-eu gʼaˬ meh. Aˇ laˬ jaˬ shiˇ maˬ bi kawꞈ ni, Daˬyeˬlaˇ-ahˇ ka kʼoꞈ-euˬ meh.”

Yeˬlaˬmiˇ 1:19

Aˬ yawꞈ maꞈ nawˬ-ahˇ ceh kʼawꞈ, maˬ ceh gʼaˬ laˇ nya-aˇ. Aˬ jeˬ miˇ neh ehˇ naˇ, nawˬ nehˬ-ehˇ ngaˇ jawˇ-awˇ haw piˇ nehˬ ma lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 43:2

Iˇ cuꞈ naꞈ gaˇ nawˇ tsehˆ doˆ ngeh, nawˬ nehˬ-ehˇ ngaˇ jawˇ ma. Guˆ-eu gaˆ-eu jeˬ-ahˇ nawˇ tahˬ puˬ kʼawꞈ, nawˇ maˬ ya cawˆ-iˇ-a. Miˬ dzaˬ laꞈ kʼoeˇ nawˇ cah tsehˆ kʼawꞈ, nawˬ-ahˇ maˬ puiˆ dzaˬ-a. Shaˬ zahˬ nawˬ-ahˇ lawˬ haw le kʼawꞈ, nawˬ-ahˇ coeˬ ni maˬ jahˇ nya-a.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Jaceuq 91:14

Miˬ yehˇ heu loꞈ-ehˇ ehˇ-eu meh. Ngaˬ-ahˇ gaˬ-eu deuˬ-ahˇ ngaˇ ka kʼoꞈ-awˇ, ngaˬ-ahˇ Sahˬpaˬ Miˬyehˇ meh lehˇ kʼaˇ siˬ nya-eu deuˬ-ahˇ ngaˇ haw piˇ ma.

Jaceuq 37:40

Aˬyawꞈmaꞈ-ahˇngehˬgʼeh nehˬ-awˇ, shaˬzahˬoe ngeh haw teˬ-eu meh. Aˬyawꞈ-ahˇtahˬshaˇ-eu miˇneh, haiˬ-eu deuˬ-euˬaˬlaꞈlaꞈkʼoeˇ, aˬyawꞈka kʼoꞈdoˆnehˬ-eu meh.

2 Saˬmeuˬlaˆ 22:49

Muiˇ-eu deuˬ-euˬ aˬ laꞈ laꞈ kʼoeˇ, aˬ yawꞈ ngaˬ-ahˇ gʼeu doˆ-euˬ meh. Ngaˬ-ahˇ muiˇ-eu deuˬ-euˬ kʼoeˇ taˆ, nawˇ ngaˬ-ahˇ ciˬ huiˬ laꞈ-euˬ meh. Yaw haiˬ mˇ-eu deuˬ-euˬ laꞈ-ahˇ, nawˇ ngaˬ-ahˇ ka kʼoꞈ laꞈ-euˬ meh.

2 Saˬmeuˬlaˆ 22:1

Sawˇluˆ-euˬ aˬ laꞈ laꞈ kʼoeˇ hawˇ-eu, muiˇ-eu tsawˇ haˬ nui deuˬ-euˬ aˬ laꞈ laꞈ kʼoeˇ Daˬbiˇ-ahˇ Sahˬpaˬ Miˬyehˇ ka kʼoꞈ nehˬ ngeh, Sahˬpaˬ Miˬyehˇ-ahˇ caˇ dawˬ heu bymˇ Daˬbiˇ caˇ nehˬ-euˬ meh.

Aˇ dahˬ 48:16

Guˆ-eu gaˆ-eu jeˬ laꞈ kʼoeˇ ngaˬ-ahˇ sheuˬ buˬ-euˬ Miˬyehˇ-euˬ gʼaˬ kʼehˇ, aˬ yawꞈ nyaꞈ-ahˇ guiˬ lahˬ biꞈ luꞈ-uˇ. Aˬ li heu nyiˬ li baˬ da neh, ngaˬ-euˬ tsawˇ myahˇ maˬ ehˇ, ngaˬ bawˇ Aˬbyaˬhaˬ-euˬ tsawˇ myahˇ maˬ ehˇ, ngaˬ da Iˇtsaˆ-euˬ tsawˇ myahˇ maˬ ehˇ, tiˬ jawˇ-iˬ maˬ byoˆ-iˇ ni jaˆ yaꞈ luꞈ-uˇ. Aˬ yawꞈ nyaꞈ nmˇ zaˬ gʼawˬ mya ni jawˇ le-awˇ, aˬ yawꞈ maꞈ-euˬ zaˬ deuˬ uˆ deuˬ, myaˬ dui dui le luꞈ-uˇ.”

Gʼaˬkʼehˇ 14:8

Luˇdaˬlaˇ meuˬ-ahˇ, dehꞈ le ngeh neh aˬ kuiˇ yaw cawˆ miˇ neh, gaˇ ma tiˬ toꞈ-iˬ maˬ zoˬ haw-euˬ tsawˇ haˬ tiˬ gʼaˬ jawˇ-eu meh.

Lormav 15:31

Yuˇdaˆ miˇ kʼahˬ laꞈ kʼoeˇ jawˇ-eu Ka li-ahˇ maˬ jah-eu tsawˇ haˬ kʼoeˇ deuˬ ngaˬ-ahˇ maˬ ya laˆ coeˬ laˆ ciˆ ni maˬ ehˇ, Yeˬluˇsaˬlehˬ meuˬ laꞈ kʼoeˇ ngaˬ neh mˇ nehˬ shaˇ nehˬ-euˬ jeˬ-ahˇ Miˬyehˇ-euˬ tsawˇ haˬ deuˬ laˬ kʼaˬ tiˬ cehˇ ha geuꞈ nehˬ laꞈ ni maˬ ehˇ, guiˬ lahˬ caw shaˇ nehˬ laꞈ-awˬ.

2 Gawˇliˬtu 1:5

Ka li ya daˬ-euˬ shaˬ zahˬ gʼawˬ mya jeˬ-ahˇ aˬ dui caw daˬ-eu loꞈ-ehˇ, Miˬyehˇ-euˬ huiˬ dui dui-eu ngehˬ gʼeh dah teˬ nehˬ laꞈ-eu jeˬ-ahˇ Ka li laꞈ kʼoeˇ aˬ dui za-euˬ ma.

2 Gawˇliˬtu 1:7

Kʼoeˇ miˇ neh, naw maꞈ-ahˇ nga maꞈ noeˬ tmˬ taˬ-euˬ jeˬ ziꞈ dah ni jaˆ luꞈ ma. Nga maꞈ ya daˬ luꞈ-eu shaˬ zahˬ-ahˇ naw maꞈ daˬ caw-eu loꞈ-ehˇ, nga maꞈ za-euˬ ngehˬ gʼeh dah teˬ nehˬ laꞈ-eu jeˬ-ahˇ naw maꞈ kʼawꞈ za meh lehˇ nga maꞈ siˬ nya ma.

2 Gawˇliˬtu 12:10

Kʼoeˇ miˇ neh, gʼaˬ baˬ-eu jeˬ, yehˬ bawˬ sehˇ lu-ehˇ gʼeh nehˬ laꞈ-eu jeˬ, shaˬ-eu zahˬ-eu jeˬ, kʼehˬ-eu kʼaˆ-eu jeˬ, nui ma shaˬ zahˬ ya mˇ-eu jeˬ, heu deuˬ-ahˇ Ka li gʼaˇ duˬ ngaˇ laˬ kʼaˬ cehˇ cehˇ-ehˇ daˬ-eu ma. Aˬ jeˬ miˇ neh ehˇ naˇ, ngaˇ gʼaˬ baˬ-eu kʼoeˇ-aˬ, gʼaˬ kʼaˆ-eu jeˬ pyeuꞈ-eu ma.