2 Tiˆmoˇseˬ 2:24 - Akha

²⁴ Sahˬpaˬ Yeˬsuˇ-euˬ zaˬ kʼaˆ-aˬ, aˬ cawˬ nehˬ-ehˇ maˬ ya ceh dzaˬ-a. Aˬ yawꞈ-aˬ, tsawˇ haˬ yawˬ gʼaˬ na luꞈ-ahˇ gʼawˬ shaˬ ya gaˬ-awˇ, nui ma gʼawˬ mahˇ ni taˬ nya-eu muiˬ dui dui-eu mehˬ-eu tsoˆ-eu saˬ laˬ ya bi pyeuꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Sanqpaq Yeqsur-euq zaqkhav-aq, aqcawq naeq-aer maqya cae-a. Aqyawf-aq, yawqghaq navluf-euq khoertav nuima nanqyuni taq-awr, aqcawq-anr maeqnaeq tsovnaeq nya-eu uqtaf, ornya-eu tsawrhaq yapyeuf-eu mae.

2 Tiˆmoˇseˬ 2:24 Referans Kwoze

Tiˇtuˆ 3:2

Aˬ cawˬ-ahˇ ja bu ja doeˇ-eu jeˬ maˬ mˇ-ehˇ, tsaˬ leˇ dzoeˇ leˇ-eu laꞈ kʼoeˇ cawˬ cawˬ taꞈ-eu uˬ taꞈ, tsawˇ haˬ yawˬ gʼaˬ na luꞈ kʼoeˇ taˆ nui ma nahˬ yu ni taˬ-awˬ lehˇ aˬ yawꞈ maꞈ-ahˇ ehˇ nehˬ-awˬ.

Tiˇtuˆ 1:7

Ka li zaˬ aˇ muˇ-ahˇ sheuˬ gʼeh-eu tsawˇ haˬ deuˬ-aˬ, Miˬyehˇ-euˬ gaˇ-ahˇ haw-eu pyaˆ-eu tsawˇ haˬ pyeuꞈ-eu miˇ neh, iˬ baˇ taˬ kʼaˇ maˬ ya bi za-a. Yawˬ ha-euˬ nui noeˬ geuꞈ-eu, nui ma nymˇ-eu, aˬ gaꞈ dzaˇ uiˇ dawˇ yehꞈ-eu, aˬ cawˬ-ahˇ dawꞈ-eu ceh-eu, pyuˇ-ahˇ mehˇ juiˇ juiˇ-eu, heu loꞈ-ehˇ gʼeh-eu tsawˇ haˬ maˬ ya bi pyeuꞈ-a.

1 Teˇsaˬloˇni 2:7

Maˇ maˇ ni ehˇ naˇ, nga maꞈ Ka li-euˬ gʼaˬ kʼehˇ pyeuꞈ-eu miˇ neh nga maꞈ neh mˇ-euˬ aˇ poeˬ shaˇ-eu a kawˬ-aˬ jaˆ ma. Ehˇ kʼawꞈ, naw maꞈ nehˬ-ehˇ nga maꞈ jawˇ ngeh, aˬ ma tiˬ gʼaˬ zaˬ nahˬ-ahˇ bo saˆ-eu loꞈ-ehˇ nahˬ yu ni mˇ-euˬ ma.

1 Tiˆmoˇseˬ 6:11

Ehˇ kʼawꞈ, Miˬyehˇ-euˬ tsawˇ haˬ pyeuꞈ-eu nawˇ-aˬ, heu deuˬ dawˬ tawˆ luꞈ-ahˇ gaˇ jaw jaw-awˬ. Yaw tsaˬ yaw dawˇ jeˬ, Miˬyehˇ-ahˇ yaw zeu baw-eu jeˬ, jah-eu jeˬ, gʼoeˇ-eu gaˬ-eu jeˬ, daˬ coeˇ oˇ coeˇ-eu jeˬ, nui nahˬ nui yu ahˇ-eu jeˬ, heu deuˬ-ahˇ leh jeh dui dui-awˬ.

Gawˇlawˇsehˇ 3:13

Tiˬ gʼaˬ tiˇ gʼaˬ oˇ-awˬ. Iˬ baˇ taˬ kʼaˇ za laˇ ngeh, tiˬ gʼaˬ tiˇ gʼaˬ iˬ baˇ pyehˬ-awˬ. Sahˬpaˬ Yeˬsuˇ naw maꞈ-ahˇ iˬ baˇ pyehˬ nehˬ laꞈ-euˬ loꞈ-ehˇ, tiˬ gʼaˬ tiˇ gʼaˬ iˬ baˇ pyehˬ-awˬ.

Piˇliˇpiˆ 2:14

Kʼaˇ mˇ kʼaˇ shaˇ-eu jeˬ laꞈ kʼoeˇ, tiˬ gʼaˬ tiˇ gʼaˬ dawˬ gʼoꞈ maˬ doˆ-ehˇ, tsawˇ pyehˇ maˬ pyehˇ ni mˇ-awˬ.

Piˇliˇpiˆ 2:3

Yawˬ ha-euˬ nui kʼahˇ gʼaˇ duˬ tehꞈ-ehˇ shaˇ noeˬ-eu jeˬ maˬ ehˇ, yawˬ ha-ahˇ aˬ cawˬ bi noeˬ huiˬ-eu gʼaˇ duˬ kʼahˬ sehˇ jehˆ-eu jeˬ maˬ ehˇ, tiˬ pawꞈ-iˬ taˬ mˇ. Ehˇ kʼawꞈ, tiˬ gʼaˬ tiˇ gʼaˬ nui ma nahˬ yu ni taˬ-awˬ. Aˬ cawˬ naˆ maˬ tseˇ maˬ gaˇ ma lehˇ noeˬ-eu nui ma taˬ bi ahˇ.

Eˇpeˇsu 4:2

Aˬ myah luꞈ nui nahˬ nui yu ahˇ-awˇ laꞈ oꞈ awꞈ-eu laꞈ kʼoeˇ, nui ma gʼawˬ mahˇ ni taˬ-awˬ. Goeˇ-eu gaˬ-eu laꞈ kʼoeˇ tiˬ gʼaˬ tiˇ gʼaˬ oˇ-awˬ.

1 Beˬtuˆluˆ 3:8

Aˇ saˬ saˬ-eu dawˬ-aˬ, heu loꞈ-ehˇ ma. Naw maꞈ nui noeˬ taꞈ-awˇ, nui ma gm-awˬ. Ti gʼaˬ tiˇ gʼaˬ aˬ yuiꞈ aˬ nyiˇ loꞈ-ehˇ gaˬ-awˬ. Tiˬ gʼaˬ tiˇ gʼaˬ gʼawˬ shaˬ gaˬ-awˇ nui nahˬ nui yu ahˇ-awˬ.

Yaˬkoˆ 3:17

Ehˇ kʼawꞈ, mˬ-ahˇ neh doˆ le-euˬ zaˬ siˬ tsawˇ gahˇ gaˇ kawˆ ya ehˇ naˇ, yaw beh tiˬ jeˬ-aˬ, muiˬ-eu shawˇ-eu jeˬ meh. Kʼoeˇ jiˇ naˇ, tsaˬ leˇ dzoeˇ leˇ-eu, nui nahˬ nui yu ahˇ-eu, bya cehˆ ni cawˬ cawˬ taꞈ-eu heu deuˬ meh. Gʼawˬ shaˬ gaˬ-eu nui ma tiˬ byah ni ahˇ-awˇ, yaw muiˬ jeˬ mˇ doˆ shaˇ doˆ laꞈ-eu meh. Myaˆ pyawˬ huiˬ nyiˇ maˬ tseˇ-eu uˬ taꞈ, nui ma laꞈ gʼoꞈ maˬ baw-a.

Tiˇtuˆ 1:9

Jah-eu jeˬ-ahˇ tsaˬ-eu jah coeˇ paˬ-ehˇ gʼeh-eu Miˬyehˇ dawˬ kawˬ-ahˇ ziꞈ dah ni ya tuˆ tehˬ taˬ-eu meh. Kʼoeˇ loꞈ-ehˇ tuˆ tehˬ taˬ-eu laꞈ kʼoeˇ, maˇ maˇ ni tsaˬ-eu jeˬ mehˬ-awˇ aˬ cawˬ-ahˇ gʼaˬ biꞈ nehˬ nya-eu uˬ taꞈ, maˬ naˇ haˬ geuꞈ-eu tsawˇ haˬ deuˬ-ahˇ aˬ yawꞈ maꞈ-euˬ yaw lehˬ mawˇ leˇ ni toeˬ mehˬ nya-eu tsawˇ haˬ ya bi pyeuꞈ meh.

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

Gʼaˬkʼehˇ 7:26

Yawˬ nah yawˬ Iˇsaˬleˬlaˆ tsawˇ haˬ nyiˬ gʼaˬ yaw kaˬ ceh luꞈ gaˇ aˬ yawꞈ mawˇ-awˇ, aˇ kaˬ piˇ nehˬ-eu laꞈ kʼoeˇ, ‘Naˇ haˬ sheˇ. Iˇsaˬleˬlaˆ tsawˇ haˬ cawˬ cawˬ aˬ jeˬ miˇ neh teu loꞈ-ehˇ ceh dzaˬ te’ lehˇ ehˇ nehˬ-euˬ meh.

Maꞈtehˬ 12:19

Tsawˇ pyehˇ pyehˇ-awˇ guˇ gʼaˬ-eu jeˬ, gaˇ ma doe ni lawꞈ gʼa-eu jeˬ, aˬ yawꞈ tiˬ jawˇ-iˬ maˬ jahˇ-aˇ.

Yaˬkoˆ 4:2

Naw maꞈ nui kʼahˇ jaˆ-eu jeˬ-ahˇ naw maꞈ maˬ za nya-eu miˇ neh aˬ cawˬ-ahˇ sehꞈ-eu meh. Naw maꞈ mawꞈ dui dui-eu jeˬ-ahˇ maˬza nya-eu miˇ neh iˬ dehˬ iˬ ceh doˆ laˇ-eu meh. Naw maꞈ Miˬyehˇ-ahˇ maˬ shaˇ-eu miˇ neh yawˬ haˬ geuꞈ mawꞈ-eu jeˬ-ahˇ maˬ za nya-a.

Yaˬkoˆ 1:1

Miˬyehˇ hawˇ-eu Sahˬpaˬ Yeˬsuˇ Ka li-euˬ zaˬ kʼaˆ pyeuꞈ-eu ngaˇ Yaˬkoˆ, Miˇ tsaˬ heu kʼoeˇ taˆ jawˇ byaˆ taˬ-euˬ Miˬyehˇ-euˬ tsawˇ haˬ dawˬ tawˆ luꞈ-ahˇ dawˬ cawˬ puˬ ahˇ laꞈ-eu ma.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Yuˇdaˆ 1:3

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, aˬ dui dawˬ tawˆ luꞈ-ahˇ taꞈ-eu ka kʼoꞈ-eu jeˬ gaˇ kawˆ, ngaˇ kʼaˇ gʼeh nya-eu loꞈ-ehˇ boꞈ ahˇ laꞈ-eu ma. Miˬyehˇ neh aˬ yawꞈ-euˬ tsawˇ haˬ deuˬ-ahˇ mˬ maˬ maˬ byaˆ zaˇ ziˇ tiˬ poˆ tehꞈ-ehˇ biꞈ-euˬ jah-eu jeˬ gʼaˇ duˬ leh jeh dui dui-awˇ deuˆ ceh ceh paˬ-ehˇ gʼeh-eu gaˇ kawˆ, naw maꞈ-ahˇ gʼaˬ biꞈ-eu sahˬ boꞈ yaw kawˇ-ehˇ boꞈ paˬ-ehˇ gʼeh-eu meh lehˇ ngaˇ noeˬ-eu ma.

Gʼaˬkʼehˇ 23:9

Paˬliˬsehˇ aˇ muˇ-ahˇ taꞈ-eu Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ tsawˬ tuˇ laˇ-awˇ ehˇ-eu, “Tsawˇ haˬ heu gʼaˬ-euˬ yaw lehˬ tiˬ jeˬ-iˬ aˬ dui maˬ mawˇ-aˬ. Yaw sahˇ neh maˬ ngeuˇ naˇ, mˬ taˆ gʼaˬ kʼehˇ neh aˬ yawꞈ-ahˇ dawˬ ngehˬ cawˬ-euˬ maˬ siˬ tawˇ.”

Daˬyeˬlaˇ 6:20

Kʼoeˇ gaˇ cehˆ keuˆ ngeh, kʼahˬ lahˇ dui dui-eu laꞈ kʼoeˇ, “Dehꞈ luꞈ-eu Miˬyehˇ-euˬ zaˬ kʼaˆ Daˬyeˬlaˇ-oˇ, nawˇ saˇ jaˇ ziꞈ-awˇ gʼoe-eu nawˬ-euˬ Miˬyehˇ nawˬ-ahˇ aˇ laˬ jaˬ shiˇ neh maˬ bi kawꞈ sehꞈ ni ka kʼoꞈ nehˬ laꞈ mehˬ loˇ” lehˇ guˇ-euˬ meh.

Tiˇtuˆ 1:1

Miˬyehˇ-euˬ zaˬ kʼaˆ hawˇ-eu Yeˬsuˇ Ka li-euˬ gʼaˬ kʼehˇ yeuꞈ-eu ngaˇ Pawˇluˆ heu loꞈ-ehˇ sahˬ boꞈ boꞈ ahˇ leꞈ-eu ma. Miˬyehˇ neh tseˇ doˆ-euˬ tsawˇ haˬ deuˬ-euˬ jah-eu jeˬ-ahˇ caw dehˬ caw toˆ nehˬ-awˇ, aˬ dui-euˬ uˬ duˬ tahˬ-eu zahˇ sahˇ kʼoꞈ heu neh mehˬ taˬ tsoˆ taˬ-euˬ yaw tsaˬ yaw dawˇ jeˬ-ahˇ siˬ nya laˇ ni sheuˬ gʼeh nehˬ-eu gʼaˇ duˬ, ngaˬ-ahˇ tseˇ doˆ-awˇ kʼehˇ gʼeh leꞈ-euˬ meh.

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

2 Gawˇliˬtu 10:4

Nga maꞈ zmˬ luꞈ-eu guiˇ deuˆ-eu keu ka-aˬ, miˇ tsaˬ kʼoeˇ taˆ zmˬ luꞈ-eu guiˇ deuˆ-eu keu ka maˬ ngeuˇ. Nga maꞈ-euˬ guiˇ deuˆ-eu keu ka-aˬ, ziꞈ dah ni gʼeh-eu taˆ deuˬ-ahˇ laˆ cawˆ nehˬ nya-eu Miˬyehˇ-euˬ baoˬ ma. Maˬ tsaˬ maˬ dawˇ gaˇ tsawˇ pyehˇ pyehˇ-eu jeˬ-ahˇ nga maꞈ laˆ cawˆ-eu ma.

Gʼaˬkʼehˇ 15:2

Gaˇ kawˆ kʼoeˇ-ahˇ taꞈ leˇ-awˇ, Pawˇluˆ hawˇ-eu Baˬnaˬbaˇ aˬ nyaꞈ tsawˇ haˬ kʼoeˇ deuˬ nehˬ-ehˇ pyehˇ dui dui-euˬ meh. Kʼoeˇ miˇ neh, gaˇ kawˆ kʼoeˇ hmˬ-ahˇ taꞈ leˇ-awˇ, Pawˇluˆ hawˇ-eu Baˬnaˬbaˇ aˬ nyaꞈ-ahˇ, Aˬdiˇawˬ meuˬ-ahˇ jawˇ-eu tsawˇ haˬ tiˬ paˆ na deuˬ nehˬ-ehˇ Yeˬluˇsaˬlehˬ meuˬ-ahˇ bi iˇ-awˇ, gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ nehˬ-ehˇ bi ja cawˬ-iˇ-eu gʼaˇ duˬ ja tsehˆ-euˬ meh.

2 Laˬsaˬbaˬ 24:6

Kʼoeˇ miˇ neh, aˬ yawꞈ maꞈ kʼoeˇ taˆ aˬ yuiꞈ geuꞈ luꞈ-eu Yeˬhawˇyaˬdaˬ-ahˇ aˬ yawꞈ kuˇ-awˇ ehˇ nehˬ-eu, “Sahˬpaˬ Miˬyehˇ jawˇ-eu Sehˬ gʼawˆ gʼaˇ duˬ Moˇseˬ neh Iˇsaˬleˬlaˆ aˇ maꞈ aˇ muˇ deuˬ-ahˇ bi taꞈ uiˬ-euˬ pyuˇ kʼoeˇ, Leˬbiˇ tsawˇ haˬ deuˬ Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ doe ni iˇ-awˇ taꞈ uiˬ ni, aˬ jeˬ miˇ neh nawˇ maˬ haw maˬ pyaˆ-ehˇ jawˇ te.”

Dawˬmehˬ 34:5

Kʼoeˇ naˇ, Sahˬpaˬ Miˬyehˇ neh ehˇ taˬ-eu loꞈ-ehˇ, Sahˬpaˬ Miˬyehˇ-euˬ zaˬ kʼaˆ Moˇseˬ-aˬ, Mawˇbaˆ miˇ kʼahˬ-ahˇ shiˇ-euˬ meh.

Yoˇhaˬ 6:52

Yeˬsuˇ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ nui ma pehˇ laˇ-awˇ, aˬ yawꞈ maꞈ yaw kaˬ ja dui dui-awˇ ehˇ-eu, “Tsawˇ haˬ teu gʼaˬ aˬ yawꞈ-euˬ gʼawˇ mawˇ aˬ dui-ahˇ biꞈ-awˇ aˬ joˆ-ehˇ bi dzaˬ nya-eu lehˇ ehˇ ta.”

Yawˇshuˆ 1:1

Sahˬpaˬ Miˬyehˇ-euˬ zaˬ kʼaˆ Moˇseˬ shiˇ dzeuˇ ngeh, Moˇseˬ-ahˇ caw ba-eu gʼaˬ pyeuꞈ-eu Nuˬ-euˬ aˬ li Yawˇ shuˆ-ahˇ Sahˬpaˬ Miˬyehˇ dawˬ ngehˬ cawˬ-euˬ meh.

2 Gawˇliˬtu 6:4

Ehˇ kʼawꞈ, kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nga maꞈ Miˬyehˇ-euˬ zaˬ kʼaˆ pyeuꞈ-eu gaˇ kawˆ aˬ cawˬ-ahˇ mawˇ leˇ ni, shaˬ-eu zahˬ-eu jeˬ, noeˬ dui noeˬ duiˇ-eu jeˬ, nui ma shaˬ zahˬ naꞈ-eu jeˬ, heu deuˬ-ahˇ oˇ oˇ-ehˇ daˬ dui dui luꞈ ma.